رومیان 7
7
الْتَحرّیر مِن الْشَریعَه
1یا أخوتي، هَلْ ما تِدرون إلْلي الْشَریعه لِحَد وَکِت تِحکُم عَلَیٰ الْإنسان إلْلي الْإنسان بَعَدهو حَيّ؟، لِأن أتکَلَّم مَعَ أشخاص إلْلي یِعِرفون الْشَریعه. 2الْمَراء الْمِتزَوجه تَربَطها الْشَریعه بي رَیِلها مادَام حَیّ. أمَّن لو رَیِلها یِمُوت، الْمَراء تِتْحَرَّر مِن رُباط شَریعَة الزَّواج. 3چا لو وَکِت إلْلي رَیِلها حَیّ، إتْناسِب غِیر زِلمه، یِدعونها زانیَه. أمَّن لو رَیِلها یِمُوت، تِتْحَرَّر مِن هَي الْشَریعه، وَ إذا إتْناسِب غِیر زِلمه، ما تِنْحِسِب زانیَه.
4بي هِل صُورَه، یا أخوتي، أنتُم هَم مِتْتُوا لِلْشَریعه بي واسِطَة جَسَد الْمَسیح، خاطِر تِتَّصلون مَعَ غِیر شَخُص، مَعَ ذاک إلْلي إسْتَحیَّیٰ مِن الْأموات، خاطِر نِثْمَر لِلْإلَه. 5لِأن وَکت إلْلي چِنَّا إنْعیش بي الْجِسِم، شَهَوات الْمُذنَبه إلْلي الْشَریعه چانَت إتْهَیُّضها، چانِن یِعِملِن بي أعضائنا خاطِر نِثْمَر لِلْمُوت. 6أمَّن هَسّه بي الْمُوت بي شي إلْلي چِنَّا مَربوطین بيه، إتحَرَّرنا مِن الْشَریعه خاطِر هِیچي نِخدِم روح الْإلَه بي طَریقه الْیِدیده مو ذاک طَریق الْقَدیم إلْلي مو شي غِیر کِتابه.
الْشَریعه وَ الْذَنِب
7چا شِنْگول؟ هَلْ الْشَریعه ذَنِب؟ حاشا! إذا ما چانَت الْشَریعه، أبَد چا ما عِرَفِت شِنْهو الْذَنِب. لِأن لو الْشَریعه ما چانَت گایلَّه «لا تُطمَع» چان ما گِدَرِت أعرُف مَعني الطُمَع. 8أمَّن الْذَنِب بي إستِغال مِن هَذ حُکم الْشَریعه، صارِت لِه فُرصه إلْلي یِثمَر بیِه أي نوع طَمَع. لِأن سَواء الْشَریعه، الْذَنِب مَیِت. 9فِرِد زَمان أنا چِنِت حَيّ بِدون الْشَریعه؛ أمَّن وَکت إلْلي إیّه الْحُکُم، إسْتَحیَّیٰ الْذَنِب وَ أنا مِتِت. 10ذاک حُکُم إلْلي کون یِرشِد لِلَحَیَاة، یاب لي الْمُوت. 11لِأن الْذَنِب إستِغَل الْفُرصه إلْلي الْحُکُم چان خالِقها، غَشني وَ بي واسِطتَه قَتَلني. 12چا، الْشَریعه مُقَدَّسه وَ حُکم الْشَریعه هَم مُقَدَّس وَ صَالِح وَ طَیِب.
13چا هَلْ الْطیبه إتْسِبِّب ألنا الْمُوت؟ حاشا! خاطِر الْذَنِب، إیْبَیِّن إلْلي ذَنِب، وَ بي واسِطَة الْطیبه صار سَبَب مُوتي خاطِر ذاک الْذَنِب مِن طَریق حُکم الْشَریعه چِثیر إیصیر خَبیث.
14إحنَا نِدری إلْلي الْشَریعه روحانیَه، أمَّن أنا إنسان نَفساني وَ کِعَبِد إنْباعِیت لِلْذَنِب. 15أنا ما أدري گاعِد شَعْمِل، لِأن ما أعمِل شي إلْلي أریده، بِل أعمِل شي إلْلي أکُرهه. 16أمَّن لو أعمِل شي إلْلي ما أریده، چا أقبِل إلْلي الْشَریعه طَیبه. 17بي هِل صوره، بَعَد مو أنا إلْلي أعمِل ذاک الْعَمَل، بِل یِعِمله ذَنِب إلْلي ساکن بیِه. 18أنا أدري إلْلي بیِه، یَعني بي نَفسي، وَ لا شي طَیِب ساکِن. لِأن وَلُو رایِد عَمَل ذاک شي إلْلي طَیِب، أمَّن ما أگدَر أعِملَه. 19لِأن ما أعمِل ذاک عَمَل الْطَیِب إلْلي أریده، بِل أعمِل عَمَل الْشَر إلْلي ما أریده وَ مِستِمُر بيه. 20أمَّن إذا أعمِل شي إلْلي ما أریده، إلْلي یِعِملَه بَعَد مو أنا، بَل ذَنِب إلْلي ساکِن بیِه.
21چا إلْگَه هَذا الْقانون، کِل وَکِت إلْلي أرید أعمِل شي خَیر، الْشَر حاضِر عِندي. 22أنا بي الْباطِن فَرحان مِن شَریعَة الْإلَه، 23أمَّن أشوف قانون آخَر بي أعضائي إلْلي یِحارَب مَعَ شَریعه إلْلي عَگلي یِقبَلها وَ یِأسِّرني لِقانون الْذَنِب إلْلي ساکِن بي أعضائي. 24آه إلْلي أنا أشْگد فُگُر! یاهو إلْلي یِحَرَّرني مِن هَذ جِسم الْمُوت؟ 25الْشُکُر لِلْإلَه بي واسِطَة رَبّنا عیسیٰ الْمَسیح!
أنا بي عَگلي أعبِد شَریعَة الْإلَه، أمَّن بي نَفسي أعبِد قانون الذَنِب.
Currently Selected:
رومیان 7: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
