رومیان 5
5
السَّلام مَعَ الْإلَه، مِن طَریق الْإیمان
1چا چِن مِن طَریق الْإیمان إنْحَسَبنا صَالِحین، عَندنا السَّلام مَعَ الْإلَه بي واسِطَة رَبّنا عیسیٰ الْمَسیح. 2إحنَا بي واسِطتَه، وَ مِن طَریق الْإیمان، حَصَلنا نِعمَه إلْلي هَسّه ثابتین بیها، وَ بي أمَل الْشَراکه بي مَجد الْإلَه نِفتِخِر. 3مو بِس هَي، بِل بي الْصُعوبات هَم نِفتِخِر، لِأن نِعرُف إلْلي الْصُعوبات یِثِمرَن الْصَبُر 4وَ الْصَبُر، یِبْني الْثَقافه، وَ الْثَقافه تِثْمَر الْأمَل؛ 5وَ هَذا الْأمَل ما یِخَجِلنا، لِأن مَحَبَّة الْإلَه بي واسِطَة روح الْقُدُس إلْلي مِنْعَطیَه ألنَا، مَصبوبه بي گُلوبنا.
6وَکت إلْلي إحنَا چِنَّا ضُعَفاء، الْمَسیح بي زَمان مُناسب مات لِخاطِر الْغِیر مُؤمِنین. 7لِأن قَلیل إیصیر أحَد یِموت لِخاطِر شَخُص صَالِح، وَلُو مُمکِن أحَد عَنده هَي الْشَهامه إلْلي یِموت لِخاطِر إنسان طَیِب، 8أمَّن الْإلَه بي شِکِل ثَبَّت ألنَا مَحَبّتَه إلْلي إحنَا بَعَدنا چِنَّا مُذنَبین، الْمَسیح مات ألنَا. 9هَسّه إلْلي بي واسِطَة دَمَّه إنْحَسَبنا صَالِحین، چا إشْگد أکثَر بي واسِطتَه راح نِنْجَح مِن غَضَب الْإلَه. 10لِأن لِحَد وَکت إلْلي چِنَّا أعداء، بي واسِطَة موتَة ابنَه إتصالَحنا مَعَ الْإلَه، إشْگد أکثَر هَسّه إلْلي مِتْصَالحین، راح نِنْجَح بي واسِطَة حَیَاته. 11مو بِس هَي، بِل إحنَا بي واسِطَة رَبّنا عیسیٰ الْمَسیح إلْلي بي سَبَبه حَصَلنا عَلَیٰ الْصُلح، بي الْإلَه هَم نِفتِخِر.
الْمُوت بي واسِطَة آدَم، الْحَیَاة بي واسِطَة الْمَسیح
12چا، مِثِل ما الْذَنب بي واسِطَة فِرِد إنسان دَخَل الْعالَم، وَ بي واسِطَة الْذَنب، إیّه الْمُوت، وَ بي هِل شِکِل الْمُوت صاب جَمیع النَّاس، مِنَّاک إلْلي الْجَمیع ذِنْبُوا 13لِأن بي الْحَقیقه الْذَنِب چان بي الْعالَم گَبُل لا الْشَریعه تِنْعُطي، أمَّن الْذَنِب ما یِنْحِسِب، مَکان إلْلي ماکو شَریعه. 14بي هِل حال، مِن آدَم لِحَد مُوسیٰ، الْمُوت چان حاکِم عَلَیٰ الْجَمیع، حَتَّیٰ عَلَیٰ أشخاص إلْلي ذَنوبهُم ما چانَن مِثِل خَطاء آدَم. آدَم، چان نَموذَج شَخُص إلْلي کون ایّي.
15أمَّن الْعَطیَّه مو مِثِل الْعُصیَان. لِأن لو بي واسِطَة عُصیَان فِرِد شَخُص چِثیرین ماتُوا، إشْگد أکثَر نِعمَة الْإلَه وَ عَطیَّه إلْلي بي واسِطَة نِعمَة فِرِد إنسان، یَعني مِن طَریق نِعمَة عیسیٰ الْمَسیح حِصلَت، وَ بي کِثرَه شِمْلَت حال چِثیرین. 16صَدُگ إلْلي هَي الْعَطیَّه مو مِثِل نَتیجَة ذَنِب فِرِد شَخُص. لِأن الْعَقاب نِزَل بَعَد ما صارَت فِرِد مَعصیَه وَ إنْتِهَت لِلْمَحکومیَه، أمَّن الْعَطیَّه إیِّت بَعَد ما صار عُصیَان چِثیر وَ یَابِّت الْصَالِحیَّه. 17لِأن لو بي واسِطَة عُصیَان فِرِد إنسان، الْمُوت حُکَم مِن طَریق ذاک الْواحَد، إشْگد أکثَر ذاکول إلْلي حَصُلوا چِثرَة نِعمَة الْإلَه وَ عَطیَّة الْصَالِحیَّه، بي سَبَب ذاک الْإنسان الْآخَر یَعني عیسیٰ الْمَسیح، راح یِتْسَلطَنون بي الْحَیَاة.
18چا مِثِل ما فِرِد عُصیَان إنْتَهیٰ بي مَحکومیَة جَمیع النَّاس، فِرِد عَمَل صَالِح هَم یِنْتِهي لِلْصَالحیَّه وَ حَیَاة جَمیع النَّاس. 19لِأن مِثِل ما بي واسِطَة عُصیَان فِرِد إنسان، چِثیرین صارُوا مُذنِبین، بي واسِطَة إطاعَة فِرِد إنسان هَم چِثیرین راح إیصیرون صَالِحین.
20هَسّه إیِّت الْشَریعه خاطِر یِکثَر الْعُصیَان؛ أمَّن مَکان إلْلي کُثَر الْذَنِب، چِثیر کُثرَت الْنِعمَه. 21خاطِر مِثِل ما الْذَنِب حُکَم بي الْمُوت، الْنِعمَه هَم تُحکُم بي الْصَالحیَّه وَ بي واسِطَة رَبّنا عیسیٰ الْمَسیح، تِنْتِهي لِحَیَاة الْأبَدیَّه.
Currently Selected:
رومیان 5: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
