مَتّی 26
26
مُؤامَرَة قَتل عیسیٰ
1مِن عیسیٰ خَلَّص مِن کِل هَذا الْحَچي، گال لِتِلامیذه: 2«تِدرون إلْلي بَعَد یُومِین یُوصَل عید الْپِسَخ وَ راح یِسَلّمون ابن الْإنسان خاطِر یِنصُلُب.»
3چا کُبار کاهِنین الْمَعبَد وَ الْمَشایِخ إتْجَمِّعَوا بي قَصُر کاهِن الْأعظَم إلْلي أسمه چان قیافا 4وَ إستَشارُوا إلْلي إشْلون بي حیله، یِکُضّون عیسیٰ وَ یِقِتلونه. 5أمَّن چانُوا ایگولون: «مو بي أیَّام الْعید، خاف النَّاس یهیضون.»
تَدهین عیسیٰ بي بَیت عَنْیا
6بي ذاک وَکِت إلْلي عیسیٰ چان بي بَیت عَنْیا، چان بي بَیت شَمعون الْجُذامي، 7إیِّت یِمَّه مَراء إلْلي چان بي إیدها ماعون مَرمَر، مِتْروس مِن عُطُر غالي الْثَمَن، وَ وَکت إلْلي عیسیٰ چان گاعِد عَلَیٰ السُّفره، چِبِّت الْعُطُر عَلَیٰ رَأسه. 8التِّلامیذ مِن شافُوا هِیچي غُضبُوا وَ گالُوا: 9«إلمَن هَذا الْأسراف؟ چان مُمکِن یِنْباع بي ثِمِن غالي وَ یِنْعُطي ثَمَنه لِلْفُقَراء.» 10عیسیٰ عِلَم وَ گال: «لِیش إتْزَعلون هَي الْمَراء؟ هیَّه عِملَت عَمَل زِین بِحَگّي. 11لِأن الْفُقَراء یکونون مَعکُم بي کِل زَمان، أمَّن أنا کِل وَکِت ما راح أکون مَعَکُم. 12هَي الْمَراء مِن چِبَّت الْعُطُر عَلَیٰ جِسمي، بي الْحَقیقه جَهِّزَتني لِلتَّدفین. 13وَ بِالْحَق أگول ألکُم، بي کِل الْعالَم، وَین ما تِنْعِلِن هَي الْأبشاره، راح یِنْذُکُر هم عَمَل هَي الْمَراء.
خیانَة یَهُودا
14بَعدِین یَهُودا الْأسخَریوطي إلْلي چان واحَد مِن أثنَعَش تِلمیذ، راح عِند کُبار الْکاهِنین 15وَ گال: «إش راح تُنْطوني لُو أسِلِّمکُم عیسیٰ؟» چا هُمّا أنطُوه ثِلاثین سِکّه مِن فُضَّه. 16وَ من ذاک الْوَکت، یَهُودا چان یِدَوِّر فُرصَه خاطِر یِسَلِّم عیسیٰ.
عَشاء الْپِسَخ
17بي أوَّل یُوم مِن عید الْفَطیر إلْلي هُوَّ عید الْپِسَخ، التِّلامیذ إیَّوا یِم عیسیٰ وَ سِألُوا: «وُین إترید إنْجِهِز لَک عَشاء الْپِسَخ لِتَأکِل؟» 18هُوَّ گال ألهُم یِرْحون لِلْمَدینه، عِند إفْلان شَخُص وَ ایگولون لِه: «الْمُعَلِّم ایگول: ”إتْگَرَّب وَکتي. أرید أعمِل رَسم الپِسَخ مَعَ تِلامیذي بي بِیتَک.“» 19التِّلامیذ عِملُوا مِثِل ما عیسیٰ چان گایِل ألهُم، وَ جَهِّزُوا عَشاء الْپِسَخ.
20صار اللِّیل وَ عیسیٰ مَعَ أثنَعَش تِلامیذه گَعَد عَلَیٰ السُّفره. 21بِین أکل الْعَشاء، عیسیٰ گال: «بِالْحَق، أگِلکُم، واحَد مِنکُم راح یِسَلِّمني لِلْعَدو.» 22التِّلامیذ چثیر حِزنُوا وَ واحَد مِن بَعد الثَّاني سِألوا مِنَّه: «أنا خُو مو ذاک الْشَخُص، یا سِیِّدي؟» 23عیسیٰ جاوب: «ذاک إلْلي یِحُط إیده وَیَّاي بي فِرِد طاسه، ذاک هُوَّ الْلي راح یِسَلِّمني. 24ابن الْإنسان، مِثِل ما إمقَدَّر لِه، ایصیر لِه، أمَّن یا وَیل عَلَیٰ ذاک إلْلي یِسَلِّم ابن الْإنسان لِلْعَدو. إیکون لِه أحسِن إلْلي أبَد ما چان مِتوَلِّد.» 25هِنّوب یَهُودا، مُسَلِّمه، گال بي الْجَواب: «یا مُعَلِّم، هل هُوَّ أنا؟» عیسیٰ گال: «أنتَ بي نَفسَک گِلِت!»
26مِن بَعَدهُم چانُوا مَشْغولین بي أکل الْعَشاء، عیسیٰ کَض الْخُبُز وَ بَعَد ما شِکَر الْإلَه، ثِلَمه وَ أنْطه لِلتِّلامیذ وَ گال: «کُضّوا، أکلوا؛ هَذا جِسمي.» 27بَعدِین کَض الْکَأس وَ بَعَد ما شِکَر الْإلَه، أنْطه لِلتِّلامیذ وَ گال: «کِلکُم أشُربوا مِن هَذ. 28هَذا دَمّي لِعَهد إلْلي لِخاطِر مَغفِرَة ذُنوب چِثیرین یِنچَب. 29أگِلکُم إلْلي بَعَد ما راح أشرَب مِن هَذ مَحصول الْعَنَب، لِحَد یُوم إلْلي أشُربه وَیَّاکُم جديدًا بي مَلَکوت أبي.»
30وَ هِنّوب مِن بَعَد قَراءة تَرنیمه، راحُوا صُوب یِبَل زِیتون.
نُبُوَّة أنکار پِطرُس
31وَ هِنّوب عیسیٰ گال ألهُم: «اللِّیله مِن أجلي کِلکُم تِعِثرون. لِأن مِکتوب،
«”راح أضْرُب الرَّاعي
وَ راح یِتْطَشِرَن طُلیان الْقَطیع.“
32أمَّن مِن بَعَد قیامي، راح أسْبُگْکُم إلَیٰ مَنطَقة الْجَلیل.» 33پِطرُس بي الْجَواب گال: «حَتَّیٰ لُو الْکِل یِعثَر مِن أجلَک، أنا أبَد ما راح أعثَر.» 34عیسیٰ گِلَّه: «بِالْحَق، أگِل لِک إلْلي اللِّیله، گَبُل لا الدّیچ یصیح، ثِلِث مَرَّات راح تِنْکُرني!» 35أمَّن پِطرُس گال: «حَتَّیٰ لُو لازِم أموت مَعَک، ما راح أنُکرَک.» وَ باجي التِّلامیذ هَم هِیچي گالُوا.
عیسیٰ بي بِستان جِتْسیماني
36وَ بَعدِین عیسیٰ مَعَ تِلامیذه راح لِمَکان بي أسِم جِتْسیماني وَ گال ألهُم: «گِعدوا أهنا خاطِر أروح أهناک أنْدِعي.» 37بَعدِین خِذَه پِطرُس وَ أثنَین أولاد زِبِدي مَعَه وَ حِزَّن وَ إتوَتَّر، 38وَ گال ألهُم: «نَفسي مِتْروسه مِن الْهَم لِحَد المُوت. ضُلَّوا أهنا وَ أسهَروا مَعَي.» 39وَ بَعَد إشْوَي راح جِدَّام وَ عَلَیٰ وَیهه طاح بي الْتَراب وَ إندَعیٰ: «یا أباه، لُو مُمکِن عَبُّر مِنّي هَذا الْکَأس، أمَّن مو بي رادتي، بَل بي رادتَک.» 40بي ذاکِ الْوَکِت رِجَع یِم تِلامیذه وَ شافهُم نایمین. چا گال لِپِطرُس: «ما گِدَرتوا تِسِهرون ساعه مَعَي؟ 41أسِهروا وَ إندِعوا خاطِر لا تْطیحون بي الْأمتِحان. الرّوح مِشتاقه، أمَّن الْجِسِم ضَعیف.» 42چا بَعَد مَرَّه راح وَ إنْدِعه: «یا أبي، لُو یِصیر بلا ما أشرب هَذا الْکَأس یِعْبَر مِنّي، چَا خِل إرادتَک إتْصیر.» 43مِن رِجَع، بَعَد مَرَّه شافهُم نایمین، لِأن أعیونهُم چانِن صایرات إثْگال. 44چا تَرَکهُم بي حالهُم وَ رِجَع وَ ثَالِث مَرَّه إنْدِعه نَفس الدُّعاء. 45هِنّوب رِجَع یِم تِلامیذه وَ گال: «بَعَدکُم بي النُّوم وَ تِستِریحون؟ هَسّه إتْگَرُّبَت ساعَة الْإمقَرَّره وَ ابن الْإنسان یِتْسِلَّم بي إید الْمُذنِبین. 46گوموا، خِل إنْروح. هَسّه مُسِلِّمي گَعِد یُوصَل.»
قَبض عیسیٰ
47عیسیٰ بَعده چان یِحچي إلْلي یَهُودا، واحَد مِن ذاکول الْأثنَعَش تِلمیذ، مَعَ جَماعَه چِبیره إلْلي چانُوا حاملین گِرِز وَ سِیف، مِن طَرَف کُبار الْکاهِنین وَ مَشایِخ الْقُوم وُصلَوا مِن الطَّریق. 48وَ مُسِلِّمه، چان حاط نِیشان بِینه وَ بِین إلْلي یَایین مَعَه وَ چَان گایِل ألهُم: «یاهو إلْلي أبوسه، إیکون هُوَّ؛ أمِسکوه.» 49چا إبْسَع إتْگَرَّب إلَیٰ عیسیٰ وَ گال: «سَلام، یا مُعَلِّم!» وَ باسَه. 50عیسیٰ گِلَّه: «یا صاحبي، أعمِل شُغُلتَک.» وَ هِنّوب الْجَماعَه طاحُوا عَلَیٰ عیسیٰ وَ مِسکُوه. 51بي ذیچ الْلَحظه، واحَد مِن إلْلي چان مَعَ عیسیٰ سِلَت السِّیف وَ ضَرَب خادِم کاهِن الْأعظَم وَ گُطَع إذَنه. 52أمَّن عیسیٰ گال لِه: «رَجِع سِیفَک إلَیٰ مَکانه؛ لِأن کِلمَن یِسلِت سِیف، یِنقِتِل بي السِّیف. 53إتْظُن ما أگدَر هَسّه أطْلُب مِن أبي یِرسِل لِمُساعِدَتي أکثَر مِن أثنَعَش جِیش مِن الْمَلائِكه؟ 54أمَّن بي ذیچ الْحاله إشْلون تِتْحَقَّق نَبُوّات کُتُب الْمُقَدَّسه إلْلي ایگولَن هِذِن الْأشیَاء کون ایصیرن؟» 55بي ذاک الْحِین، عیسیٰ گال لِلْجَماعَه: «أنا إمسَیلِبچي إلْلي یَایین تِمِسکونّي بي گِرِز وَ سِیف؟ أنا کِل یُوم چِنِت أگعِد بي الْمَعبَد وَ أعَلِّم وَ ما مِسِکتوني. 56أمَّن هَذا کِلَّه صار خاطِر تتْحَقَّق نَبُوّات الْأنبیَاء.» وَ هِنّوب کِل التِّلامیذ عافُوه وَ شِردُوا.
مُحاکِمَة عیسیٰ بي حُضور شُوراء الْیَهُود
57ذاکول إلْلي چانُوا کاضّین عیسیٰ، خِذُوه عِند قیافا، کاهِن الْأعظَم. أهناک مُعَلِّمین الْتُورات وَ الْمَشایِخ چانُوا مِتْجَمعین. 58أمَّن پِطرُس مِن بِعید چان ایروح وَراء عیسیٰ لِحَد ما وُصَل لِحوش بَیت کاهِن الْأعظَم. دَخَل وَ گَعَد وَیَّا الْحُرّاس خاطِر ایشوف النَّهایَه. 59کُبار الْکاهِنین وَ کِل أهل الشُّوراء چانُوا یِدُورون شَهادَة چِذِب عَلَیٰ عیسیٰ خاطِر یِقِتْلونه؛ 60أمَّن وَلو چِم نَفَر إیَّوا وَ شِهْدُوا بي الْچِذِّب، أمَّن ما إنْقِبلُوا. أخیراً تِقَدِّمُوا شَخصِین 61وَ گالُوا: «هَذا الْزِلمه گایِل، ”أنا أگدَر أهَدِم مَعبَد الْإلَه وَ بي ثِلِث تِیَّام أبْنيه مِن یِدید.“» 62هِنّوب کاهِن الْأعْظم گام وَ گال لِعیسیٰ: «ما تْجاوُب؟ هَذا شِنهي إلْلي یِشِهدون عَلِیک؟» 63أمَّن عیسیٰ چان ساکِت. کاهِن الْأعظَم گِلَّه: «أحَلفِک بي إلَه الْحَيّ گِل ألنا لو أنتَ مَسیح الْمُوعود، ابن الْإلَه.» 64عیسیٰ گال: «أنتَ بي نَفسَک هِیچ إتگول! أمَّن أگِلکُم مِن بَعَد هَسّه إتْشوفون ابن الْإنسان إلْلي گاعِد عَلَیٰ إید یِمنَة الْقُوَّه، وَ ایّي عَلَیٰ غِیم السَّماء.» 65هِنّوب کاهِن الْأعظَم شِگ زیجه وَ گال: «کُفَر! بَعَد شِنهو حاجِتنا لِلشَّاهِد؟ هَسّه سِمَعتوا إلْلي کُفَر، 66شِتْحُکمون؟» گالُوا بي الْجَواب: «یِسْتِحِق الْمُوت!» 67بَعدِین تِفْلُوا بي وَیهه وَ ضُربُوه. وَ بَعَض مِنهُم سِطرُوه، 68وَ چانُوا ایگولون: «یا مَسیح الْمُوعود تِنَبَّأ وَ گول یاهو ضَرَبَک؟»
أنکار پِطرُس
69وَ أمَّن پِطرُس چان بَرّات الْبَیت، چان گاعِد بي الْحوش إلْلي إیِّت خِدَّامه یِمَّه وَ گالَت: «أنتَ هَم چِنِت مَعَ عیسیٰ الْجَلیلي!» 70أمَّن هُوَّ بي حُضور الْجَمیع نِکَر وَ گال: «ما أدري شِنهي إتْگولین!» 71هِنّوب راح صُوب مَدخَل الْبَیت وَ شافِتّه بَعَد خِدَّامه وَ گالِت لِلْحاضِرین: «هَذا الْزِلمه هَم چان مَعَ عیسیٰ النّاصِري!» 72پِطرُس هَي الْمَرَّه هَم نِکَر وَ حِلِف إلْلي «أنا ما أعرُف هَذا الْزِلمه.» 73وَ مِن بَعَد إشْوَیه، مَجموعه إلْلي چانَت موگفه أهناک، إتْگَرِّبُوا وَ گالُوا لِپِطرُس: «ماکو شَک إلْلي أنتَ هَم واحَد مِنهُم! إمْبِینه مِن لَهِجْتَک!» 74بَعدِین پِطرُس ضَل یِلْعَن وَ حِلَف وَ گال: «ما أعرُف هَذا الْزِلمه!» وَ بي ذاک الْحین الدّیچ عوعَه. 75هِنّوب پِطرُس إتذَکَّر حَچية عیسیٰ إلْلي چان گایِله: «گَبُل لا ایعوعي الدّیچ، ثِلِث مَرَّات راح تِنکُرني!» چا طَلَع بَرّا وَ گام یِبچي بي مَراره.
Currently Selected:
مَتّی 26: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
مَتّی 26
26
مُؤامَرَة قَتل عیسیٰ
1مِن عیسیٰ خَلَّص مِن کِل هَذا الْحَچي، گال لِتِلامیذه: 2«تِدرون إلْلي بَعَد یُومِین یُوصَل عید الْپِسَخ وَ راح یِسَلّمون ابن الْإنسان خاطِر یِنصُلُب.»
3چا کُبار کاهِنین الْمَعبَد وَ الْمَشایِخ إتْجَمِّعَوا بي قَصُر کاهِن الْأعظَم إلْلي أسمه چان قیافا 4وَ إستَشارُوا إلْلي إشْلون بي حیله، یِکُضّون عیسیٰ وَ یِقِتلونه. 5أمَّن چانُوا ایگولون: «مو بي أیَّام الْعید، خاف النَّاس یهیضون.»
تَدهین عیسیٰ بي بَیت عَنْیا
6بي ذاک وَکِت إلْلي عیسیٰ چان بي بَیت عَنْیا، چان بي بَیت شَمعون الْجُذامي، 7إیِّت یِمَّه مَراء إلْلي چان بي إیدها ماعون مَرمَر، مِتْروس مِن عُطُر غالي الْثَمَن، وَ وَکت إلْلي عیسیٰ چان گاعِد عَلَیٰ السُّفره، چِبِّت الْعُطُر عَلَیٰ رَأسه. 8التِّلامیذ مِن شافُوا هِیچي غُضبُوا وَ گالُوا: 9«إلمَن هَذا الْأسراف؟ چان مُمکِن یِنْباع بي ثِمِن غالي وَ یِنْعُطي ثَمَنه لِلْفُقَراء.» 10عیسیٰ عِلَم وَ گال: «لِیش إتْزَعلون هَي الْمَراء؟ هیَّه عِملَت عَمَل زِین بِحَگّي. 11لِأن الْفُقَراء یکونون مَعکُم بي کِل زَمان، أمَّن أنا کِل وَکِت ما راح أکون مَعَکُم. 12هَي الْمَراء مِن چِبَّت الْعُطُر عَلَیٰ جِسمي، بي الْحَقیقه جَهِّزَتني لِلتَّدفین. 13وَ بِالْحَق أگول ألکُم، بي کِل الْعالَم، وَین ما تِنْعِلِن هَي الْأبشاره، راح یِنْذُکُر هم عَمَل هَي الْمَراء.
خیانَة یَهُودا
14بَعدِین یَهُودا الْأسخَریوطي إلْلي چان واحَد مِن أثنَعَش تِلمیذ، راح عِند کُبار الْکاهِنین 15وَ گال: «إش راح تُنْطوني لُو أسِلِّمکُم عیسیٰ؟» چا هُمّا أنطُوه ثِلاثین سِکّه مِن فُضَّه. 16وَ من ذاک الْوَکت، یَهُودا چان یِدَوِّر فُرصَه خاطِر یِسَلِّم عیسیٰ.
عَشاء الْپِسَخ
17بي أوَّل یُوم مِن عید الْفَطیر إلْلي هُوَّ عید الْپِسَخ، التِّلامیذ إیَّوا یِم عیسیٰ وَ سِألُوا: «وُین إترید إنْجِهِز لَک عَشاء الْپِسَخ لِتَأکِل؟» 18هُوَّ گال ألهُم یِرْحون لِلْمَدینه، عِند إفْلان شَخُص وَ ایگولون لِه: «الْمُعَلِّم ایگول: ”إتْگَرَّب وَکتي. أرید أعمِل رَسم الپِسَخ مَعَ تِلامیذي بي بِیتَک.“» 19التِّلامیذ عِملُوا مِثِل ما عیسیٰ چان گایِل ألهُم، وَ جَهِّزُوا عَشاء الْپِسَخ.
20صار اللِّیل وَ عیسیٰ مَعَ أثنَعَش تِلامیذه گَعَد عَلَیٰ السُّفره. 21بِین أکل الْعَشاء، عیسیٰ گال: «بِالْحَق، أگِلکُم، واحَد مِنکُم راح یِسَلِّمني لِلْعَدو.» 22التِّلامیذ چثیر حِزنُوا وَ واحَد مِن بَعد الثَّاني سِألوا مِنَّه: «أنا خُو مو ذاک الْشَخُص، یا سِیِّدي؟» 23عیسیٰ جاوب: «ذاک إلْلي یِحُط إیده وَیَّاي بي فِرِد طاسه، ذاک هُوَّ الْلي راح یِسَلِّمني. 24ابن الْإنسان، مِثِل ما إمقَدَّر لِه، ایصیر لِه، أمَّن یا وَیل عَلَیٰ ذاک إلْلي یِسَلِّم ابن الْإنسان لِلْعَدو. إیکون لِه أحسِن إلْلي أبَد ما چان مِتوَلِّد.» 25هِنّوب یَهُودا، مُسَلِّمه، گال بي الْجَواب: «یا مُعَلِّم، هل هُوَّ أنا؟» عیسیٰ گال: «أنتَ بي نَفسَک گِلِت!»
26مِن بَعَدهُم چانُوا مَشْغولین بي أکل الْعَشاء، عیسیٰ کَض الْخُبُز وَ بَعَد ما شِکَر الْإلَه، ثِلَمه وَ أنْطه لِلتِّلامیذ وَ گال: «کُضّوا، أکلوا؛ هَذا جِسمي.» 27بَعدِین کَض الْکَأس وَ بَعَد ما شِکَر الْإلَه، أنْطه لِلتِّلامیذ وَ گال: «کِلکُم أشُربوا مِن هَذ. 28هَذا دَمّي لِعَهد إلْلي لِخاطِر مَغفِرَة ذُنوب چِثیرین یِنچَب. 29أگِلکُم إلْلي بَعَد ما راح أشرَب مِن هَذ مَحصول الْعَنَب، لِحَد یُوم إلْلي أشُربه وَیَّاکُم جديدًا بي مَلَکوت أبي.»
30وَ هِنّوب مِن بَعَد قَراءة تَرنیمه، راحُوا صُوب یِبَل زِیتون.
نُبُوَّة أنکار پِطرُس
31وَ هِنّوب عیسیٰ گال ألهُم: «اللِّیله مِن أجلي کِلکُم تِعِثرون. لِأن مِکتوب،
«”راح أضْرُب الرَّاعي
وَ راح یِتْطَشِرَن طُلیان الْقَطیع.“
32أمَّن مِن بَعَد قیامي، راح أسْبُگْکُم إلَیٰ مَنطَقة الْجَلیل.» 33پِطرُس بي الْجَواب گال: «حَتَّیٰ لُو الْکِل یِعثَر مِن أجلَک، أنا أبَد ما راح أعثَر.» 34عیسیٰ گِلَّه: «بِالْحَق، أگِل لِک إلْلي اللِّیله، گَبُل لا الدّیچ یصیح، ثِلِث مَرَّات راح تِنْکُرني!» 35أمَّن پِطرُس گال: «حَتَّیٰ لُو لازِم أموت مَعَک، ما راح أنُکرَک.» وَ باجي التِّلامیذ هَم هِیچي گالُوا.
عیسیٰ بي بِستان جِتْسیماني
36وَ بَعدِین عیسیٰ مَعَ تِلامیذه راح لِمَکان بي أسِم جِتْسیماني وَ گال ألهُم: «گِعدوا أهنا خاطِر أروح أهناک أنْدِعي.» 37بَعدِین خِذَه پِطرُس وَ أثنَین أولاد زِبِدي مَعَه وَ حِزَّن وَ إتوَتَّر، 38وَ گال ألهُم: «نَفسي مِتْروسه مِن الْهَم لِحَد المُوت. ضُلَّوا أهنا وَ أسهَروا مَعَي.» 39وَ بَعَد إشْوَي راح جِدَّام وَ عَلَیٰ وَیهه طاح بي الْتَراب وَ إندَعیٰ: «یا أباه، لُو مُمکِن عَبُّر مِنّي هَذا الْکَأس، أمَّن مو بي رادتي، بَل بي رادتَک.» 40بي ذاکِ الْوَکِت رِجَع یِم تِلامیذه وَ شافهُم نایمین. چا گال لِپِطرُس: «ما گِدَرتوا تِسِهرون ساعه مَعَي؟ 41أسِهروا وَ إندِعوا خاطِر لا تْطیحون بي الْأمتِحان. الرّوح مِشتاقه، أمَّن الْجِسِم ضَعیف.» 42چا بَعَد مَرَّه راح وَ إنْدِعه: «یا أبي، لُو یِصیر بلا ما أشرب هَذا الْکَأس یِعْبَر مِنّي، چَا خِل إرادتَک إتْصیر.» 43مِن رِجَع، بَعَد مَرَّه شافهُم نایمین، لِأن أعیونهُم چانِن صایرات إثْگال. 44چا تَرَکهُم بي حالهُم وَ رِجَع وَ ثَالِث مَرَّه إنْدِعه نَفس الدُّعاء. 45هِنّوب رِجَع یِم تِلامیذه وَ گال: «بَعَدکُم بي النُّوم وَ تِستِریحون؟ هَسّه إتْگَرُّبَت ساعَة الْإمقَرَّره وَ ابن الْإنسان یِتْسِلَّم بي إید الْمُذنِبین. 46گوموا، خِل إنْروح. هَسّه مُسِلِّمي گَعِد یُوصَل.»
قَبض عیسیٰ
47عیسیٰ بَعده چان یِحچي إلْلي یَهُودا، واحَد مِن ذاکول الْأثنَعَش تِلمیذ، مَعَ جَماعَه چِبیره إلْلي چانُوا حاملین گِرِز وَ سِیف، مِن طَرَف کُبار الْکاهِنین وَ مَشایِخ الْقُوم وُصلَوا مِن الطَّریق. 48وَ مُسِلِّمه، چان حاط نِیشان بِینه وَ بِین إلْلي یَایین مَعَه وَ چَان گایِل ألهُم: «یاهو إلْلي أبوسه، إیکون هُوَّ؛ أمِسکوه.» 49چا إبْسَع إتْگَرَّب إلَیٰ عیسیٰ وَ گال: «سَلام، یا مُعَلِّم!» وَ باسَه. 50عیسیٰ گِلَّه: «یا صاحبي، أعمِل شُغُلتَک.» وَ هِنّوب الْجَماعَه طاحُوا عَلَیٰ عیسیٰ وَ مِسکُوه. 51بي ذیچ الْلَحظه، واحَد مِن إلْلي چان مَعَ عیسیٰ سِلَت السِّیف وَ ضَرَب خادِم کاهِن الْأعظَم وَ گُطَع إذَنه. 52أمَّن عیسیٰ گال لِه: «رَجِع سِیفَک إلَیٰ مَکانه؛ لِأن کِلمَن یِسلِت سِیف، یِنقِتِل بي السِّیف. 53إتْظُن ما أگدَر هَسّه أطْلُب مِن أبي یِرسِل لِمُساعِدَتي أکثَر مِن أثنَعَش جِیش مِن الْمَلائِكه؟ 54أمَّن بي ذیچ الْحاله إشْلون تِتْحَقَّق نَبُوّات کُتُب الْمُقَدَّسه إلْلي ایگولَن هِذِن الْأشیَاء کون ایصیرن؟» 55بي ذاک الْحِین، عیسیٰ گال لِلْجَماعَه: «أنا إمسَیلِبچي إلْلي یَایین تِمِسکونّي بي گِرِز وَ سِیف؟ أنا کِل یُوم چِنِت أگعِد بي الْمَعبَد وَ أعَلِّم وَ ما مِسِکتوني. 56أمَّن هَذا کِلَّه صار خاطِر تتْحَقَّق نَبُوّات الْأنبیَاء.» وَ هِنّوب کِل التِّلامیذ عافُوه وَ شِردُوا.
مُحاکِمَة عیسیٰ بي حُضور شُوراء الْیَهُود
57ذاکول إلْلي چانُوا کاضّین عیسیٰ، خِذُوه عِند قیافا، کاهِن الْأعظَم. أهناک مُعَلِّمین الْتُورات وَ الْمَشایِخ چانُوا مِتْجَمعین. 58أمَّن پِطرُس مِن بِعید چان ایروح وَراء عیسیٰ لِحَد ما وُصَل لِحوش بَیت کاهِن الْأعظَم. دَخَل وَ گَعَد وَیَّا الْحُرّاس خاطِر ایشوف النَّهایَه. 59کُبار الْکاهِنین وَ کِل أهل الشُّوراء چانُوا یِدُورون شَهادَة چِذِب عَلَیٰ عیسیٰ خاطِر یِقِتْلونه؛ 60أمَّن وَلو چِم نَفَر إیَّوا وَ شِهْدُوا بي الْچِذِّب، أمَّن ما إنْقِبلُوا. أخیراً تِقَدِّمُوا شَخصِین 61وَ گالُوا: «هَذا الْزِلمه گایِل، ”أنا أگدَر أهَدِم مَعبَد الْإلَه وَ بي ثِلِث تِیَّام أبْنيه مِن یِدید.“» 62هِنّوب کاهِن الْأعْظم گام وَ گال لِعیسیٰ: «ما تْجاوُب؟ هَذا شِنهي إلْلي یِشِهدون عَلِیک؟» 63أمَّن عیسیٰ چان ساکِت. کاهِن الْأعظَم گِلَّه: «أحَلفِک بي إلَه الْحَيّ گِل ألنا لو أنتَ مَسیح الْمُوعود، ابن الْإلَه.» 64عیسیٰ گال: «أنتَ بي نَفسَک هِیچ إتگول! أمَّن أگِلکُم مِن بَعَد هَسّه إتْشوفون ابن الْإنسان إلْلي گاعِد عَلَیٰ إید یِمنَة الْقُوَّه، وَ ایّي عَلَیٰ غِیم السَّماء.» 65هِنّوب کاهِن الْأعظَم شِگ زیجه وَ گال: «کُفَر! بَعَد شِنهو حاجِتنا لِلشَّاهِد؟ هَسّه سِمَعتوا إلْلي کُفَر، 66شِتْحُکمون؟» گالُوا بي الْجَواب: «یِسْتِحِق الْمُوت!» 67بَعدِین تِفْلُوا بي وَیهه وَ ضُربُوه. وَ بَعَض مِنهُم سِطرُوه، 68وَ چانُوا ایگولون: «یا مَسیح الْمُوعود تِنَبَّأ وَ گول یاهو ضَرَبَک؟»
أنکار پِطرُس
69وَ أمَّن پِطرُس چان بَرّات الْبَیت، چان گاعِد بي الْحوش إلْلي إیِّت خِدَّامه یِمَّه وَ گالَت: «أنتَ هَم چِنِت مَعَ عیسیٰ الْجَلیلي!» 70أمَّن هُوَّ بي حُضور الْجَمیع نِکَر وَ گال: «ما أدري شِنهي إتْگولین!» 71هِنّوب راح صُوب مَدخَل الْبَیت وَ شافِتّه بَعَد خِدَّامه وَ گالِت لِلْحاضِرین: «هَذا الْزِلمه هَم چان مَعَ عیسیٰ النّاصِري!» 72پِطرُس هَي الْمَرَّه هَم نِکَر وَ حِلِف إلْلي «أنا ما أعرُف هَذا الْزِلمه.» 73وَ مِن بَعَد إشْوَیه، مَجموعه إلْلي چانَت موگفه أهناک، إتْگَرِّبُوا وَ گالُوا لِپِطرُس: «ماکو شَک إلْلي أنتَ هَم واحَد مِنهُم! إمْبِینه مِن لَهِجْتَک!» 74بَعدِین پِطرُس ضَل یِلْعَن وَ حِلَف وَ گال: «ما أعرُف هَذا الْزِلمه!» وَ بي ذاک الْحین الدّیچ عوعَه. 75هِنّوب پِطرُس إتذَکَّر حَچية عیسیٰ إلْلي چان گایِله: «گَبُل لا ایعوعي الدّیچ، ثِلِث مَرَّات راح تِنکُرني!» چا طَلَع بَرّا وَ گام یِبچي بي مَراره.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company