مَتّی 25
25
مَثَل الْباکِرات
1«بي ذاک الْیُوم، مَلَکوت السَّماء یِشبه عَشُر بِنات الْباکِر إلْلي خِذَن فانوسهِن وَ راحَن بَرّا خاطِر یِستَقبِلَن الْعِرّیس. 2خِمسه مِنهِن چانَن فاهمات وَ خِمسه جاهلات. 3بِنات الْباکِر إلْلي چانَن جاهلات خِذَن وَیَّاهِن فانوسهِن أمَّن ما خِذَن دِهِن. 4أمَّن الْفاهمات، مَعَ فانوسهِن هَم خِذَن ماعون مِتْروس دِهِن. 5مِن الْعِرّیس إتْأَخَر، ثِگلن أعیونهِن وَ نامَن. 6بي نُص اللِّیل، إنْسِمَع صَرخه إلْلي چان ایگول: ”الْعِرّیس یَاي! روحَن لِأستِقباله!“ 7هِنّوب کِل بِنات الْباکِر فِزَّن وَ جَهِّزَن فوانیسهِن. 8الْجاهلات گالَن لِلْفاهمات: ”إنْطَنّا إشْوَیه مِن دِهِنچَن، لِأن فَوانیسنا گاعدات یِطفَن.“ 9أمَّن الْفاهمات جاوُبَن: ”ما نُنْطي، لِأن الدِّهِن ما یِکفینا کِلنا. روحَن لِلْبَیاعه وَ إشْتِرَن لِنِفِسچَن.“ 10أمَّن وَکت إلْلي راحَن لِأشْرایَة الدِّهِن، وُصَل الْعِرّیس وَ بِنات الْباکِر إلْلي چانَن جاهزات، راحَن مَعَه عَلَیٰ حَفلِة الْعِرِس وَ إتْسَکَّر الْباب. 11مِن بَعَد ذاک، إیِّن ذِنیچ الْخِمسه وَ گالِن: ”یا سِیِّدنا، یا سِیِّدنا، حِل ألنا الْباب!“ 12أمَّن هُوَّ گال ألهِن: ”بِالْحَق، أگِلچَن، أنا ما أعرِفْچَن.“ 13چا خِلّیچَن ساهرات، لِأن ما عِندچَن خَبَر مِن ذاک الْیُوم وَ السَّاعه.
مَثَل خِمس إچیوسة ذَهَب
14«وَ أیضاً مَلَکوت السَّماء یِشبَه زِلمه إلْلي راد یسَافِر. هُوَّ صاح عَلَیٰ خِدَادیمه وَ أنْطا أمواله ألهُم؛ 15عَلَیٰ حَسَب قُدرَة کِل شَخُص أنْطاهُم، أنْطا لِواحَد خِمِس إچیوسه ذَهَب، وَ لِلثَّاني أنْطا أثنَین إچیوسه، وَ لِلثَّالِث چیس واحَد. وَ هِنّوب سافَر. 16زِلمه إلْلي چان مَأخِذ خِمِس إچیوسه، إبْسَع بِلِّش بي التِّجاره وَ رَبَح هَم بَعَد خِمِس إچیوسه. 17وَ إلْلي چان عِندَه أثنَین إچیوسه، رَبَح هَم بَعَد أثنَین إچیوسه. 18أمَّن إلْلي چان مَأخِذ چیس واحَد، راح وَ حَفَر الْگاع وَ ضَم أفلوس سِیِّده.
19«مِن بَعَد زَمان طَویل، سِیِّد الْخِدَادیم رِجَع وَ راد الْأحساب مِنهُم. 20زِلمه إلْلي چان مَأخِذ خِمِس إچیوسه یاب بَعَد خِمِس إچیوسه وَ گال: ”یا سِیِّدي، أنْطِیتني خِمِس إچیوسه وَ هَي هَم رِبَحِت خِمِس إچیوسه.“ 21سِیِّده جاوَب: ”عَفّیه، یا خادِم الْطَیِّب وَ الْأمین! چِنِت أمین بي أشیَاء قَلیله، چا راح أجِعلَک عَلَیٰ أشیَاء چِثیره. تَعال وَ شارِک بي فَرحَة سِیِّدَک!“ 22خادِم إلْلي چان مَأخِذ أثنَین إچیوسه إیّه یِمَّه وَ گال: ”یا سِیَّدي، أنْطِیتني أثنَین إچیوسه وَ هَي هَم رِبَحِت أثنَین إچیوسه.“ 23سِیِّده جاوَب: ”عَفّیه، یا خادِم الْطَیِّب وَ الْأمین! چِنِت أمین بي أشیَاء قَلیله، چا راح أجِعلَک عَلَیٰ أشیَاء چِثیره. تَعال وَ شارِک بي فَرحَة سِیِّدَک!“ 24هِنوب خادِم إلْلي چان مَأخِذ فِرِد چیس، إیِّه یِمَّه وَ گال: ”یا سِیِّدي، چِن چِنِت أدري أنتَ زِلمه عاصي، وَ مِن مَکان إلْلي مِنْته شاتِل تِحصُد وَ مِن مَکان إلْلي مِنْته ناثِر بَذِر إتْجَمِّع، 25چا خِفِت وَ ضَمِّیت أفلوسَک بي بَطن الْأرض. هَي هَم أفلوسَک!“ 26أمَّن سِیِّده جاوَب: ”یا خادِم الشَّریر وَ الْکِسلان! أنتَ إلْلي چِنِت تُعرُف مِن مَکان إلْلي ماني شاتِل أحصُد، وَ مِن مَکان إلْلي ماني ناثِر أجَمِع، 27چا لِیش ما أنْطِیت أفلوسي لِلصَّرافین خاطِر وَکت إلْلي أرجَع مِن السَّفَر، أَخِذهِن مَعَ رِبِحهِن؟ 28أخذوا الْچیس مِنَّه وَ أنطوا لِذاک إلْلي عِندَه عَشَر إچیوسه. 29لِأن کِلمَن إلْلي عِندَه، راح یِنْعُطي لِه أکثَر خاطِر ایصیر عِندَه أکثَر وَ أکثَر؛ أمَّن ذاک إلْلي ما عِندَه، شي إلْلي عِندَه هَم راح یِنوُخِذ مِنَّه. 30هَذا الْخادِم إلْلي مابيه خِیر ذِبّوه بی ظَلام الْبَرّا، مَکان إلْلي راح إیکون بيه بِچي وَ عَصر الْأضروس.“
یُوم الْحِساب
31«وَکت إلْلي ابن الْإنسان بي مَجده وَ مَعَ جَمیع الْمَلائِكه ایّي، راح یِگعِد عَلَیٰ عَرش مَجده 32وَ جَمیع الْأقوام راح یِحُضرون مُقابیله وَ هُوَّ مِثِل راعي إلْلي یِعزِل الطُّلیان مِن السُّخول، راح یِقَسِّم النَّاس بي فَریقِین؛ 33راح یِحُطِّ الطُّلیان عَلَیٰ یَمینه، وَ یِحُطِّ السُّخول عَلَیٰ یَساره. 34وَ بَعدِین المَلِک راح ایگول لِذاکول إلْلي عَلَیٰ یَمینه: ”تَعالوا، یا الْمُتَبارِکین مِن صُوب أبي، وَ أورِثوا مَلَکوت إلْلي چان أمجَهَز ألکُم مِن بِدایَة هَذا الْعالَم. 35لِأن چِنِت یوعان، طَعَّمتوني؛ چِنِت عَطشان، سَقِّیتوني؛ چِنِت غَریب، لِفِّیتوني. 36چِنِت عَریان، لِبَّستوني؛ چِنِت مَریض، زِرتوني؛ چِنِت بي الْحَبِس، إیِّتوا وَ شِفْتوني.“ 37هِنّوب الصَّالِحین راح یِجاوبون: ”یا رَبّنا، یِمته شِفناک یوعان وَ طَعَّمناک، لُو چِنِت عَطشان وَ سَقِّیناک؟ 38یِمته شِفناک غَریب وَ لِفِّیناک وَ یِمته چِنِت عَریان وَ لِبَّسناک؟ 39یِمته شِفناک مَریض لُو بي الْحَبِس وَ إیِّنه وَ شِفناک؟“ 40الْمَلِک بي الْجَواب راح ایگول: ”بِالْحَق، أگِلکُم، کِل شي إلْلي عِمَلتوه لِأضغَر واحَد مِن خُوَّاني، بي الْحَقیقه عِمَلتوه لي أنا.“ 41وَ هِنّوب راح ایگول لِذاکول إلْلي عَلَیٰ یَساره: ”أبِعدوا مِنّي یا الْمَلاعین، روحوا إلَیٰ نَار الْأبَدیَّه إلْلي أمجَهزه لِإبْلیس وَ مَلائِکته، 42لِأن چِنِت یوعان، ما طَعَّمتوني؛ چِنِت عَطشان، ما سَقِّیتوني؛ 43چِنِت غَریب، ما لِفِّیتوني، چِنِت عَریان، ما لِبَّستوني؛ وَ چِنِت مَریض وَ مَحبوس، ما زِرتوني.“ 44وَ هُمّا راح ایجاوبون: ”یا رَبّنا، یِمته شِفناک یوعان وَ عَطشان وَ غَریب وَ عَریان وَ مَریض وَ مَحبوس وَ ما خِدَمناک؟“ 45بي الْجَواب راح ایگول: ’بِالْحَق، أگِلکُم، شي إلْلي ما عِمَلتوه لِواحَد مِن هِل أضغار، بي الْحَقیقه ماعِمَلتوه لي أنا.“ 46چا هُمّا راح یِدُخلون إلَیٰ عَذاب أبَدي، أمَّن الصَّالِحین یِدُخلون إلَیٰ حَیَاة الْأبَدیَّه.»
Currently Selected:
مَتّی 25: ACM
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company
مَتّی 25
25
مَثَل الْباکِرات
1«بي ذاک الْیُوم، مَلَکوت السَّماء یِشبه عَشُر بِنات الْباکِر إلْلي خِذَن فانوسهِن وَ راحَن بَرّا خاطِر یِستَقبِلَن الْعِرّیس. 2خِمسه مِنهِن چانَن فاهمات وَ خِمسه جاهلات. 3بِنات الْباکِر إلْلي چانَن جاهلات خِذَن وَیَّاهِن فانوسهِن أمَّن ما خِذَن دِهِن. 4أمَّن الْفاهمات، مَعَ فانوسهِن هَم خِذَن ماعون مِتْروس دِهِن. 5مِن الْعِرّیس إتْأَخَر، ثِگلن أعیونهِن وَ نامَن. 6بي نُص اللِّیل، إنْسِمَع صَرخه إلْلي چان ایگول: ”الْعِرّیس یَاي! روحَن لِأستِقباله!“ 7هِنّوب کِل بِنات الْباکِر فِزَّن وَ جَهِّزَن فوانیسهِن. 8الْجاهلات گالَن لِلْفاهمات: ”إنْطَنّا إشْوَیه مِن دِهِنچَن، لِأن فَوانیسنا گاعدات یِطفَن.“ 9أمَّن الْفاهمات جاوُبَن: ”ما نُنْطي، لِأن الدِّهِن ما یِکفینا کِلنا. روحَن لِلْبَیاعه وَ إشْتِرَن لِنِفِسچَن.“ 10أمَّن وَکت إلْلي راحَن لِأشْرایَة الدِّهِن، وُصَل الْعِرّیس وَ بِنات الْباکِر إلْلي چانَن جاهزات، راحَن مَعَه عَلَیٰ حَفلِة الْعِرِس وَ إتْسَکَّر الْباب. 11مِن بَعَد ذاک، إیِّن ذِنیچ الْخِمسه وَ گالِن: ”یا سِیِّدنا، یا سِیِّدنا، حِل ألنا الْباب!“ 12أمَّن هُوَّ گال ألهِن: ”بِالْحَق، أگِلچَن، أنا ما أعرِفْچَن.“ 13چا خِلّیچَن ساهرات، لِأن ما عِندچَن خَبَر مِن ذاک الْیُوم وَ السَّاعه.
مَثَل خِمس إچیوسة ذَهَب
14«وَ أیضاً مَلَکوت السَّماء یِشبَه زِلمه إلْلي راد یسَافِر. هُوَّ صاح عَلَیٰ خِدَادیمه وَ أنْطا أمواله ألهُم؛ 15عَلَیٰ حَسَب قُدرَة کِل شَخُص أنْطاهُم، أنْطا لِواحَد خِمِس إچیوسه ذَهَب، وَ لِلثَّاني أنْطا أثنَین إچیوسه، وَ لِلثَّالِث چیس واحَد. وَ هِنّوب سافَر. 16زِلمه إلْلي چان مَأخِذ خِمِس إچیوسه، إبْسَع بِلِّش بي التِّجاره وَ رَبَح هَم بَعَد خِمِس إچیوسه. 17وَ إلْلي چان عِندَه أثنَین إچیوسه، رَبَح هَم بَعَد أثنَین إچیوسه. 18أمَّن إلْلي چان مَأخِذ چیس واحَد، راح وَ حَفَر الْگاع وَ ضَم أفلوس سِیِّده.
19«مِن بَعَد زَمان طَویل، سِیِّد الْخِدَادیم رِجَع وَ راد الْأحساب مِنهُم. 20زِلمه إلْلي چان مَأخِذ خِمِس إچیوسه یاب بَعَد خِمِس إچیوسه وَ گال: ”یا سِیِّدي، أنْطِیتني خِمِس إچیوسه وَ هَي هَم رِبَحِت خِمِس إچیوسه.“ 21سِیِّده جاوَب: ”عَفّیه، یا خادِم الْطَیِّب وَ الْأمین! چِنِت أمین بي أشیَاء قَلیله، چا راح أجِعلَک عَلَیٰ أشیَاء چِثیره. تَعال وَ شارِک بي فَرحَة سِیِّدَک!“ 22خادِم إلْلي چان مَأخِذ أثنَین إچیوسه إیّه یِمَّه وَ گال: ”یا سِیَّدي، أنْطِیتني أثنَین إچیوسه وَ هَي هَم رِبَحِت أثنَین إچیوسه.“ 23سِیِّده جاوَب: ”عَفّیه، یا خادِم الْطَیِّب وَ الْأمین! چِنِت أمین بي أشیَاء قَلیله، چا راح أجِعلَک عَلَیٰ أشیَاء چِثیره. تَعال وَ شارِک بي فَرحَة سِیِّدَک!“ 24هِنوب خادِم إلْلي چان مَأخِذ فِرِد چیس، إیِّه یِمَّه وَ گال: ”یا سِیِّدي، چِن چِنِت أدري أنتَ زِلمه عاصي، وَ مِن مَکان إلْلي مِنْته شاتِل تِحصُد وَ مِن مَکان إلْلي مِنْته ناثِر بَذِر إتْجَمِّع، 25چا خِفِت وَ ضَمِّیت أفلوسَک بي بَطن الْأرض. هَي هَم أفلوسَک!“ 26أمَّن سِیِّده جاوَب: ”یا خادِم الشَّریر وَ الْکِسلان! أنتَ إلْلي چِنِت تُعرُف مِن مَکان إلْلي ماني شاتِل أحصُد، وَ مِن مَکان إلْلي ماني ناثِر أجَمِع، 27چا لِیش ما أنْطِیت أفلوسي لِلصَّرافین خاطِر وَکت إلْلي أرجَع مِن السَّفَر، أَخِذهِن مَعَ رِبِحهِن؟ 28أخذوا الْچیس مِنَّه وَ أنطوا لِذاک إلْلي عِندَه عَشَر إچیوسه. 29لِأن کِلمَن إلْلي عِندَه، راح یِنْعُطي لِه أکثَر خاطِر ایصیر عِندَه أکثَر وَ أکثَر؛ أمَّن ذاک إلْلي ما عِندَه، شي إلْلي عِندَه هَم راح یِنوُخِذ مِنَّه. 30هَذا الْخادِم إلْلي مابيه خِیر ذِبّوه بی ظَلام الْبَرّا، مَکان إلْلي راح إیکون بيه بِچي وَ عَصر الْأضروس.“
یُوم الْحِساب
31«وَکت إلْلي ابن الْإنسان بي مَجده وَ مَعَ جَمیع الْمَلائِكه ایّي، راح یِگعِد عَلَیٰ عَرش مَجده 32وَ جَمیع الْأقوام راح یِحُضرون مُقابیله وَ هُوَّ مِثِل راعي إلْلي یِعزِل الطُّلیان مِن السُّخول، راح یِقَسِّم النَّاس بي فَریقِین؛ 33راح یِحُطِّ الطُّلیان عَلَیٰ یَمینه، وَ یِحُطِّ السُّخول عَلَیٰ یَساره. 34وَ بَعدِین المَلِک راح ایگول لِذاکول إلْلي عَلَیٰ یَمینه: ”تَعالوا، یا الْمُتَبارِکین مِن صُوب أبي، وَ أورِثوا مَلَکوت إلْلي چان أمجَهَز ألکُم مِن بِدایَة هَذا الْعالَم. 35لِأن چِنِت یوعان، طَعَّمتوني؛ چِنِت عَطشان، سَقِّیتوني؛ چِنِت غَریب، لِفِّیتوني. 36چِنِت عَریان، لِبَّستوني؛ چِنِت مَریض، زِرتوني؛ چِنِت بي الْحَبِس، إیِّتوا وَ شِفْتوني.“ 37هِنّوب الصَّالِحین راح یِجاوبون: ”یا رَبّنا، یِمته شِفناک یوعان وَ طَعَّمناک، لُو چِنِت عَطشان وَ سَقِّیناک؟ 38یِمته شِفناک غَریب وَ لِفِّیناک وَ یِمته چِنِت عَریان وَ لِبَّسناک؟ 39یِمته شِفناک مَریض لُو بي الْحَبِس وَ إیِّنه وَ شِفناک؟“ 40الْمَلِک بي الْجَواب راح ایگول: ”بِالْحَق، أگِلکُم، کِل شي إلْلي عِمَلتوه لِأضغَر واحَد مِن خُوَّاني، بي الْحَقیقه عِمَلتوه لي أنا.“ 41وَ هِنّوب راح ایگول لِذاکول إلْلي عَلَیٰ یَساره: ”أبِعدوا مِنّي یا الْمَلاعین، روحوا إلَیٰ نَار الْأبَدیَّه إلْلي أمجَهزه لِإبْلیس وَ مَلائِکته، 42لِأن چِنِت یوعان، ما طَعَّمتوني؛ چِنِت عَطشان، ما سَقِّیتوني؛ 43چِنِت غَریب، ما لِفِّیتوني، چِنِت عَریان، ما لِبَّستوني؛ وَ چِنِت مَریض وَ مَحبوس، ما زِرتوني.“ 44وَ هُمّا راح ایجاوبون: ”یا رَبّنا، یِمته شِفناک یوعان وَ عَطشان وَ غَریب وَ عَریان وَ مَریض وَ مَحبوس وَ ما خِدَمناک؟“ 45بي الْجَواب راح ایگول: ’بِالْحَق، أگِلکُم، شي إلْلي ما عِمَلتوه لِواحَد مِن هِل أضغار، بي الْحَقیقه ماعِمَلتوه لي أنا.“ 46چا هُمّا راح یِدُخلون إلَیٰ عَذاب أبَدي، أمَّن الصَّالِحین یِدُخلون إلَیٰ حَیَاة الْأبَدیَّه.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©️2024 Korpu Company