رِساله إلَیٰ الْعِبرانیین 12
12
تَأدّیب الرّب لِأبنائه
1چَا چِن هِیچ غِیمَه عَظیمه مِن الْشُواهید مُوجوده حَوالِینا، تَعالوا إنبَعِّد مِن عِندنا أي حِمِل وَ أي ذَنِب إلْلي حِیل مِلتِفّات عَلَیٰ إید وَ ریلِینا، وَ بي إستقامه نِرکُض بي الْمُنافِسه إلْلي تَعَیِّنَت ألنا. 2وَ نحُط عِیونا عَلَیٰ بَطَل وَ مُکَمِّل إیماننا یَعني عیسیٰ إلْلي لِخاطِر ذیچ فَرحه إلْلي چانِت جِدَّامه، تَحَمَّل الصَّلیب وَ أعتُبَر عارَه مو شي وَ هَسّه گاعِد عَلَیٰ یَمین عَرش الْإلَه. 3فَکروا بیه إلْلي تَحَمَّل هِیچ مُخالِفه مِن صوب الْمُذنِبین، خاطِر لا تْتِعبون وَ إتأَیسون.
4بَعَدکُم ما قاوَمتوا بي حَرُبکُم ضِد الْذَنِب لِحَد الْمُوت. 5وَ هَل نِسیتُوا ذیچ الْنَصیحَه إلْلي بیها یِخاطَبکُم بي مَقام الْأبناء، وَ ایگول:
«یا ابني، لا تِحقُر تَأدّیب الرّب،
و مِن یِعاتبَک، لا تأیِّس.
6لأن الرّب یِأدِّب ذاکول إلْلي یِحِبهُم،
وَ یِعاتِب أي ابِن إلْلي یِقِبله.»
7أنتُم کون تِتحَمِّلون الْصَعوبات لِلْتَأدّیب؛ الْإلَه یِعاملکُم کِلأبناء. لِأن أي ابِن ما یِأدّبَه أبوه؟ 8لو أنتُم ما تِأدَّبتوا، بي حال إلْلي الْجَمیع چَان عِندهُم نَصیب مِنَّه، چَا أنتُم أولاد حَرام، مو أبناء حَقیقین. 9بي الْأضافه، کِلنا چَان عِندنا آباء أرضیَه إلْلي چانُوا یِأدّبوننا، وَ إحنَا چِنْنا نِحتُرُمهُم. هَسّه، إشگِد أکثَر کون إنْطیع أب الْأرواح خاطِر إتکون عِندنا حَیَاة؟ 10آبائنا مُدَّه قَلیله حَسَب صَلاحهُم، أدِّبونا. أمَّن الْإلَه لِصَلاحنا یِأدِّبنا خاطِر إنکون شُرَکاء بي قُدّوسیتَه. 11وَلا تَأدّیب بي وَکته إیکون مُرضي، بِل إیکون مُوَجِّع. أمَّن بَعدِین لِأشخاص إلْلي بي وَسیلتَه تِأدِّبُوا، تِثمَر الْصَالِحیَّه إلْلي مِتروسه مِن السَّلام.
12چَا قَوّا إیدِیکُم الْرِچیچه وَ إرکَبکَم الْراجِفَه! 13أصُنعوا لِریلِیکُم طُرُق مُستِقیمه، خاطِر ریل الْعَریه لا تِنْصِدِم أکثَر، بِل تِشفیٰ.
تَحذیر عَن رجوع لِلْذَنِب
14حِیل إسعوا إلْلی إتْعیشون بي سَلام مَع جَمیع النَّاس وَ إتکونون مُقَدَّسین، لِأن بِدون الْقُدّوسیَه وَلا أحَد راح یِشوف الرِّب. 15إنتِبهوا إلْلي أحَد مِنکُم لا یِخسَر بي حُصول نِعمَة الْإلَه، وَ لا یِنمو أي عِرِج مُر، خاف یِسَبِّب مَشاکِل وَ یِنَجِّس چِثیرین. 16کونوا واعین إلْلی وَلا أحَد مِنکُم إیصیر فاسِد لو مِثل عیسو إلْلي إبتَعَد مِن الرَّب، إلْلی باع حَگّه هُوَّ إلْلي چان ابن الْچِبیر مُقابِل طاسَة آش. 17وَ أنتُم تِدرون إللي مِن بَعَدها وَکت إلْلی چان مِشتاق یُورِث ذیچ الْبَرَکه، إنرُفَض، لِأن ما لِگه فُرصَه لِلتُّوبه بي حال إلْلي بي دُموع چان وُراها.
18لِأن ما تِگَرَّبتوا إلَیٰ یِبَل الْلي تِگِدرون تِلِمسونَه، یِبَل إلْلی مِشتِعِل بي النَّار؛ وَ لا إلَیٰ ظَلام وَ سَواد وَ هَوا قُوّي؛ 19وَ لا إلَیٰ نِفُخ بوق وَ لُو إلَیٰ صوت کَلام إلْلي الْمُستَمِعین إلتَمَسُوا بَعَد لا إیحَاچیهُم. 20لِأن ما چانُوا یِتْحَمِلون ذاک الْأمُر إلْلي چان ایگول، «حَتَّیٰ لو حِیوان یِلمَس الْیِبَل، کون یِنْرِجِم.» 21ذاک الْمَنظَر هِل گد چان مُخیف إلْلي موسیٰ گال: «أرجِف مِن الْخوف.»
22أمَّن أنتُم تِگَرَّبتوا إلَیٰ یِبَل صَهیون، لِأورشَلیم السَّماوي إلْلي إتکون مَدینَة إلَه الْحَيّ. إیِّتوا بي جَمِع مَحفِل آلاف اولوف الْمَلائکه، 23إلَیٰ کَلیسَة مُولودین الْأوَّل إلْلي أسامیهُم مِکتوب بي السَّماء. تِگَرَّبتوا لِلْإلَه، لِإلَه إلْلي إیکون حَکَمْ جَمیع النَّاس، وَ لِأرواح صالِحین إلْلي کِملُوا، 24وَ إلَیٰ عیسیٰ إلْلي إیکون وَسیط عَهد جِدید، وَ إلَیٰ دَم مَرشوش إلْلي یِتکَلَّم أفضَل مِن دَم هابیل.
25کونوا واعین إلْلي لا تْدیرون وَیوهکُم مِن سِمع الْمُتَکَلِّم. لو ذاکول إلْلي ما سِمعَوا لِذاک إلْلي چان إمحَذِّرهُم عَلَیٰ الْأرض، ما لِگوا طَریق شَرده، چَا إحنَا شِنهو مِن طَریق شَرده راح إیکون عِندنا لُو إنْدیر وَیوهنا مِن سِمِع ذاک إلْلي یِحَذِّرنا مِن السَّماء. 26بي ذاک الزَّمان، صوته هِز الْأرض، أمَّن هَسّه واعَد إلْلي «مَرَّه أخریٰ مو بِس راح أهِز الْأرض بِل السَّماء هَم راح أهِزها.» 27عبارَة ”مَرَّه أخریٰ“ تِشیر عَلَیٰ إنْمَحاء أشیاء إلْلي یِهتِزن، یَعني أشیاء إلْلي مَخلوقه، حَتَّیٰ یِبقَن أشیاء إلْلي ما یِهتِزِّن.
28چَا وَکت إلْلي نِلگه مَلَکوت إلْلي ما یِهتَز، خِل إنکون شاکرین وَ بي الْتَواضُع وَ الْتَقویٰ نِعبِد الْإلَه، عِبادَه لایِقه، 29لِأن «إلَهنا إیکون نار حَرّاگه.»
Currently Selected:
رِساله إلَیٰ الْعِبرانیین 12: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
