رِسالَة إلَیٰ غَلاطیین 6
6
أحِملُوا حِمِل بَعَضکُم
1یا أخوه، لو واحَد إبْتِلَه بي ذَنِب، أنتُم الَّذی روحانیَه رِجعُوه إلَیٰ طَریق الْمُستَقیم بي حِنیَّه. بي نَفس الْحال، کونوا واعين إلْلي أنتُم هَم لا تِتْوَسوِسون. 2أحِملُوا حِمِل بَعَضکُم إلْلي بي هِل شِکِل راح تِعِملون شَریعَة الْمَسیح. 3لِأن لو واحَد یِعتُبُر نَفسه شي وَ بي الْحَقیقه ما إیکون شي، گاعِد یِغِش نَفسَه. 4أمَّن خِل کِل واحَد یِمْتِحِن أعمالَه. بي ذیچ الْصُوره دَلیل فَخرَه راح إیکون بِس بي نَفسه، وَ مو بي جارَه. 5لِأن کِل واحَد راح یِحمِل حِملَه.
6کِل واحَد إلْلي یِتْعَلَّم مِن الْکَلام، کون یِشارِک مُعَلِّمَه بي أي شي طَیِب.
7لا تِنْغَشون: ما تِگِدرون إتْمَسخُرون الْإلَه. الْإنسان راح یِحصُد کِل شي إلْلي یِکرُب. 8لِأن شَخُص إلْلي یِشتِل لِجِسمه، راح یِحصُد فَساد مِن الْجِسِم؛ أمَّن شَخُص إلْلي یِشتِل لِلرّوح، راح یِحصُد حَیَاة أبَدیَّه مِن الرّوح. 9لِذا لا نِتْعَب مِن عَمَل شُغله طَیبه، لِأن لُو ما إنْیُوز مِن الْشُغُل، راح نِحصُد الْمَحصول بي وَکِت إمْناسِب. 10چا ما طول عِندنا فُرصه خِل نِعمِل حَسَنه عَل جَمیع، بي الْأخَص عَلَیٰ الْمُؤمِنین بي الْمَسیح.
مو الطَّهاره، بَل خِلقَه جَدیده
11شوفوا مَعَ شِنهي مِن حُروف چِبیره أکتِب ألکُم بي إیدي! 12ذاکول إلْلي یِردون بي الْظَاهِر یِراوون نَفِسهُم زِینین، یِجُبرونکُم إلْلي تِتطَّهِرون. بِس بي هِل نِیَّه إلْلي لا یِتْأَذّون لِخاطِر صَلیب الْمَسیح. 13لِأن حَتَّیٰ ذاکول إلْلي یِتطَّهِرون ما یِعِملون الشَّریعه، بَل یِردون أنتُم تِتطَّهِرون خاطِر یِفتَخرون بي جِسِمکُم. 14أمَّن لا إیکون إلْلي أنا أبَد أفتِخِر بي شي غِیر صَلیب رَبّنا عیسیٰ الْمَسیح، إلْلي بي واسِطتَه الْعالَم إنْصَلَب لي وَ أنا لِلْعالَم. 15لِأن لا الطَّهاره شي وَ عَدَم الطَّهاره؛ شي إلْلي مُهِم هیَّه خِلقَه الْجَدیده. 16سَلامه وَ رَحمه إتکون عَلَیٰ جَمیع ذاکول إلْلي یِتِبعون هَذا الْأصُل وَ بَني إسرائیل الْإلَه.
17مِنَّا وَ هِیچ أحَد لا یِعَذِّبني، لِأن أنا بي جِسمي عِندي عَلائِم عیسیٰ.
18یا أخوه، لُطُف رَبّنا عیسیٰ الْمَسیح إیکون مَعَ روحکُم! آمین!
Currently Selected:
رِسالَة إلَیٰ غَلاطیین 6: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
