رِسالَة إلَیٰ غَلاطیین 1
1
1مِن پولُس، رَسُول إلْلي رِسَالته مو مِن صُوب النَّاس وَ بي وَسیلة الْإنسان، بِل إتکون بي واسِطَة عیسیٰ الْمَسیح وَ إلَه الْأب إلْلي گُوَّم عیسیٰ الْمَسیح مِن بِین الْأموات،
2وَ هَم مِن جَمیع الْأخوه إلْلي مَعَي،
إلَیٰ کِلیسات غَلاطیه:
3إتکون عَلِیکُم الْنَعمه وَ السَّلامه، مِن صُوب الْإلَه، أبونا، وَ الرَّب عیسیٰ الْمَسیح 4إلْلي فِدَّیٰ نَفسَه لِذَنوبنا خاطِر یِحَرِّرنا مِن هَذ زَمان الشَّریر الْحاضِر، بي إرادَة إلَهنا وَ أبونا. 5لِهُ الْمَجد إلَیٰ الْأبَد. آمین.
ماکو إنجیل آخَر
6أنا حَیران، إلْلي أنتُم بي هِل سُرعه دِرْتوا وَیوهکُم مِن ذاک إلْلي دَعاکُم بي نِعمَة الْمَسیح وَ تِلتِفْتون صُوب إنجیل آخَر. 7ماکو إنجیل آخَر، أمَّن أکو أشخاص إلْلي یِرِدِّدونکُم وَ ناوین إلْلي یَأخذون إید بي إنجیل الْمَسیح. 8أمَّن حَتَّیٰ لو إحنَا لو فِرِد مَلاک مِن السَّماء، یِعلِن بي فِرِد إنجیل غِیر ذاک إلْلي إحنَا بَشَّرناکُم بیه، فَیِکون مَلْعون! 9مِثِل ما گَبُل گِلنا، هَسّه مَرَّه أخریٰ أگول: لو أحَد یوعِظ ألکُم بي فِرِد إنجیل غِیر ذاک إلْلي قِبَلتوه، فَیِکون مَلْعون!
10هَل طالِب تَأیید النَّاس لو تَأیید الْإلَه؟ هَل گاعِد أسْعي لِأرَضّي النَّاس؟ لو بَعَدني چِنِت أسعي لِرَضاء النَّاس، چان ما چِنِت خادِم الْمَسیح.
پولُس یِدعَیٰ مِن صُوب الْإلَه
11یا أخوه، أرید تِعُرفون إنجیل إلْلي أنا بِشِّرَتکُم بیه، مو إنجیل بَشَري، 12لِأن أنا ما أخِذته مِن أي بَشَر، وَ أحَد هَم ما عَلِمْنیَاه؛ بِل أخِذته مِن طَریق مُکاشفَة عیسیٰ الْمَسیح.
13أنتُم سَامعین سيرَة عیشتي الْمَاضیه بي دین الْیَهُود، إلْلي إشگَد چِنِت ألَوِّع کِلیسة الْإلَه بِلا رَحمه وَ سِعِیت لِتَهدیمها. 14وَ چِنِت مِتْقَدِّم بي دین الْیَهُود أکثَر مِن چِثیرین مِن قُومي إلْلي چانُوا بي حِلّي، وَ حِیل چانَت عِندي غیره بي تَقالید أبَّهاتنا. 15أمَّن وَکت إلْلي هُوَّ أختارني گَبُل لا أتوَلِّد، وَ هُوَّ دَعاني بي واسِطَة نِعِمتَه 16إلْلي یِظَّهُر ابنَه بیِه خاطِر أبَشِّر الْغِیر یَهُود بیه، بي ذاک الْزَمان ما إستِشارِیت أحَد مِن النَّاس، 17وَ ما رِحِت لِأورشَلیم هَم، عِند ذاکول إلْلي چانُوا رُسُل مِن گَبْلي، بِل رِحِت لِأرض الْعَرَب و بَعدِین رِجَعِت لِدَمِشق.
18بَعدِین مِن بَعَد ثِلِث إسْنین، رِحِت لِأورشَلیم خاطِر أزور پِطرُس، وَ خِمِستَعَش یُوم ضَلِّیت یِمَّه. 19أمَّن مِن باجي الْرُسُل، غِیر یَعقوب، أخو الرَّب عیسیٰ، ما شِفِت أحَد آخَر. 20بي حُضور الرَّب أطَمِّنکُم إلْلي شي الَّذي أکِتبه ماهو چِذِّب. 21مِن بَعَدها، رِحِت لِمَناطِق سوریه وَ کیلیکیه. 22بي ذاک الزَّمان کِلیسات الْیَهُود إلْلي إیکونون بي الْمَسیح، بَعَدهُم ما چانُوا یِعُرفوني بي الوَیِه. 23ذاکول بِس چانُوا یِسِمعون، «ذاک زِلمه إلْلي گَبُل چان یِأَذّینا، هَسّه یِبَشِّر بي ذاک الْإیمان إلْلي گَبُلها چان یِسعي لِهَلاکه.» 24وَ ذاکول لِخاطري چانُوا یِمَجدون الْإلَه.
Currently Selected:
رِسالَة إلَیٰ غَلاطیین 1: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
