رِسالَة إلَیٰ کولوسیین 3
3
ألِبسوا إنسان الْیِدید
1چا چِن إستَحْیِتُوا مَعَ الْمَسیح، دَوروا عَلَیٰ شي إلْلي فوگ، أهناک إلْلي الْمَسیح گاعِد عَلَیٰ یَمین الْإلَه. 2فَکروا بي شي إلْلي فوگ، مو بي شي إلْلي عَلَیٰ الْأرض. 3لِأن مِتْتوا وَ حَیاتکُم هَسَّه مَستُوره مَعَ الْمَسیح بي الْإلَه. 4مِن یِظهَر الْمَسیح إلْلي هُوَّ حَیَاتکُم، بي ذاک الْوَکت أنتُم هَم راح تِظِهرون مَعَه بي الْمَجد.
5چا، کِل شي إلْلي بي وُجودکُم إیکون أرضي، إقِتلوه، یَعني الْزِنَاء، الْنِجاسه، الشَّهوه، أمیال الْشَر وَ الْطُمَع إلْلي هَنَّه إیکونِن عِبادَة الْأصنام. 6بي سَبَب هِذِن إلْلي غَضَب الْإلَه یِنزِل عَلَیٰ أولاد الْعُصیان. 7أنتُم هَم چِنتُوا بي حَیَاتکُم الْماضیه تِمشون بي هِل طُرُق. 8أمَّن هَسَّه کون تِبِعدون کِل هِذِن مِنکُم، یَعني الْسَخط، الْغَضَب، الْحِقِد، وَ مِن حَلِگکُم الْشِتیمه وَ کَلام قَبیح. 9لا تْچِذبون عَلَیٰ بَعَضکُم، لِأن نِزَعتُوا ذاک أنسان الْقَدیم مِن الْجِسِم مَعَ أعمالَه 10وَ لِبَستُوا أنسان الْیِدید، إلْلي بي مَعرَفة الْحَقّ أي لَحظه یِتْجَدِّد خاطِر إیصیر عَلَیٰ صورَة خالقَه. 11بي هِل أنسان الْیِدید، إشْ یوناني لُو یَهُودي، إمطَهَّر لُو مو إمطَهَّر، بَربَر لُو سَکایی، عَبِد لُو حُر بَعَد مالِه مَعنیٰ، بَل إیکون الْمَسیح بي کِل شي وَ بي الْجَمیع.
12چا مِثِل قوم مُختار الْإلَه إلْلي إیکون مُقَدَّس وَ چِثیر مَحبوب، لِبسُوا نِفِسکُم بي الْشَفَقه، الْمَحَنَّه، الْتَواضُع، الْلَطافه وَ الْصَبُر. 13إتحَمِّلوا بَعَضکُم وَ لُو واحَد بي الْنِسبه لِلْآخَر عِندَه خُصومه، خِل یِسامحَه. مِثِل ما الرَّب سامَحکُم، أنتُم هَم کون إتْسامحون بَعَضکُم. 14وَ عَلَیٰ کِل هِذِن ألِبسُوا الْمَحَبَّه إلْلي تِلحَم هِذِن کِلهِن بي إتِّحاد کامِل مَعَ بَعَض.
15خِل سَلام الْمَسیح إیکون حاکِم عَلَیٰ گلوبکُم، لِأن بي الْحَقیقه أنتُم مَدعوّین خاطِر مِثِل أعضاء فِرِد جِسِم إتْعیشون بي السَّلام وَ کونوا شاکرین. 16خِلّوا کَلام الْمَسیح بي الْغَناء یِسکِن بیکُم، وَ بي الْمَزامیر، وَ تَرانیم وَ أغاني روحانیّه، بی کَمال الْحِکمَه أنُصحوا وَ عَلمُوا بَعَضکُم، وَ بي الْشُکُر وَ مِن کِل گلوبکُم رَنِّموا لِلْإلَه. 17وَ إشْ ما تِعِملون، إشْ بي الْکَلام وَ إشْ بي الْأعمال، إعِملوهِن کِلهِن بي أسم الرَّب عیسیٰ، وَ بي واسِطتَه هُوَّ أشُکروا إلَه الْأب.
رَوابُط الْمُؤمِنین
18یا الْزوجات، کونَن مُطیعات لِأزواجچَن، مِثِل ما إیکون لایِق بي الرَّب. 19یا الْأزواج، حِبّوا زوجاتکُم وَ لا تْعاملونهِن بي خُشونه. 20یا الْأولاد، بي کِل شي طیعُوا والِدَینکُم، لِأن هَذ یِرَضي الرَّب. 21یا الْآباء، لا تْضَیجون خُلُگ أولادکُم، بِس لا یِأَیسون. 22یا الْخِدَّام، طیعُوا ساداتکُم الْأرضیَّه بي کِل الْأمور، مو بِس وَکت إلْلي أعیونهُم عَلِیکُم لُو لِطَلَب رِضاهُم، بِل کونوا مُطیعین بي خُلوص الْگَلُب وَ بي أحترام الرَّب. 23أعِملُوا أي شُغله مِن کِل گلوبکُم کِأنَّهُ تِشتَغلون لِلرَّب، مو لِلْإنسان، 24لِأن تِعُرفون أجُرکم إیکون وُرِث إلْلي راح تِحَصلونه مِن الرَّب، لِأن بي الْحَقیقه تِخِدمون الرَّب مَسیح. 25کِلمَن یِعمِل خَطاء، راح یِشوف جَزاء خَطاتَه وَ ماکو تَفریق.
Currently Selected:
رِسالَة إلَیٰ کولوسیین 3: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
