رِسالَة ثاني إلَیٰ تیموتائوس 4
4
1بي حُضور الْإلَه وَ الْمَسیح عیسیٰ إلْلي راح یُقضي عَلَیٰ الأحیَاء وَ الْأموات، وَ مَعَ ظُهوره وَ مَلَکوتَه، أکِلْفِک إلْلي 2إتْبَشِّر کَلام الْإلَه وَ بي أي فُرصه مُناسبه أو غَیر مُناسبه إتکون جاهز لِهَذا الْشُغُل وَ بي صَبُر چِثیر وَ تَعلیم دَقیق، تِشتُغُل لِلْإصلاح وَ لِلْعَتاب وَ لِلْتَشجیع. 3لِأن یوصَل زَمان إلْلي النَّاس ما راح یِستَحمِلون سِمِع تَعلیم الصَّحیح، بِل بَعَض یِجَمعون مُعَلّمین حَوالِیهُم خاطِر شي إلْلي إذاناتهُم طالبات سِمعَه وَ یِوافُق شَهَواتهُم، یِسِمعونه؛ 4وَ راح یِدیرون وُیوههُم مِن سِمع الْحَقّ وَ یِلتَفتون صوب الْأساطیر. 5أمَّن أنتَ عَلَیٰ طول کون واعي؛ إتحَمَّل الْصُعوبات؛ إعمِل عَمَل الْمُبَشِّر وَ کَمِّل خِدِمتَک بي الْکَمال.
6لِأن دِمي مِثِل هِدیَّة الشَّراب عَن قَریب راح یِنصَب، وَ واصله زَمان رِحِلتي. 7حارَبِت حَرب الْطَیِّب، تِمَّمِت الْمُنافِسه وَ حُفَظت الْإیمان. 8هَسّه جاهِز لي تاج الْصَالِحیَّه، تاج إلْلي الرَّب، ذاک حَکَم الْعَادِل، راح یِنْطیني إیَّاه بي ذاک الْیُوم، مو بِس یِنْطیني إیَّاه أنا، بَل لِجَمیع ذاکول إلْلي چانُوا مُحِبّین ظُهوره.
وَصّیات الْشَخصیه
9حاوِل بي أقرَب وَکِت تیّي یِمّي. 10لِأن دیماس لِخاطِر حُب هَي الدّنیا تِرَکني وَ رایِح إلَیٰ تَسالونیکي. کْریسکیس راح إلَیٰ غَلاطیه وَ تیتوس هَم راح إلَیٰ دَلْماتیه. 11بِس لوقا مَعَي. کُض مَرقُس و ییبَه وَیَّاک، لِأن هُوَّ وایِد مُفید لي بي الْخِدمه. 12وُدِّیت تیخیکوس إلَیٰ أفِسُس. 13بي وَکِت یِیتَک، ییب وَیَّاک عَباء إلْلي عِفته عِند کارپوس بي مَدینَة تْروآس، وَ هَم ییب کُتُبي وَ بي الْأخَص طوماراتي.
14إسکَندَر إلْلي صانِع الْصُفُر، وایِد ظَلَمني. الرَّب راح یِجازيه حَسَب أعماله. 15أنتَ هَم دیر بالِک مِنَّه، لِأن بي قُوَّه یِخالِف رِسالَتنا.
16بي أوَّل دِفاعي، وَلا واحَد وُگَف وَیَّاي، بِل الْجَمیع تِرکوني. لا یِکون هِیچ إلْلي هَي تِنْحِسِب عَلِیهُم. 17أمَّن الرَّب وَگُف جَنبي وَ قُوّاني خاطِر الْکَلام یِنْعِلِن بي واسِطتي بي الْکَمال وَ یِسِمعونه جَمیع الْغِیر یَهُود. چا، نِجَحِت مِن حَلگ الْأسد. 18الرَّب راح یِحَرّرني مِن أي عَمل شَر وَ بي أمان إیِّبني بي مَلکوتَه السَّماوي. لَهُ الْمَجد إلَیٰ أبَد الْآبِدین. آمین!
تَحيات خَتاميه
19سَلِّمني عَلَیٰ پْریسکیلا وَ آکیلا وَ عائلَة اونیسیفوروس. 20إراستوس ضُل بي قُرِنتُس، وَ أنا تِرَکِت تْرومیفوس مَریض بي میلیتوس. 21إسْعي خاطِر گبل الشّتاء تُوصَل إهنا. یوبولوس یِسَلِّم عَلِیک، وَ هَم پودِنْس، لینوس، کْلودیا وَ کِل الْأخوَه یِسَلّمون عَلِیک.
22لِیِکون الرَّب مَعَ روحَک. النِّعمَه إتکون مَعَکُم.
Currently Selected:
رِسالَة ثاني إلَیٰ تیموتائوس 4: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
