رِسالَة ثاني إلَیٰ تَسالونیکي 2
2
رَجعَة الْمَسیح
1یا أخوه، عَن یِیِّت ربنا عیسیٰ الْمَسیح وَ إجتماعنا عندَه، نِترَجّاکُم 2مِن روح لُو کَلام لُو رَساله إلْلي کَأنهِن إیکونِن مِن صوبنا، بي هِل مَضمون إلْلي یُوم رَجعَة الرَّب هَسَّه واصل، لا تْزَعزِعون وَ لا تْدوخون بي سُرعه. 3لا تِسمَحون لِأي أحَد بي أي طَریقه یِغِشکُم. ذاک الْیُوم ما راح ایّي، گَبُل لا یِنتِشِر ذاک الْإرتِداد وَ گَبُل لا یِظهَر ذاک زِلمه الْبِلا دین الَّذي هُوَّ ابن الْهَلاک. 4هُوَّ مَعَ أي شي إلْلي یِنگال لِه إلَه وَ یِنْعِبِد، یِخالِف وَ یِجعَل نِفسه أعلَیٰ مِنَّه، لِحَد إلْلي یِگعِد بي مَعبَد الْإلَه وَ یِدعي بي نِفسه هُوَّ إلَه.
5هَلْ ما تِتذَکرون وَکت إلْلي بَعَدني چِنت وَیَّاکُم گِلتِلکُم هِذِن؟ 6أنتُم تِدرون إلْلي هَسَّه شِنهي صایِر مانِع وَ یِسَبِّب إلْلي هُوَّ بِس بي زَمان الْمُناسِب یِظهَر. 7لِأن سِرّ عَدَم الْدین هَسَّه هَم گاعِد یِعمِل، أمَّن ذاک إللي هَسّه ضابطه راح یِستُمُر بي عَمَله لِحَد وَکت إللي یِنْمِحي مِن الْطَریق. 8بَعدِین ذاک الْبِلا دین راح یِظهَر، الَّذي الرَّب عیسیٰ راح یِهِلکه بي نَفخَة حَلگه وَ راح یِدَمره بي ظُهوره الْمَجید. 9ظُهور ذاک الْبِلا دین راح إیکون بي قُوَّة الشَّیطان وَ مَعَ کِل أنواع الْمُعجزات وَ الْنِیاشین وَ عَجائب الْکِذبه. 10وَ هَم مَعَ کِل أنواع الشَّر إلْلي راح یِغِش جَمیع إلْلي یِمشون بي طَریق الْهَلاک. هِذول بي هِل سَبَب یِهِلکون إلْلي ما رادُوا یِحِبّون الْحَق خاطِر یِنِجحون. 11چا الْإلَه راح یِشَوِّشهُم بي تَشویش عَظیم، بي شِکل إلْلی راح یِأَجنون الْچِذِّب، 12خاطِر یِنْحَکمون جَمیع أشخاص إلْلي ما آمِنُوا بي الْحَق وَ رِضَوا بي الشَّر.
أبقُوا ثابتین
13أمَّن یا أخوه إلْلي مَحبوبین الرَّب، إحنَا کون عَلَیٰ طول نِشکُر الْإلَه لِوجودکُم، لِأن الْإلَه مِن الْبِدایَه أختارکُم خاطِر تِنِجحون بي واسطَة عَمَل روح إلْلي یِقَدِّس وَ الْإیمان بي الْحَق. 14هُوَّ لِخاطِر هَي دَعاکُم بي واسِطَة إنجیلنا، خاطِر إتحَصلون مِن مَجد رَبنا عیسیٰ الْمَسیح. 15چا، یا أخوه، کونوا ثابتین وَ إحِفظُوا تَعالیم إلْلي سِلَمناهِن ألکُم شِنهي بي کَلام وَ شِنهي بي رَساله.
16رَبنا عیسیٰ الْمَسیح بي نِفسه وَ أبونا الْإلَه إلْلي حَبنا وَ بي نِعِمته وَهَّب ألنا تَعزیه أبَدیَّه وَ أمِل طَیِّب، 17لِیِعَزّي گُلوبکم وَ یِثَبتکُم بي أي عَمَل وَ کَلام طَیِّب.
Currently Selected:
رِسالَة ثاني إلَیٰ تَسالونیکي 2: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
