رِسالَة أوَّل إلَیٰ تَسالونیکي 3
3
1بي هِل سَبَب وَکت إلْلي تِمَّم صَبُرنا، رَضینا إلْلي یِخَلوننا لِوَحَدنا بي آتن. 2چا تیموتائوس إلْلي أخونا وَ زَمیل الْإلَه بي بِشارَة إنجیل الْمَسیح وَدِّینا یِمکُم خاطِر یِقَوّي وَ یِشَجِّع إیمانکُم، 3خاطِر أحَد لا یِصیر رِچیچ بي سَبَب هِل صَعوبات، لِأن زِین تِدرون إلْلي إحنَا إتعَیِنّا لِهِذِن. 4بي الْواقِع وَکت إلْلي چِنْنا مَعَکُم، گَبُلها چِنْنا إنگِلکُم إلْلي راح نِتلَوَّع، وَ مِثِل ما تِعُرفون، هِیچ هَم صار. 5بي هِل سَبَب، چِن خَلَّص صَبري، وَدِّیت تیموتائوس خاطِر أستَخبَر مِن إیمانکُم، لِأن چِنت خایِف إلْلي ذاک إلْلي یِوَسوِس، یَعني إبلیس، فِرِد شِکِل أموَسوِسکُم وَ تَعَبنا رایِح عَل فاضي.
تَقریر مُشَجِّع تیموتائوس
6أمَّن هَسَّه تیموتائوس راجِع مِنکُم وَ یایِب بِشاره مِن إیمانکُم وَ مَحَبَّتکُم. هُوَّ خَبَّرنا إلْلي أنتُم کِل وَکِت تِذَکروننا بي الْخَیر وَ مِثِل ما إحنَا مِشتاقین لِشوفَتکُم، أنتُم هَم مِشتاقین لِشوفَتنا. 7بي هِل سَبَب، یا أخوَه، مَعَ کِل ضیج وَ تَعَبنا، تَعَزِّینا بي سَبَب إیمانکُم. 8هَسَّه نِگدَر بي راحه نَأخذ نَفَس، لِأن أنتُم ثابتین بي الرَّب. 9چا أي شُکُر نِگدَر أن نُؤَدّیه إلَی الْإلَه مِن أجِلکُم عَلَی کِل هَذا الْفَرَح إلْلي أحنا حاسّین بیه بي حُضور الْإلَه بي فَضِلکُم، 10بي حال إلْلي إحنَا لَیل وَ نَهار نِنْدَعي مِن کِل گَلُبنا إلْلي مَرَّه أخریٰ أنزورکُم خاطِر نِرفَع أي قُصور إلْلي بي إیمانکُم؟
11الْإلَه نِفسه، أبونا، وَ رَبنا عیسیٰ، یِوَجِّه طَریقنا صُوبکم. 12وَ مِثِل ما مَحَبَّتنا بیکُم گاعده إتْزود، الرَّب چَثیر یِزَوِّد مَحَبِّتکُم لِبَعَضکُم وَ لِجَمیع النَّاس. 13وَ یِوَهِّب الْثَبات لِگُلوبکُم خاطِر وَکِت إلْلي رَبنا عیسیٰ ایّي مَعَ جَمیع مُقَدَّسینه، إتکونون بَلا عَیب وَ قِدّیسین بي حُضور الْإلَه، أبونا.
Currently Selected:
رِسالَة أوَّل إلَیٰ تَسالونیکي 3: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
