رِسالَة أوَّل پِطرُس 4
4
عیشه لِلْإلَه
1چَا مِثِل ما الْمَسیح تَعَذَّب بي حَسَب الْجِسِم، أنتُم هَم جَهزوا نِفِسکُم بي نِفِس طَریقَة الْتَفکیر، لِأن ذاک شَخُص إلْلي مِتعَذِّب بي حَسَب الْجِسِم، بَعَد ما عِنده شُغُل وَیّا الذَّنِب. 2خاطِر یِعیش باجي عُمرَه بي الْعَمل بي إرادَة الْإلَه، مو بي شَهَوات بَشَریَّه. 3چِن بي الْماضي لِحَد الْکافي صَرَفتوا عُمُرکُم بي عَمَل ذاک شي إلْلي یِحِبّونه أقوام الَّذي ما یِعُرفون الْإلَه، وَ گَضِّیتوها بي الْفِساد وَ الشَّهوه وَ الْخُمُر وَ الْزِناء و الْوَناسه وَ عِبادَة أصنام الْشَریره. 4بي هِل سَبَب، هَسّه إلْلي ما تشارکونهُم بي هِل فِسق الْمُفرَط، هُمّا حَیرانین وَ یِشَتمونکُم. 5أمَّن راح یِتْحاسِبون مَعَ ذاک إلْلي جاهِز یِقضي عَلَیٰ الْأحیَاء وَ الْأموات. 6بي هِل سَبَب إلْلي حَتَّیٰ إنجیل هَم إنوَعَظ لِذاکول إلْلي هَسّه مِیتین، خاطِر وَلُو بي حَسَب الْجِسِم إنحُکمَوا عِند الْبَشَر، أمَّن بي حَسَب الرّوح یِعیشون بي طَریقه إلْلي الْإلَه ایرید.
7إتگَرُّبَت نَهایَة کِل شي؛ چَا کونوا عاگلین وَ ضُبطوا نِفِسکُم، لِأن هِذِن یِفیدِنکُم بي دُعاکُم. 8أهَم مِن کِل شي، چِثیر حِبّوا بَعَضکُم، لِأن الْمَحَبَّه تِستِر چِثرَة الذُّنوب. 9ضَیفوا بَعَضکُم بِدون دَردَمه. 10مِثِل مُباشِرین طَیبین إلْلي أنواع نَعَمات الْإلَه مِتسِلمه ألهُم، کِل واحَد مِنکُم خِل یِستَعمِل عَطیّه إلْلي عِنده لِخِدمَة بَعَض. 11لُو أحَد یِتکَلَّم، خِل کَلامه إیکون مِثِل کَلام الْإلَه؛ وَ لُو أحَد یِخدِم، خِل یِخدِم بي قُدرَه إلْلي الْإلَه ایوَهِّبها، خاطِر بي کِل شي الْإلَه یِتمَجَّد بي واسِطَة عیسیٰ الْمَسیح. لَهُ الْمَجد وَ الْسُلطه إلَیٰ أبَد الْآبِدین. آمین.
تَعذیب لِخاطِر الْإیمان
12یا أعِزاء، لا تِتحَیِّرون مِن هَي نار إلْلي لِخاطِر إمتِحانکُم مِشتَعله بِیناتکُم إلْلي کِأنّوا شي غَریب صِدَیٰ عَلِیکُم. 13بَل کونوا فَرحانین مِن هَي إلْلي تِشتَرکون بي عَذاب الْمَسیح، خاطِر چِثیر تِفُرحون بي وَکِت ظُهور مَجده. 14خِیعونکُم لُو لِخاطِر أسم الْمَسیح یِشَتمونکُم، لِأن روح الْمَجد، روح الْإلَه یِستِقِر عَلِیکُم. 15أمَّن خِل وَ لا واحَد مِنکُم یِتعَذَّب بي أسِم قاتِل لُو حَرامي لُو شَریر لُو حَتَّیٰ فضولي. 16بي هِل حال إذا أي واحَد مِنکُم تَعَذَّب بي أسِم مَسیحي، خِل لا یِخجِل، بِل خِل یِمَجِّد الْإلَه بي ذاک الْأسِم. 17لِأن واصُل زَمان إلْلي القَضاوَه تِستَبدي مِن أهِل بِیت الْإلَه؛ وَ لُو تِستَبدي مِن عندنا، چَا أش راح إتکون تالیَّة ذاکول إلْلي ما یِطیعون إنجیل الْإلَه؟ 18وَ
«لُو الْصَالِح بي صُعوبه یِنجَح،
أش راح ایسَوّون إلْلي ما یِعُرفون الْإلَه وَ الْمُذنِبین؟»
19چَا أشخاص إلْلي یِتعَذَّبون بي رادَة الْإلَه، کون یِسِلمون نُفوسهُم لِخالِق الْوافي وَ یِستَمَرّون بي الْأحسان.
Currently Selected:
رِسالَة أوَّل پِطرُس 4: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
