أوَّل یوحَنا 2
2
الْمَسیح شَفیعنا
1یا أطفالي، أکتِب ألکُم هِذِن خاطِر لا تِذِنبون. أمَّن لُو أحَد ذِنَب، عِندنا شَفیع عِند الْأب، یَعني عیسیٰ مَسیح الْصالِح. 2هُوَّ بي نِفسه کَفّارَة ذُنوبنا، وَ مو بِس ذُنوبنا، بَل کَفّارَة جَمیع ذُنوب الْعالَم هَم.
3مِنَّا نِگدَر نِتأکَد أن نِعُرفه، لو أنطیع أحکامه. 4ذاک إلْلي ایگول أعُرفَه، أمَّن ما یِطیع أحکامه، چِذَّاب وَ الْحَقّ ما إلِه مِکانه بیه. 5أمَّن ذاک إلْلي یِطیع کَلامه، مَحَبَّة الْإلَه بي الْحَقیقه إنکِملَت بیه. مِن هَي نِعلَم إلْلي إحنَا بيه: 6ذاک إلْلي ایگول ساکِن بيه، کون یِتعامَل بي شِکِل إلْلي عیسیٰ چان یِتعامَل.
حُکُم جدید
7یا الْأعزَاء، ما أکتِب ألکُم حُکُم یِدید، بَل حُکم الْقَدیم إلْلي چان عِندکُم مِن الْبِدایَه. هَذ حُکم الْقَدیم، إیکون ذیچ رِسالَه إلْلي سِمَعتوها. 8بي نِفس الْحال، حُکم إلْلي أکِتبه ألکُم، حُکُم یِدید إلْلي حَقیقته إمبَیّنه هَم بیه وَ هَم إمبِیِّن بیکُم، لِأن الظَّلام یِتعَدَّه وَ نُور الْحَقیقي هَسّه هَم گاعِد یِشرَّق.
9کِلمَن إلْلي ایگول أنا بي النُّور أمَّن یِکرَه أُخوه، بَعدهو بي الظَّلام. 10کِلمَن إلْلي یِحِب أُخوه، ساکِن بي النُّور وَ ما بیه أي علَّه إلْلي إتْسَبَب الْعَثرَه. 11أمَّن کِلمَن إلْلي یِکرَه أُخوه، إیکون بي الظَّلام وَ یِمشي بي الظَّلام. هُوَّ ما یِدري وَین گاعد ایروح، لِأن الظَّلام عامي إعیونه.
12یا أطفالي، أکتِب ألکُم،
لِأن ذُنوبکُم إنغُفرِن لِخاطِر أسمه.
13یا آباء، أکتِب ألکُم،
لِأن تِعُرفون ذاک إلْلي موجود مِن الْبِدایَه.
یا الشَّباب، أکتِب ألکُم،
لِأن فزتوا عَلَیٰ ذاک الْشَرّیر.
یا أولادي، أکتِب ألکُم،
لِأن تِعُرفون الْأب.
14یا آباء، أکتِب ألکُم،
لِأن تِعُرفون ذاک إلْلي موجود مِن الْبِدایَه.
یا الشَّباب، أکتِب ألکُم،
لِأنکُم أقویاء وَ کَلام الْإلَه ساکِن بیکُم،
وَ فزتوا عَلَیٰ ذاک الْشَرّیر.
لا تحِبّون الدِّنیا
15لا تحِبّون الدِّنیا وَ کِل شي إلْلي بیها. لُو أحَد یِحِبِّ الدِّنیا، ما تکون بيه مَحَبَّة الْأب. 16لِأن کِل شي إلْلي بي الدِّنیا، یَعني هَواء النَّفس، شَهوَة الْعِین وَ کِبریَاء الْمال وَ الْمَقام، ماهي مِن الْأب بَلْ مِن الدِّنیا. 17الدَّنیا وَ شَهَواتها إیِّن وَ یِرحَن، أمَّن ذاک إلْلي یِعمِل إرادَة الْإلَه، راح یُبقیٰ لِلْأبَد.
18یا أولاد، هَي ساعَه الْأخیره وَ مِثِل ما سامعین راح ایّي ”ضِدِّ الْمَسیح“، هَسّه هَم ظَهرَوا چِثیرین ضِدِّ الْمَسیح، وَ مِن هَي نُعرُف إلْلي هَي ساعَه الْأخیره. 19ذاکول طُلعَوا مِن بِیننا، أمَّن ما چانُوا مِن عِندنا؛ چِن لُو چانُوا مِن عِندنا، چان ضَلُّوا وَیَّانا. أمَّن روحَتهُم راوَت إلْلي وَ لا واحَد مِنهُم چان مِن عِندنا.
20أمَّن أنتُم حَصَلتوا مَسحه مِن ذاک الْقُدّوس وَ کِلکُم مالکین الْمَعرفه. 21أنا أکتِب ألکُم هِذِن، مو مِن هَي إلْلي ما تُعُرفون الْحَقیقه، بَل مِن هَي إلْلي تُعُرفونها، وَ هَم تُعُرفون إلْلي أي چِذّبه ما تِظهَر مِن الْحَقیقه. 22یاهو الْچِذَّاب، غِیر ذاک إلْلي یِنکُر عیسیٰ هُوَّ مَسیح الْمُوعود. هِیچ شَخُص هُوَّ ”ضِدِّ الْمَسیح“ إلْلي هَم یِنکُر الْأب وَ هَم یِنکُر الْابِن. 23کِلمَن یِنکُر الْابِن، ما یکون عِندَه الْأب هَم وَ کِلمَن ایقُر بي الْابِن، یکون عِندَه الْأب هَم.
24خِلوا یُبقیٰ بیکُم شي إلْلي سِمَعتوه مِن الْبِدایَه؛ لُو شي إلْلي سِمَعتوه مِن الْبِدایَه یُبقیٰ بیکُم، أنتُم هَم راح تُبقون بي الْابِن وَ الْأب. 25وَ هَي هیَّه شي إلْلي هُوَّ واعَدنا بیها، یَعني حَیَاة الْأبَدیَّه.
26أنا کِتَبت هِذِن عَن أشخاص إلْلي یِزِلفونکُم مِن الْطَریق. 27أمَّن عَنکُم کون أگول ذیچ مَسحَه إلْلي حَصَّلتوها مِنَّه، ساکنه بیکُم وَ ما تِحتاجون أحَد یِعَلِّمکُم، بَل مَسِحته أتعَلِّمکُم عَن کِل شي. ذیچ الْمَسحَه، حَقیقیه، مو چِذّبه. چا مِثِل ما إمعَلِّمکُم، ضُلوا ساکنین بيه.
28چا هَسّه، یا أطفال، ضُلوا ساکنین بيه، خاطِر وَکِت إلْلي هُوَّ یِظهَر، إنکون مُطمَئنّین وَ بي وَکِت یِیته لا نِخجَل مِنَّه. 29لُو عَرَفتوا إلْلي هُوَّ صالِح، چا تِدرون ذاک إلْلي یِعمِل أعمال الْصَالِحه، مِتوَلِّد مِنَّه.
Currently Selected:
أوَّل یوحَنا 2: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
