اوّل قرنتیان 3
3
الْتِفرَقه بي الْکَلیسه
1أمَّن أنا، یا أخوَه، ما گِدَرِت أحاچیکُم مِثِل أشخاص روحانیه بِل مِثِل أشخاص نَفسانیه، یَعني مِثِل أشخاص إلْلي کِرُضّاع بي الْمَسیح. 2أنا أنْطِیتکُم حَلیب مو لَحَم، لِأن ما چِنتُوا مِستِعِدّین وَ هَسّه هَم مِنتُم مِستِعِدّین، 3چِن بَعَدکُم نَفسانیین. وَکت إلْلي أکو بِینکُم حَسَد وَ جَدَل، مو إتْراوي إلْلي أنتُم نَفسانیین وَ تِتْعامِلون مِثِل أشخاص عادیَه؟ 4لِأن وَکت إلْلي واحَد ایگول: «أنا مُتابع پولُس،» وَ الْآخَر ایگول: «أنا مُتابع آپولُس،» هَل مِنتُم أشخاص عادیَه؟
5آخِر آپولُس یاهو؟ پولُس یاهو؟ ذاکول بِس إیکونون خِدَام إلْلي الْإلَه مُنْطي لِأي واحَد مِنهُم وَظیفه خاطِر أنتُم بي واسِطَتهُم تُؤمِنون. 6أنا شِتَلِت الْبَذِر وَ آپولُس سِقیٰ، أمَّن الْإلَه چان إلْلي خِلَّاه یِخَضُر. 7چا لا الْشَاتِل إیکون شي وَ لا الْساقي، بِل بِس الْإلَه إلْلي یِخَلّیه یِخَضُر. 8ذاک إلْلي یِشتِل وَ ذاک إلْلي یِسقي أثنِینهُم إیکونون واحَد، وَ کِل واحَد إبگِد تَعبه راح یَأخَذ أجُر. 9لِأن إحنَا زُمَلاء الْإلَه وَ مِتعَلقین لِه، وَ أنتُم زَرِع وَ عَمارَه إلْلي مِتعَلقین لِلْإلَه.
10مَعَ لُطف إلْلي الْإلَه إموَهبَه لي، مِثِل مِعمار خَبیر حَطِّیت سَاس وَ شَخُص آخَر یِبْني عَمارَه عَلَیٰ ذاک الْساس. أمَّن کِل واحَد کون إیکون واعي إلْلي إشلون یِبْني. 11لِأن أحَد ما یِگدَر یِحُط سَاس غِیر ذاک سَاس إلْلي چان مَحْطوط، وَ ذاک الْساس هُوَّ عیسیٰ الْمَسیح. 12لُو أحَد یِبْني عَلَیٰ هِل سَاس عَمارَه مِن ذَهَب لُو فُضَّه لُو حَجَر غالي لُو خِشِب لُو عُلوفَه لُو تِبِن، 13راح یِظهَر شُغلَة کِل شَخُص، چِن ذاک ”الیُوم“ راح یِظَهُّر کِل شي. لِأن النَّار تِظهَر نَتیجَة الْشُغله، وَ راح تِمتِحِن قیمَة شُغلَة کِل شَخُص. 14لُو شي إلْلي الْشَخُص بانیه عَلَیٰ ذاک الْساس، یِضُل سالِم مِن النَّار، ذاک الْشَخُص راح یِحَصُل أجرَه. 15أمَّن لُو شُغُل أحَد یِحتِرِگ، راح یِخسَر؛ وَلُو هُوَّ راح یِنجَح، أمَّن راح إیکون مِثِل شَخُص إلْلي إمنَجّي نَفسه مِن بِین النَّار.
16هَلْ ما تِدرون إلْلي أنتُم مَعبَد الْإلَه وَ روح الْإلَه ساکِن بیکُم؟ 17لُو أحَد یِخَرِب مَعبَد الْإلَه، الْإلَه راح یِهِلکه؛ لِأن مَعبَد الْإلَه مُقَدَّس وَ أنتُم إتکونون ذاک الْمَعبَد.
18لا تْغِشون نَفِسکُم. لُو أحَد مِنکُم یِفَکُّر نَفسه حَکیم بي مَوازین هِل زَمان، لِخاطِر هَي إلْلي إیکون حَکیم، کون إیصیر جاهِل. 19لِأن حِکمَة هَي الْدِنیا بي نَظَر الْإلَه إتکون جَهَل. مِثِل ما مَکتوب بي کتاب أیوب: «یِوَرُّط الْحُکَماء بي طَریقَتهُم.» 20وَ بَعَد هَم مَکتوب بي کتاب الْمَزَامیر: «الرَّب یِعلَم بي أفکار الْحُکَماء وَ یُعرُف إلْلي أفکارهُم باطله.» 21چا بَعَد أحَد لا یِفتِخِر بي الْبَشَر. لِأن کِل شي مِتعَلِق ألکُم، 22شِنهي پولُس، لو آپولُس، لو کیفا، لو دِنیا، لو الْعیشه، لو الْمُوت، لو زَمان الْحاضِر وَ لو زَمان الْآتي، کِل شي وَ کِل شي إیکون ألکُم 23وَ أنتُم لِلْمَسیح وَ الْمَسیح لِلْإلَه.
Currently Selected:
اوّل قرنتیان 3: ACM
Highlight
Share
Compare
Copy
Want to have your highlights saved across all your devices? Sign up or sign in
©️2024 Korpu Company
