Alawi 24
24
Malagalaki gukutunza taa
Kuboka 27:20-21
1Bambu Sapanga ampwagila Musa, 2“Waalagalakia bandu boti Aizalaeli buguletila mahuta ga sapi gi mizeituni gukujege mu taa ili jinyaka masoba goti ganga na mwisu. 3Aloni jipambakiya taa heji nkati ji lihema laka Sapanga, kunza ji lisanduku lukutemuli, ili jinyaka palongi jangu tumbukua ikilu mbaka pulukela. Nhilu hogu mugukamula masoba goti ganga na mwiibeleku yinu. 4Aloni jaibeka taa heyi mu kipanda saamboni sa zahabu jinyaka masoba goti palongi jaka Bambu Sapanga.”
Libumunda lebilipihiki kwaka Sapanga
5Wiijukua uwembi gogupoliki sapi, kilu komi ni ibeli nukujosa mabumunda komi na mabeli. 6Mabumunda haga wiipanga mistali mibeli pandu pukupiki matambiku jeaabandiki zahabu ja sapi jeabei palongi jangu nepani Bambu Sapanga, kila nsitali mabumunda sita. 7Kila nsitali beka ubani wa sapi ili jikamulana pamu na mabumunda haga, na kila pandu pi litambiku lukutini lu kukombuke kwaka Bambu Sapanga. 8Kila Lisoba lukupomulela Aloni jwipanga sapi mabumunda mu misitali palongi jangu nepani Bambu kwa ndaba ja bandu Aizilaeli ngati lilagi la masoba goti. 9Aloni na bana baki kajika jabu ndi baapalika kula Mabumunda haga ndaba ndi gaka Sapanga nabombi bilelila pandu paka Sapanga ndaba haga ndi pandu pi litambiku yeambiki nepani Bambu Sapanga pa mwotu. Hela ndi ekupalika mu masoba goti ganga na mwisu.
Kutemu kokupalika
10Lisoba limu kwabii nu nkombu jumu atati baki Amisili na anyongo Aizilaeli. Jakomana nu Nhizilaeli jumu nkati ji likambi. 11Nkombu jola jaalongama nu nukuntondoo Bambu Sapanga, anyongo bukunkombu hoju baakemika Shelomiti ju Dibili ju likabila la Dani. Ndienu bandu bumpelika nkombu jola kwaka Musa, 12nabombi bumpungi nkati mbaka Bambu Sapanga pajwipwaga sukunhenga.
13Ndienu, Bambu Sapanga ampwagila Musa, 14Gumpiya nnkombu kunza ji likambi na boti bala babunzowaniwa pajanongama abeka maboku gabu panani ji kimutu saki ndienu Aizilaeli boti bunkoma sukunndapu imabu. 15Ndienu, waampwagila Aizilaeli kubanga mundu jokapi jojandapila mbamba nepani Bambu Sapanga jipalika kupata azabu kwa mahakau gajuhengiki. 16Mundu jokapi jojundondo nepani jukubi mwenei au ngeni joasapu Bambu Sapanga, bandu boti ba nkoma sukundapu imabu. 17Mundu jokapi joakoma mundu nzaki ndi kwiipalika jukomika. 18Mundu jokapi jojikoma kinyama sukunzaaki ndi kwiipalika julepa kinyama sengi sekibii somi. 19Mundu jokapi jojwaumisa nnzaki, ndi kwiipalika na jombi kabee bunhumisa ngati eanhumisa nnzaki. 20Mundu aanaatunwi nnzaki lihupa na jombi bantunula lihupa, liu kwa liu, linu kwa linu. Kila mundu joahumisa nzaki ndi kwiipalika najombi anhumisi ngati enhaumisi nzaki. 21Jojikikoma kinyama sukunnzaki ndi kwiipalika julepa kinyama sengi, lakini ngati anamundu jokapi ankomiki mundu nzaki ndi kwiipalika najombi jukomika. 22Nhilu gongo ndi gogukamulaki nngeni na mwenei. Nepani ndi Bambu Sapanga, Sapanga winu.
23Ndienu, Musa jwapwagila Aizilaeli boti. Bumpelaka mundu joandapi yambamba Bambu Sapanga kunza ji likambi, bunkoma sukunndapu malibu. Enu ndi Aizilaeli bahenga ngati Bambu Sapanga eanndagalakia Musa.
Currently Selected:
Alawi 24: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
