Joshua 23
23
Joshua jaatabuka aka kilongosi
1Egapeta masoba gingipi, Bambu Sapanga jwaahenga Aizalaeli apomuliya su lukwali mu kukomana na abaja babu babiya baayongolota. Yoshua jabia nseja jwa yaka hingi. 2Joshua jwaakema Aizalaeli boti pamu na aka kilongosi na akaseja babu, baatemu na akakolongu, jwaapwagila, “Sajenu nepani nuseja wa yaka yingi. 3Mbanganya mboniki kila sindu Bambu Sapanga, Sapanga winu sejwaahengi milema yoti aje ndaba jinu. Bambu Sapanga wino ndi jojunkomania. 4Nkombuka namuna henummbaguliya sukupega gudugudu milema jejihigali kuba ulisi wa makabila ginu, yani bandu bu nndema gongi banaawesiki kuhuma ku losi lwa Yoludani mbaka ku nhanga nkolongu uku Mediteleniani, upandi wa golijingi lyoba. 5Bambu Sapanga, Sapanga winu, jwaaboa palongi jinu na kwaabenga ngani, nanamu mwagukamula nndema wabu ngati Bambu Sapanga, Sapanga wino ejundagila. 6Ndienu nkuba nganganganga nu kupwata goti gagaandikwi mu kitabu sa malagalaki gaka Musa, mwiikotoka hata kulenga kugaleka. 7Mwiijongana na bandu haba bi milema jejihigali pikilanda jinu. Mwiilogo mahina gabu na mwiilogo mahina gi isapanga yabu, wala mwiilapa kupete mahina gaka isapanga yabu, wala kujigungamali. 8Ila mwiijongana na Bambu Sapanga, Sapanga winu ngati emwalonguliya kuhenga mbaka lelenu. 9Kwa ndaba Bambu Sapanga jwaabengiki bandu bi milema mikolongu na jejibii na makili koni mwaabona na ngase jubii mundu jukuwesa kumpenga mbaka lelenu. 10Mundu wi jumu juwesa kwaabenga bandu elupu jimu, kwa ndaba Bambu Sapanga, Sapanga winu ndi jojunkomane ngati ejunndagila. 11Ndienu mlilingalakiya nu kumpala ngani Bambu Sapanga, Sapanga winu. 12Ndaba, ana mundei Bambu Sapanga nu kujongana na bandu bi milema jengi jejihigali pi kilanda jinu, nukujukuu akambomba kwabu na bombi kujukuu akambomba kwinu, 13mmanya kubanga Bambu Sapanga, Sapanga winu, ngajwihendele kwaabenga bandu bi milema jengi haba palongi jino, lakini bombi bibiya lugoji nu ntegu. Kwinu bibiya kiboku su kundimangi na miya jukuntonga mu miu ginu, mbaka pabibiya bunkomiki mwaboti nu kuboka mu nndema gongo gojumpeki Bambu Sapanga, Sapanga winu.”
14“Masoba gangu gakuwa gahegali mwanganya mwaboti mmanyiki mu mioju jinu kubanga goti gaamboni Bambu Sapanga, Sapanga winu gajunndagi gapitii. Kila sindu sejunndagi mwanganya kipiti nga sindu hata simwa sanga kupiti sejunndagi. 15Lakini ngati Bambu Sapanga, Sapanga winu, ejutimisi majambu gaamboni goti gajundagila, ahelahe juwesa kundete mabaja goti mbaka junkoma mwaboti kuhuma mu nndema wa amboni gongo gojumpeki ana kugajetake kuhenga gajulagalaki. 16Ngati ana ngase mulitunziki lilaganu laki Bambu Sapanga, Sapanga winu, leandagalakia mulipwata, su kujenda kuitumaki ika sapanga yengi nu kuigungamali, enu inyela jaka Bambu Sapanga itenda kunhiki, na jwitenda kunkoma nyatanyata mu nndema waamboni gongo gojumpeki.”
Currently Selected:
Joshua 23: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Joshua 23
23
Joshua jaatabuka aka kilongosi
1Egapeta masoba gingipi, Bambu Sapanga jwaahenga Aizalaeli apomuliya su lukwali mu kukomana na abaja babu babiya baayongolota. Yoshua jabia nseja jwa yaka hingi. 2Joshua jwaakema Aizalaeli boti pamu na aka kilongosi na akaseja babu, baatemu na akakolongu, jwaapwagila, “Sajenu nepani nuseja wa yaka yingi. 3Mbanganya mboniki kila sindu Bambu Sapanga, Sapanga winu sejwaahengi milema yoti aje ndaba jinu. Bambu Sapanga wino ndi jojunkomania. 4Nkombuka namuna henummbaguliya sukupega gudugudu milema jejihigali kuba ulisi wa makabila ginu, yani bandu bu nndema gongi banaawesiki kuhuma ku losi lwa Yoludani mbaka ku nhanga nkolongu uku Mediteleniani, upandi wa golijingi lyoba. 5Bambu Sapanga, Sapanga winu, jwaaboa palongi jinu na kwaabenga ngani, nanamu mwagukamula nndema wabu ngati Bambu Sapanga, Sapanga wino ejundagila. 6Ndienu nkuba nganganganga nu kupwata goti gagaandikwi mu kitabu sa malagalaki gaka Musa, mwiikotoka hata kulenga kugaleka. 7Mwiijongana na bandu haba bi milema jejihigali pikilanda jinu. Mwiilogo mahina gabu na mwiilogo mahina gi isapanga yabu, wala mwiilapa kupete mahina gaka isapanga yabu, wala kujigungamali. 8Ila mwiijongana na Bambu Sapanga, Sapanga winu ngati emwalonguliya kuhenga mbaka lelenu. 9Kwa ndaba Bambu Sapanga jwaabengiki bandu bi milema mikolongu na jejibii na makili koni mwaabona na ngase jubii mundu jukuwesa kumpenga mbaka lelenu. 10Mundu wi jumu juwesa kwaabenga bandu elupu jimu, kwa ndaba Bambu Sapanga, Sapanga winu ndi jojunkomane ngati ejunndagila. 11Ndienu mlilingalakiya nu kumpala ngani Bambu Sapanga, Sapanga winu. 12Ndaba, ana mundei Bambu Sapanga nu kujongana na bandu bi milema jengi jejihigali pi kilanda jinu, nukujukuu akambomba kwabu na bombi kujukuu akambomba kwinu, 13mmanya kubanga Bambu Sapanga, Sapanga winu, ngajwihendele kwaabenga bandu bi milema jengi haba palongi jino, lakini bombi bibiya lugoji nu ntegu. Kwinu bibiya kiboku su kundimangi na miya jukuntonga mu miu ginu, mbaka pabibiya bunkomiki mwaboti nu kuboka mu nndema gongo gojumpeki Bambu Sapanga, Sapanga winu.”
14“Masoba gangu gakuwa gahegali mwanganya mwaboti mmanyiki mu mioju jinu kubanga goti gaamboni Bambu Sapanga, Sapanga winu gajunndagi gapitii. Kila sindu sejunndagi mwanganya kipiti nga sindu hata simwa sanga kupiti sejunndagi. 15Lakini ngati Bambu Sapanga, Sapanga winu, ejutimisi majambu gaamboni goti gajundagila, ahelahe juwesa kundete mabaja goti mbaka junkoma mwaboti kuhuma mu nndema wa amboni gongo gojumpeki ana kugajetake kuhenga gajulagalaki. 16Ngati ana ngase mulitunziki lilaganu laki Bambu Sapanga, Sapanga winu, leandagalakia mulipwata, su kujenda kuitumaki ika sapanga yengi nu kuigungamali, enu inyela jaka Bambu Sapanga itenda kunhiki, na jwitenda kunkoma nyatanyata mu nndema waamboni gongo gojumpeki.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.