Joshua 22
22
Makabila gu upandi golipita lyoba gatenda kubuja kunyumba jabu
1Ndienu, Joshua jwaakema bandu bi likabila laka Lubeni ni likabila laka Gadi na nusu ja bandu bi likabila laka Manase lu upandi golipiti lyoba, 2jwaapwagila, “Nhengiki goti gajunndagalakiya Musa ntumisi uka Bambu Sapanga, na mwanganya nnyetaki nu kuhenga goti ganunndagalaki. 3Wala ngasemwaalei akalongu bino kipindi sokapi mbaka lelenu, lakini mpwatiki malagalaki gaka Bambu Sapanga, Sapanga winu. 4Sajenu Bambu Sapanga, Sapanga winu jwaapekii akalongu bi lukwali ngati ejaalagila. Henu nkelubukania kunyumba jinu mu nndema goampekiya Musa ntumisi guka Bambu Sapanga, jibiya mali gino gogubi kwii ja losi lwa Yoludani. 5Nndingalakiya nu kupwata malagalaki gaguge Musa ntumisi waka Bambu Sapanga gajunndagalakia. Kumpala Bambu Sapanga, Sapanga winu nu kupwata indela jaki nu kupwata Malagalaki gaki, nnzongana naku nu kuntumaki kwa mwoju gwoti na kwa makili gaku goti.” 6Ndienu, Joshua jwaapengila na kwaaleka ajendania kunyumba jinu. 7Musa jabiya jaabia jaapeki nndema uku Bashani nusu ji likabila laka Manase. Lakini nusu jengi jela Joshua jaapekiya nndema gu upandi golijingi lyoba wa losi lwa Yoludani pamu na alongu babu. Ndienu, kabula Joshua ngasejalei ajenda kunyumba jabu jatenda kwaapenge, 8jaapwagila, “Mwanganya mmbuja mu manyumba ginu koni mmbii na mali gingi, mmbii ni mipugu jingi mmbii na madini ga feza na zahabu na shaba na isomasoma ni ingobu hingi. Ndienu mwakaabaguliya ajinu ganzopiki kuhuma kwa abaja binu.”
9Enu, bandu bi likabila laka Lubeni ni likabila la Gadi na nusu ji likabila laka Manase lu upandi golipiti lyoba balekana na bandu bi makabila gangi ga Aizalaeli guku Shilu, mu nndema wa Kanaani. Bakelubuka mu nndema wabu uku Gileadi, nndema gowabiya gwabu ku malagalaki gaka Bambu Sapanga ngati eandagalakia Musa.
Mesa jukupikii litambiku pambipi na losi luku Yoludani
10Pabahika Geliloti gogubii pambipi na losi lwa Yoludani mu nndema uku Kanaani, bandu bi likabila laka Lubeni na likabila la Agadi na nusu ji likabila la Manase lu upandi golipita lyoba basenga mesa ngolongu ju kupiki matambiku pambipi ja losi lwa Yoludani. 11Enu, majambu haga gahikila bandu ba makabila gangi ga Aizalaeli, kubanga makabila gaka Lubeni ni likabila laka Gadi na nusu ji likabila laka Manase gabiya gasengiki mesa ngolongu jukupikii matambiku pambipi na losi lwa Yoludani mu nndema wa Kanaani, nndema wa bandu buku Izilaeli. 12Aizilaeli ebajogwana hela, bakusanyika boti ku Shilu kujenda kukomana ngondu na makabila haga.
13Ndienu, bandu buku Izalaeli baatuma Finehasi, mwana waka nngolu Eleazali jujenda ku Gileadi nuku makabila gaka Lubeni nai likabila laka Gadi na nusu ji likabila laka Manase lu upandi golipiti lyoba. 14Finehasi jwaboka naka akakilongosi komi, kila kilongosi juhumi kila likabila la Aizieli na kila mundu jabii kilongosi mu lukolu lwaki lu upandi golipiti lyoba. 15Nabombi baajendila bandu bi likabila laka Lubeni ni likabila la Gadi na nusu ji likabila laka Manase mu nndema uku Gileadi, baapwagila, 16“Bandu boti baka Bambu Sapanga alaluki ana, ‘Ndaba jakii muhengi hela Bambu Sapanga jwa Aizalaele? Boo, mbona mundei Bambu Sapanga su kusenga mesa ngolongu jukupiki matambiku ajeje? 17Boo, mahakau gatwahengiki ku Peoli ngasegatosike? Boo, mbaka lelenu twakona ngasetulisapisa ndaba ja mahakau gala nu gutung'alisa twepani twa bandu baka Bambu Sapanga. 18Ndaba ja kike, nkotwiki kumpwata Bambu Sapanga? Ana mundei Sapanga lelenu, kilabu jitenda kutuyome twabandu twaboti tuku Izalaeli. 19Ana nndema gwii gubii gwanga kujetakeka palongi jaka Bambu Sapanga, ndienu ndobukiya mu nndema gongo goguwe lihema laka Bambu Sapanga libi na mwakajukua pandu kati jitu, lakini mwaanndeka Bambu Sapanga wala kutukana twepani sukulisenge mesa jengi ngolongu jukupiiki matambiku, jejuje ngajaka Bambu Sapanga, Sapanga witu. 20Boo, Akani mwana uka Zela pajasindwa kuhobaleka mu hindu ya Sapi, inyela yaka Bambu Sapanga ngase yutupatiki twabandu twabote buku Izilaele? Kabee Akani ngase jwakuwa pe kanzika jaki ndaba ja mahakau gaki.’” 21Ndipala, bandu ba makabila gaka Lubeni na Gadi na nusu ji likabila laka Manase bu upandi golipiti lyoba baajibua aka kilongosi ba bandu Aizalaeli bala, 22“Sapanga wi isapanga ndi Bambu Sapanga jojubi na makili! Sapanga wi isapanga ndi Bambu Sapanga jojubi na makili! Jwombi jumanyiki ndaba jakike twepani tuhengiki hela. Aizalaeli boti amanyiki hela. Ana tukosii nkotuka kutuleka twabomi. 23Ngati tulisengi twabeti mesa jukupiki matambiku ili kundeka Bambu Sapanga nu kupiki matambiku gu kutini na matambiku gi ilebi au kupia matambiku gu lukwali, enu Bambu Sapanga jututemulaje. 24Ngahela! Twahenga hela su kujogopa ndaba masoba ibeleku inu ihika kukilaluki kibeleku situ, ‘Mwanganya ni mmbi nu ukosi boo na Bambu Sapanga Sapanga jwa Aizilaele? 25Ngase mboniki kubanga Bambu Sapanga ambei kulosi lwa Yoludani gubia mpaka kati jinu mwanganya na twepani ni likabila la Gadi. Mwanganya ngase mwapatiki nndema wokapi kwaka Bambu Sapanga.’ Ndienu bana bino baahenga ibeleku akotuka kundumbali Bambu Sapanga. 26Ndienu twasenga mesa jukupikii matambiku jenze, lakini ngasetwasenga kwa ndaba jukupikii matambiku au kupiki matambiku gukutini, 27lakini twapala mesa jukupiki matambiku jenze jikuba sindu su kukombukeka kati jitu twepani na mwanganya ni ibeleku itu ni ibeleku inu ili tunndumbakiya Bambu Sapanga kupete matambiku gitu gukutinii na matambiku gi ilebi na matambiku gu kutama su lukwali ili kibeleku sinu saapwagila kibeleku situ kupwaaga ngaseabii na sindu sokapi kwaka Bambu Sapanga. 28Twaholalia kabee lijambu ngati heli biipwaga ndaba jitu au ji ibeleku hitu, twaajibua ana, ‘Linga mesa jumalibu jaka Bambu Sapanga ambaju akahoku bitu batenda kujisenga, si ndaba jukupikii panani jaki Matambiku gukutinii au matambiku lakini jibiya alama mu kibeleku situ ni kibeleku sinu’. 29Twepani ngase tupai kunndeka Bambu Sapanga, nu kusenga mesa jukupikii matambiku, matambiku gu kutinii au matambiku gu uwembi au matambiku gangi. Ngasetupai kupiki matambiku pandu pangi ila mu mesa jukupiki matambika gaka Bambu Sapanga, Sapanga witu, jejibii palongi mu lihema laki.” 30Nngolu Finehasi, akakilongosi ba bandu boti na akakolongu ba bandu Aizalaeli batenda kujetake, pabajowana malobi haga ga bandu bi likabila la Lubeni ni likabila la Gadi na nusu ji likabila la Manase. 31Finehasi mwana juku nngolu Eleazali, jugapwagila makabila gaka Lubeni ni likabila la Gadi na nusu likabila laka Manase lu upandi golipita lyoba, “Lelenu tumanyiki kubanga Bambu Sapanga jubii pamu na twepani twaboti ndaba ngase mundeile. Enu mwaokwi Aizalaeli ili Bambu Sapanga jwaakoma.” 32Ndienu, Finehasi mwana uku nngolu Eleazali pamu na akikilongosi ajaki baatabuka bandu bama kabila gaka Lubeni na Gadi baboka ku nndema wa Gileadi, bakelubuka ku Kanaani kwaka Aizalaeli na kwampwagi majambu haga. 33Bahekalia kujogwana majambu haga bundumbalia Bambu Sapanga Aizalaeli, na ngasebalongali kabee majambu gu kujenda kukomana nu kuhalabana nndema gowabii umakabila gaka Lubeni na Gadi. 34Bandu ba makabila ga Lubeni ni likabila la Gadi bijikema mesa jukupiki matambiku jela ndi alama ndaba baapwaga “Mesa jukupiki matambiku haje ndi alama kwitu twepani kubanga Bambu Sapanga ndi Sapanga.”
Currently Selected:
Joshua 22: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Joshua 22
22
Makabila gu upandi golipita lyoba gatenda kubuja kunyumba jabu
1Ndienu, Joshua jwaakema bandu bi likabila laka Lubeni ni likabila laka Gadi na nusu ja bandu bi likabila laka Manase lu upandi golipiti lyoba, 2jwaapwagila, “Nhengiki goti gajunndagalakiya Musa ntumisi uka Bambu Sapanga, na mwanganya nnyetaki nu kuhenga goti ganunndagalaki. 3Wala ngasemwaalei akalongu bino kipindi sokapi mbaka lelenu, lakini mpwatiki malagalaki gaka Bambu Sapanga, Sapanga winu. 4Sajenu Bambu Sapanga, Sapanga winu jwaapekii akalongu bi lukwali ngati ejaalagila. Henu nkelubukania kunyumba jinu mu nndema goampekiya Musa ntumisi guka Bambu Sapanga, jibiya mali gino gogubi kwii ja losi lwa Yoludani. 5Nndingalakiya nu kupwata malagalaki gaguge Musa ntumisi waka Bambu Sapanga gajunndagalakia. Kumpala Bambu Sapanga, Sapanga winu nu kupwata indela jaki nu kupwata Malagalaki gaki, nnzongana naku nu kuntumaki kwa mwoju gwoti na kwa makili gaku goti.” 6Ndienu, Joshua jwaapengila na kwaaleka ajendania kunyumba jinu. 7Musa jabiya jaabia jaapeki nndema uku Bashani nusu ji likabila laka Manase. Lakini nusu jengi jela Joshua jaapekiya nndema gu upandi golijingi lyoba wa losi lwa Yoludani pamu na alongu babu. Ndienu, kabula Joshua ngasejalei ajenda kunyumba jabu jatenda kwaapenge, 8jaapwagila, “Mwanganya mmbuja mu manyumba ginu koni mmbii na mali gingi, mmbii ni mipugu jingi mmbii na madini ga feza na zahabu na shaba na isomasoma ni ingobu hingi. Ndienu mwakaabaguliya ajinu ganzopiki kuhuma kwa abaja binu.”
9Enu, bandu bi likabila laka Lubeni ni likabila la Gadi na nusu ji likabila laka Manase lu upandi golipiti lyoba balekana na bandu bi makabila gangi ga Aizalaeli guku Shilu, mu nndema wa Kanaani. Bakelubuka mu nndema wabu uku Gileadi, nndema gowabiya gwabu ku malagalaki gaka Bambu Sapanga ngati eandagalakia Musa.
Mesa jukupikii litambiku pambipi na losi luku Yoludani
10Pabahika Geliloti gogubii pambipi na losi lwa Yoludani mu nndema uku Kanaani, bandu bi likabila laka Lubeni na likabila la Agadi na nusu ji likabila la Manase lu upandi golipita lyoba basenga mesa ngolongu ju kupiki matambiku pambipi ja losi lwa Yoludani. 11Enu, majambu haga gahikila bandu ba makabila gangi ga Aizalaeli, kubanga makabila gaka Lubeni ni likabila laka Gadi na nusu ji likabila laka Manase gabiya gasengiki mesa ngolongu jukupikii matambiku pambipi na losi lwa Yoludani mu nndema wa Kanaani, nndema wa bandu buku Izilaeli. 12Aizilaeli ebajogwana hela, bakusanyika boti ku Shilu kujenda kukomana ngondu na makabila haga.
13Ndienu, bandu buku Izalaeli baatuma Finehasi, mwana waka nngolu Eleazali jujenda ku Gileadi nuku makabila gaka Lubeni nai likabila laka Gadi na nusu ji likabila laka Manase lu upandi golipiti lyoba. 14Finehasi jwaboka naka akakilongosi komi, kila kilongosi juhumi kila likabila la Aizieli na kila mundu jabii kilongosi mu lukolu lwaki lu upandi golipiti lyoba. 15Nabombi baajendila bandu bi likabila laka Lubeni ni likabila la Gadi na nusu ji likabila laka Manase mu nndema uku Gileadi, baapwagila, 16“Bandu boti baka Bambu Sapanga alaluki ana, ‘Ndaba jakii muhengi hela Bambu Sapanga jwa Aizalaele? Boo, mbona mundei Bambu Sapanga su kusenga mesa ngolongu jukupiki matambiku ajeje? 17Boo, mahakau gatwahengiki ku Peoli ngasegatosike? Boo, mbaka lelenu twakona ngasetulisapisa ndaba ja mahakau gala nu gutung'alisa twepani twa bandu baka Bambu Sapanga. 18Ndaba ja kike, nkotwiki kumpwata Bambu Sapanga? Ana mundei Sapanga lelenu, kilabu jitenda kutuyome twabandu twaboti tuku Izalaeli. 19Ana nndema gwii gubii gwanga kujetakeka palongi jaka Bambu Sapanga, ndienu ndobukiya mu nndema gongo goguwe lihema laka Bambu Sapanga libi na mwakajukua pandu kati jitu, lakini mwaanndeka Bambu Sapanga wala kutukana twepani sukulisenge mesa jengi ngolongu jukupiiki matambiku, jejuje ngajaka Bambu Sapanga, Sapanga witu. 20Boo, Akani mwana uka Zela pajasindwa kuhobaleka mu hindu ya Sapi, inyela yaka Bambu Sapanga ngase yutupatiki twabandu twabote buku Izilaele? Kabee Akani ngase jwakuwa pe kanzika jaki ndaba ja mahakau gaki.’” 21Ndipala, bandu ba makabila gaka Lubeni na Gadi na nusu ji likabila laka Manase bu upandi golipiti lyoba baajibua aka kilongosi ba bandu Aizalaeli bala, 22“Sapanga wi isapanga ndi Bambu Sapanga jojubi na makili! Sapanga wi isapanga ndi Bambu Sapanga jojubi na makili! Jwombi jumanyiki ndaba jakike twepani tuhengiki hela. Aizalaeli boti amanyiki hela. Ana tukosii nkotuka kutuleka twabomi. 23Ngati tulisengi twabeti mesa jukupiki matambiku ili kundeka Bambu Sapanga nu kupiki matambiku gu kutini na matambiku gi ilebi au kupia matambiku gu lukwali, enu Bambu Sapanga jututemulaje. 24Ngahela! Twahenga hela su kujogopa ndaba masoba ibeleku inu ihika kukilaluki kibeleku situ, ‘Mwanganya ni mmbi nu ukosi boo na Bambu Sapanga Sapanga jwa Aizilaele? 25Ngase mboniki kubanga Bambu Sapanga ambei kulosi lwa Yoludani gubia mpaka kati jinu mwanganya na twepani ni likabila la Gadi. Mwanganya ngase mwapatiki nndema wokapi kwaka Bambu Sapanga.’ Ndienu bana bino baahenga ibeleku akotuka kundumbali Bambu Sapanga. 26Ndienu twasenga mesa jukupikii matambiku jenze, lakini ngasetwasenga kwa ndaba jukupikii matambiku au kupiki matambiku gukutini, 27lakini twapala mesa jukupiki matambiku jenze jikuba sindu su kukombukeka kati jitu twepani na mwanganya ni ibeleku itu ni ibeleku inu ili tunndumbakiya Bambu Sapanga kupete matambiku gitu gukutinii na matambiku gi ilebi na matambiku gu kutama su lukwali ili kibeleku sinu saapwagila kibeleku situ kupwaaga ngaseabii na sindu sokapi kwaka Bambu Sapanga. 28Twaholalia kabee lijambu ngati heli biipwaga ndaba jitu au ji ibeleku hitu, twaajibua ana, ‘Linga mesa jumalibu jaka Bambu Sapanga ambaju akahoku bitu batenda kujisenga, si ndaba jukupikii panani jaki Matambiku gukutinii au matambiku lakini jibiya alama mu kibeleku situ ni kibeleku sinu’. 29Twepani ngase tupai kunndeka Bambu Sapanga, nu kusenga mesa jukupikii matambiku, matambiku gu kutinii au matambiku gu uwembi au matambiku gangi. Ngasetupai kupiki matambiku pandu pangi ila mu mesa jukupiki matambika gaka Bambu Sapanga, Sapanga witu, jejibii palongi mu lihema laki.” 30Nngolu Finehasi, akakilongosi ba bandu boti na akakolongu ba bandu Aizalaeli batenda kujetake, pabajowana malobi haga ga bandu bi likabila la Lubeni ni likabila la Gadi na nusu ji likabila la Manase. 31Finehasi mwana juku nngolu Eleazali, jugapwagila makabila gaka Lubeni ni likabila la Gadi na nusu likabila laka Manase lu upandi golipita lyoba, “Lelenu tumanyiki kubanga Bambu Sapanga jubii pamu na twepani twaboti ndaba ngase mundeile. Enu mwaokwi Aizalaeli ili Bambu Sapanga jwaakoma.” 32Ndienu, Finehasi mwana uku nngolu Eleazali pamu na akikilongosi ajaki baatabuka bandu bama kabila gaka Lubeni na Gadi baboka ku nndema wa Gileadi, bakelubuka ku Kanaani kwaka Aizalaeli na kwampwagi majambu haga. 33Bahekalia kujogwana majambu haga bundumbalia Bambu Sapanga Aizalaeli, na ngasebalongali kabee majambu gu kujenda kukomana nu kuhalabana nndema gowabii umakabila gaka Lubeni na Gadi. 34Bandu ba makabila ga Lubeni ni likabila la Gadi bijikema mesa jukupiki matambiku jela ndi alama ndaba baapwaga “Mesa jukupiki matambiku haje ndi alama kwitu twepani kubanga Bambu Sapanga ndi Sapanga.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.