Joshua 19
19
Ndema gobaapekia likabila la Simeoni
1Likabila la pili kupata nndema sukupega gudugudu labiya likabila la Simeoni kulengana nu lukolu lwabu na nndema wabu jebapatiki jabia jiyongwalwiti nu nndema u likabila laka Yuda. 2Likabila laka Simeoni lapata misi ja Beeli Sheba na musi uku Sheba na musi uku Molada, 3musi wa Hasali Shuali na musi uku Bala na musi uku Esemu, 4musi uku Elitoladi na musi uku Betuli na musi uku Holima, 5musi uku Sikalagi na musi uku Beti Malikaboti na musi uku Hasali Asusa, 6musi uku Beti Lebaoti na musi uku Shaluheni, misi joti jebaapekia jabia misi komi ni mitatu pamu ni ijiji yaki.
7Kabee kwabiya na misi ja Eni na musi uku Limoni na musi uku Eteli na musi uku Ashani. Misi joti jebapekiya jabiya ndi nsese pamu ni ijiji yabu. 8Pamu ni ijiji yoti yeiyongolota misi heji mbaka ku Balaati Beeli kabee bugukema Lama, lieneu lijomu lu upandi u kusini. Nndema hogu wabia baapekia lukolu lu likabila laka Simeoni. 9Kwa ndaba nndema lebapatiki likabila laka Yuda labii likolongu kupete lebalobiki, ndienu nndema gowaigali baapekia bandu bi likabila laka Simeoni, nndema we hogu jabia nkati ji lieneu li likabila la Yuda.
Nndema gobaapekiya likabila laka Zabuloni
10Likabila la tatu kupata nndema kwi indela ja gudugudu labiya likabila laka Zabuloni kulengana nu lukolu lwabu. Nndema wabu waika mbaka ku Salidi. 11Kuboka hoku mpaka waki gwapiti upandi wa golijingi lyoba mbaka ku musi uku Malala, na wapeta mu lutengu ja musi uku Dabesheti nu kujenda ku nkolule gogubii upandi golipita lyoba ja Yokineamu. 12Ndienu kuhuma ku Saladi, mpaka hogu waendalia kulongo mbaka upandi golipiti lyoba lwa Kisiloti Taboli, na wapeta ku Debelati mbaka ku Yafia. 13Kuhuma ku Yafia waendalia upandi golipita lyoba ku musi uku Gati Hepeli na Etikasini, na waendilia mbaka ku musi uku Nea. 14Ndienu mpaka hogu wayonguluta mu nndema hogu mbaka upandi uku kazikazini na waendalia mbaka ku musi uku Hanatoni nu kulindaki ku ligomba la Ifutaeli. 15Wajonzukia musi uku Katati na musi uku Nahalali na musi uku Shimuloni na musi uku Yidala na musi uku Betelehemu. Misi joti jebaapekiya jabiya komi ni mibeli pamu ni ijiji yaki. 16Jenze ndi milema ni ijiji yebaapekia bandu bi likabila laka Zabuloni kulengana nu lukolu lwabu.
Nndema gobaapekia bandu bi likabila laka Isakali
17Likabila lu nsesi lapata nndema sukupega gudugudu labiya likabila laka Isakali kulenga nu lukolu lwabu. 18Nndema wabu wabiya na misi ja Yezileeli na musi uku Kesuloti na musi uku Shunemu, 19Musi uku Hafalaimu na musi uku Shioni na musi uku Anahalati, 20musi uku Labiti na musi uku Kishioni na musi uku Ebesi, 21musi uku Lemeti na musi uku Eni Ganimu na musi uku Eni Hada na musi uku Beti Pasesi. 22Kabee mpaka wo nndema wabu wahika mbaka ku musi uku Taboli na musi uku Shahasuma na musi uku Beti Shemasi nu kulindaki mu losi lwa Yoludani. Misi joti jebapekia jabiya komi na sita pamu ni ijiji yaki. 23Misi jenze ni ijiji yaki, ndi yebaapekia likabila laka Isakali kulenga nu lukolu lwabu.
Nndema gobaapekia bandu bi likabila la Asheli
24Likabila la nhwanu lapata nndema sukupega gudugudu labiya likabila la Asheli kulengana nu lukolu lwabu. 25Misi jabu ndi jenze musi uku Helikati na musi uku Hali na musi uku Beteni na musi uku Akishafi, 26musi uku Alamaleki na musi uku Amadi na musi uku Mishali. Upandi wa golijingi lyoba mpaka wabii lieneu la musi uku Kalimeli na musi uku Shiholi Libinati. 27Ndienu jang'anambuka kujenda upandi golipiti lyoba nu kujenda ku musi uku Beti Dagoni goguwe wapakana ni likabila la Zabuloni ni ligomba la Ifutaeli. Kabee waendalia upandi uku kazikazini nuku musi uku Beti Emeki na musi uku Nieli nu kuendele ku kazikazini mbaka ku musi uku Kabuli, 28Waendaliya mbaka ku musi uku Abudoni na musi uku Lehobu na musi uku Hamoni na musi uku Kana mbaka ku musi Nkolongu Sidoni. 29Hapa mpaka wajenda ku musi wa Lama nu kuhika mmusi wa Tilu gogwabii guyongalwitwi nu lumatu. Ndienu wang'anambuka kujenda ku musi uku Hosa nu kulindaki ku nhanga nkolongu uku Meditelania. Misi jengi jejabi ndi Mahalabu na musi uku Akizibu, 30musi uku Uma na musi uku Apeka na musi uku Lehobu. Misi joti jebaapekia jabiya ishilini ni mibeli pamu ni ijiji yaki. 31Jenze ndi misi ni ijiji yebaapekiya likabila laka Asheli kulengana nu lukolu lwabu.
Nndema gobaapekia bandu bi likabila laka Nafutali
32Likabila la sita lelapata nndema sukupega gudugudu labiya likabila laka Nafutali kulengana nu lukolu lwabu. 33Mpaka waki watumbulia ku musi uku Helefu na kunkongu nkolongu gobugukema mwaloni gowabi ku musi uku Zaananimu, wapeta ku musi uku Adami Nekebu nuku musi uku Yabineeli mbaka ku Lakumu nu kulindaki ku losi lwa Yoludani. 34Kuhuma hapa mpaka wajenda upandi wa golijingi lyoba kulongo ku musi uku Azinoti Taboli, kuhumi hoku wajenda ku Hukoki nu kupakana nndema wi likabila la Zabuloni upandi u kusini, ndienu wapakini kabee nu nndema u likabila laka Asheli upandi wa golijingi lyoba, nu nndema u likabila laka Yuda. Ku upandi golipita lyoba mbaka kujingi nndosi ja Yoludani. 35Misi jabu jejabi ayongulati nu lumatu lwa malibu ndi musi uku Zidimu na musi uku Zeli na musi uku Hamati na musi uku Lakati na musi uku Kineleti, 36musi wa Adama na musi uku Lama na musi uku Hazoli, 37musi uku Kedeshi na musi uku Edelei na musi uku Eni Hasoli, 38musi wa Iloni na musi uku Migidalieli na musi uku Holemu na musi uku Beti Anati na musi uku Beti Shemesi. Misi joti jebaapekiya jabia komi na tisa pamu ni ijiji yaki. 39Heji ndi misi ni ijiji jebaapekiya bandu bi likabila laka Nafutali kulengana nu lukolu lwabu.
Nndema gobaapekia bandu bi likabila laka Dani
40Likabila la saba lapata nndema sukupega gudugudu labiya likabila laka Dani kulengana nu lukolu lwabu. 41Nndema wabu wabia na misi jenze, musi uku Sola nuku Eshitaoli na musi uku Ili Shemeshi, 42musi uku Shaalabini na musi uku Aiyaloni na musi uku Itila, 43musi uku Eloni na musi uku Timana na musi uku Ekoloni, 44musi uku Eliteke na musi uku Gibetoni na musi uku Baalati, 45musi uku Yehudi na musi uku Bene Belaki na musi uku Gati Limoni, 46musi uku Me Yalikoni na musi uku Lakoni nu nndema gowabi pambipi ni lieneu luku Jopa. 47Bandu bi likabila laka Dani ngasebawesa kujuku nndema goabaapeki, ndienu bajenda kwaalapu bandu ba musi wa Leshemu. Baalapula nukujuku musi hogu kuba wabu, nukutama homu nu bugukema nndema we hogu Dani liina la ahoku babu. 48Heji ndi misi ni ijiji yaki yebaapekiya bandu bi likabila laka Dani kulengana nu lukolu lwabu.
Nndema gobumpekiya Joshua
49Pabajomula kubagana nndema woti, Aizalaeli ampekiya Joshua mwana waka Nuni pandu pu nndema pabiya mali gaki. 50Ngati Bambu Sapanga ejalagalakiya, Aizilaeli bumpekiya Joshua musi uku Timanati Sela musi gojahagula mweni, musi gogubii mu nndema wi itombi yaka Efulaimu. Najombi Joshua jugusenga musi hogu nu kutama hoku.
51Hela ndi ebajomula lihengu lukubaga milema, nngolu Eleazali na Joshua mwana waka Nuni, pamu na aka kilongosi ba makabila ga Aizalaeli babagana milema heji su kupega gudugudu palongi jaka Bambu Sapanga mu litanga li lihema la sapi ku Shilu. Enu, bajomula kubagana nndema.
Currently Selected:
Joshua 19: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
