Joshua 10
10
Aamoli atei kusindwa
1Adoni Sedeki bambu nkolongu juku Yelusalemu jajoana majambu namuna Joshua ejugukamula musi gwa Ai nu kugukoma tipitipi. Ngati ejuguhenga mu musi wa Yeliku na bambu waki. Kabee jajoana majambu kubanga, bandu buku Gibeoni ebabiya alenganiki lukwali na Aizalaeli batamani naku pamu nabu. 2Majambu gehaga galeta lujogopu lukolongu ku Yelusalemu ndaba musi guku Gibeoni wabi maalupu kati ja misi jejabi na aka bambu. Musi hogu wabi nkolongu kupeta musi uku Ai na akanalomi boti babii nu uwesu ukukomana sapi na bababii akalonda bana makili ngani. 3Ndienu, Adoni Sedeki bambu nkolongu juku Yelusalemu jwaapelika malobi gaka bambu nkolongu Hohamu juku Hebuloni, Pilamu bambu nkolongu juku Yamute, Yafia bambu nkolongu juku Lakishi, Debili bambu nkolongu juku Eguloni, jwaapwagila, 4“Unhikaniya unyangatia kwa koma Agibeoni, ndaba ahengiki lilaganu lukutama ku lukwali na Joshua na Aizalaeli.” 5Ndipala Akabambu nhanu buku Aamoli baunganisa akalonda babu, babeka kambi kuguyongalota musi hogu na kwaasambuli, akabambu behaba babiya ndi bambu nkolongu juku Yelusalemu na bambu nkolongu juku Hebuloni na bambu nkolongu juku Yalimuti na bambu nkolongu juku Lakishi na bambu nkolongu juku Eguloni,
6Agibeoni bapelika malobi kwaka Joshua ku Giligali kojabei kambi, ampwagila, “Gupepa koku Joshua, watuleka twepani twa atumisi baku, guhika kanyata gutujangatia nukutuoko ndaba aka bambu boti ba Aamoli kuhuma mu milema ji itombi aungini pamu na kuhika kutusambuli.”
7Ndienu, Joshua pamu na aka alonda baki boti baawesa kukomana sapi baboka ku Giligali. 8Bambu Sapanga ampwagila Joshua, “Gwajogopa hata kulenga ndaba naabei pai ju ulongosi waku, nga jikubi hata jumu jojiwesa kokomana na wehapa.”
9Joshua jajenda kelukelu kuhuma ku Giligali na jaasambuliya su kujituki.
10Bambu Sapanga jwaajegala lujogopu lukolongu palongi ja Aizalaeli na bombi Aizilaeli baakoma Aamoli bingi ku Gibeoni na kwaabenga, na batilila kujenda kwi indela ju uheleu wa Beti Holoni mbaka ku Azeka na Makeda kokuje kabee baakomiki bandu bingi ngani. 11Pababiya baatila, Aizalaeli puheleu gwa Beti Holoni, Bambu Sapanga jwaleta iyula ngolongu ji indobi kuhuma kunani pababiya mwiindela mbaka ku Ezeka, enu bandu babakuwa kwi iyula ji indobi baabia bingi kupeta babakuwa kwa silaa ya Aizalaeli.
12Lisoba heli, Bambu Sapanga pajwabeka Aamoli mumaboku ga Aizalaeli, Joshua andoba Bambu Sapanga palongi jaka Aizalaeli boti, jwapwaga,
“Gwa lyoba latenda kujema, panani ja musi gwa Gibeoni,
na gwa Mwei gujema mu ligomba la Aiyaloni.”
13Lyoba latenda kujema na mwei gwa jemaa mbaka bandu buku Izalaeli pabalepisa kisasi sabu kwaka abaja babu. Ngati eandiki mwikitabu saka Yashali. Lyoba lajema nuu pikilanda kunani, na laselawa kujingi ku lisoba limu. 14Lisoba ngati ale ngaseliwaiki kupiti na ngalipiti kabete, lisoba lelule Bambu Sapanga anzoaninya mundu kwa namuna jela, ndaba Bambu Sapanga mweni ndi jwaakomania Aizalaeli.
15Ndienu, Joshua jwakelubuka ku kambi jaki ku Giligali pamu naka Aizalaeli boti.
Joshua jwaakoma aka bambu akolongu nhwanu buku Aamoli
16Akabambu akolongu nhwanu bala batila nu kujenda kujoba mwi likolu luku Makeda. 17Joshua jajoana majambu kubanga aka bambu akolongu nhwanu ajobiki mu likolu luku Makeda. 18Joshua jwalagalakia, “Uhingalitia malibu makolongu mundyangu mu likolu na mwaabeka alonda bu kulilonda. 19Lakini mwanganya mwiitama hoku, ila mwapwata akabaja bino. Mkalimanga kuhumi munyuma, wala mwaaleka kujingi mu misi jabu, ndaba Bambu Sapanga, Sapanga wii junhengiki nhwesa.” 20Joshua pamu na Aizalaeli jwaalimanga nu kwaakoma boti, na asokopi babahigali batilila mu misi jabu jeayongalaki lumatu. 21Henu alonda boti bakelubuka sapi kwaka Joshua ku likambi ku Makeda.
Nga mundu kabee jokapi jojawesa kulonge sokapi kupete Aizalaeli.
22Ndienu Joshua jwaapwaga, “Mmboa malibu mu ndyangu gwi likolu nnetila aka bambu akolongu nhwanu haba.” 23Nabombi batenda hela, andetila Joshua aka bambu nhwanu behaba ndi, bambu nkolongu juku Yelusalemu na bambu nkolongu juku Hebuloni na bambu nkolongu juku Yalimuti na bambu nkolongu juku Lakishi na bambu nkolongu juku Eguloni. 24Akabambu akolongu haba pabaaleta, Joshua jwaakema Aizalaeli boti na akolongu baka akalonda bajapiti nabu ku ngondu, jwapwagila, “Uhegalia pambipi mwaakanyatia nhingu ya aka bambu akolongu haba.” Nabombi bahegalia na kwaakanyati nhingu. 25Joshua jwaapwagila “Mwijogopa, wala mwikuwa mwoju, mmbiya nganganganga na mwijogopa hata kidogu, ndaba hela ndi Bambu Sapanga ejwaahengila abaja binu boti pamwiikomana naku.” 26Ndienu, Joshua jwaakoma su kwatonga mu mikongu nhwanu kila bambu mu nkongu waki ni mitui jabu jajenzala mbaka pakamii. 27Lyoba elabiya pambipi kujingi, Joshua jwalagalakia mitui jela ahulua kuhuma mu mikongu na alekala mu nndyangu ji likolu lebabiya ajobiki. Ndienu babeka malibu makolongu pu ndwangu gwi likolu nu malibu haga gabi hoku mbaka lelelu.
Joshua jujikamu misi jengi ja Aamoli
28Lisoba heli, Joshua jugukamula musi guku Makeda, ankoma bambu nkolongu waki su upanga na bandu baki boti sanga kunndeka hata jumu. Ahengila bambu nkolongu juku Makeda ngati eanhengila bambu nkolongu juku Yeliku.
29Pabahuma ku musi wa Makeda, Joshua pamu na Aizalaeli boti bajenda ku musi gwa Libina nu kugusambuli. 30Bambu Sapanga jukubeka musi hogu pamu na bambu nkolongu waki mu maboku ja Aizalaeli. Joshua jaakoma bandu ba musi gola sanga kuhigaki hata jumu. Buhengila bambu nkolongu juku Libina ngati ebunhengila bambu nkolongu juku Yeliku.
31Ndienu, pabahuma ku musi wa Libina, Joshua pamu na Aizalaeli boti bajenda ku musi gwa Lakishi nu kugusambuli. 32Bambu Sapanga jaahenga Aizalaeli buguwesa musi gola na Joshua jugukamu lisoba la pili. Jaakoma bandu boti ba musi hogu ngati ejahenga ku musi uku Libina.
33Enu, Bambu nkolongu Holamu jwa musi wa Gezeli jwahika kwaajangati bandu ba musi wa Lakishi. Lakini Joshua jaawesa jombi na bandu baki boti, ngase jwahigali hata jumu.
34Ndienu, Joshua na Aizilaeli boti pabahuma ku musi wa Lakishi, bajenda mbaka ku musi uku Eguloni buguyonguluta nu kugusambuli. 35Bugukamula lisoba alelale na kwaakoma bandu baki boti ku upanga ngati ebahenga ku musi wa Lakishi.
36Ndienu pabahuma kumusi wa Eguloni Joshua na Aizalaeli boti bajenda mbaka musi wa Hebuloni nu kugusambuli, 37nu kugukamu. Baakoma bandu boti pamu na bambu nkolongu wabu, bijihalabana nakanopi misi joti jejibii pambipi, baakoma bandu babu boti ngati ebahenga ku musi wa Eguloni.
38Ndienu, Joshua na Aizalaeli boti bakelubuka ku musi wa Debili nu kugusambuli. 39Bugukamula musi gola na bambu nkolongu wabu pamu na misi jengi joti jejabi pambipi naku, na kwaakoma bandu boti sanga kunhigaki hata jumu. Buguhengila musi hogu ngati ebuguhengila musi wa Hebuloni na musi wa Libina na aka bambu akolongu babu.
40Enu, Joshua jugukamula nndema gwoti, jwaawesa aka bambu akolongu ba pandu pi itombi nu tutombi na pandu pi lieneu lijomu lu upandi u kusini, na pandu pu ubamba ni ihele. Ngase jikilei sokapi sekibi somi jwaakoma kila sindu ngati Bambu Sapanga, Sapanga wa Aizilaeli, eanndagalakia. 41Joshua jaalapula bandu boti kuhuma ku musi wa Kadeshi Balinea mbaka ku musi wa Gaza, nu kuhuma ku musi wa Gosheni mbaka musi wa Gibeoni. 42Jawesa kugukamu nndema hogu gwoti pamu na aka bambu akolongu baki ndaba Bambu Sapanga, Sapanga jwa Izilaeli jwabia jwaajangatiya Aizilaeli. 43Ndienu, Joshua jwakelubuka pamu na Aizilaeli boti mbaka kobabiya abei likambi ku Giligali.
Currently Selected:
Joshua 10: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Joshua 10
10
Aamoli atei kusindwa
1Adoni Sedeki bambu nkolongu juku Yelusalemu jajoana majambu namuna Joshua ejugukamula musi gwa Ai nu kugukoma tipitipi. Ngati ejuguhenga mu musi wa Yeliku na bambu waki. Kabee jajoana majambu kubanga, bandu buku Gibeoni ebabiya alenganiki lukwali na Aizalaeli batamani naku pamu nabu. 2Majambu gehaga galeta lujogopu lukolongu ku Yelusalemu ndaba musi guku Gibeoni wabi maalupu kati ja misi jejabi na aka bambu. Musi hogu wabi nkolongu kupeta musi uku Ai na akanalomi boti babii nu uwesu ukukomana sapi na bababii akalonda bana makili ngani. 3Ndienu, Adoni Sedeki bambu nkolongu juku Yelusalemu jwaapelika malobi gaka bambu nkolongu Hohamu juku Hebuloni, Pilamu bambu nkolongu juku Yamute, Yafia bambu nkolongu juku Lakishi, Debili bambu nkolongu juku Eguloni, jwaapwagila, 4“Unhikaniya unyangatia kwa koma Agibeoni, ndaba ahengiki lilaganu lukutama ku lukwali na Joshua na Aizalaeli.” 5Ndipala Akabambu nhanu buku Aamoli baunganisa akalonda babu, babeka kambi kuguyongalota musi hogu na kwaasambuli, akabambu behaba babiya ndi bambu nkolongu juku Yelusalemu na bambu nkolongu juku Hebuloni na bambu nkolongu juku Yalimuti na bambu nkolongu juku Lakishi na bambu nkolongu juku Eguloni,
6Agibeoni bapelika malobi kwaka Joshua ku Giligali kojabei kambi, ampwagila, “Gupepa koku Joshua, watuleka twepani twa atumisi baku, guhika kanyata gutujangatia nukutuoko ndaba aka bambu boti ba Aamoli kuhuma mu milema ji itombi aungini pamu na kuhika kutusambuli.”
7Ndienu, Joshua pamu na aka alonda baki boti baawesa kukomana sapi baboka ku Giligali. 8Bambu Sapanga ampwagila Joshua, “Gwajogopa hata kulenga ndaba naabei pai ju ulongosi waku, nga jikubi hata jumu jojiwesa kokomana na wehapa.”
9Joshua jajenda kelukelu kuhuma ku Giligali na jaasambuliya su kujituki.
10Bambu Sapanga jwaajegala lujogopu lukolongu palongi ja Aizalaeli na bombi Aizilaeli baakoma Aamoli bingi ku Gibeoni na kwaabenga, na batilila kujenda kwi indela ju uheleu wa Beti Holoni mbaka ku Azeka na Makeda kokuje kabee baakomiki bandu bingi ngani. 11Pababiya baatila, Aizalaeli puheleu gwa Beti Holoni, Bambu Sapanga jwaleta iyula ngolongu ji indobi kuhuma kunani pababiya mwiindela mbaka ku Ezeka, enu bandu babakuwa kwi iyula ji indobi baabia bingi kupeta babakuwa kwa silaa ya Aizalaeli.
12Lisoba heli, Bambu Sapanga pajwabeka Aamoli mumaboku ga Aizalaeli, Joshua andoba Bambu Sapanga palongi jaka Aizalaeli boti, jwapwaga,
“Gwa lyoba latenda kujema, panani ja musi gwa Gibeoni,
na gwa Mwei gujema mu ligomba la Aiyaloni.”
13Lyoba latenda kujema na mwei gwa jemaa mbaka bandu buku Izalaeli pabalepisa kisasi sabu kwaka abaja babu. Ngati eandiki mwikitabu saka Yashali. Lyoba lajema nuu pikilanda kunani, na laselawa kujingi ku lisoba limu. 14Lisoba ngati ale ngaseliwaiki kupiti na ngalipiti kabete, lisoba lelule Bambu Sapanga anzoaninya mundu kwa namuna jela, ndaba Bambu Sapanga mweni ndi jwaakomania Aizalaeli.
15Ndienu, Joshua jwakelubuka ku kambi jaki ku Giligali pamu naka Aizalaeli boti.
Joshua jwaakoma aka bambu akolongu nhwanu buku Aamoli
16Akabambu akolongu nhwanu bala batila nu kujenda kujoba mwi likolu luku Makeda. 17Joshua jajoana majambu kubanga aka bambu akolongu nhwanu ajobiki mu likolu luku Makeda. 18Joshua jwalagalakia, “Uhingalitia malibu makolongu mundyangu mu likolu na mwaabeka alonda bu kulilonda. 19Lakini mwanganya mwiitama hoku, ila mwapwata akabaja bino. Mkalimanga kuhumi munyuma, wala mwaaleka kujingi mu misi jabu, ndaba Bambu Sapanga, Sapanga wii junhengiki nhwesa.” 20Joshua pamu na Aizalaeli jwaalimanga nu kwaakoma boti, na asokopi babahigali batilila mu misi jabu jeayongalaki lumatu. 21Henu alonda boti bakelubuka sapi kwaka Joshua ku likambi ku Makeda.
Nga mundu kabee jokapi jojawesa kulonge sokapi kupete Aizalaeli.
22Ndienu Joshua jwaapwaga, “Mmboa malibu mu ndyangu gwi likolu nnetila aka bambu akolongu nhwanu haba.” 23Nabombi batenda hela, andetila Joshua aka bambu nhwanu behaba ndi, bambu nkolongu juku Yelusalemu na bambu nkolongu juku Hebuloni na bambu nkolongu juku Yalimuti na bambu nkolongu juku Lakishi na bambu nkolongu juku Eguloni. 24Akabambu akolongu haba pabaaleta, Joshua jwaakema Aizalaeli boti na akolongu baka akalonda bajapiti nabu ku ngondu, jwapwagila, “Uhegalia pambipi mwaakanyatia nhingu ya aka bambu akolongu haba.” Nabombi bahegalia na kwaakanyati nhingu. 25Joshua jwaapwagila “Mwijogopa, wala mwikuwa mwoju, mmbiya nganganganga na mwijogopa hata kidogu, ndaba hela ndi Bambu Sapanga ejwaahengila abaja binu boti pamwiikomana naku.” 26Ndienu, Joshua jwaakoma su kwatonga mu mikongu nhwanu kila bambu mu nkongu waki ni mitui jabu jajenzala mbaka pakamii. 27Lyoba elabiya pambipi kujingi, Joshua jwalagalakia mitui jela ahulua kuhuma mu mikongu na alekala mu nndyangu ji likolu lebabiya ajobiki. Ndienu babeka malibu makolongu pu ndwangu gwi likolu nu malibu haga gabi hoku mbaka lelelu.
Joshua jujikamu misi jengi ja Aamoli
28Lisoba heli, Joshua jugukamula musi guku Makeda, ankoma bambu nkolongu waki su upanga na bandu baki boti sanga kunndeka hata jumu. Ahengila bambu nkolongu juku Makeda ngati eanhengila bambu nkolongu juku Yeliku.
29Pabahuma ku musi wa Makeda, Joshua pamu na Aizalaeli boti bajenda ku musi gwa Libina nu kugusambuli. 30Bambu Sapanga jukubeka musi hogu pamu na bambu nkolongu waki mu maboku ja Aizalaeli. Joshua jaakoma bandu ba musi gola sanga kuhigaki hata jumu. Buhengila bambu nkolongu juku Libina ngati ebunhengila bambu nkolongu juku Yeliku.
31Ndienu, pabahuma ku musi wa Libina, Joshua pamu na Aizalaeli boti bajenda ku musi gwa Lakishi nu kugusambuli. 32Bambu Sapanga jaahenga Aizalaeli buguwesa musi gola na Joshua jugukamu lisoba la pili. Jaakoma bandu boti ba musi hogu ngati ejahenga ku musi uku Libina.
33Enu, Bambu nkolongu Holamu jwa musi wa Gezeli jwahika kwaajangati bandu ba musi wa Lakishi. Lakini Joshua jaawesa jombi na bandu baki boti, ngase jwahigali hata jumu.
34Ndienu, Joshua na Aizilaeli boti pabahuma ku musi wa Lakishi, bajenda mbaka ku musi uku Eguloni buguyonguluta nu kugusambuli. 35Bugukamula lisoba alelale na kwaakoma bandu baki boti ku upanga ngati ebahenga ku musi wa Lakishi.
36Ndienu pabahuma kumusi wa Eguloni Joshua na Aizalaeli boti bajenda mbaka musi wa Hebuloni nu kugusambuli, 37nu kugukamu. Baakoma bandu boti pamu na bambu nkolongu wabu, bijihalabana nakanopi misi joti jejibii pambipi, baakoma bandu babu boti ngati ebahenga ku musi wa Eguloni.
38Ndienu, Joshua na Aizalaeli boti bakelubuka ku musi wa Debili nu kugusambuli. 39Bugukamula musi gola na bambu nkolongu wabu pamu na misi jengi joti jejabi pambipi naku, na kwaakoma bandu boti sanga kunhigaki hata jumu. Buguhengila musi hogu ngati ebuguhengila musi wa Hebuloni na musi wa Libina na aka bambu akolongu babu.
40Enu, Joshua jugukamula nndema gwoti, jwaawesa aka bambu akolongu ba pandu pi itombi nu tutombi na pandu pi lieneu lijomu lu upandi u kusini, na pandu pu ubamba ni ihele. Ngase jikilei sokapi sekibi somi jwaakoma kila sindu ngati Bambu Sapanga, Sapanga wa Aizilaeli, eanndagalakia. 41Joshua jaalapula bandu boti kuhuma ku musi wa Kadeshi Balinea mbaka ku musi wa Gaza, nu kuhuma ku musi wa Gosheni mbaka musi wa Gibeoni. 42Jawesa kugukamu nndema hogu gwoti pamu na aka bambu akolongu baki ndaba Bambu Sapanga, Sapanga jwa Izilaeli jwabia jwaajangatiya Aizilaeli. 43Ndienu, Joshua jwakelubuka pamu na Aizilaeli boti mbaka kobabiya abei likambi ku Giligali.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.