Uamusi Ulongule
Ulongule
Kitabu senze kilandi majambu ga akakilongosi buku Izilaeli babakema Aamusi baada jukugukamu nndema uku Kanani. Mu kipindi se hesi Aizalaleli babiya akelubuki kambelikambeli kunkana Bambu Sapanga na Sapanga jwabiya ngasejukotwiki kwaakombo Aizalaeli. Aizalaeli batumbuliya kuitumaki isapanga yengi na Sapanga jaahenga bandu bi milema jengi baang'alisa. Ndienu bandu buku Izalaeli balela nu kunkelubuki Bambu Sapanga, henu Sapanga jwaahaguliya akakilongosi babaakema Aamusi babube babiya baalongosa nu kwaahoko Aizalaeli kuhuma kwa bandu bababiya atenda kwaang'alisa.
Ngamundu jojumanyiki jojuandiki kitabu senze. Bandu bingi ba mwandi ahobale kubanga kiandikwi nu nndota Samweli, lakini tuwesa kuba nu usakaka kubanga kiandikwi kipindi Aizalaeli abi na bambu nkolongu, ndaba kitabu seni kilandi kubanga sabi kipindi Aizalaeli ngasebabii na bambu nkolongu 17:6 na 18:1 na 19:1 na 21:25. Ngati ana Aizalaeli baboka ku nndema uku Misili mu yaka ya 1400 kabula jukusaliwa Kilisitu, ndienu gala gagahengiki mu kitabu senze sa Aamusi gaandikwi mu yaka ya 1300 kabula jukusaliwa Kilisitu mbaka ku yaka 1050 kabula jukusaliwa, kipindi sesuse bambu nkolongu Sauli jatenda kulongosa.
Gagabii
Sula ja 1-3:6 jilandi bandu buku Izilaeli ebakomana na Akanani baada ja kuwa Joshua. Ahelahe jitumbuli kulandi kipindi sa Aamusi pala Bambu Sapanga pajwaahagula akikilongosi babalongusa nukwaahoko Aizalaeli.
Sula ja 3:7-16:31 jilandi kabee Bambu Sapanga ejaahagula Aamusi kwaajangati bandu buku Izilaeli.
Kabee kitabu senze kilandi kihakau sengi sebahenga Aizalaeli su kunkana Bambu Sapanga. Mu sula ja 17-21
Currently Selected:
Uamusi Ulongule: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.