Uamusi 9
9
Abimeleki
1Abimeleki mwana waka Gidioni jwaajendila alongu na bana boti bu lukolu lwaka anyongo baki ku Shekemu na kwaapwagi, 2“Mbwagila apamba palongi ja bandu boti buku Shekemu, sindu boo saasapi kwinu, bana boti sabini akanalomi baka Yelubaali andongusa mwanganya au mwana jumo? Nkombuka nepani na mwanganya mwai gumo.” 3Alongu ba anyongo baki baalandila malobi ganga bandu boti buku Shekemu, bunzetakia ndaba bapwaga, “Jombi nndongu wito.” 4Bumpeki ipandi sabini ya madini ga feza yeyabi mu nyumba ji kisapanga Baali Beliti yejuitumia kwaakodi bandu bana ngukuna na bandu banga kujogopa sindu sokapi ili bumpwata. 5Abumeleki na bandu baki bajenda kunyumba ja atati baki ku Ofula na kola jwaakoma alongu baki boti sabini panani jililibu limu. Lakini Yotamu, mwana nsoku waka Gidioni jwatenda kulama ndaba jwatei kulihia. 6Ndienu bandu boti buku Shekemu nuku Beti Milo bakusanyika ku mwaloni gogubii pambipi nu nnala ku Shekemu nukunhimika Abimeleki kuba bambu nkolongu wabu.
7Yotamu pajwamanya majambu haga, jwajenda kujema panani ji kitombi Gelizimu nukupwaga kwa sauti ngalongu, “Nnyowania nepani mwabandu buku Shekemu ili Bambu Sapanga najombi janzowania mwanganya. 8Lisoba limu mikongu jajenda kulitaputi bambu nkolongu. Ndi yumpwagila nkongu gu mzeituni, ‘Wehapa gubia wabambu nkolongu witu!’ 9Lakini nkongu gumzeituni gola wajibua, ‘Nkita nhwesa kulileka lihengu langu lukulenganake mahuta gaguge gapalika ngamaa ni isapanga na bandu, nyenda kulisumbua kulongosa mikongo?’ 10Ndienu mikongu jijipwagila nkongu gu ntini, ‘Guhika wehapa gubia wabambu nkolongu witu.’ 11Lakini nkongu gu ntini gola wajibua, ‘Boo, nhwasali nhwesa kukotoka lihengu la lukubeleka matunda, ga sapi na gaganoga, nyenda kulisumbuu kuba bambu nkolongu wimikongo?’ 12Ndi mikongu jijipwagila nkongu gu mzabibu, ‘Guhika wehapa gubia bambu nkolongu wito.’ 13Lakini nkongu u mzabibu gwajibwa, ‘Nhwasali nhwesa kukotoka lihengu langu lukupia divai jejitogulesa isapanga na bandu nyenda kulisumbu kuba bambu nkolongu wi mikongo?’ 14Mwisu we mikongu joa jugujendila nkongu wa miha nukugupwagi, ‘Guhika wehapa gubia wabambu nkolongu witu.’ 15Nkongu wa mia wajibua, ‘Ana sakaka mpala kunhagu kuba bambu nkolongu wii nhika ntama pai ji kihilu sango. Lakini ana ngasempala kuhenga hela nala mwotu gupita kuhuma mu mia yangu nukutinia hata mikongu jebijikema mielezi juku Lebanoni.’”
16Yotamu jwaendalia kupwaga, “Henu nholale munhengiki Abimeleki kuba bambu nkolongu kwa mawasu ga sapi nu kukuhobaleka? Boo, nhwasali munhengi gamboni Yelubaali na bandu baki ngati hekupalika kunhenge? 17Nkombuka atati bangu ankomania mwanganya kulagi akuwi ili kunhoko mwanganya kuhuma kwa Amidiani! 18Lakini lelenu mwaalapwi alongu ba atati bangu na kwaakoma bana sabini panani jililibu limu, kabee munhengiki Abimeleki mwana waka ntumisi mmbamba jwa atati jubia bambu nkolongu wa bandu buku Shekemu ndaba pee ndi mundu ju lukolu lwii. 19Henu ana nhengiki haga kukuhobaleka na kukuntende isima Yelubaali na alongu baki nala ntogulia pamu na Abimeleki najombi jutogulia pamu najombi. 20Lakini ana ngahela, nala mwotu guhuma kwaka Abimeleki na kwaatini bandu buku Shekemu nuku Beti Milo, kabee mwotu guhuma kwa bandu buku Shekemu na Beti Milo guntinia Abimeleki.” 21Ndi Yotamu jwatenda kutila, jwatilila ku musi uku Beeli, jwatama kola ndaba annzogopa Abimeleki nndongu waki.
22Abimeleki jwabia bambu nkolongu juku Izilaeli kwa yaka mitatu. 23Ndi Sapanga jwaleta loho ju ubaja kati jaka Abimeleki na bandu buku Shekemu, nabombi bandu buku Shekemu batenda ku nng'anambuka. 24Hela ndi hebaalapula bandu buku Shekemu pamu nu nndongu wabu Abimeleki ndaba ju ubaja gobaahengila bana sabini baka Yelubaali. Kwaakoma hoku kwaapata ndaba Abimeleki jwaakoma koni jujangatiwa na bandu buku Shekemu haba. 25Bandu buku Shekemu baabeka bandu bukunhepale Abimeleki mututombi. Bandu haba baanyaga mali gabu boti babapeta kola. Na Abimeleki bumpwagi majambu gegala.
26Lisoba limu Gahali mwana waka Ebeli, pamu na alongu baki bajenda kutama ku Shekemu. Bandu buku Shekemu batumbulia kunhobale Gahali. 27Baboka nukujenda ku matui gabu gi mizabibu, bajukua zabibu nukuiminya, balenganakia divai nukuhenga tipati. Bajingala mu nyumba jaka kisapanga sabu bakula na kunywa nu kuntondo Abimeleki. 28Gahali mwana waka Ebeli jwapwaaga, Abimeleki ndi nyane? Twepani pa Shekemu pani tubitwabandu ba namuna bole mbaka tuntumakia Abimeleke? Boo jombi le nga mwana waka Yelu Bahale na Zebuli le nga joanzangatiaje? Mwaatumakia banabaka Hamoli atati baka Shekemu. Ndaba jaki twepani tuntumakia Abimeleke? 29Ana bandu haba bakabi mu ulongosi wangu, nakabia nummboiki Abimeleki. Nukumpwagila Abimeleki, jonzukia akomana ngondu baku ndi guhika tukomana paabi bandu na mbaka nuguwese.
30Zebuli kilogosi wa musi pajwajowana malobi gaka Gaali mwana waka Ebedi, jwayomiki ngamaa. 31Ndienu jwaatuma bandu kwa sili kwaka Abimeleki ku Toluma kumpwagi, “Gahali mwana waka Abedi pamu na alongu baki abi pamusi uku Shekemu pani na baakolo bandu bugung'anambuka wehapa. 32Henu, ikilu gubuja wehapa na bandu bagubinaku mukunhepila mu matui pambipi na musi. 33Lioba paliipita pulukela, waatukalia bandu ba pamusi. Gahali ana jupitiki pamu na bandu baki kuhika kugulapu, waahengila ngati henhwesa kwahenge.”
34Abimeleki jwaboka ikilu pamu na bandu bajwabi naku kuhika ku Shekemu. Jwaabaga bandu baki makundi nsesi nu kunhepe pambipi na musi. 35Gahali mwana waka Ebeli jwapita kunza nu kujema pi litanga la musi kipindi sehesi Abimeleki na bandu baki bapitalia pandu pababia ajobiki. 36Gahali paambona ampwagila Zebuli, “Linga bandu ahuluka kuhuma mu itombi.”
Zebuli ampwagila, “Wehapa gubona ihilu yi itombi ngati bandu baajenda.”
37Gahali jwapwaga kabee, “Bandu ahuluka pikilanda ju nndema na bandu bangi ahuma upandi gu nkongu Nhaloni wa Baalondo.” 38Ndienu Zebuli ampwagila, “Kukipuna kwaku kubii kwaa henu? Nga wehapa wewapwaga, ‘Abimeleki ndi nyane? Ndaba jaki tuntumakiaje?’ Henu haba ndi bandu bawaapoiki lihamu gujenda waka komana naku.” 39Gahali jwaboka na kwaalongosa bandu buku Shekemu nukukomana na Abimeleki. 40Gahali jwasindwa nukutila, koni Abimeleki jutenda kwaapwata. Bandu bingi batenda kukomeka mu litanga la musi. 41Abimeleki jwatama ku Aluma na Zebuli ambenga Gahali na alongu baki kuhuma ku musi uku Shekemu.
42Lisoba lelapwata, Abimeleki bumpwagila kubanga bandu buku Shekemu apitiki kumusi nu kujenda mu matui. 43Jwaajukua akomana ngondu baki na kwaabeka mu makundi nsesi ili ajenda kuhepale mu matui. Pajwaabona bandu apita ku musi jwapita kojwabia juliiki na kwaakoma. 44Abimeleki ni likundi laki limu bajenda imbelu kujenda kulenda nndiyangu uku musi. Makundi gaki gangi mabeli gaalapula bandu bababia ku matui bala na kwaakoma. 45Abimeleki jwakomana na bandu ba musi hogu lisoba loka. Juunyaga musi na kwaakoma bandu boha bababia mola. Juguutinia musi kwa mwotu nu kugumisangana mwinyu.
46Bandu boha bababia pu nnala uku Shekemu pabamanya haga batilila mulibomba la nyumba jaka kisapanga sebikikema Eli Beliti. 47Abimeleki bumpwagila kubanga bandu boti bababi ku nnala uku Shekemu, bilibongini pamu. 48Abimeleki na bandu baki bajenda ku kitombi suku Salumoni, jwajukua lipengu jwasekula limbandi lunkongu nu kulibeka mu libega laki. Ndi jwaapwagila bandu bababia pamu na jombi ahenga nyatanyata ngati hejuhengiki jombi. 49Kila jumu jwasekula limbandi ngati laka Abimeleki. Bajukua mambandi gabu na kugabeka panani jilibomba bagapambakia mwotu, bandu boti akanalomi na akambomba babia elupu jimu bababia aumiki kunnala uku Shekemu batenda kuwa.
50Ndienu Abimeleki na alonda baki jwajenda ku Tebesi juguyonguluta musi nu kugukamu. 51Lakini kwabia nu nnala gogubii nganganganga pikilanda ja musi. Ndi bandu boti ba musi hogu akambomba na aka nalomi batilila kola nu kulijigalia nkati. Bakwela mu nhwagaa unnala hogu. 52Abimeleki juguikila nnala nukugulapu, juguhegalia nndyangu gu nnala ili jugujosa mwotu. 53Nu mmbomba jumu jalekala lilibu lukunani luku yagi, nu kumponda Abimeleki kimutu saki. 54Ndi Abimeleki ankema nyata nkombu waki joantotulia hindu yukukomane ampwagila, “Jukua upanga waku gungoma, biika bandu kupwaga jwangoma mmbomba.” Nkombu jola jwajukua upanga waki nu kunkoma. 55Aizilaeli pababona Abimeleki jukuwiki, baboka nu kubuja kila jumu kunyumba jaki. 56Hela ndi Sapanga heampekia azabu Abimeleki kupete likosa le jwaahengila atati baki kwa kwaakoma alongu baki sabini. 57Ahelahe Sapanga jwaahenga bandu buku Shekemu apata azabu ndaba ju ubaja wabu gobahengiki. Ndienu yaambamba yaka Yotamu mwana waka Yelubaali yatenda kwaapata.
Currently Selected:
Uamusi 9: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Uamusi 9
9
Abimeleki
1Abimeleki mwana waka Gidioni jwaajendila alongu na bana boti bu lukolu lwaka anyongo baki ku Shekemu na kwaapwagi, 2“Mbwagila apamba palongi ja bandu boti buku Shekemu, sindu boo saasapi kwinu, bana boti sabini akanalomi baka Yelubaali andongusa mwanganya au mwana jumo? Nkombuka nepani na mwanganya mwai gumo.” 3Alongu ba anyongo baki baalandila malobi ganga bandu boti buku Shekemu, bunzetakia ndaba bapwaga, “Jombi nndongu wito.” 4Bumpeki ipandi sabini ya madini ga feza yeyabi mu nyumba ji kisapanga Baali Beliti yejuitumia kwaakodi bandu bana ngukuna na bandu banga kujogopa sindu sokapi ili bumpwata. 5Abumeleki na bandu baki bajenda kunyumba ja atati baki ku Ofula na kola jwaakoma alongu baki boti sabini panani jililibu limu. Lakini Yotamu, mwana nsoku waka Gidioni jwatenda kulama ndaba jwatei kulihia. 6Ndienu bandu boti buku Shekemu nuku Beti Milo bakusanyika ku mwaloni gogubii pambipi nu nnala ku Shekemu nukunhimika Abimeleki kuba bambu nkolongu wabu.
7Yotamu pajwamanya majambu haga, jwajenda kujema panani ji kitombi Gelizimu nukupwaga kwa sauti ngalongu, “Nnyowania nepani mwabandu buku Shekemu ili Bambu Sapanga najombi janzowania mwanganya. 8Lisoba limu mikongu jajenda kulitaputi bambu nkolongu. Ndi yumpwagila nkongu gu mzeituni, ‘Wehapa gubia wabambu nkolongu witu!’ 9Lakini nkongu gumzeituni gola wajibua, ‘Nkita nhwesa kulileka lihengu langu lukulenganake mahuta gaguge gapalika ngamaa ni isapanga na bandu, nyenda kulisumbua kulongosa mikongo?’ 10Ndienu mikongu jijipwagila nkongu gu ntini, ‘Guhika wehapa gubia wabambu nkolongu witu.’ 11Lakini nkongu gu ntini gola wajibua, ‘Boo, nhwasali nhwesa kukotoka lihengu la lukubeleka matunda, ga sapi na gaganoga, nyenda kulisumbuu kuba bambu nkolongu wimikongo?’ 12Ndi mikongu jijipwagila nkongu gu mzabibu, ‘Guhika wehapa gubia bambu nkolongu wito.’ 13Lakini nkongu u mzabibu gwajibwa, ‘Nhwasali nhwesa kukotoka lihengu langu lukupia divai jejitogulesa isapanga na bandu nyenda kulisumbu kuba bambu nkolongu wi mikongo?’ 14Mwisu we mikongu joa jugujendila nkongu wa miha nukugupwagi, ‘Guhika wehapa gubia wabambu nkolongu witu.’ 15Nkongu wa mia wajibua, ‘Ana sakaka mpala kunhagu kuba bambu nkolongu wii nhika ntama pai ji kihilu sango. Lakini ana ngasempala kuhenga hela nala mwotu gupita kuhuma mu mia yangu nukutinia hata mikongu jebijikema mielezi juku Lebanoni.’”
16Yotamu jwaendalia kupwaga, “Henu nholale munhengiki Abimeleki kuba bambu nkolongu kwa mawasu ga sapi nu kukuhobaleka? Boo, nhwasali munhengi gamboni Yelubaali na bandu baki ngati hekupalika kunhenge? 17Nkombuka atati bangu ankomania mwanganya kulagi akuwi ili kunhoko mwanganya kuhuma kwa Amidiani! 18Lakini lelenu mwaalapwi alongu ba atati bangu na kwaakoma bana sabini panani jililibu limu, kabee munhengiki Abimeleki mwana waka ntumisi mmbamba jwa atati jubia bambu nkolongu wa bandu buku Shekemu ndaba pee ndi mundu ju lukolu lwii. 19Henu ana nhengiki haga kukuhobaleka na kukuntende isima Yelubaali na alongu baki nala ntogulia pamu na Abimeleki najombi jutogulia pamu najombi. 20Lakini ana ngahela, nala mwotu guhuma kwaka Abimeleki na kwaatini bandu buku Shekemu nuku Beti Milo, kabee mwotu guhuma kwa bandu buku Shekemu na Beti Milo guntinia Abimeleki.” 21Ndi Yotamu jwatenda kutila, jwatilila ku musi uku Beeli, jwatama kola ndaba annzogopa Abimeleki nndongu waki.
22Abimeleki jwabia bambu nkolongu juku Izilaeli kwa yaka mitatu. 23Ndi Sapanga jwaleta loho ju ubaja kati jaka Abimeleki na bandu buku Shekemu, nabombi bandu buku Shekemu batenda ku nng'anambuka. 24Hela ndi hebaalapula bandu buku Shekemu pamu nu nndongu wabu Abimeleki ndaba ju ubaja gobaahengila bana sabini baka Yelubaali. Kwaakoma hoku kwaapata ndaba Abimeleki jwaakoma koni jujangatiwa na bandu buku Shekemu haba. 25Bandu buku Shekemu baabeka bandu bukunhepale Abimeleki mututombi. Bandu haba baanyaga mali gabu boti babapeta kola. Na Abimeleki bumpwagi majambu gegala.
26Lisoba limu Gahali mwana waka Ebeli, pamu na alongu baki bajenda kutama ku Shekemu. Bandu buku Shekemu batumbulia kunhobale Gahali. 27Baboka nukujenda ku matui gabu gi mizabibu, bajukua zabibu nukuiminya, balenganakia divai nukuhenga tipati. Bajingala mu nyumba jaka kisapanga sabu bakula na kunywa nu kuntondo Abimeleki. 28Gahali mwana waka Ebeli jwapwaaga, Abimeleki ndi nyane? Twepani pa Shekemu pani tubitwabandu ba namuna bole mbaka tuntumakia Abimeleke? Boo jombi le nga mwana waka Yelu Bahale na Zebuli le nga joanzangatiaje? Mwaatumakia banabaka Hamoli atati baka Shekemu. Ndaba jaki twepani tuntumakia Abimeleke? 29Ana bandu haba bakabi mu ulongosi wangu, nakabia nummboiki Abimeleki. Nukumpwagila Abimeleki, jonzukia akomana ngondu baku ndi guhika tukomana paabi bandu na mbaka nuguwese.
30Zebuli kilogosi wa musi pajwajowana malobi gaka Gaali mwana waka Ebedi, jwayomiki ngamaa. 31Ndienu jwaatuma bandu kwa sili kwaka Abimeleki ku Toluma kumpwagi, “Gahali mwana waka Abedi pamu na alongu baki abi pamusi uku Shekemu pani na baakolo bandu bugung'anambuka wehapa. 32Henu, ikilu gubuja wehapa na bandu bagubinaku mukunhepila mu matui pambipi na musi. 33Lioba paliipita pulukela, waatukalia bandu ba pamusi. Gahali ana jupitiki pamu na bandu baki kuhika kugulapu, waahengila ngati henhwesa kwahenge.”
34Abimeleki jwaboka ikilu pamu na bandu bajwabi naku kuhika ku Shekemu. Jwaabaga bandu baki makundi nsesi nu kunhepe pambipi na musi. 35Gahali mwana waka Ebeli jwapita kunza nu kujema pi litanga la musi kipindi sehesi Abimeleki na bandu baki bapitalia pandu pababia ajobiki. 36Gahali paambona ampwagila Zebuli, “Linga bandu ahuluka kuhuma mu itombi.”
Zebuli ampwagila, “Wehapa gubona ihilu yi itombi ngati bandu baajenda.”
37Gahali jwapwaga kabee, “Bandu ahuluka pikilanda ju nndema na bandu bangi ahuma upandi gu nkongu Nhaloni wa Baalondo.” 38Ndienu Zebuli ampwagila, “Kukipuna kwaku kubii kwaa henu? Nga wehapa wewapwaga, ‘Abimeleki ndi nyane? Ndaba jaki tuntumakiaje?’ Henu haba ndi bandu bawaapoiki lihamu gujenda waka komana naku.” 39Gahali jwaboka na kwaalongosa bandu buku Shekemu nukukomana na Abimeleki. 40Gahali jwasindwa nukutila, koni Abimeleki jutenda kwaapwata. Bandu bingi batenda kukomeka mu litanga la musi. 41Abimeleki jwatama ku Aluma na Zebuli ambenga Gahali na alongu baki kuhuma ku musi uku Shekemu.
42Lisoba lelapwata, Abimeleki bumpwagila kubanga bandu buku Shekemu apitiki kumusi nu kujenda mu matui. 43Jwaajukua akomana ngondu baki na kwaabeka mu makundi nsesi ili ajenda kuhepale mu matui. Pajwaabona bandu apita ku musi jwapita kojwabia juliiki na kwaakoma. 44Abimeleki ni likundi laki limu bajenda imbelu kujenda kulenda nndiyangu uku musi. Makundi gaki gangi mabeli gaalapula bandu bababia ku matui bala na kwaakoma. 45Abimeleki jwakomana na bandu ba musi hogu lisoba loka. Juunyaga musi na kwaakoma bandu boha bababia mola. Juguutinia musi kwa mwotu nu kugumisangana mwinyu.
46Bandu boha bababia pu nnala uku Shekemu pabamanya haga batilila mulibomba la nyumba jaka kisapanga sebikikema Eli Beliti. 47Abimeleki bumpwagila kubanga bandu boti bababi ku nnala uku Shekemu, bilibongini pamu. 48Abimeleki na bandu baki bajenda ku kitombi suku Salumoni, jwajukua lipengu jwasekula limbandi lunkongu nu kulibeka mu libega laki. Ndi jwaapwagila bandu bababia pamu na jombi ahenga nyatanyata ngati hejuhengiki jombi. 49Kila jumu jwasekula limbandi ngati laka Abimeleki. Bajukua mambandi gabu na kugabeka panani jilibomba bagapambakia mwotu, bandu boti akanalomi na akambomba babia elupu jimu bababia aumiki kunnala uku Shekemu batenda kuwa.
50Ndienu Abimeleki na alonda baki jwajenda ku Tebesi juguyonguluta musi nu kugukamu. 51Lakini kwabia nu nnala gogubii nganganganga pikilanda ja musi. Ndi bandu boti ba musi hogu akambomba na aka nalomi batilila kola nu kulijigalia nkati. Bakwela mu nhwagaa unnala hogu. 52Abimeleki juguikila nnala nukugulapu, juguhegalia nndyangu gu nnala ili jugujosa mwotu. 53Nu mmbomba jumu jalekala lilibu lukunani luku yagi, nu kumponda Abimeleki kimutu saki. 54Ndi Abimeleki ankema nyata nkombu waki joantotulia hindu yukukomane ampwagila, “Jukua upanga waku gungoma, biika bandu kupwaga jwangoma mmbomba.” Nkombu jola jwajukua upanga waki nu kunkoma. 55Aizilaeli pababona Abimeleki jukuwiki, baboka nu kubuja kila jumu kunyumba jaki. 56Hela ndi Sapanga heampekia azabu Abimeleki kupete likosa le jwaahengila atati baki kwa kwaakoma alongu baki sabini. 57Ahelahe Sapanga jwaahenga bandu buku Shekemu apata azabu ndaba ju ubaja wabu gobahengiki. Ndienu yaambamba yaka Yotamu mwana waka Yelubaali yatenda kwaapata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.