Uamusi 21
21
Abenjamini baataputi akammbomba
1Aizilaeli babia alapiki mbamba ku Mizipa kubanga, “Ngajukubi hata mundu jumu kati jabu jojwanndekila kamwali waki jujukulika kwa bandu bi likabila luku Benjamini.” 2Baada ja ngondu heji bandu buku Izilaeli bajenda mbaka ku Beseli batama hoku palongi jaka Sapanga mbaka pakamii. Bapega keleli nu kulela ku usungu nkolongu. 3Bapwaga, “Mwaa Bambu Sapanga, Sapanga juku Izilaeli, boo ndaba jaki lijambu lende lipiiti mundema guku Izilaeli, boo, ndaba jakii likabila limu luku Izilaeli litenda kuhoba?”
4Kilabu jaki bandu bajumuka lukela ngani, basenga pandu pukupiki matambiku hoku, bapia litambiku lukutini na matambiku gu lukwali. 5Ndienu balalukiana, “Boo, mu makabila goa ga Aizilaeli kibi kikundi sokapi sanga kujenda ku nkutanu sesahengika palongi jaka Bambu Sapanga?” Ndaba babia alapiki kupwaga mundu jokapi jojwiibia ngasejuhikiki palongi jaka Bambu Sapanga ku Mizipa kupalika jukomika. 6Lakini Aizilaeli baabonila ikia alongu babu bilikabila laka Benjamini, bapwaaga, “Lelenu likabila limu luku Izilaeli likuwike.” 7Henu twiihenga kii ili kwapeke akambomba akanalomi bi likabila laka Benyamini baahigali? Ndaba twabii tulapiki kupete liina laka Bambu Sapanga kupwaga, “Ngatwaapeke akakamwali bitu abia ahanu babu!”
8Bapala kumanya ana kwabia ni likundi lokapi lilikabila luku Izilaeli lelule ngaselahikiki pu nkutanu palongi jaka Bambu Sapanga ku Mizipa. Bamanya ngamundu jokapi kuhuma ku Yabeshi Gileadi jojwahikiki ku nkutanu gola. 9Aizilaeli pabaabalanga bandu ku Mizipa babona ngamundu jokapi juku Yabeshi Gileadi jojwahikiki. 10Ndi likundi la bandu buku Izilaeli lapeleka akomana ngondu baki ba sapi elupu kumi na mbili baabii na makili na kwaalagalaki, “Nzendania mwakaakoma bandu buku Yabeshi Gileadi pamu akambomba na bana. 11Hela ndi hemwiihenga, mwaakoma akanalomi boti na akambomba boti baawaiki kugone na mwanalomi.” 12Ndi baakolila bandu baatama ku Yabeshi Gileadi akakamwali mia nsesi banga kugone na akanalomi, nabombi baajukua nu kujenda nabu ku likambi ku Shilu mu nndema uku Kaanani.
13Ndi likundi loti la bandu latuma bandu kulonge malobi gukuloba lukwali kwa bandu bi likabila la Benjamini babube babia mu lilibu luku Limoni. 14Ndienu, kipindi aselase akanalomi buku Benjamini bakelubuka mu manyumba gabu nakwaapeke akakamwali bala buku Yabeshi Gileadi kola babahigali. Lakini akambomba bebala ngasebaatosi akanalomi bene.
15Ndienu Aizilaeli baabonila ikia bandu bi likabila la Abenjamini ndaba Bambu Sapanga jwaabeki mpaka pikilanda ja bandu buku Izilaeli. 16Ndienu akaaseja bi likundi loti bapwaga, “Ndaba akambomba bi likabila la Abenjamini baatei kwaakoma, tuhenga kii ili kwaapeke akambomba akanalomi haba baahigalile? 17Babwaaga, kupalika akanalomi baahigali bi likabila la Abenjamini apata akambomba ili likabila labu liendalia na liihoba likabila lokapi kwa Aizilaeli. 18Lakini ngatuwesi kwaapia aka kamwali bitu kuba aka ahanu babo, ndaba twalapiki kupwaga, mundu jokapi jojwampia kamwali waki kwa mwanalomi ju likabila la Benjamini kuba nhwanu waki jupata yaambamba.”
19Ndi bakombuka tipati jukunhenge isima Bambu Sapanga jejabia jihengeka kila saka ku Shilu kola, musi gogubi upandi uku kasikazini wa Beseli nu upandi golipiti lyoba mu indela ngolongu jejihuma ku Beseli nu kujenda ku Shekemu upandi ukusini uku Lebabnoni, jabia jitenda kuhegale. 20Henu baalagalakia akanalomi bi likabila laka Benjamini bala, nzendania mwakajoba mu matui gi mizabibu. 21Nndingalia ana mwaabweni akakamwali buku Shilu hebiipita kunza nu kuliunga kuhina kipindi sa tipati, mpita mu mizabibu jejela na kila mundu jujukua kamwali jumu ili jubia nhwanu waki. Na mwiibuja nabu mu nndema uku likabila laka Benjamini. 22Atati babu au aka ahasa babu ana ahikiki kutulalamaki twaapwagila, mmbia ni ikia kwa bandu buku Benjamini na mutujetakaliya baajukua akakamwali bi haba, ndaba ngasetwaapatiki akakamwali bukutosa mu ngondu juku Yabeshi Gileadi. Lakini mwanganya ngasemmbii ni likosa kwa ndaba ngasemwaapeki akakamwali bii kuba akahanu babu.
23Akanalomi bi likabila la Benjamini bala bahenga ahelahela, kila jumu julihagulia kamwali jumu kati jakakamwali babapita kunza kukina ku Shilu kola nu kunzuku kuba nhwanu waki. Ndi babuja ku musi jabu na bijisenga kabee misi jabu nu kutama mola. 24Kipindi aselasela Aizilaeli baboka, kila mundu jwajenda ku lieneu li likabila laki na alongu baki. Kila mundu jakelubuka mu pandu pabummbaguli.
25Kipindi sela ngasepakabi na bambu nkolongu mu nndema uku Izilaeli. Kila mundu jwahenga ngati hejulibonila mweni kuba sapi.
Currently Selected:
Uamusi 21: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
