Uamusi 12
12
Yefuta na Aefulaimu
1Bandu bi likabila laka Efulaimu bakusanya alonda babu nukulomboka losi Yoludani bahika ku Zafoni. Ndi bumpwagila Yefuta, “Boo, ndaba jakii ngaseutukemiki tujenda pamu kukomana na Aamoni? Henu twiijosa nyumba jaku pamu na wamweti gubi nkati jaki.”
2Yefuta jwaapwagila, “Nepani pamu na bandu bangu twabia nu ugombi nkolongu na Ahamoni. Nunndobiki nnyangatia lakini ngasemwaikiki kunhoko. 3Panabona ngasenhikiki kunhoko, najenda bila kujogopa kuwa ili kukomana na Ahamoni, na Bambu Sapanga jwanyangatiya naawesa. Boo, ndaba jakii nhikiki kukomana na nepane?” 4Ndienu Yefuta jwaakusanya bandu boti buku Gileadi nu kukomana nabandu buku Efulaimu na kwaawesa. Bandu buku Efulaimu haba ndi bababia apwagiki, “Mwanganya mwabandu buku Gileadi ndi mwabandu montiliki mu nndema jino ulikabila la Efulaimu, mwatila likabila luku Efulaimu nukutama pikilanda jaka Efulaimu na Manase.” 5Agileadi bakamula mitandu ya losi luku Yoludani ili kuibali indela ja bandu buku Efulaimu. Kila mala pajwapitila mundu jojutiliki nondu mu nndema waki nu kuloba kupeta hoku bandu buku Geliadi bunndalukia, “Boo, wehapa lee Nhefulaimo?” Anajajibua, “Nganenga,” 6Bumpwagila logula lilobi, “Shiboleti” Ana jombi jalogwi, “Siboleti,” ndaba ngasejwawesa kulilogoo saamboni. Ndipala bunkamula nu kunkoma ku mitandu ja losi luku Yoludani. Bandu elupu alobaini ni ibeli buku Efulaimu batenda kukomeka kipindi sehesi.
7Yefuta jwabia mundu jukuamuli kipindi sehesi mu ndema uku Izilaeli kwa yaka sita. Ndi jwatenda kuwa nu kutagwa ku Geliadi mu musi waki.
Ibizani na Eloni na Abdoni
8Baada jaka Yefuta Ibizani kuhuma ku Betelehemu jwabia nhamuzi juku Izilaeli. 9Jombi jwabii na bana akanalomi selasini na akamwali selasini. Na aka kamwali baki selasini baajukua akanalomi ba kunza ju lukolu lwaki na aka kombu baki bajukua akambomba kuhuma kunza julukolu lwaki. Ibizani jwabia nhamuzi juku izilaeli kwa yaka saba. 10Jwatenda kuwa nu kutagwa kumusi uku Betelehemu.
11Baada jaka Ibizani, Eloni juku likabila luku Zebuloni jwabia nhamuzi juku Izilaeli kwa yaka komi. 12Najombi jwakuwa, nukutagwa ku musi Aiyoloni ku nndema uku likabila luku Zebuloni.
13Baada jaka Eloni, Abudoni mwana waka Ileli kuhuma ku Pilatoni jwabia nhamusi juku Izilaeli. 14Jombi jwabia na bana akalomi alobaini na asoko akanalomi selasini babube bakwela maponda sabini. Jwabia nhamuzi juku Izilaeli kwa yaka nani. 15Ndi Abudoni jwatenda kuwa, jwatagwa kumusi uku Pilatoni ku nndema ulikabila la Efulaimu ku lieneu la itombi ya Ahamaleki.
Currently Selected:
Uamusi 12: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
