Kukomboka Kukomboka
Kukomboka
Kitabu su kukomboka mihilu ndi kibii makelubuki gi mihilu jejuje jilandi mwiitabu yengi yimihilu nkati ji itabu nhwanu yukutumbuli mu Lilaganu la Mwandi. Lihina likitabu senze Kiebulania libii na maana jenze, “Malobi.” Mundu jojuandiki kitabu senze jubonikana ndi Musa hata ngati pa mwisu palandi kuwa kwaki. Kitabu senze kitumbuli kulonge malobi gagapwaga, “Ganga ndi malobi gaguge Musa jaapwagila Aizalaeli.” Kuholale kubanga Musa ndi jojuandiki kitabu senze su Kukomboka Mihilu na kubonikana kabee mala jengi mu itabu Lilaganu Linyai. Linga lilenganu lende mu kitabu sa Mahengu ga Atenga 3:22-23 Pandu pajuandi Peti jaandika lilobi kuhuma mu kitabu sukukomboka Mihilu 18:15-18 nukulogo kubanga haga gabiya malobi gaka Musa. Kuwesikana Musa ndi jojaandiki kitabu sukukomboka mihilu pamu ni kitabu sukutumbuli ni kitabu su Kuboka ni kitabu sa Alawi ni kitabu sukubalanga mu yaka elupu jimu na mia nsesi au elupu jimu na mia tatu kabula jukusaliwa Kilisitu.
Kitabu sukukomboka mihilu saandikwa ngati majetanga kati jaka bambu nkolongu nu ubambu nkolongu gongi gogubii pai juulongosi waki, ngati hekwahengika pa mwandi. Ndi majetanganu kati jaka Sapanga na bandu buku Izilaeli. Sapanga jwajetaki kwaapenge bandu ana bombi bakajetakia nukujipwata miilu jaki. Ngati ana Bandu buku Izilaeli baka jikaniki miilu jaka Sapanaga, ndienu bakatenda kwaalapu. Lende ndi lijambu likolongu likitabu senze; lakini lipungu la 27 na 28 lilongale ngani kupete kupata mbenge na yaambamba yeyakapatikana kupete kujetake au kunga'anambuka kwa bandu buku Izilaeli. Makabila ndalindali ga bandu buku Izilaeli bajema mu itombi yeilingalani, nukupwagani mbenge hei na yaambamba hei ibii ngati indela jukulangi lilaganu heli kubanga atei kulijeke.
Gagabii nkati
Musa jukombuke gagapitii mu sapwali jukujenda ku Izilaeli kulomboka kulungwenza linga mulipungu 1 mbaka la 3.
Kilandi mihilu ji lilagi kati ja Sapanga na bandu linga mulipungu la 4 mbaka 25.
Ndienu mu lipungu la 27 mbaka 30 bandu buku Izilaeli alogo mbenge na yambamba kwa sauti ngolongu kulangi kuhuma kipindi lilaganu litei kujetakeka.
Mwisu weni Musa julonge malobi ga mwisu kwaka Joshua, na kulikabila la Aizilaeli kabula ja kuwa kwaki mulipungu la 31 mbaka 34.
Currently Selected:
Kukomboka Kukomboka: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.