Kukomboka 5
5
Mihilu komi
Kuboka 20:1-17
1Musa jwaakema pamu Aizilaeli boti, jaapwagila, “Mwaa Aizilaeli, nzowania mihilu na malagalaki gaguge isinongila palongi jinu lelenu. Mulibola haga nu kugahenga sukulilingali. 2Bambu Sapanga, Sapanga witu, jwahenga lilaganu na twepani kukitombi suku Holebu liina lengi Sinai. 3Ngasejwahenga lilaganu heli na akahoku bitu pena, ila jwahenga na twepani twaboa twetubi twabomi lelenu. 4Bambu Sapanga jalongila na mwanganya ana kwa ana kukitombi pikilanda ja mwotu. 5Kipindi hesi nepani najemiki pikilanda jinu mwanganya na Bambu Sapanga, nukuntangasi malobi gajapwaga ndaba mwanganya mwajogupa mwotu gola na ngasemwakwei kukitombi.
“Bambu Sapanga japwaga ana, 6‘Nepani ndi Bambu Sapanga, Sapanga waku nenugupiiki ku nndema uku Misili, kowabii guntumwa.’
7“Wiikuba ni isapanga yengi ila pe nepani. 8‘Wiilenganake imong'omong'u yukubasa kwa ndaba ji isapanga, wala kukilenganesa sindu sokapi sekibi kunani, wala sekibii pai pu nndema, wala sekibi mmasi pai ju nndema.’
9“Waijinamii wala kuilumbali, ndaba nepani Bambu Sapanga, Sapanga waku, ndi Sapanga jojubii na wipu. Naalapu bana kwa ndaba ja mahakau gakatati babu, hata kibeleku sa tatu na su nsesi na sa bandu baanzukila. 10Lakini naalangi wamboni bandu maelupu baambala nukupwata mihilu jangu.
11“Walilogo bwaka liina langu nepani Bambu Sapanga, Sapanga waku, ndaba nepani ndi Bambu Sapanga nganisindwi kundapu jokapi jola jojihenga hela. 12Mulipwata Lisoba Lukupomulela nukulibeka palongi jangu nepani ngati Bambu Sapanga, Sapanga waku, enugulagalakia. 13Masoba sita nhenga mahenga nu kuhenga majambu gaku goti, 14lakini lisoba la saba ndi Lisoba Lukupomulela lelule nilihagwi kwa ndaba jangu. Lisoba heli wehapa wiihenga lihengu jokapi, wala mwana waku, wala kamwali waku wala babuguhenge lihengu akanalomi au akambomba, wala ng'ombi yaku, wala maponda gaku, wala mipugu jaku jokapi, wala nng'eni jojubii nnyumba jaku, na atumwa babuguhenge lihengu mwanalomi au mmbomba awesa kupomulela ngati wehapa. 15Wiijewa ngati wehapa wabii guntumwa ku nndema uku Misili, nepani Bambu Sapanga, Sapanga waku, nugupia hoku sukutumi makili gangu gingi, ndi ndaba nepani Bambu Sapanga, Sapanga waku, nugulagalaki ulikamula Lisoba Lukupomulela.
16“ ‘Waahengila isima atati baku na amabu baku, ngati nepani Bambu Sapanga, Sapanga waku enugulagalakia, guhenga hela ili guwesa kutama masoba gingi nu kuwesa kujetakalewa mu nndema gonugupeke.
17“ ‘Wiikoma.
18“ ‘Wiitenda ugoni.
19“ ‘Wiijiba.
20“ ‘Waankopake nnzaku isoli.
21“ ‘Waantokule nhanu uku nnzaku, wala wajitokule nyumba jaki, wala nngonda waki, wala ntumwa waki mwanalomi au mbomba, wala ng'ombi yaki, wala maponda gaki, wala sindu sokapi sejubi nasu nzaku.’
22“Heji ndi mihilu jejuje Bambu Sapanga ampwagila mwaboti sukujamalia kuhumi ku mwotu ni lihundi likolongu na mulwii tii. Jumpwagila pamwabiya nkemini nsambi kukitombi kola na ngasejajonzuki nhilu gonge. Ndienu jujiandika panani ji ibau ibeli ya malibu najatenda kumbeke.
Lujogopu lwa bandu
Kuboka 20:18-21
23“Kipindi pamwajowana kujamali hoku kuhuma pikilanda ja lwii tii lola, panani jikitombi sesabia kinyaka mwotu sela, akikilongosi boti bama kabila ginu na aka aseja banhikila, 24nukupwaga, ‘Jowana! Bambu Sapanga, Sapanga witu, jutuyekuli kutulangi ukolongu waki, tujowini sauti jaki kuhuma pikilanda ja mwotu pala. Lelenu ndi tutumbuli kujoana sauti jaka Bambu Sapanga jaka longila na mundu, najombi ngasejawii jaendalia kutama! 25Lakini ndaba jaki tulikoma mu mwotu nkolongu gola? Anatujijowini kabee sauti jaka Bambu Sapanga, Sapanga witu, twiitenda kuwa! 26Boo, jubii mundu boo jojijijowini sauti jaka Sapanga kuhuma pikilanda ja mwotu nu kuendele kuba mwome? 27Nambanga wa Musa gujenda pambipi na jombi ukajowania goti gajukapwaga Bambu Sapanga, Sapanga witu, ndienu wihika kutupwagi majambu goti gajagupwagila, twepani twagajowania nukugahenga’.
28“Bambu Sapanga jugajowini malobi gi haga, jambwagila, ‘Nyowini malobi gabugupwagi bandu haba, goti gaapwagiki gaamboni. 29Ana masoba goa bakabiya na mawasu ngati ganga, nukuhenge isima nepani nukupwata mihilu jangu! Majambu gabu goti gakaajendila sapi, bombi beni ni ibeleku yabu masoba goti ganga na mwisu. 30Henu gujenda wakaapwagila akelubuka mu mahema gabu. 31Lakini wa Musa guhigaliya pamba pamu na nepani, nepani ngiti nugupwagila mihilu joti na malagalaki gaguge wiitenda kwaabola, ili nndema gonaapekia gubia mali gabu.’
32“Mwanganya mlilingaliya, nhenga ngati Bambu Sapanga ejunndagalakia, nhenga kila sindu ngati ejunndagalaki. 33Mwajipwata malagalaki goti Bambu Sapanga, Sapanga winu, gajunndagalakia ili majambu gino gawesa kuba sapi na nhwesa kutama masoba gingi mu nndema gomwagujukua gubiya gwinu.
Currently Selected:
Kukomboka 5: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
