Popular Bible Verses from Kukomboka 5

Share

“ ‘Waahengila isima atati baku na amabu baku, ngati nepani Bambu Sapanga, Sapanga waku enugulagalakia, guhenga hela ili guwesa kutama masoba gingi nu kuwesa kujetakalewa mu nndema gonugupeke.

Mwajipwata malagalaki goti Bambu Sapanga, Sapanga winu, gajunndagalakia ili majambu gino gawesa kuba sapi na nhwesa kutama masoba gingi mu nndema gomwagujukua gubiya gwinu.

“Waijinamii wala kuilumbali, ndaba nepani Bambu Sapanga, Sapanga waku, ndi Sapanga jojubii na wipu. Naalapu bana kwa ndaba ja mahakau gakatati babu, hata kibeleku sa tatu na su nsesi na sa bandu baanzukila. Lakini naalangi wamboni bandu maelupu baambala nukupwata mihilu jangu.

‘Wiilenganake imong'omong'u yukubasa kwa ndaba ji isapanga, wala kukilenganesa sindu sokapi sekibi kunani, wala sekibii pai pu nndema, wala sekibi mmasi pai ju nndema.’

“Wiikuba ni isapanga yengi ila pe nepani.

“Walilogo bwaka liina langu nepani Bambu Sapanga, Sapanga waku, ndaba nepani ndi Bambu Sapanga nganisindwi kundapu jokapi jola jojihenga hela.

Ana masoba goa bakabiya na mawasu ngati ganga, nukuhenge isima nepani nukupwata mihilu jangu! Majambu gabu goti gakaajendila sapi, bombi beni ni ibeleku yabu masoba goti ganga na mwisu.

Mulipwata Lisoba Lukupomulela nukulibeka palongi jangu nepani ngati Bambu Sapanga, Sapanga waku, enugulagalakia.

“ ‘Waantokule nhanu uku nnzaku, wala wajitokule nyumba jaki, wala nngonda waki, wala ntumwa waki mwanalomi au mbomba, wala ng'ombi yaki, wala maponda gaki, wala sindu sokapi sejubi nasu nzaku.’

“ ‘Wiitenda ugoni.

“ ‘Waankopake nnzaku isoli.

“ ‘Wiikoma.

“ ‘Wiijiba.

Wiijewa ngati wehapa wabii guntumwa ku nndema uku Misili, nepani Bambu Sapanga, Sapanga waku, nugupia hoku sukutumi makili gangu gingi, ndi ndaba nepani Bambu Sapanga, Sapanga waku, nugulagalaki ulikamula Lisoba Lukupomulela.

Masoba sita nhenga mahenga nu kuhenga majambu gaku goti, lakini lisoba la saba ndi Lisoba Lukupomulela lelule nilihagwi kwa ndaba jangu. Lisoba heli wehapa wiihenga lihengu jokapi, wala mwana waku, wala kamwali waku wala babuguhenge lihengu akanalomi au akambomba, wala ng'ombi yaku, wala maponda gaku, wala mipugu jaku jokapi, wala nng'eni jojubii nnyumba jaku, na atumwa babuguhenge lihengu mwanalomi au mmbomba awesa kupomulela ngati wehapa.

‘Nepani ndi Bambu Sapanga, Sapanga waku nenugupiiki ku nndema uku Misili, kowabii guntumwa.’