Kukomboka 4
4
Aizilaeli apalika kupwata mihilu jaka Sapanga
1Musa jaendalia kulonge, “Enu mwiangalia nu kupwatali malagalaki goti ganumboliki, ili nhwesa kutama nukugujuku nndema hogu kuba gwinu, goguwe Bambu Sapanga, Sapanga waka hoku binu, jutenda kumpeke. 2Mwiijonzuke sokapi mu mihilu jenumpeke, wala mwipungusa sindu, mwajipwata mihilu jaka Bambu Sapanga, Sapanga winu, jenumpeke. 3Mwanganya mwalinga kwa mihu ginu majambu gajahenga Bambu Sapanga kukitombi sa Baali Peoli. Bambu Sapanga, Sapanga winu, jaakoma bandu boti pikilanda jinu babikigungamalia kisapanga Baali Peoli. 4Lakini mwanganya mwemwabia mwenhobaleka kwaka Bambu Sapanga, Sapanga winu, mbii mwa bomi mbaka lelenu.”
5“Henu! Nunmboliki mihilu na malagalaki ngati Bambu Sapanga, Sapanga wangu, ejanagalakia henga, ili mwagapwata mu nndema gomwiijenda kujikamu na kuba winu. 6Nkamula nukutimisa mihilu na malagalaki haga ndaba ananhengiki hela bandu banga Ayaudi. Ebijowana mihilu heji biimanya kubanga, mwanganya mwana malangu na mwenhesa kuhenga hindu samboni biipwaga, ‘Sakaka bandu bunndema nkolongu gongo abii bana malangu na umanyi!’
7“Nga bandu bunndema wokapi hata gukubi nkolongu namuna boo, goguwe sapanga waki jubii pambipi na wombi, ngati ejubii pambipi na twepani Bambu Sapanga, Sapanga witu, etundoba kutujangati. 8Wala nga bandu bunndema gongi wokapi hata gukubi nkolongu namuna boo, gogubi ni mihilu na malagalaki gasapi ngati ganga, ganumboliki lisoba la lelenu.
9“Lakini mwilihangalia ngani koni mmanya ngase mpalika kugajewa majambu gamugabona kwa mihu ginu mwabeti. Kwipitii hata mala jimu mu womi winu kugajewa majambu haga mu mwoju jinu. Mwaasimulia bana binu na akasokoo binu, 10kwa majambu gilisoba lela lemwajema palongi jaka Bambu Sapanga, Sapanga winu, ku kitobi sa Holebu kola, pajambwagila, ‘Waakusanya bandu bala palongi jane, naapwagila malobi gangu ili bilibola kuntende isima Sapanga masoba goti gukutama kwabu na kwaabola bana babu kuhenga hela.’
11“Ndienu, mwapwagila bana binu hemwahegaliya nukujema pai jikitombi sela sesuse kipindi hesi sabiya kijaka mwotu guwahika kunani nukuyekalelwii ni likongobu lingipi. 12Ndienu, Bambu Sapanga jalongila na mwanganya kuhuma pikilanda ja mwotu hogu, mwajowana malobi gajalongila lakini ngase mwawesa kumbona, mwajowana pee sauti jaki. 13Jwombi juntangasia lilaganu laki jundagalakia mulipwata nukujetake mihilu komi jejuje juandiki mu ibau ibeli ya malibu. 14Kipindi hesi Bambu Sapanga janagalakia numbola mihilu na malagalaki goti gaguge mpalika kugatimisa mu nndema gonzenda kugukamu gubiya gwinu.
Aizilaeli baalakali kulumbali imong'umong'u
15“Henu nnhangalia mwiijewa kubanga, Bambu Sapanga pajwalongila na mwanganya ku kitombi sa Holebu kola pikilanda ja mwotu ngase mumbwene namuna hejabii. Kwa ndaba heji mwilihangali ngani, 16Mwiihenga mahakuu sukulilenganake imong'umong'u yeilengana na mwanalomi au mmbomba, 17yeilengana ni kinyama jokapi jojubii kunani au yeilengana ni ijune yeihomba kunani, 18au kulenganesa ni kinyama sekikwaba pai au homba yumu masi. 19Mwilihangalia ndaba kipindi pa mwiilingaliya nukulibona lyoba na mwei na ndondu na hindu yoti yukunani kwaka Sapanga, yankoloo kwiilumbali wala kuitumaki, ndaba hindu heyi Bambu Sapanga, Sapanga winu, jwiibomba kwa ndaba ja bandu bowa bupundema. 20Lakini mwanganya ndi mwa bandu bajunkombula kuhuma ku nndema uku Misili kobabi ngati abii mu litanuli lukuhugati yomayoma. Jumpia hoku ili mbia mwa bandu baki ngati embii lelenu. 21Ndaba jinu Bambu Sapanga, Sapanga winu, janhengila inyela nepani, jalapa kubanga nepani nganiloboki losi luku Yoludani nukujingi mu nnndema wamboni goguwe jumpekee gubiya gwinu. 22Nepani ngiti nhwelila mu nndema gongo wala nganiloboki losi, lakini mwanganya mbii pambipi kululoboka nukujenda kugukamu nndema wamboni hogu. 23Mwilihangalia ngani mwalijewa lilaganu lelule Bambu Sapanga, Sapanga winu, juhengikiki na mwanganya, mwakilenganake kimong'umong'u sukubasa nu kukilenganesa na sindu sokapi sesuse Bambu Sapanga, Sapanga winu, junkanaki kundenganesa, 24Ndaba Bambu Sapanga, Sapang winu, ndi mwotu gogutinii, jwombi ndi Sapanga jojubi na wipu.
25“Emwibiya ntemi mu nndema hogu nu kupata bana na akasokoo na kuba mwa aseja, anamwitumbuliya kujewa nu kuilenganake imong'umong'u yu kubasa nukulenganesa na sindu sokapi nu kuhenga ubaja palongi jaka Bambu Sapanga, Sapanga winu, nukunhenga jubiya ni inyela, 26enuu, lelenu nepani nukukema kunani na pai punndema kulingalia nu kujowane pikilanda jitu ganonge nepani, numpwagi ana mala jimu pe mwiikomika tipitipi mu nndema gomwiijenda kutama kwii ja losi luku Yoludani. Ngamwiitami hoku masoba ginge, ila pe mwikomika tipitipi. 27Bambu Sapanga jwampesangana mukatama na bandu bi milema jengi, bandu asokopi pena babihigaliya hoku kokukwe Bambu Sapanga jwaabengila. 28Hoku mwaitumakia isapanga yeilenganakiwi kwi mikongu na malibu kwa maboku ga bandu, yeyuye ngaseiwesa kulinga wala kujowana ngaseikula wala kunua. 29Ndienu kuhuma mu nndema hogu mwantaputa Bambu Sapanga, Sapanga winu, nanamu mwampata ngati ana muntapwiti kwa mwoju wii woti na kwa loho joti. 30Majambu haga goti pagampata nukupata mang'aliku, mwankelabukia Bambu Sapanga, Sapanga winu nu kunzetakela. 31Bambu Sapanga, Sapanga winu, ndi Sapanga jujubi ni ikia ngajwandeki wala kunkoma, wala kulijewa lilaganu lejahengiki na akahoku binu sakwalapila.
32“Nholaliya majambu ga mwandi, majambu gagapitila kabula ja mwanganya kusaliwa, tumbuka lisoba lela Sapanga pajummbomba mundu pu nndema. Ndalukia kunani kwaka Sapanga nu pu nndema poti, kutumbuli pandu pamu hadi pangi, ngati ana lijambu lukusangasa la namuna ajee lipiti kabee au kujowaneka! 33Boo, nga bandu bokapi kabee baajowini sauti jaka Sapanga jakalongila pikilanda ja mwotu, ngati mwanganya emwajowana, nukuhigali mwa bome? 34Boo, jubii lee sapanga jokapi jongi jojulengikiki hata pasokopi kujenda kwaajukuu bandu bu nndema waki kuhuma ku nndema gonge? Lakini Bambu Sapanga, Sapanga winu, sa kwaalenga na kwa nginyuli na kwa ndonduke na kwa ngondu na kwa makili gaki makolongu jwahenga majambu gukutisa, gaguge mwanganya mwagabona kwa mihu ginu ku nndema uku Misili kola. 35Mwanganya mugabweni majambu haga, ili nhwesa kumanya Bambu Sapanga, kanzika jaki ndi Sapanga na wala nga jongi kabete. 36Juunhenga mwijijowana sauti jaki kuhuma kunani ili ammbola kunzetake jombi punndema pani, junhenga mugubona mwotu waki nkolongu nu kujowane malobi gaki kuhuma pikilanda ja mwotu hogu. 37Ndaba jaapaliki akahoku binu, ndienu junhagwi mwanganya mombii ibeleku yabu, jumpia mweni kuhuma mu nndema uku Misili kwa makili gaki makolongu. 38Jwaabenga palongi jinu bandu bi milema mikolongu na bababii na makili kupeta mwanganya, ili jumpekia nndema wabu gubia winu, ngati ekubi mbaka lelenu! 39Ndienu, nkombuka lelenu nukugabeka mumwoju jinu, kubanga Bambu Sapanga ndi Sapanga jukunani na pai pu nnndema, wala ngakuba Sapanga jonge. 40Henu mpwata malagalaki ni mihilu jaki jejuje numpekee lelenu ili nneng'aninya, mwanganya pamu ni ibeleku yinu, nu kutama masoba gingi mu nndema gojumpeki Bambu Sapanga, Sapanga winu jumpeki gubia winu masoba goti ganga na mwisu.”
Misi jukutili
41Ndienu Musa jujihagula misi jitatu upandi wa golipiti lyoba wa losi lwa Yoludani, 42momuje mundu juwesa kutili nukulilamisa, ngati na jukomiki mundu jojuwe nga mbaja waki na ngasanauli. Mundu ngati hoju juwesa kutili kati ja musi gumu nukugalamisa womi waki. 43Juguhagula musi uku Beseli gowabi puubamba upulungweza hogu kwa ndaba jilikabila la Lubeni na musi uku Lamoti mu nndema uku Gileadi kwa ndaba jilikabila la Gadi na musi uku Golani mu nndema uku Bashani kwa ndaba ji likabila la Manase.
Musa jaapwagi kabee Aizilaeli mihilu jaka Sapanga
44Jenze ndi mihilu jejuje Musa jaapwagila Aizalaeli. 45Ganga ndi matemuli na malagalaki ni mihilu jejuje Musa jaapwagila Aizalaeli pabahuma ku nndema uku Misili, 46pababiya kwii ja losi luku Yoludani, mu ligomba lelabi palongi ja musi uku Beti Peoli, mu nndema gowabi uka bambu nkolongu Sihoni jwa Aamoli jojalongusa kuboke ku musi uku Heshiboni, goguwe Musa na Aizalaeli batenda kunhwesa pabahuma ku Misili. 47Bugujukua nndema waki nu nndema uka bambu nkolongu Ogu juku Bashani. Aka bambu akolongu abeli haba ba Aamoli balongusa ku upandi golipiti lyoba ja losi luku Yoludani. 48Nndema hogu wajaganiya kuboke ku musi uku Aloeli mu nkenga wa losi luku Alinoni, mbaka kukitombi suku Silioni, sesuse ndi sebikikema Helumoni, 49pamu ni lieneu loti lu upandi golipiti lyoba ja losi luku Yoludani mbaka ku nhanga uku Alaba kwi kihele sikitombi sa Pisiga.
Currently Selected:
Kukomboka 4: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Kukomboka 4
4
Aizilaeli apalika kupwata mihilu jaka Sapanga
1Musa jaendalia kulonge, “Enu mwiangalia nu kupwatali malagalaki goti ganumboliki, ili nhwesa kutama nukugujuku nndema hogu kuba gwinu, goguwe Bambu Sapanga, Sapanga waka hoku binu, jutenda kumpeke. 2Mwiijonzuke sokapi mu mihilu jenumpeke, wala mwipungusa sindu, mwajipwata mihilu jaka Bambu Sapanga, Sapanga winu, jenumpeke. 3Mwanganya mwalinga kwa mihu ginu majambu gajahenga Bambu Sapanga kukitombi sa Baali Peoli. Bambu Sapanga, Sapanga winu, jaakoma bandu boti pikilanda jinu babikigungamalia kisapanga Baali Peoli. 4Lakini mwanganya mwemwabia mwenhobaleka kwaka Bambu Sapanga, Sapanga winu, mbii mwa bomi mbaka lelenu.”
5“Henu! Nunmboliki mihilu na malagalaki ngati Bambu Sapanga, Sapanga wangu, ejanagalakia henga, ili mwagapwata mu nndema gomwiijenda kujikamu na kuba winu. 6Nkamula nukutimisa mihilu na malagalaki haga ndaba ananhengiki hela bandu banga Ayaudi. Ebijowana mihilu heji biimanya kubanga, mwanganya mwana malangu na mwenhesa kuhenga hindu samboni biipwaga, ‘Sakaka bandu bunndema nkolongu gongo abii bana malangu na umanyi!’
7“Nga bandu bunndema wokapi hata gukubi nkolongu namuna boo, goguwe sapanga waki jubii pambipi na wombi, ngati ejubii pambipi na twepani Bambu Sapanga, Sapanga witu, etundoba kutujangati. 8Wala nga bandu bunndema gongi wokapi hata gukubi nkolongu namuna boo, gogubi ni mihilu na malagalaki gasapi ngati ganga, ganumboliki lisoba la lelenu.
9“Lakini mwilihangalia ngani koni mmanya ngase mpalika kugajewa majambu gamugabona kwa mihu ginu mwabeti. Kwipitii hata mala jimu mu womi winu kugajewa majambu haga mu mwoju jinu. Mwaasimulia bana binu na akasokoo binu, 10kwa majambu gilisoba lela lemwajema palongi jaka Bambu Sapanga, Sapanga winu, ku kitobi sa Holebu kola, pajambwagila, ‘Waakusanya bandu bala palongi jane, naapwagila malobi gangu ili bilibola kuntende isima Sapanga masoba goti gukutama kwabu na kwaabola bana babu kuhenga hela.’
11“Ndienu, mwapwagila bana binu hemwahegaliya nukujema pai jikitombi sela sesuse kipindi hesi sabiya kijaka mwotu guwahika kunani nukuyekalelwii ni likongobu lingipi. 12Ndienu, Bambu Sapanga jalongila na mwanganya kuhuma pikilanda ja mwotu hogu, mwajowana malobi gajalongila lakini ngase mwawesa kumbona, mwajowana pee sauti jaki. 13Jwombi juntangasia lilaganu laki jundagalakia mulipwata nukujetake mihilu komi jejuje juandiki mu ibau ibeli ya malibu. 14Kipindi hesi Bambu Sapanga janagalakia numbola mihilu na malagalaki goti gaguge mpalika kugatimisa mu nndema gonzenda kugukamu gubiya gwinu.
Aizilaeli baalakali kulumbali imong'umong'u
15“Henu nnhangalia mwiijewa kubanga, Bambu Sapanga pajwalongila na mwanganya ku kitombi sa Holebu kola pikilanda ja mwotu ngase mumbwene namuna hejabii. Kwa ndaba heji mwilihangali ngani, 16Mwiihenga mahakuu sukulilenganake imong'umong'u yeilengana na mwanalomi au mmbomba, 17yeilengana ni kinyama jokapi jojubii kunani au yeilengana ni ijune yeihomba kunani, 18au kulenganesa ni kinyama sekikwaba pai au homba yumu masi. 19Mwilihangalia ndaba kipindi pa mwiilingaliya nukulibona lyoba na mwei na ndondu na hindu yoti yukunani kwaka Sapanga, yankoloo kwiilumbali wala kuitumaki, ndaba hindu heyi Bambu Sapanga, Sapanga winu, jwiibomba kwa ndaba ja bandu bowa bupundema. 20Lakini mwanganya ndi mwa bandu bajunkombula kuhuma ku nndema uku Misili kobabi ngati abii mu litanuli lukuhugati yomayoma. Jumpia hoku ili mbia mwa bandu baki ngati embii lelenu. 21Ndaba jinu Bambu Sapanga, Sapanga winu, janhengila inyela nepani, jalapa kubanga nepani nganiloboki losi luku Yoludani nukujingi mu nnndema wamboni goguwe jumpekee gubiya gwinu. 22Nepani ngiti nhwelila mu nndema gongo wala nganiloboki losi, lakini mwanganya mbii pambipi kululoboka nukujenda kugukamu nndema wamboni hogu. 23Mwilihangalia ngani mwalijewa lilaganu lelule Bambu Sapanga, Sapanga winu, juhengikiki na mwanganya, mwakilenganake kimong'umong'u sukubasa nu kukilenganesa na sindu sokapi sesuse Bambu Sapanga, Sapanga winu, junkanaki kundenganesa, 24Ndaba Bambu Sapanga, Sapang winu, ndi mwotu gogutinii, jwombi ndi Sapanga jojubi na wipu.
25“Emwibiya ntemi mu nndema hogu nu kupata bana na akasokoo na kuba mwa aseja, anamwitumbuliya kujewa nu kuilenganake imong'umong'u yu kubasa nukulenganesa na sindu sokapi nu kuhenga ubaja palongi jaka Bambu Sapanga, Sapanga winu, nukunhenga jubiya ni inyela, 26enuu, lelenu nepani nukukema kunani na pai punndema kulingalia nu kujowane pikilanda jitu ganonge nepani, numpwagi ana mala jimu pe mwiikomika tipitipi mu nndema gomwiijenda kutama kwii ja losi luku Yoludani. Ngamwiitami hoku masoba ginge, ila pe mwikomika tipitipi. 27Bambu Sapanga jwampesangana mukatama na bandu bi milema jengi, bandu asokopi pena babihigaliya hoku kokukwe Bambu Sapanga jwaabengila. 28Hoku mwaitumakia isapanga yeilenganakiwi kwi mikongu na malibu kwa maboku ga bandu, yeyuye ngaseiwesa kulinga wala kujowana ngaseikula wala kunua. 29Ndienu kuhuma mu nndema hogu mwantaputa Bambu Sapanga, Sapanga winu, nanamu mwampata ngati ana muntapwiti kwa mwoju wii woti na kwa loho joti. 30Majambu haga goti pagampata nukupata mang'aliku, mwankelabukia Bambu Sapanga, Sapanga winu nu kunzetakela. 31Bambu Sapanga, Sapanga winu, ndi Sapanga jujubi ni ikia ngajwandeki wala kunkoma, wala kulijewa lilaganu lejahengiki na akahoku binu sakwalapila.
32“Nholaliya majambu ga mwandi, majambu gagapitila kabula ja mwanganya kusaliwa, tumbuka lisoba lela Sapanga pajummbomba mundu pu nndema. Ndalukia kunani kwaka Sapanga nu pu nndema poti, kutumbuli pandu pamu hadi pangi, ngati ana lijambu lukusangasa la namuna ajee lipiti kabee au kujowaneka! 33Boo, nga bandu bokapi kabee baajowini sauti jaka Sapanga jakalongila pikilanda ja mwotu, ngati mwanganya emwajowana, nukuhigali mwa bome? 34Boo, jubii lee sapanga jokapi jongi jojulengikiki hata pasokopi kujenda kwaajukuu bandu bu nndema waki kuhuma ku nndema gonge? Lakini Bambu Sapanga, Sapanga winu, sa kwaalenga na kwa nginyuli na kwa ndonduke na kwa ngondu na kwa makili gaki makolongu jwahenga majambu gukutisa, gaguge mwanganya mwagabona kwa mihu ginu ku nndema uku Misili kola. 35Mwanganya mugabweni majambu haga, ili nhwesa kumanya Bambu Sapanga, kanzika jaki ndi Sapanga na wala nga jongi kabete. 36Juunhenga mwijijowana sauti jaki kuhuma kunani ili ammbola kunzetake jombi punndema pani, junhenga mugubona mwotu waki nkolongu nu kujowane malobi gaki kuhuma pikilanda ja mwotu hogu. 37Ndaba jaapaliki akahoku binu, ndienu junhagwi mwanganya mombii ibeleku yabu, jumpia mweni kuhuma mu nndema uku Misili kwa makili gaki makolongu. 38Jwaabenga palongi jinu bandu bi milema mikolongu na bababii na makili kupeta mwanganya, ili jumpekia nndema wabu gubia winu, ngati ekubi mbaka lelenu! 39Ndienu, nkombuka lelenu nukugabeka mumwoju jinu, kubanga Bambu Sapanga ndi Sapanga jukunani na pai pu nnndema, wala ngakuba Sapanga jonge. 40Henu mpwata malagalaki ni mihilu jaki jejuje numpekee lelenu ili nneng'aninya, mwanganya pamu ni ibeleku yinu, nu kutama masoba gingi mu nndema gojumpeki Bambu Sapanga, Sapanga winu jumpeki gubia winu masoba goti ganga na mwisu.”
Misi jukutili
41Ndienu Musa jujihagula misi jitatu upandi wa golipiti lyoba wa losi lwa Yoludani, 42momuje mundu juwesa kutili nukulilamisa, ngati na jukomiki mundu jojuwe nga mbaja waki na ngasanauli. Mundu ngati hoju juwesa kutili kati ja musi gumu nukugalamisa womi waki. 43Juguhagula musi uku Beseli gowabi puubamba upulungweza hogu kwa ndaba jilikabila la Lubeni na musi uku Lamoti mu nndema uku Gileadi kwa ndaba jilikabila la Gadi na musi uku Golani mu nndema uku Bashani kwa ndaba ji likabila la Manase.
Musa jaapwagi kabee Aizilaeli mihilu jaka Sapanga
44Jenze ndi mihilu jejuje Musa jaapwagila Aizalaeli. 45Ganga ndi matemuli na malagalaki ni mihilu jejuje Musa jaapwagila Aizalaeli pabahuma ku nndema uku Misili, 46pababiya kwii ja losi luku Yoludani, mu ligomba lelabi palongi ja musi uku Beti Peoli, mu nndema gowabi uka bambu nkolongu Sihoni jwa Aamoli jojalongusa kuboke ku musi uku Heshiboni, goguwe Musa na Aizalaeli batenda kunhwesa pabahuma ku Misili. 47Bugujukua nndema waki nu nndema uka bambu nkolongu Ogu juku Bashani. Aka bambu akolongu abeli haba ba Aamoli balongusa ku upandi golipiti lyoba ja losi luku Yoludani. 48Nndema hogu wajaganiya kuboke ku musi uku Aloeli mu nkenga wa losi luku Alinoni, mbaka kukitombi suku Silioni, sesuse ndi sebikikema Helumoni, 49pamu ni lieneu loti lu upandi golipiti lyoba ja losi luku Yoludani mbaka ku nhanga uku Alaba kwi kihele sikitombi sa Pisiga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.