Kukomboka 3
3
Aizilaeli bunhwesa bambu nkolongu Ogu
Esabu 21:31-35
1“Ndienu, twang'anambuka nu kukwela ku Bashani. Bambu nkolongu Ogu jwapita na bandu baki kukomana na twepani pambipi na musi uku Edelei. 2Lakini Bambu Sapanga jambwagila, ‘Wanzogopa ndaba nunzangatiya munhwesa pamu na bandu baki nu nndema waki. Wanhengila ngati egunhengila bambu nkolongu Sihoni jwa Aamoli jojutamika ku Heshiboni.’
3“Hela ndi Bambu Sapanga eanzangatiya kunhwesa bambu nkolongu Ogu juku Bashani na bandu baki, twaakoma nga hata jumu jojahigalile. 4Tujikamula misi jaki joti, nga hata musi gumu gotwasindwa kugukamula. Jumula twakamula misi sitini, misi jeheji jabiya ndi pandu poti pa Aligobu papuje julongusa bambu Ogu ju nndema uku Bashani. 5Misi joti heji jabii nu lumatu lulasu, jabii na matanga ni mipengu jukupangaki. Kwabii kabee ni ijiji yingi yeyabii ngaseayongulati lumatu. 6Twaakoma tipitipi kila sindu hoku, twahalabana kila musi na kwaakoma akanalomi na akambomba na bana ngati etwahenga mu misi jaka bambu nkolongu Sihoni ju nndema uku Heshiboni. 7Lakini mipugu na hindu yoti twatenda kujukuu.
8“Kipindi hesi tugutola nndema hogu gowabia gulongoswa na aka bambu akolongu abeli ba Aamoli bababia atama kwii ja losi lwa Yoludani, pikilanda ja losi luku Alinoni ni kitombi sa Helimoni. 9Asidoni bikikema kitombi sa Helumoni, Silioni na Aamoli bikikema kitombi hesi Senili. 10Tujikamula misi joti ju puubamba ni lieneu loti luku Gileadi nu nndema uku Bashani mbaka ku Seleka nuku Edelei, misi jaka bambu nkolongu Ogu juku nndema uku Bashani.” 11Bambu nkolongu Ogu ndi kajika jaki jojahigali kati ji mimundu mikolongu ni milasu jebijikemika Alefai. Kitanda saki sabia sikisoma soma ulasu waki futi komi ni ibeli nu upana waki futi sita, mbaka lelenu kitanda hesi sakoli kibii ku musi wa Aamoli ku Laba.
Makabila gagatama upandi golipiti lyoba wa Yoludani
Esabu 32:1-42
12“Etugukamula nndema hogu, naapekia bandu ba makabila gaka Lubeni na Gadi kutumbuli lieneu lu upandi uku kasikazini juku Aloeli pambipi na losi luku Alinoni na nusu lieneu li itombi yuku Gileadi, pamu na misi jaki. 13Ndienu nilipekia nusu likabila laka Manase lieneu lelahigalia ku Gileadi pamu nuku Bashani kojabia julongosa bambu nkolongu Ogu, lelule ndi lieneu loti lu nndema uku Aligobu. Nndema woti uku Bashani wamanyikana kubanga ndi ja bandu babaakema Alefai. 14Yaili, mundu kuhuma mu likabila laka Manase, jwatola lieneu loti lu nndema wa Aligobu, jejuje ndi Bashani mbaka mu mpaka uku Geshuli na Maaka. Ijiji yoti jwiikema liina laki, mbaka lelenu ijiji heyi imanyikana kwi liina la Yaili. 15Bandu bu lukolu lwaka Makili bi likabila la Manase naapekia nndema uku Gileadi, 16na bandu ba makabila gaka Lubeni na Gadi naapekia nndema woti kuhumi ku Gileadi mbaka ku losi lwa Alinoni. Mpaka wabu ukusini wabiya pikilanda ja losi na gu upandi wa kasikazini wabiya losi lwa Yaboki goguwe wapakini nu nndema wa Aamoli. 17Upandi golijingi lyoba nndema wabu waendali mbaka ku losi luku Yoludani, kuhumi ku nhanga uku Galilaya upandi uku kasikazini, wahelala mbaka ku nhanga uku Alaba, goguwe ndi nhanga wa mwinyu, mbaka mwiihele ya Pisiga, upandi golipita lyoba.
18“Kipindi sela naalagalakia ana, ‘Bambu Sapanga, Sapanga winu jumpeki nndema gongo gu upandi golipiti lyoba wa losi luku Yoludani jibia jinu. Lakini kupalika akanalomi binu boti baawesa kukomana ngondu, koni biliandii kukomana, alombukakwii ja koni baalonguli alongu babu Aizilaeli. 19Lakini akahanu binu na bana binu ni inyama yinu, ndaba manyiki mbii ni mipugu jingi, biihigalia mu nndema gonumpekii. 20Mwaajangatia akalongu binu Aizalaeli mbaka Bambu Sapanga ejwajangatia kutuli pandu pabu ngati mwanganya entemi su lukwali na awesa kugukamu nndema goguwe Bambu Sapanga, Sapanga winu, junmpeki kwii ja losi luku Yoludani. Mwiiwesa kubujani mu nndema gonumpeki aje jibia jinu baada jakaajangati akalongu binu!’
21“Ndienu nundagalakia Joshua, ‘Wehapa gulingiki kwa mihu gaku majambu goti gaguge Bambu Sapanga, Sapanga waku, jwaahengi akabambu akolongu abeli babube ndi bambu nkolongu Sihoni na bambu nkolongu Ogu, jombi jwaahengila ahelahe akabambu akolongu boti bu nndema yemwiipeta. 22Mwaajogopa ndaba Bambu Sapanga, Sapanga wino, ndi jojankomania mwanganya.’
Musa ngajujingi ku Kanaani
23“Kipindi hesi nundobiki ngamaa Bambu Sapanga, napwaga, 24‘Mwaa Bambu Sapanga, manyiki gunangi nepani ntumisi waku ukolongu waku nu uwesu waku, ngakuba sapanga jongi jojubii kunani au punndema jojuwesa kuhenga majambu makolongu nu gukusangasa ngati eguhengiki wehapa. 25Nuguloba nandi, nobuka losi kuku Yoludani, nuguboni nndema wamboni hogu gogubii upandi wa golijingi lyoba kwii ja losi lwa Yoludani, ena nu nndema wamboni gogunyambikii gwiitombi pamu ni itombi ya Lebanoni.’
26“Lakini Bambu Sapanga jahengila inyela nepani kwa ndaba jino, Badala jaki jambwagila, heli litosike! Wiipwaga kabee lijambu heli. 27Gukwela mbaka kwikitombi sa Pisiga, ukalinga sapi upandi wa golijingi lyoba nu upandi uku kasikazini nu upandi ukusini nu upandi wa golipiti lyoba nukugubona nndema hogu, ila wehapa ngawiloboki losi lwa Yoludani londone. 28Lakini gumpekia Joshua malagalaki, gungangamalisa mwoju, ndaba jombi ndi jojaalongua bandu haba mbaka kwii, kugukamu nndema gobagubona.
29“Henu ndi twahigalia piligomba la losi lwa Yoludani pambipi na musi uku Beti Peoli.”
Currently Selected:
Kukomboka 3: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
Kukomboka 3
3
Aizilaeli bunhwesa bambu nkolongu Ogu
Esabu 21:31-35
1“Ndienu, twang'anambuka nu kukwela ku Bashani. Bambu nkolongu Ogu jwapita na bandu baki kukomana na twepani pambipi na musi uku Edelei. 2Lakini Bambu Sapanga jambwagila, ‘Wanzogopa ndaba nunzangatiya munhwesa pamu na bandu baki nu nndema waki. Wanhengila ngati egunhengila bambu nkolongu Sihoni jwa Aamoli jojutamika ku Heshiboni.’
3“Hela ndi Bambu Sapanga eanzangatiya kunhwesa bambu nkolongu Ogu juku Bashani na bandu baki, twaakoma nga hata jumu jojahigalile. 4Tujikamula misi jaki joti, nga hata musi gumu gotwasindwa kugukamula. Jumula twakamula misi sitini, misi jeheji jabiya ndi pandu poti pa Aligobu papuje julongusa bambu Ogu ju nndema uku Bashani. 5Misi joti heji jabii nu lumatu lulasu, jabii na matanga ni mipengu jukupangaki. Kwabii kabee ni ijiji yingi yeyabii ngaseayongulati lumatu. 6Twaakoma tipitipi kila sindu hoku, twahalabana kila musi na kwaakoma akanalomi na akambomba na bana ngati etwahenga mu misi jaka bambu nkolongu Sihoni ju nndema uku Heshiboni. 7Lakini mipugu na hindu yoti twatenda kujukuu.
8“Kipindi hesi tugutola nndema hogu gowabia gulongoswa na aka bambu akolongu abeli ba Aamoli bababia atama kwii ja losi lwa Yoludani, pikilanda ja losi luku Alinoni ni kitombi sa Helimoni. 9Asidoni bikikema kitombi sa Helumoni, Silioni na Aamoli bikikema kitombi hesi Senili. 10Tujikamula misi joti ju puubamba ni lieneu loti luku Gileadi nu nndema uku Bashani mbaka ku Seleka nuku Edelei, misi jaka bambu nkolongu Ogu juku nndema uku Bashani.” 11Bambu nkolongu Ogu ndi kajika jaki jojahigali kati ji mimundu mikolongu ni milasu jebijikemika Alefai. Kitanda saki sabia sikisoma soma ulasu waki futi komi ni ibeli nu upana waki futi sita, mbaka lelenu kitanda hesi sakoli kibii ku musi wa Aamoli ku Laba.
Makabila gagatama upandi golipiti lyoba wa Yoludani
Esabu 32:1-42
12“Etugukamula nndema hogu, naapekia bandu ba makabila gaka Lubeni na Gadi kutumbuli lieneu lu upandi uku kasikazini juku Aloeli pambipi na losi luku Alinoni na nusu lieneu li itombi yuku Gileadi, pamu na misi jaki. 13Ndienu nilipekia nusu likabila laka Manase lieneu lelahigalia ku Gileadi pamu nuku Bashani kojabia julongosa bambu nkolongu Ogu, lelule ndi lieneu loti lu nndema uku Aligobu. Nndema woti uku Bashani wamanyikana kubanga ndi ja bandu babaakema Alefai. 14Yaili, mundu kuhuma mu likabila laka Manase, jwatola lieneu loti lu nndema wa Aligobu, jejuje ndi Bashani mbaka mu mpaka uku Geshuli na Maaka. Ijiji yoti jwiikema liina laki, mbaka lelenu ijiji heyi imanyikana kwi liina la Yaili. 15Bandu bu lukolu lwaka Makili bi likabila la Manase naapekia nndema uku Gileadi, 16na bandu ba makabila gaka Lubeni na Gadi naapekia nndema woti kuhumi ku Gileadi mbaka ku losi lwa Alinoni. Mpaka wabu ukusini wabiya pikilanda ja losi na gu upandi wa kasikazini wabiya losi lwa Yaboki goguwe wapakini nu nndema wa Aamoli. 17Upandi golijingi lyoba nndema wabu waendali mbaka ku losi luku Yoludani, kuhumi ku nhanga uku Galilaya upandi uku kasikazini, wahelala mbaka ku nhanga uku Alaba, goguwe ndi nhanga wa mwinyu, mbaka mwiihele ya Pisiga, upandi golipita lyoba.
18“Kipindi sela naalagalakia ana, ‘Bambu Sapanga, Sapanga winu jumpeki nndema gongo gu upandi golipiti lyoba wa losi luku Yoludani jibia jinu. Lakini kupalika akanalomi binu boti baawesa kukomana ngondu, koni biliandii kukomana, alombukakwii ja koni baalonguli alongu babu Aizilaeli. 19Lakini akahanu binu na bana binu ni inyama yinu, ndaba manyiki mbii ni mipugu jingi, biihigalia mu nndema gonumpekii. 20Mwaajangatia akalongu binu Aizalaeli mbaka Bambu Sapanga ejwajangatia kutuli pandu pabu ngati mwanganya entemi su lukwali na awesa kugukamu nndema goguwe Bambu Sapanga, Sapanga winu, junmpeki kwii ja losi luku Yoludani. Mwiiwesa kubujani mu nndema gonumpeki aje jibia jinu baada jakaajangati akalongu binu!’
21“Ndienu nundagalakia Joshua, ‘Wehapa gulingiki kwa mihu gaku majambu goti gaguge Bambu Sapanga, Sapanga waku, jwaahengi akabambu akolongu abeli babube ndi bambu nkolongu Sihoni na bambu nkolongu Ogu, jombi jwaahengila ahelahe akabambu akolongu boti bu nndema yemwiipeta. 22Mwaajogopa ndaba Bambu Sapanga, Sapanga wino, ndi jojankomania mwanganya.’
Musa ngajujingi ku Kanaani
23“Kipindi hesi nundobiki ngamaa Bambu Sapanga, napwaga, 24‘Mwaa Bambu Sapanga, manyiki gunangi nepani ntumisi waku ukolongu waku nu uwesu waku, ngakuba sapanga jongi jojubii kunani au punndema jojuwesa kuhenga majambu makolongu nu gukusangasa ngati eguhengiki wehapa. 25Nuguloba nandi, nobuka losi kuku Yoludani, nuguboni nndema wamboni hogu gogubii upandi wa golijingi lyoba kwii ja losi lwa Yoludani, ena nu nndema wamboni gogunyambikii gwiitombi pamu ni itombi ya Lebanoni.’
26“Lakini Bambu Sapanga jahengila inyela nepani kwa ndaba jino, Badala jaki jambwagila, heli litosike! Wiipwaga kabee lijambu heli. 27Gukwela mbaka kwikitombi sa Pisiga, ukalinga sapi upandi wa golijingi lyoba nu upandi uku kasikazini nu upandi ukusini nu upandi wa golipiti lyoba nukugubona nndema hogu, ila wehapa ngawiloboki losi lwa Yoludani londone. 28Lakini gumpekia Joshua malagalaki, gungangamalisa mwoju, ndaba jombi ndi jojaalongua bandu haba mbaka kwii, kugukamu nndema gobagubona.
29“Henu ndi twahigalia piligomba la losi lwa Yoludani pambipi na musi uku Beti Peoli.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.