Kukomboka 17

1“Mwampiiki Bambu Sapanga, Sapanga winu, litambiku la ng'ombi au lilikondoo lelibi na dosali au lelibi nu ubaja wokapi, ndaba heli liibia sindu sukusukisa kwaka Bambu Sapanga, Sapanga winu.”

2“Anamunnzowini kubanga mu misi jinu jubii mwanalomi au mmbomba jojuhenga ubaja palongi jaka Bambu Sapanga, Sapanga winu, nukutunu lilaganu laki, 3najombi jupiti kuitumaki isapanga yengi nukuilumbali, nukulilumbali mbaka lyoba, au mwei au hindu yengi yukunani yeyuye ngasenalagalaki mwiilumbalia, 4anabumpwagi majambu haga, ndi kupalika kulaluki ngani, ana ngati kubii sakaka kubanga majambu mabaja aga gahengiki mu nndema uku Izalaeli, 5ndienu, mumpiya mundu hoju kunza ja misi nukundapu malibu mbaka jukuwa. 6Ila mundu hoju jikomika ngati anaabi babajowini nu kummbona abeli au atatu. Jikomeka ngati ana jubii mundu jumu pena jojujowini nukubona. 7Baajowana nukumbona bala ndi babitumbulia kundapu, na bangi kabee bandapula kwa malibu. Hela ndi emwaguhenga ubaja gukotuka pikilanda jinu.” 8Ana kupiti magambu makolongu mu misi jinu, ngati magambu gagalandi kujetakewa au kukanaliwa palongi jaka Sapanga majambu gagapalika kwaahenge bandu na bandu kuhumisana nu kukoma sa nauli au kukoma sanga nauli. Anakupiti hela, mwiiboka nukujenda pandu pajupahagwi Bambu Sapanga, Sapanga winu, 9na hoku mwiijenda kwaka agolu Alawi, na jojutemu jojubii mulihengu masoba haga, nanamu mwiilandila magambu palongi jabu, na bombi biitenda kutemu. 10Ndienu mwiihenga ngati ebampwagila pandu pajanhaguliya Bambu, Mwilingaliya kuhenga goti ngati eanndagalakia. 11Mwiipalika kuhenga kulengana nu ulongosi gobampwagila nu kutemu kobampwagila kwinu. Mwiikotoka kutemu kobibiya bundandi. 12Mundu jojisindwa kunzetake nngolu au jojutemu jobumbei pala kwa ndaba jukuhenga mahengu gaka Bambu Sapanga, Sapanga winu, mundu hoju jiitenda kukomeka. Hela ndi emwaguhenga ubaja wiipiti kabe pikilanda jinu. 13Bandu boti biitenda kujowana nukujogopa kuhenga kabee sindu sanga lujogopu.

Malagalaki kupete bambu nkolongu

14“Emwiibiya nzingii mu nndema goguwe Bambu Sapanga, Sapanga winu, jutenda kumpeke gubia winu nukutama homu, nanamu mwapwaaga, ‘Tumbeka bambu nkolongu pikilanda jitu, ngati bandu bi milema joti babutuyongalota,’ 15nhwesa kumbeka bambu nkolongu pikilanda jinu mundu we hoju Bambu Sapanga, Sapanga winu jwiitenda kunhagu. Mwanmbeka jumu kati ja alongu binu kuba bambu nkolongu pikilanda na mundu wehoju jubiya juku Izilaeli. Mwanhenga mundu jwanga Nhizilaeli kuba bambu nkolongu pikilanda jinu. 16Hata hela jikuba ni inyama yingi yebiikema falasi kwa ndaba jaki mweni, wala jwaakelabu bandu ku nndema uku Misili ili kupwata inyama yebiikema falasi, kwa ndaba Bambu Sapanga jundakali, ‘Mwiilenga nabwaka kukelabuki hoku kabee.’ 17Wala jiijuku akambomba bingi, anajutei hela mwoju waki wihobangana, wala jalibeke madini ga feza na zahabu hingi ngani. 18Pabanhimika kuba bambu ukolongu kupalika juliandakiya kabee kitabu si mihilu kwa ndaba jaki mweni kuhuma mu kitabu seatunza agolu Alawi. 19Kitabu hesi jibiya nasu nu kukisoma masoba goti mu womi waki woti, ili juwesa kulibola kuntende isima Bambu Sapanga, Sapanga waki, jukamula nukuhenga malobi goti ga gi mihilu jenze na malagalaki ganga 20sanga kulikwea mweni kwaka alongu baki, wala kubeka pulutengu nhilu ago kwa namuna jokapi, ili juwesa kuendele kulongosa jwombi pamu ni ibeleku yaki mu nndema uku Izalaeli.

Currently Selected:

Kukomboka 17: MaBV

Highlight

Copy

Compare