2Samweli 2
2
Daudi bunhenga kuba bambu nkolongu juku Yuda
1Hegapeta majambu haga Daudi andalukia Bambu Sapanga kupwaga, “Bo, nyenda lee ku musi gumu kati ja misi juku Yuda?” Bambu Sapanga ampwagila, “Gujendaje.” Daudi andalukia, “Nyenda ku musi bole?” Bambu Sapanga jwajibua, “Ujenda ku musi uku Ebuloni.” 2Ndi Daudi jwajenda ku Hebuloni pamu na aka ahanu baki abeli, Ahinoamu juku Yezileeli na Abigaeli jojuwe alomi baki babiya Nabali bababia akuwiki, mundu juku musi uku Kalimeli. 3Jwaajukua bandu baki, kila mundu koni jubi pamu nunndongu waki nabombi batama mu misi jejabii pambipi nuku Hebuloni. 4Bandu buku Yuda bunzendila Daudi ku Hebuloni nu kunzakani mahuta ili jubia bambu nkolongu wabu.
Daudi pajwajowana kubanga bandu buku Yebeshi Gileadi ndi babunntaga Sauli, 5jaatuma bandu ku Yabeshi Gileadi kupwaga, “Bambu Sapanga jumpengila ndaba mwalangia kunzetake Sauli bambu winu sukuntaga. 6Henu, Bambu Sapanga junndangia waamboni na kuba jojuhobaleka kwinu. Nanepani kabee nanhengila majambu gaamboni ndaba jilijambu lenhengiki. 7Lakini mmbia nganganganga na mwanga kujogopa. Sauli bambu winu jutei kuwa na bandu buku Yuda anyakani mahuta nepani ili mia bambu nkolongu wabo.”
Ishibosheti bunhimika kuba bambu nkolongu juku Izilaeli
8Abuneli mwana waka Neli nkolongu jwa akomana ngondu baka Sauli jwabia anzukwi Ishibosheti mwana waka Sauli nukumpeleka ku Mahanaimu. 9Hoku Abuneli anhimika kuba bambu nkolongu juku nndema uku Giliadi nuku Ashulu nuku Efulaimu nuku Benyamini nuku Izilaeli kwoti. 10Ishibosheti jwabia na yaka alubaini pajwatumbulia kulongosa ku Izilaeli najombi jwalongusa kwa yaka ibeli.
Lakini likabila la Yuda lumpwata Daudi. 11Daudi jwabia bambu nkolongu wi likabila la Yuda kwa yaka saba na nusu, jwabia jutama ku Hebuloni.
Ngondu kati ja bandu buku Izilaeli na bandu Yuda
12Abuneli mwana waka Neli, pamu na aka kilongosi baka Ishibosheti, jojuwe mwana waka Sauli baboka ku Mahanaimu nukujenda ku Gibeoni. 13Yoabu mwana waka Seluya naaka atumisi bangi baka Daudi nabombi bapita nu kuketangana na Abuneli na bandu bajwabii naku ku litanda lelabi ku Gibeoni. Likundi limu labii upandi gumu wi litanda ni likundi lengi labia upandi gongi wilitanda. 14Abuneli ampwagila Yoabu, “Waajetakia kwaaleka aka akombu baku akomana palongi jitu.”
Yoabu jwajibua, “Hena.”
15Ndi bapitila akakombu ishilini nu nsesi, upandi wilikabila laka Benyamini na Ishibosheti mwana waka Sauli, aka akombu komi na abeli nu upandi waka Daudi akaakombu komi na abeli. 16Kila jumu ankamula mbaja waki kimutu nukunhoma upanga ndi boti abeli baabuka pai koni awii. Ndi pandu pala bapakema Helikati hazulimu mana jaki lunaza lwa mapanga, pandujee pala pabii ku Gibeoni kola.
17Ngondu ya masoba ge haga jabii ingali. Bandu baka Daudi baalapwi ngamaa bandu baka Abuneli na bandu buku Izilaeli. 18Bana atatu baka Seluya, Yoabu na Abishai na Asaeli babia apalapala. Asaeli jwabia niimbelu ngati holoku. 19Asaeli ammbenga Abuneli sanga kung'anambuka upandi wamalele wala upandi wamangega. 20Abuneli pajwang'anambuka munyuma nukummbona Asaeli andalukia, “Bo, wehapa lee wa Asaele?”
Jombi jwajibua, “Hena anenganenga.”
21Abuneli ampwagila, “Ng'anambukia upandi wa kumalele au uku mangega unkamula nkombu jumu nu kunyaga hindu yaki.” Lakini Asaeli ngasejwakotwiki kummbenga. 22Abuneli ampwagila Asaeli mala ja pili, “Gukotuka kumbwata. Ndaba jakii nugukomaje? Niiwesa boo, kuketangana nu nndongu waku Yoabu?” 23Lakini Asaeli jwatenda kukana. Ndi Abuneli anhosa nkoa mulutumbu kianganyuma nu nkoa we gola wapitila mu nngongu waka Asaeli. Asaeli jwaabuka pai na kuwa apalapala. Bandu boha babahika pandu pajwawelila Asaeli bajema kinunu.
24Lakini Yoabu na Abishai bumpwata Abuneli. Lioba palabia litenda kujingi bahika ku kitombi sa Ama sekibii upandi golipiti lyoba uku Gia ku indela jejijenda kulukoba lwa Gibeoni. 25Bandu bilikabila la Benyamini baegalania pamu nakuba munyuma jaka Abuneli ndi balenganakia likundi labu nabombi bajema panani jikitombi. 26Ndienu Abuneli ankema Yoabu nu kunndaluki, “Boo, twiikomana le masoba gote? Boo, ngasegubona mwisu wiibia ling'ae? Boo, wiiendalia ku kipindi boo, kwaakolo bandu baku akotuka kutupwatali twepani twa alongu babo?”
27Yoabu ampwagila, “Napa kwaka Sapanga jojubii mwomi kubanga ananga waka pwagiki lijambu heli sakaka bandu bangu bakaendalia kwaapwatali alongu babu mbaka kilabu pulukela.” 28Ndi Yoabu jwajemba imbata na bandu bakotuka kwaapwatali bandu buku Izilaeli wala ngasebaendalia kukomana.
29Abuneli na bandu baki bapeta ligomba luku Alaba kelukelu. Balombuka losi Yoludani, bajenda pipipipi mbaka ku Mahanaimu.
30Yoabu pajwabuja kuhuma kumpwatali Abuneli jwaakusanya bandu baki boti, jwamanya kubanga atumisi komi na tisa baka Daudi ngasebabi pamu na bombe, pamu na Asaheli. 31Lakini atumisi baka Daudi babia baakomiki bandu mia tatu na sitini kuhuma mu likabila laka Benyamini pamu na bandu baka Abuneli. 32Yoabu na bandu baki bajukua yega jaka Asaheli nukujitaga mulitenge la atati baki lelibii ku Betilehemu. Yoabu na bandu baki bajenda ikilu kelukelu na hekwakusa bahika ku musi uku Hebuloni.
Currently Selected:
2Samweli 2: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
2Samweli 2
2
Daudi bunhenga kuba bambu nkolongu juku Yuda
1Hegapeta majambu haga Daudi andalukia Bambu Sapanga kupwaga, “Bo, nyenda lee ku musi gumu kati ja misi juku Yuda?” Bambu Sapanga ampwagila, “Gujendaje.” Daudi andalukia, “Nyenda ku musi bole?” Bambu Sapanga jwajibua, “Ujenda ku musi uku Ebuloni.” 2Ndi Daudi jwajenda ku Hebuloni pamu na aka ahanu baki abeli, Ahinoamu juku Yezileeli na Abigaeli jojuwe alomi baki babiya Nabali bababia akuwiki, mundu juku musi uku Kalimeli. 3Jwaajukua bandu baki, kila mundu koni jubi pamu nunndongu waki nabombi batama mu misi jejabii pambipi nuku Hebuloni. 4Bandu buku Yuda bunzendila Daudi ku Hebuloni nu kunzakani mahuta ili jubia bambu nkolongu wabu.
Daudi pajwajowana kubanga bandu buku Yebeshi Gileadi ndi babunntaga Sauli, 5jaatuma bandu ku Yabeshi Gileadi kupwaga, “Bambu Sapanga jumpengila ndaba mwalangia kunzetake Sauli bambu winu sukuntaga. 6Henu, Bambu Sapanga junndangia waamboni na kuba jojuhobaleka kwinu. Nanepani kabee nanhengila majambu gaamboni ndaba jilijambu lenhengiki. 7Lakini mmbia nganganganga na mwanga kujogopa. Sauli bambu winu jutei kuwa na bandu buku Yuda anyakani mahuta nepani ili mia bambu nkolongu wabo.”
Ishibosheti bunhimika kuba bambu nkolongu juku Izilaeli
8Abuneli mwana waka Neli nkolongu jwa akomana ngondu baka Sauli jwabia anzukwi Ishibosheti mwana waka Sauli nukumpeleka ku Mahanaimu. 9Hoku Abuneli anhimika kuba bambu nkolongu juku nndema uku Giliadi nuku Ashulu nuku Efulaimu nuku Benyamini nuku Izilaeli kwoti. 10Ishibosheti jwabia na yaka alubaini pajwatumbulia kulongosa ku Izilaeli najombi jwalongusa kwa yaka ibeli.
Lakini likabila la Yuda lumpwata Daudi. 11Daudi jwabia bambu nkolongu wi likabila la Yuda kwa yaka saba na nusu, jwabia jutama ku Hebuloni.
Ngondu kati ja bandu buku Izilaeli na bandu Yuda
12Abuneli mwana waka Neli, pamu na aka kilongosi baka Ishibosheti, jojuwe mwana waka Sauli baboka ku Mahanaimu nukujenda ku Gibeoni. 13Yoabu mwana waka Seluya naaka atumisi bangi baka Daudi nabombi bapita nu kuketangana na Abuneli na bandu bajwabii naku ku litanda lelabi ku Gibeoni. Likundi limu labii upandi gumu wi litanda ni likundi lengi labia upandi gongi wilitanda. 14Abuneli ampwagila Yoabu, “Waajetakia kwaaleka aka akombu baku akomana palongi jitu.”
Yoabu jwajibua, “Hena.”
15Ndi bapitila akakombu ishilini nu nsesi, upandi wilikabila laka Benyamini na Ishibosheti mwana waka Sauli, aka akombu komi na abeli nu upandi waka Daudi akaakombu komi na abeli. 16Kila jumu ankamula mbaja waki kimutu nukunhoma upanga ndi boti abeli baabuka pai koni awii. Ndi pandu pala bapakema Helikati hazulimu mana jaki lunaza lwa mapanga, pandujee pala pabii ku Gibeoni kola.
17Ngondu ya masoba ge haga jabii ingali. Bandu baka Daudi baalapwi ngamaa bandu baka Abuneli na bandu buku Izilaeli. 18Bana atatu baka Seluya, Yoabu na Abishai na Asaeli babia apalapala. Asaeli jwabia niimbelu ngati holoku. 19Asaeli ammbenga Abuneli sanga kung'anambuka upandi wamalele wala upandi wamangega. 20Abuneli pajwang'anambuka munyuma nukummbona Asaeli andalukia, “Bo, wehapa lee wa Asaele?”
Jombi jwajibua, “Hena anenganenga.”
21Abuneli ampwagila, “Ng'anambukia upandi wa kumalele au uku mangega unkamula nkombu jumu nu kunyaga hindu yaki.” Lakini Asaeli ngasejwakotwiki kummbenga. 22Abuneli ampwagila Asaeli mala ja pili, “Gukotuka kumbwata. Ndaba jakii nugukomaje? Niiwesa boo, kuketangana nu nndongu waku Yoabu?” 23Lakini Asaeli jwatenda kukana. Ndi Abuneli anhosa nkoa mulutumbu kianganyuma nu nkoa we gola wapitila mu nngongu waka Asaeli. Asaeli jwaabuka pai na kuwa apalapala. Bandu boha babahika pandu pajwawelila Asaeli bajema kinunu.
24Lakini Yoabu na Abishai bumpwata Abuneli. Lioba palabia litenda kujingi bahika ku kitombi sa Ama sekibii upandi golipiti lyoba uku Gia ku indela jejijenda kulukoba lwa Gibeoni. 25Bandu bilikabila la Benyamini baegalania pamu nakuba munyuma jaka Abuneli ndi balenganakia likundi labu nabombi bajema panani jikitombi. 26Ndienu Abuneli ankema Yoabu nu kunndaluki, “Boo, twiikomana le masoba gote? Boo, ngasegubona mwisu wiibia ling'ae? Boo, wiiendalia ku kipindi boo, kwaakolo bandu baku akotuka kutupwatali twepani twa alongu babo?”
27Yoabu ampwagila, “Napa kwaka Sapanga jojubii mwomi kubanga ananga waka pwagiki lijambu heli sakaka bandu bangu bakaendalia kwaapwatali alongu babu mbaka kilabu pulukela.” 28Ndi Yoabu jwajemba imbata na bandu bakotuka kwaapwatali bandu buku Izilaeli wala ngasebaendalia kukomana.
29Abuneli na bandu baki bapeta ligomba luku Alaba kelukelu. Balombuka losi Yoludani, bajenda pipipipi mbaka ku Mahanaimu.
30Yoabu pajwabuja kuhuma kumpwatali Abuneli jwaakusanya bandu baki boti, jwamanya kubanga atumisi komi na tisa baka Daudi ngasebabi pamu na bombe, pamu na Asaheli. 31Lakini atumisi baka Daudi babia baakomiki bandu mia tatu na sitini kuhuma mu likabila laka Benyamini pamu na bandu baka Abuneli. 32Yoabu na bandu baki bajukua yega jaka Asaheli nukujitaga mulitenge la atati baki lelibii ku Betilehemu. Yoabu na bandu baki bajenda ikilu kelukelu na hekwakusa bahika ku musi uku Hebuloni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.