1Samweli 6
6
Apilisti akelabu Lisanduku li Lilaganu
1Kipindi Lisanduku li Lilaganu laka Bambu Sapanga palabiya kwa Apilisti kwa miei saba, 2Apilisti baakema agolu baka Dagoni na baalondo na kwaapwagi, “Tuhenga kyane ni Lisanduku laka Bambu Sapanga? Mutupwagila namuna jikilikelabuu pandu jaki.”
3Bajibua, “Ana nkelabuu Lisanduku laka Sapanga wa Aizilaeli, mwalikelabuu maboku matopu. Lakini kwa namuna jokapi pamwalikelubua mpelika na matambiku gukuboa kihakau. Ana nhengiki hela mwiitenda kulama, nanamu mwiimanya ndaba jakii juunndapu mala joti heji.”
4Bandu balalukiya, “Tupelakia matambiku bo gukutuboke kihakao?”
Bombi bajibua, “Imong'umong'u nhwanu ya zahabu yeilengana na maputi, ni imong'umong'u nhwanu ya zahabu yeilengana na makuli, kila simu kilangia nkolongu jumu jwa Apilisti, ndaba ugonzu wa tauni gobatuma kwinu ndi agolago gowapata akakilongosi binu. 5Kupalika nndenganakiya imong'umong'u ya maputi na makuli ginu, hindu yeihalabana kila sindu mu nndema winu. Kupalika mumpekia isima Sapanga jwa Aizilaeli. Pangi jiikotuka kunndapu mwabeti ni isapanga inu nu nndema winu. 6Ndaba jakii mujihenga mioju jii kuba jejinonwipi ngati bandu buku Misili na Falau ebahengaje? Boo, Sapanga pajaalapula ngamaa Amisili, ngasejaaleka Aizilaeli aboka, nabombi batenda kuboka? 7Ndienu, mmbeka ligali linyai lukuhutwa na ng'ombi ibeli yeyuye yeibeliki lakini yanga kuwai hata kulenga kwiikonga nngoji nukuihengesa mahengu, mwaikonga mu ligali heli, lakini matoli gabu giijenda naku pamu, ila ihigali mu kisisi. 8Nnzukua Lisanduku laka Bambu Sapanga nu kulibeka muligali heli. Pulutengu ji Lisanduku mmbeka imong'umong'u ya zahabu yeyuye mupelakee ngati matambiku gukuboa kihau sinu. Ndienu mulileka lijenda kolijenda. 9Ndienu nndingaliya, ana kubii ligali heli lijenda jumula ku nndema waki yani mu musi uku Beti Shemasi, ndienu hapa patwiimanya ana jojutuleti ugonzu gongo ndi Sapanga jwa Aizilaeli. Lakini ana ngaselijenda hoku, ndienu, twiimanya nga kuboku kwake kokutulapwii, ila mang'aliku haga gutupatiki kwa bahati mbaja.”
10Bahenga ngati ebaapwagila, baajukua ng'ombi ibeli yebiiminya masiba nu kwiikonga muligali, na matoli gabu bagakonga mu kisisi. 11Lisanduku li Lilaganu bilijegala mu ligali heli pamu ni libokusi lelibii ni imong'umong'u ya zahabu ya makuli na maputi. 12Ng'ombi yeheyi yajenda ku musi uku Beti Shemesi sanga kugoboka ku mangega au ku malele, na yabia itenda kupongale koni ijendanane. Akabambu akolongu bala ba Apilisti baapwata mbaka ku mpaka wa Beti Shemesi.
13Kipindi sehesi bandu buku Beti Shemesi babiya ahuna inganu yabu kumosu, pabalinga kusana bilibona Lisanduku laka Bambu Sapanga, batogulii ngamaa pabilibona, 14Ligali lelela lajenda mu litui laka Joshua, mundu juku Beti Shemesi. Palahika hapa bilijemika pambipi ni lilibu likolongu. Bandu batenda kubombo ligali le ela, batumia imbau yabu sukutini ng'ombi yela yebabia biipihiki ngati matambiku gukutinii kwaka Bambu Sapanga wabu. 15Alawi babia alihulwi Lisanduku laka Bambu Sapanga ni libokusi lelabii ni imong'umong'u ya zahabu nu kubeka pi lilibu likolongu lela. Ndienu lisoba heli bandu buku Beti Shemasi bapia matambiku gingi gukutini, nukumpiki Bambu Sapanga matambiku gangi. 16Akabambu akolongu nhwanu ba Apilisti bala pabagabona haga, babuja ku Ekiloni lisoba alelale.
17Apilisti bapelika imong'umong'u nhwanu ya zahabu na ya maputi kwaka Bambu Sapanga hei yabiya matambiku gukuboa kihakau sabu, bapia kimong'umong'u simu kwa ndaba ja kila musi gumu, musi uku Ashidodi na musi uku Gaza na musi uku Ashikiloni na musi uku Gati na musi uku Ekiloni. 18Bapelika kabee ni imong'umong'u nhwanu ya zahabu na ya makuli kulengana na hesabu ja misi joti ja Apilisti jealongosa na akabambu akolongu nhwanu buku Filisti. Misi joti jejabiii na ngomi ni ijiji yeyuye ngasebayongulakii lumatu. Lilibu likolongu lelibii mu litui likolongu laka Joshua ku Beti Shemasi, pandu papuje bapelika Lisanduku laka Bambu Sapanga, ndi lilangi kukomboka namuna majambu haga eagaptila.
19Lakini Bambu Sapanga jaakoma akanalomi sabini ba musi uku Beti Shemasi, ndaba balingaliya nkati ji Lisanduku laki. Bandu balobalakiya ndaba jaka Bambu Sapanga jaakomiki bandu bingi nakanopi.
Lisanduku li Lilaganu ku Kiliati Yealimu
20Ndienu bandu ba musi uku Beti Shemasi bapwaaga, “Boo, nya jojuwesa kujema palongi jaka Bambu Sapanga, Sapanga jojubii jwa Sape? Boo, lisanduku liijenda kwaka nya ili juboka kwito?” 21Ndipala, baatuma atenga kujenda kwa bandu ba musi uku Kiliati Yealimu, apwaaga, “Apilisti akelabwii Lisanduku li Lilaganu laka Bambu Sapanga, nhika nzukua.”
Currently Selected:
1Samweli 6: MaBV
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.
1Samweli 6
6
Apilisti akelabu Lisanduku li Lilaganu
1Kipindi Lisanduku li Lilaganu laka Bambu Sapanga palabiya kwa Apilisti kwa miei saba, 2Apilisti baakema agolu baka Dagoni na baalondo na kwaapwagi, “Tuhenga kyane ni Lisanduku laka Bambu Sapanga? Mutupwagila namuna jikilikelabuu pandu jaki.”
3Bajibua, “Ana nkelabuu Lisanduku laka Sapanga wa Aizilaeli, mwalikelabuu maboku matopu. Lakini kwa namuna jokapi pamwalikelubua mpelika na matambiku gukuboa kihakau. Ana nhengiki hela mwiitenda kulama, nanamu mwiimanya ndaba jakii juunndapu mala joti heji.”
4Bandu balalukiya, “Tupelakia matambiku bo gukutuboke kihakao?”
Bombi bajibua, “Imong'umong'u nhwanu ya zahabu yeilengana na maputi, ni imong'umong'u nhwanu ya zahabu yeilengana na makuli, kila simu kilangia nkolongu jumu jwa Apilisti, ndaba ugonzu wa tauni gobatuma kwinu ndi agolago gowapata akakilongosi binu. 5Kupalika nndenganakiya imong'umong'u ya maputi na makuli ginu, hindu yeihalabana kila sindu mu nndema winu. Kupalika mumpekia isima Sapanga jwa Aizilaeli. Pangi jiikotuka kunndapu mwabeti ni isapanga inu nu nndema winu. 6Ndaba jakii mujihenga mioju jii kuba jejinonwipi ngati bandu buku Misili na Falau ebahengaje? Boo, Sapanga pajaalapula ngamaa Amisili, ngasejaaleka Aizilaeli aboka, nabombi batenda kuboka? 7Ndienu, mmbeka ligali linyai lukuhutwa na ng'ombi ibeli yeyuye yeibeliki lakini yanga kuwai hata kulenga kwiikonga nngoji nukuihengesa mahengu, mwaikonga mu ligali heli, lakini matoli gabu giijenda naku pamu, ila ihigali mu kisisi. 8Nnzukua Lisanduku laka Bambu Sapanga nu kulibeka muligali heli. Pulutengu ji Lisanduku mmbeka imong'umong'u ya zahabu yeyuye mupelakee ngati matambiku gukuboa kihau sinu. Ndienu mulileka lijenda kolijenda. 9Ndienu nndingaliya, ana kubii ligali heli lijenda jumula ku nndema waki yani mu musi uku Beti Shemasi, ndienu hapa patwiimanya ana jojutuleti ugonzu gongo ndi Sapanga jwa Aizilaeli. Lakini ana ngaselijenda hoku, ndienu, twiimanya nga kuboku kwake kokutulapwii, ila mang'aliku haga gutupatiki kwa bahati mbaja.”
10Bahenga ngati ebaapwagila, baajukua ng'ombi ibeli yebiiminya masiba nu kwiikonga muligali, na matoli gabu bagakonga mu kisisi. 11Lisanduku li Lilaganu bilijegala mu ligali heli pamu ni libokusi lelibii ni imong'umong'u ya zahabu ya makuli na maputi. 12Ng'ombi yeheyi yajenda ku musi uku Beti Shemesi sanga kugoboka ku mangega au ku malele, na yabia itenda kupongale koni ijendanane. Akabambu akolongu bala ba Apilisti baapwata mbaka ku mpaka wa Beti Shemesi.
13Kipindi sehesi bandu buku Beti Shemesi babiya ahuna inganu yabu kumosu, pabalinga kusana bilibona Lisanduku laka Bambu Sapanga, batogulii ngamaa pabilibona, 14Ligali lelela lajenda mu litui laka Joshua, mundu juku Beti Shemesi. Palahika hapa bilijemika pambipi ni lilibu likolongu. Bandu batenda kubombo ligali le ela, batumia imbau yabu sukutini ng'ombi yela yebabia biipihiki ngati matambiku gukutinii kwaka Bambu Sapanga wabu. 15Alawi babia alihulwi Lisanduku laka Bambu Sapanga ni libokusi lelabii ni imong'umong'u ya zahabu nu kubeka pi lilibu likolongu lela. Ndienu lisoba heli bandu buku Beti Shemasi bapia matambiku gingi gukutini, nukumpiki Bambu Sapanga matambiku gangi. 16Akabambu akolongu nhwanu ba Apilisti bala pabagabona haga, babuja ku Ekiloni lisoba alelale.
17Apilisti bapelika imong'umong'u nhwanu ya zahabu na ya maputi kwaka Bambu Sapanga hei yabiya matambiku gukuboa kihakau sabu, bapia kimong'umong'u simu kwa ndaba ja kila musi gumu, musi uku Ashidodi na musi uku Gaza na musi uku Ashikiloni na musi uku Gati na musi uku Ekiloni. 18Bapelika kabee ni imong'umong'u nhwanu ya zahabu na ya makuli kulengana na hesabu ja misi joti ja Apilisti jealongosa na akabambu akolongu nhwanu buku Filisti. Misi joti jejabiii na ngomi ni ijiji yeyuye ngasebayongulakii lumatu. Lilibu likolongu lelibii mu litui likolongu laka Joshua ku Beti Shemasi, pandu papuje bapelika Lisanduku laka Bambu Sapanga, ndi lilangi kukomboka namuna majambu haga eagaptila.
19Lakini Bambu Sapanga jaakoma akanalomi sabini ba musi uku Beti Shemasi, ndaba balingaliya nkati ji Lisanduku laki. Bandu balobalakiya ndaba jaka Bambu Sapanga jaakomiki bandu bingi nakanopi.
Lisanduku li Lilaganu ku Kiliati Yealimu
20Ndienu bandu ba musi uku Beti Shemasi bapwaaga, “Boo, nya jojuwesa kujema palongi jaka Bambu Sapanga, Sapanga jojubii jwa Sape? Boo, lisanduku liijenda kwaka nya ili juboka kwito?” 21Ndipala, baatuma atenga kujenda kwa bandu ba musi uku Kiliati Yealimu, apwaaga, “Apilisti akelabwii Lisanduku li Lilaganu laka Bambu Sapanga, nhika nzukua.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The New Testament in Matengo Language ©The Word for the World International and Matengo Language Translation, 2020. All rights reserved.