Puu Findi 18
18
Babịlọn Bịghị
1Mịma ḅọ́rọ́fáma sáá a jẹ́ sookumuḅọ arịm sobie sághị kóróḅoarịḅọ. Ori opuma kụ́rọ nyánam ori ipine warị tuminikiri ma mịẹsị anị fíafía sị ibima bia. 2Ori opu pụghọ pa owu ilúghum:
<<Á bịghịmam!
Opu Babịlọn ma bịghịmam!
Mị́sa sitẹ́mẹ́, ịlọ́lị tẹ́mẹ́
pile na pịghị túminị́ tọ́ọ tọ́ọ
fíní anị mị́sa a bie ngáarịapụ.
3Sẹ gonyẹ́ gonyẹ́ árị iru ma ḅuumam
árị amadọghụ ọfịrị iru ma.
Tuminikiri ámányánáapụ
ánáná amadọghụm,
tuminikiri tuḅokọọapụ
a pa ngọ kọọm árị furobịgha ngọ
opuma pụghọ tarị ma gosi.>>
4Anịsáa a jẹ́ pụghọ naam sobie, dughoarị nyẹ ḅẹẹ,
<<Ọ págháḅo, ịyẹa túminị́!
Ọmịnị a bie sághị págháḅo!
O diekiri nyánábịgha árị siiamịẹnyẹ ḅụ;
A daa bẹ fomḅara ḅụ sọ ọ dienyẹ nyánábịgha ḅara!
5Ḅẹẹ árị sii tunduru muu so na biamam,
Tamuno pịghị árị siiamịẹnyẹ
pa biekórómamam.
6Ọmịnị a pa ọ́ mịẹḅara pa a mịẹ,
mmẹẹ́ sáá pa sáá pa a gbẹ́ẹ̄
a mịẹ nyẹ́ gonyẹ́ gonyẹ́ ḅụ.
Mmẹẹ́ sáá pa opuma ọfịrị iru pa
árị ọmọ́ngọ bie sua
a mịẹ ọ pịrị iru ma fịnị ḅára.
7Tọ́rụ́siarị na opu ḅụakụ pa a pịrị
a pa a ḅụ pịrị opu na
loghuloghu dumafịnị ḅara.
A pa dugho a ḅụ pịrịarị:
<Mịnga ámányánáḅọ taa ḅara anịị
a kpọrọfịnị ḅara; ịrị deefị ọrụḅọgha,
A dụadu ḅụoakụ nimibịghaa!>
8Gbẹ́rẹ́ éné ngéré ḅụ n tọ́rụ́siarị dighiarị ḅụḅáláḅálá árịbẹm
obi dighi dighi nyẹ,
dụadu ḅụakụ na ḅuru ḅá,
Nnị fịnị pa a dọghụmabẹm,
tegó a sịbị ḅẹ́rẹ́kọarị
Kịnịnyáná Tamuno ma ori opuma dụḅam.
9<<Tuminikiri ámányánáapụ árị na amadọghụ, na loghuloghu duma kọọapụ, nnị opu ámá ma dọ́ghụ́maarị onwi ma árị sáá, nnị owubẹm pịghị dụadu a pịrịbẹm. 10Nnị ḅọlọanga sẹfịnịbẹm, tegó n ḅáláfaarị n bigha ḅara ma ḅẹ́ nnị árị tọ́rụ́siarị ma ḅụ diekiri nyáná. Nnị ḅẹẹm ḅẹẹ,
<< <Mịị tọ́rọ fịnịnyẹ,
tọ́rọ fịnị siinyẹ,
Mịị opuma dụḅa pịghị kụrọ opu ama Babịlọn!
Gbẹ́rẹ́ énékịẹnyẹ ngéré ḅụ
ị́yẹ́ fomḅara ḅoomam!>
11<<Tuminikiri tuḅokọapụ pịghị owu sị dụadu a pịrịm tegó gbẹ́rẹ́ḅọ sọ mịnị nna ngọ fẹghaa. 12Gbẹ́rẹ́ḅọ sọ mịnị nna odoḅala, pị́naḅala, kiri sághị ḅoo nyẹ́laa dapịrị, na mingi bie sághị ḅoo nyẹ́la dapịrị fẹghaa, nna asamịna alo tọrụsọgha áwụ́bite, silik na, áwụ sánị bia ḅara bia áwụ́bite, tọ́rụ́kịrịkị́rị́ kụ́nụ́ sị, nnị ọdụ pa kara tọ́rụ́kịrịkị́rị́ nyẹ na pịghị nyẹ láa si, áwụ́ ḅala; ikúlélu na mabulu; 13na nyẹ́sọ ḅẹlẹma sị apara; sinamọn, nyẹ́sọ kụ́nụ́ma mgbọ́lụ; insẹnsị, maya, farankisensi; iru na pulo, filawa na witi sịmgbọlụ; kọ́rọ́náma na ánáná, ásụ, ásụ dighi mangịarị nyẹ, ómóniapụ na pịghị túminị́ duma.
14<<Tụ́ḅonaapụ ma a ḅẹbẹm, <I pụghọ tarị sị ị nyáná bii ibi nyẹ mamgba ị kọ́rọ́ma mangị somam, ị́yẹ́ ngọ na ị́yẹ́ ibii ẹmẹẹ́famam, ị pịghị mịnị jẹ́ pa anị arịbịgha!> 15Ngọ kọọ Tụ́ḅonaapụ ḅẹẹ n túḅo kọm gosi opu ámá ma bie, ḅolo angaá sẹfịnịbẹm, tegó n ḅáláfaarị nnị dọghụgha sị nnị árị na diekiri nyáná árị tọ́rụ́siarị ḅụ. Nnị owubẹm pịghị duadubẹm, 16si ḅẹẹ: mịị tọ́rọ́fịnị ḅáláfama nyẹ!
<< <Tọ́rọ́fịnị siinyẹ mịị opu ama ma ḅụ!
Asamịna alo na tọrụsọgha áwụ́bite,
sánị bia ḅara bia áwụ bịtẹ
anịị a sua suanyẹ
sị warị odoḅala, kiri sághị ḅoo
nyẹ láa dapịrị na mingi bie sághị ḅoo
nyẹ́laa dapịrị anịị a pa a ḅụ birimabirima nyẹ.
17Gbẹ́rẹ́ énékịẹnyẹ ḅụ a mịị ngọ mamgba ḅuumamam!>
<<Onwiarụ sịbịdaapụ mamgba na onwiarụ pa nyẹ mú muapụ na árụ́ ásáawọ na pịghị tọ́rụ́bie nna furo dọghụarịapụ mamgba, a ḅụ ḅọlọanga ḅụ sẹm, 18nnị a dọ́ghụ́maarị onwi ma árị sáá, n pụghọ sághị ilúghum, <Jẹ́ ene mịma kịkama jẹ́ opu ama na ofori!> 19Nnị fọọ taa nna sịbị saram, nnị owúm pịghị dụadu anị pịrị dughoarị ḅẹẹ,
<< <Tọ́rọ́fịnị ḅáláfama nyẹ!
Tọ́rọ́fịnị siinyẹ mịị opu ama ma!
Árị ngọ ḅụ ḅọ́rọ́ anịị onwi árụ́
nyánáapụ gonyẹ́ gonyẹ́
tọ́rụ́ ḅụ ḅọ́rọ́ ngọ kọọ angaá!
A pịghị nyẹ mamgba ḅuumam
gbẹ́rẹ́ énékịẹnyẹ ḅụ!
20So bieḅẹlẹ, árị guluguluma gosi!
O bieḅẹlẹ, Tamuno túminị́,
nfịrịmaapụ ma na ikiakoroapụ ma!
Ḅẹẹ Tamuno, a sịbị
ḅẹ́rẹ́kọmam a pa ọ mịẹnyẹ gosi.> >>
21Anịsáa gbẹ́rẹ́ opu sookumuḅọ warị gbẹ́rẹ́ dapịrị sághị ákị opu nyẹgbẹẹ dapịrị láa ḅara anịị anị láanyẹ, warị anị pa tọ́rụ́ ma bie gbii sua, dughoarị ḅẹẹ,
<<Mịị kụ́rọ ḅara ma anịị nnị
ịrị opu ama Babịlọn dighi gbi bẹ ḅara
sị n mịnị pịghị jẹ́ pa ị́yẹ́ arịbịgha.
22Hapụ suuarị nyẹ na túminị́ pụghọ
na sị pa kara kálá ọdụ ofuroarịapụ
na ọdụ ofuroarịapụ
Nnị mịnị jẹ́ pa ibie anị naabịgha.
Tọ́rụ́kịrịkị́rị́ ḅárafịrị nwángịarịapụ
n gbẹ́rẹ́ḅọ sọ arịbịgha ịbie!
Nyẹ gbẹ́ẹ̄ dapịrị ma ọwụ
n mịnị jẹ́ pa naabịgha ịbie!
23Nnị mịnị jẹ́ pa tọndọ baá arịbịgha ịḅụ.
Nnị mịnị deeyaa dọghụ ọ́rụ́ḅọ
na ọ́rụ́ḅọ yaa dọghụ owitụ́wọ
pụghọ naabịgha ị bie.
Ị́yẹ́ Tụ́ḅonaapụ nnị anịị kụrọ
ḅa nyẹ tuminikiri gbọrụ,
Ị́yẹ́ ḅụ́gbérépuma iruo na aka na
ḅụ ḅọ́rọ́ i oḅori pa túminị́ sim
tuminikiri sẹ mamgba ḅụ!
24Babịlọn fomḅara dam tegó anị
bie anịị nnị ikiakoroapụ ma
na Tamuno túminị́ ọmbịnyẹ́ árịnyẹ,
na pịghị tuminikiri n ḅámaapụ
mamgba ọmbịnyẹ́.>>
Currently Selected:
Puu Findi 18: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
Puu Findi 18
18
Babịlọn Bịghị
1Mịma ḅọ́rọ́fáma sáá a jẹ́ sookumuḅọ arịm sobie sághị kóróḅoarịḅọ. Ori opuma kụ́rọ nyánam ori ipine warị tuminikiri ma mịẹsị anị fíafía sị ibima bia. 2Ori opu pụghọ pa owu ilúghum:
<<Á bịghịmam!
Opu Babịlọn ma bịghịmam!
Mị́sa sitẹ́mẹ́, ịlọ́lị tẹ́mẹ́
pile na pịghị túminị́ tọ́ọ tọ́ọ
fíní anị mị́sa a bie ngáarịapụ.
3Sẹ gonyẹ́ gonyẹ́ árị iru ma ḅuumam
árị amadọghụ ọfịrị iru ma.
Tuminikiri ámányánáapụ
ánáná amadọghụm,
tuminikiri tuḅokọọapụ
a pa ngọ kọọm árị furobịgha ngọ
opuma pụghọ tarị ma gosi.>>
4Anịsáa a jẹ́ pụghọ naam sobie, dughoarị nyẹ ḅẹẹ,
<<Ọ págháḅo, ịyẹa túminị́!
Ọmịnị a bie sághị págháḅo!
O diekiri nyánábịgha árị siiamịẹnyẹ ḅụ;
A daa bẹ fomḅara ḅụ sọ ọ dienyẹ nyánábịgha ḅara!
5Ḅẹẹ árị sii tunduru muu so na biamam,
Tamuno pịghị árị siiamịẹnyẹ
pa biekórómamam.
6Ọmịnị a pa ọ́ mịẹḅara pa a mịẹ,
mmẹẹ́ sáá pa sáá pa a gbẹ́ẹ̄
a mịẹ nyẹ́ gonyẹ́ gonyẹ́ ḅụ.
Mmẹẹ́ sáá pa opuma ọfịrị iru pa
árị ọmọ́ngọ bie sua
a mịẹ ọ pịrị iru ma fịnị ḅára.
7Tọ́rụ́siarị na opu ḅụakụ pa a pịrị
a pa a ḅụ pịrị opu na
loghuloghu dumafịnị ḅara.
A pa dugho a ḅụ pịrịarị:
<Mịnga ámányánáḅọ taa ḅara anịị
a kpọrọfịnị ḅara; ịrị deefị ọrụḅọgha,
A dụadu ḅụoakụ nimibịghaa!>
8Gbẹ́rẹ́ éné ngéré ḅụ n tọ́rụ́siarị dighiarị ḅụḅáláḅálá árịbẹm
obi dighi dighi nyẹ,
dụadu ḅụakụ na ḅuru ḅá,
Nnị fịnị pa a dọghụmabẹm,
tegó a sịbị ḅẹ́rẹ́kọarị
Kịnịnyáná Tamuno ma ori opuma dụḅam.
9<<Tuminikiri ámányánáapụ árị na amadọghụ, na loghuloghu duma kọọapụ, nnị opu ámá ma dọ́ghụ́maarị onwi ma árị sáá, nnị owubẹm pịghị dụadu a pịrịbẹm. 10Nnị ḅọlọanga sẹfịnịbẹm, tegó n ḅáláfaarị n bigha ḅara ma ḅẹ́ nnị árị tọ́rụ́siarị ma ḅụ diekiri nyáná. Nnị ḅẹẹm ḅẹẹ,
<< <Mịị tọ́rọ fịnịnyẹ,
tọ́rọ fịnị siinyẹ,
Mịị opuma dụḅa pịghị kụrọ opu ama Babịlọn!
Gbẹ́rẹ́ énékịẹnyẹ ngéré ḅụ
ị́yẹ́ fomḅara ḅoomam!>
11<<Tuminikiri tuḅokọapụ pịghị owu sị dụadu a pịrịm tegó gbẹ́rẹ́ḅọ sọ mịnị nna ngọ fẹghaa. 12Gbẹ́rẹ́ḅọ sọ mịnị nna odoḅala, pị́naḅala, kiri sághị ḅoo nyẹ́laa dapịrị, na mingi bie sághị ḅoo nyẹ́la dapịrị fẹghaa, nna asamịna alo tọrụsọgha áwụ́bite, silik na, áwụ sánị bia ḅara bia áwụ́bite, tọ́rụ́kịrịkị́rị́ kụ́nụ́ sị, nnị ọdụ pa kara tọ́rụ́kịrịkị́rị́ nyẹ na pịghị nyẹ láa si, áwụ́ ḅala; ikúlélu na mabulu; 13na nyẹ́sọ ḅẹlẹma sị apara; sinamọn, nyẹ́sọ kụ́nụ́ma mgbọ́lụ; insẹnsị, maya, farankisensi; iru na pulo, filawa na witi sịmgbọlụ; kọ́rọ́náma na ánáná, ásụ, ásụ dighi mangịarị nyẹ, ómóniapụ na pịghị túminị́ duma.
14<<Tụ́ḅonaapụ ma a ḅẹbẹm, <I pụghọ tarị sị ị nyáná bii ibi nyẹ mamgba ị kọ́rọ́ma mangị somam, ị́yẹ́ ngọ na ị́yẹ́ ibii ẹmẹẹ́famam, ị pịghị mịnị jẹ́ pa anị arịbịgha!> 15Ngọ kọọ Tụ́ḅonaapụ ḅẹẹ n túḅo kọm gosi opu ámá ma bie, ḅolo angaá sẹfịnịbẹm, tegó n ḅáláfaarị nnị dọghụgha sị nnị árị na diekiri nyáná árị tọ́rụ́siarị ḅụ. Nnị owubẹm pịghị duadubẹm, 16si ḅẹẹ: mịị tọ́rọ́fịnị ḅáláfama nyẹ!
<< <Tọ́rọ́fịnị siinyẹ mịị opu ama ma ḅụ!
Asamịna alo na tọrụsọgha áwụ́bite,
sánị bia ḅara bia áwụ bịtẹ
anịị a sua suanyẹ
sị warị odoḅala, kiri sághị ḅoo
nyẹ láa dapịrị na mingi bie sághị ḅoo
nyẹ́laa dapịrị anịị a pa a ḅụ birimabirima nyẹ.
17Gbẹ́rẹ́ énékịẹnyẹ ḅụ a mịị ngọ mamgba ḅuumamam!>
<<Onwiarụ sịbịdaapụ mamgba na onwiarụ pa nyẹ mú muapụ na árụ́ ásáawọ na pịghị tọ́rụ́bie nna furo dọghụarịapụ mamgba, a ḅụ ḅọlọanga ḅụ sẹm, 18nnị a dọ́ghụ́maarị onwi ma árị sáá, n pụghọ sághị ilúghum, <Jẹ́ ene mịma kịkama jẹ́ opu ama na ofori!> 19Nnị fọọ taa nna sịbị saram, nnị owúm pịghị dụadu anị pịrị dughoarị ḅẹẹ,
<< <Tọ́rọ́fịnị ḅáláfama nyẹ!
Tọ́rọ́fịnị siinyẹ mịị opu ama ma!
Árị ngọ ḅụ ḅọ́rọ́ anịị onwi árụ́
nyánáapụ gonyẹ́ gonyẹ́
tọ́rụ́ ḅụ ḅọ́rọ́ ngọ kọọ angaá!
A pịghị nyẹ mamgba ḅuumam
gbẹ́rẹ́ énékịẹnyẹ ḅụ!
20So bieḅẹlẹ, árị guluguluma gosi!
O bieḅẹlẹ, Tamuno túminị́,
nfịrịmaapụ ma na ikiakoroapụ ma!
Ḅẹẹ Tamuno, a sịbị
ḅẹ́rẹ́kọmam a pa ọ mịẹnyẹ gosi.> >>
21Anịsáa gbẹ́rẹ́ opu sookumuḅọ warị gbẹ́rẹ́ dapịrị sághị ákị opu nyẹgbẹẹ dapịrị láa ḅara anịị anị láanyẹ, warị anị pa tọ́rụ́ ma bie gbii sua, dughoarị ḅẹẹ,
<<Mịị kụ́rọ ḅara ma anịị nnị
ịrị opu ama Babịlọn dighi gbi bẹ ḅara
sị n mịnị pịghị jẹ́ pa ị́yẹ́ arịbịgha.
22Hapụ suuarị nyẹ na túminị́ pụghọ
na sị pa kara kálá ọdụ ofuroarịapụ
na ọdụ ofuroarịapụ
Nnị mịnị jẹ́ pa ibie anị naabịgha.
Tọ́rụ́kịrịkị́rị́ ḅárafịrị nwángịarịapụ
n gbẹ́rẹ́ḅọ sọ arịbịgha ịbie!
Nyẹ gbẹ́ẹ̄ dapịrị ma ọwụ
n mịnị jẹ́ pa naabịgha ịbie!
23Nnị mịnị jẹ́ pa tọndọ baá arịbịgha ịḅụ.
Nnị mịnị deeyaa dọghụ ọ́rụ́ḅọ
na ọ́rụ́ḅọ yaa dọghụ owitụ́wọ
pụghọ naabịgha ị bie.
Ị́yẹ́ Tụ́ḅonaapụ nnị anịị kụrọ
ḅa nyẹ tuminikiri gbọrụ,
Ị́yẹ́ ḅụ́gbérépuma iruo na aka na
ḅụ ḅọ́rọ́ i oḅori pa túminị́ sim
tuminikiri sẹ mamgba ḅụ!
24Babịlọn fomḅara dam tegó anị
bie anịị nnị ikiakoroapụ ma
na Tamuno túminị́ ọmbịnyẹ́ árịnyẹ,
na pịghị tuminikiri n ḅámaapụ
mamgba ọmbịnyẹ́.>>
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation