1 Tẹsalonaikaapụ 4
4
Tamuno Tẹ́mẹ́ Ḅẹlẹma Duma
1Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ. 2Tegó, ọ kọkọ nimi wa dugho ọ pịrịnyẹ ḅẹ ọ mịẹ, mịná againma ma Jizọs Krais ḅara anịị anị sághị ḅo nyẹ.
3Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma. 4Ọmịna ḅụ gbẹ́rẹ́ḅọ gbẹ́rẹ́ḅọ sọ nimi n ḅọ amịna oju pa duma kọọ bẹ ḅara, tọ́ntọ́ ḅụ na pịghị kuu nyáná ḅara ḅụ, 5Yáakuu ḅụ ofori nwángị ḅụghaa, Juughaapụ ḅara Tamuno nímighaapụ. 6Mị ḅẹ́rẹ́ ma ḅụ, gbẹ́rẹ́ḅọ sọ amịna Krais asọduaḅọ mị́naḅọ irima ma anịgha inomaa. Wa parị mịma dugho ọ pịrịmam pịghị kụ́rọ́ma o birinụ́nụ́ ḅẹ Kị́nị́nyánáḅọ anị nyẹ ma mịẹapụ pa tọ́rụ́siarịmabẹm. 7Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị. 8Anịgo mị dienyẹ ma sịghịḅọ gonyẹ́ gonyẹ́ tumḅọ sịghịghaa kụ́ma Tamuno anịị n ḅo sịghịḅọ ḅo ori Tọ́ntọ́ Tẹ́mẹ́ ma pa ọ pịrịarị ḅo.
9Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara. 10Ọ pịghị mị ḅara ma pa Krais ḅụ mininiapụ mamgba na ngáamam Masidoniya gbọrụ ḅụ. Anịgo, wamịnị ọ tẹ́ghẹ̄m ḅẹ́ ọ mịma nẹ́ngịma ibiḅara pa angaá.
11Pa ọmịna fịrị mịẹ ḅẹ ọ diin duma kọọm, tọ́rụ́ pa jẹ́apụ nyẹ bie suama, ọmịnị ọmịna ḅara pa fịrịnwangị ọ ḅụ pịrị, wa parị dugho ọ pịrị ḅara. 12Mị ḅara ma Tamuno nimigha na mininighaapụ ma ọmịnị osibẹm ọ pịghị gbẹ́rẹ́ḅọ sọ tọ́rụ́ dighibịgha ọ pálịma nyẹ gosi.
Kị́nị́nyánáḅọ Ma Ḅoo
13Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara. 14Wa mininim ḅẹ́ Jizọs Krais fịịm pịghị fịị ḅụ saghị anịgo wa mininim ḅẹ́ Tamuno n nụ́nụ́ ọ ḅụ pịrịbẹm nnị na Jizọs na, anịị Krais ḅụ minini sị fịịmaapụ.
15Mị́sa wa pa o diearịnyẹ ma anịị Kị́nị́nyánáḅọ ma dienyẹ: wamịnị dumafịnị mú Kị́nị́nyánáḅọ ḅoo bẹ ene laapụ ma fịịmaapụ ma ḅụ tórúku sọbịgha. 16Kị́nị́nyánáḅọ ma sobie sághị kóróḅobẹm kụrọ owupugho pa, sookumuḅọ ma sịbịdáḅọ pụghọ pa, Tamuno ọdụ ofúrobẹm. Anịsáa, Krais ḅụ minini sị fịịmaapụ ma tarị saghịbẹm. 17Wamịnị dumafịnịapụ ma, anịsáa ma ḅụ n wamịnị na n nana kobirịbẹm so tọ́rụ́, sị wa mú Kị́nị́nyánáḅọ ma na dona fọ́rụ ma bie. Anịị wa Kị́nị́nyánáḅọ ma na fịnị bẹ ḅara mú gbámásó láa. 18Anịgo ọ mịị ẹ́gẹ́rẹ ma pa jụghọ jụghọ tẹ́mẹ́ kụ́rọ́ma.
Currently Selected:
1 Tẹsalonaikaapụ 4: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
1 Tẹsalonaikaapụ 4
4
Tamuno Tẹ́mẹ́ Ḅẹlẹma Duma
1Kunemaá, wámịna Daa awọ, ọ wámịna ḅara dawọḅomam ọ duma kọọ bẹ ḅara sị anị Tamuno ḅụ ḅẹ́lẹ̄. Mị ḅara ma anịị o duma kọọarị ḅara. Mị́sa wamịnị ọ tẹ́ghẹ̄m opuma ḅẹ́ Kị́nị́nyánáḅọ Jizọs ẹrẹ ḅụ ọmịnị ibi mịma nẹ́ngị ḅara pa duma kọọ. 2Tegó, ọ kọkọ nimi wa dugho ọ pịrịnyẹ ḅẹ ọ mịẹ, mịná againma ma Jizọs Krais ḅara anịị anị sághị ḅo nyẹ.
3Ḅẹẹ mịị Tamuno binyẹ, ḅẹẹ ọ tọ́ntọ́ ḅụ fịnị ḅẹ́, gbẹ́rẹ́ḅọ sọ yáakuu ḅụ ófórigha nwángị kọma, ọkọfịnị nyẹ ḅụ ọ gbẹ́rẹ́ sáá ọ ḅụ fóofóo ma. 4Ọmịna ḅụ gbẹ́rẹ́ḅọ gbẹ́rẹ́ḅọ sọ nimi n ḅọ amịna oju pa duma kọọ bẹ ḅara, tọ́ntọ́ ḅụ na pịghị kuu nyáná ḅara ḅụ, 5Yáakuu ḅụ ofori nwángị ḅụghaa, Juughaapụ ḅara Tamuno nímighaapụ. 6Mị ḅẹ́rẹ́ ma ḅụ, gbẹ́rẹ́ḅọ sọ amịna Krais asọduaḅọ mị́naḅọ irima ma anịgha inomaa. Wa parị mịma dugho ọ pịrịmam pịghị kụ́rọ́ma o birinụ́nụ́ ḅẹ Kị́nị́nyánáḅọ anị nyẹ ma mịẹapụ pa tọ́rụ́siarịmabẹm. 7Tamuno wa sịgha ḅẹẹ wa ḅo yáakuu ḅụ ofori nwángị kọọ, kụ́ma wa tọ́ntọ́ ḅụ fịnị. 8Anịgo mị dienyẹ ma sịghịḅọ gonyẹ́ gonyẹ́ tumḅọ sịghịghaa kụ́ma Tamuno anịị n ḅo sịghịḅọ ḅo ori Tọ́ntọ́ Tẹ́mẹ́ ma pa ọ pịrịarị ḅo.
9Mịnaapụ ma ḅẹlẹma gbolomanyẹ, o bigha gbẹ́rẹ́ḅọ sọ anị gbolomanyẹ gịẹ ọ pịrị Tamuno ọ ḅara na pa o diemam ọ jụghọ jụghọ ḅẹlẹma bẹ ḅara. 10Ọ pịghị mị ḅara ma pa Krais ḅụ mininiapụ mamgba na ngáamam Masidoniya gbọrụ ḅụ. Anịgo, wamịnị ọ tẹ́ghẹ̄m ḅẹ́ ọ mịma nẹ́ngịma ibiḅara pa angaá.
11Pa ọmịna fịrị mịẹ ḅẹ ọ diin duma kọọm, tọ́rụ́ pa jẹ́apụ nyẹ bie suama, ọmịnị ọmịna ḅara pa fịrịnwangị ọ ḅụ pịrị, wa parị dugho ọ pịrị ḅara. 12Mị ḅara ma Tamuno nimigha na mininighaapụ ma ọmịnị osibẹm ọ pịghị gbẹ́rẹ́ḅọ sọ tọ́rụ́ dighibịgha ọ pálịma nyẹ gosi.
Kị́nị́nyánáḅọ Ma Ḅoo
13Wámịna Daa awọ wa bim ọ karakárá ma nimi fịịmaapụ ma gbolomanyẹ, sị ọ tẹ́mẹ́ si nyánábịgha ḅara tọ́rụ́ dighinyẹ nyánágháapụ ḅara. 14Wa mininim ḅẹ́ Jizọs Krais fịịm pịghị fịị ḅụ saghị anịgo wa mininim ḅẹ́ Tamuno n nụ́nụ́ ọ ḅụ pịrịbẹm nnị na Jizọs na, anịị Krais ḅụ minini sị fịịmaapụ.
15Mị́sa wa pa o diearịnyẹ ma anịị Kị́nị́nyánáḅọ ma dienyẹ: wamịnị dumafịnị mú Kị́nị́nyánáḅọ ḅoo bẹ ene laapụ ma fịịmaapụ ma ḅụ tórúku sọbịgha. 16Kị́nị́nyánáḅọ ma sobie sághị kóróḅobẹm kụrọ owupugho pa, sookumuḅọ ma sịbịdáḅọ pụghọ pa, Tamuno ọdụ ofúrobẹm. Anịsáa, Krais ḅụ minini sị fịịmaapụ ma tarị saghịbẹm. 17Wamịnị dumafịnịapụ ma, anịsáa ma ḅụ n wamịnị na n nana kobirịbẹm so tọ́rụ́, sị wa mú Kị́nị́nyánáḅọ ma na dona fọ́rụ ma bie. Anịị wa Kị́nị́nyánáḅọ ma na fịnị bẹ ḅara mú gbámásó láa. 18Anịgo ọ mịị ẹ́gẹ́rẹ ma pa jụghọ jụghọ tẹ́mẹ́ kụ́rọ́ma.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation