1 Tẹsalonaikaapụ 3
3
1Kunemaá, wamịnị ine daagha sáá, anị wa ḅẹnyẹ ḅẹ́ wamịnị ngéré Atensi ḅụ fịnịbẹm. 2Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ, 3gbẹ́rẹ́ḅọ sọ ọḅụ dabịgha ḅara mịná tọ́rụ́siarị ma gosi. Ọmịnị ḅụgbọrụ nimim ḅẹẹ Tamuno mị tọ́rụ́siarị ma warisom ḅẹ́ anị wa láa. 4Wa pa ọ nána fịnị sáá, wa dugho ọ pịrịm nịị anị kiriakịgha sáá, ḅẹ́ nnị wa pa tọ́rụ́siarịmabẹm; ọ pịghị ibima nimiḅara, anịị anị pịghị pághá ḅara. 5Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.
Timoti Ori Tẹ́mẹ́kụ́rọma Ẹ́gẹ́rẹ́
6Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị. 7Wámịna Daa awọ, wámịna ḅụḅáláḅálá na wámịna tọ́rụ́siarị mamgba ḅụ, ọmịnị wámịna tẹ́mẹ́kụ́rọmamam, ọmịna minini anịị pịghị tẹ́mẹ́kụ́rọ ma pa wa pịrịnyẹ. 8Tegó ḅẹ́ mị́sa ma ḅụ wa tụmasi dumam, ọ ḅọ́rọ́ sẹ kụrọ ị́yẹ́ Kị́nị́nyánáḅọ na gbẹ́rẹ́nyẹ mịẹ duma ma ḅụ. 9Ḅẹ́ mị́sa ọmịna sịbị goo wamịnị ine imiẹḅa pa Tamuno ḅẹẹbẹm. Wa ịmịẹḅam pa ọ ḅẹẹm wá nyáná bieḅẹlẹ ọ toruku, ọmịna sịbị goo. 10Dii na ḅá na wamịnị wa tẹ́mẹ́ gbọrụ pa ọ tẹ́ghẹ̄m ḅẹẹ ọ wa wáriso wamịnị ine tọ́rụ́ pa ị́yẹ́ árị sị i binyẹ ị́yẹ́ minini ḅụ anị pa ị pịrị.
11Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo! 12Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa. 13Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.
Currently Selected:
1 Tẹsalonaikaapụ 3: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
1 Tẹsalonaikaapụ 3
3
1Kunemaá, wamịnị ine daagha sáá, anị wa ḅẹnyẹ ḅẹ́ wamịnị ngéré Atensi ḅụ fịnịbẹm. 2Wa wámịna numboru owitụ́wọ Timoti fịrịmam, wamịnị na Tamunofịrị ma nwangịarịḅọ Krais ibi oku ma dugho wásáma ḅụ. Wamịnị ọ fịrịmam ḅẹ́ ọ ḅo ịnyọ pa ọ ḅụ sua pịghị ḅárásua ọ pịrị ọmịna minini ḅụ, 3gbẹ́rẹ́ḅọ sọ ọḅụ dabịgha ḅara mịná tọ́rụ́siarị ma gosi. Ọmịnị ḅụgbọrụ nimim ḅẹẹ Tamuno mị tọ́rụ́siarị ma warisom ḅẹ́ anị wa láa. 4Wa pa ọ nána fịnị sáá, wa dugho ọ pịrịm nịị anị kiriakịgha sáá, ḅẹ́ nnị wa pa tọ́rụ́siarịmabẹm; ọ pịghị ibima nimiḅara, anịị anị pịghị pághá ḅara. 5Anịị a go Timoti fịrịma nyẹ. A mịnị ine anị dagha sáá, a ọ fịrịmam ḅẹ́ o ḅo ọmịna minini gbolomanyẹ dọghụpágháma ḅoo. A ine ịḅụ ọlọgha, ḅụḅáláḅálá pa i tẹmẹ pịrịgha pa ḅẹ́ ẹ́kpẹ́dua ma ọ daádighim si wámịna fịrị mamgba sọ ḅo papanyẹ soarị.
Timoti Ori Tẹ́mẹ́kụ́rọma Ẹ́gẹ́rẹ́
6Mị́sa Timoti sóḅomam, ọ pịghị ọmịna minini na ọmịna ḅẹlẹma gboloma bieḅẹlẹma oku ma akuomam. O dugho wa pịrịmam ḅẹẹ sámámgba ọmịnị ibi kóróma nyáná wa pịrịarị, ḅẹẹ o biarị ọmịnị wamịnị árị bẹ ḅara, wamịnị sọ dọghụarị ḅara wamịnị ọmịnị arịị. 7Wámịna Daa awọ, wámịna ḅụḅáláḅálá na wámịna tọ́rụ́siarị mamgba ḅụ, ọmịnị wámịna tẹ́mẹ́kụ́rọmamam, ọmịna minini anịị pịghị tẹ́mẹ́kụ́rọ ma pa wa pịrịnyẹ. 8Tegó ḅẹ́ mị́sa ma ḅụ wa tụmasi dumam, ọ ḅọ́rọ́ sẹ kụrọ ị́yẹ́ Kị́nị́nyánáḅọ na gbẹ́rẹ́nyẹ mịẹ duma ma ḅụ. 9Ḅẹ́ mị́sa ọmịna sịbị goo wamịnị ine imiẹḅa pa Tamuno ḅẹẹbẹm. Wa ịmịẹḅam pa ọ ḅẹẹm wá nyáná bieḅẹlẹ ọ toruku, ọmịna sịbị goo. 10Dii na ḅá na wamịnị wa tẹ́mẹ́ gbọrụ pa ọ tẹ́ghẹ̄m ḅẹẹ ọ wa wáriso wamịnị ine tọ́rụ́ pa ị́yẹ́ árị sị i binyẹ ị́yẹ́ minini ḅụ anị pa ị pịrị.
11Tamuno wámịna Daḅọ ma na wámịna Nyánáḅọ Jizọs asọ findi wa pịrị wa ọ fịnịnga ḅoo! 12Kị́nị́nyánáḅọ ma mịẹsị ọ nyáná jụghọ jụghọ pịrị ḅẹlẹma na ọ nyáná kị́nị́mamgba pịrị ḅẹlẹma opuma sẹnị sị ḅoo wa nyáná ọ pịrị ḅẹlẹma la ḅara láa. 13Mịị ḅara ma ori ịnyọ pa ọ ḅụ suabẹm sị mịẹsị ọ kpain pịghị tọ́ntọ́ ḅụ fịnị wámịna Tamuno na Daḅọ ma toruku, wámịna Nyánáḅọ Jizọs ḅo bẹ sa ori na ori tọ́ntọ́apụ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation