1 Tẹsalonaikaapụ 1
1
Pọl Gịẹ Tẹ́salonaikáapụ Pịrị Tarị Diri
1Irị Pọl ḅara anịị mị diri ma saghị ḅo nyẹ, Sailas na Timoti sọ bịpị suam, mị diri ma anị ḅo Tẹ́salonaika ḅụ fịnị sọsị ma pịrịm. Tamuno Daḅọ na Kị́nị́nyánáḅọ Jizọs Krais tọ́rụ́kụrụkụ́rụ́ na ori diin fịnị ọ pịrị.
Tẹ́salonaikáapụ Duma Na Nna Minini
2Sámámgba wa ịmịẹḅam pa Tamuno ḅẹarị ọmịna sịbị goo pịghị ọ pa biekórómáarị wámịna tẹ́ghẹ̄ mamgba ḅụ. 3Wa tẹ́ghẹ̄ Tamuno Daḅọ ma pịrị sa gonyẹ́ gonyẹ́, wamịnị ọ pa biekórómáarị pịghị dugho ọmịnị ọmịna míníni pa fịrị ḅụ sua ḅara. Ọmịna ḅẹlẹma mịẹsị ọmịnị ibima fịrịnwangị ḅara. Na pịghị ọmịna tọ́rụ́dighi Wányánáḅọ Jizọs Krais ḅụ kụ́rọ sẹ ḅara.
4Wámịna Daa awọ, wa nimim ḅẹ́ Tamuno ọ ḅẹlẹmam pịghị ọ sẹ́lẹ́akịmam ḅẹ́, ọmịnị ori a túminị́ sọọ. 5Wamịnị ibi oku ma akuoo ọ pịrịm, ẹ́gẹ́rẹ́ ḅụ ngéréghaa, kụ́ma kụ́rọ ḅụ na pịghị Tọ́ntọ́ Tẹ́mẹ́ ma ḅụ, wa pịghị diepághámam wa káara ḅara pa anị karakárá minini ḅara. O nimim wa duma kọọ ḅara wamịnị ọ nana fịnị sáá, anịị ọmịna ibi gosi. 6Ọ wa daá, wa duma kọ ḅara kọọm pịghị Kị́nị́nyánáḅọ daa duma kọọ ḅara kọọ: anịsọnị ḅẹẹ ọmịnị opuma tọ́rụ́siarịm, ọ Tọ́ntọ́ Tẹ́mẹ́ ma ḅara ḅo bieḅẹlẹ pa ibi oku ma daákịm. 7Anịgoo o ḅo túminị́ daa ọ mịẹ ḅara mịẹarị mininiapụ dighim Masidoniya na Akaya ḅụ. 8Kị́nị́nyánáḅọ ma gboloma oku ma anị ọ bịpị ngéré ḅụ sághị pághá Masidoniya na Akaya mugha, kụ́ma ọmịna minini Tamuno ḅụ gboloma ẹ́gẹ́rẹ ma angaá mamgba lámam. Anịgo, wa nyáná sị wa dugho bẹnyẹ mịnị ofori. 9Anịapụ mamgba dughoarị ọ wa dáasu ḅara wamịnị ọ fịnịanga ḅo sa, ọmịnị oru wáriso sị sághị karakárá na pịghị duma gbámásó Tamuno ma tẹ́ghẹ̄ ḅara, 10pịghị ọ Tụ́wọ kúru o sobie saghị ḅo ọ Tụwọ Jizọs, ọ fịị ḅụ sághị ḅo sị pịghị wámịna dụaḅọ́rọ́ma ḅo, ḅoarị Tamuno igani ma ḅụ.
Currently Selected:
1 Tẹsalonaikaapụ 1: IBY
Highlight
Copy
Compare
Share
Want to have your highlights saved across all your devices? Sign up or sign in
©2024 Luke Initiative for Scripture Translation
