1 Pita 5

Pita Pa Sẹnịapụ Na Ásáawọ Pịrị Againma

1Irị ịḅụ gbọrụ sẹnịḅọ, ọmịna bie fịnị sọsị sẹ́nịapụ ma tẹ́ghẹ̄m. Ḅẹ́ ịrị a tọ́rụ́ na Krais tọ́rụ́siarị ma arịm, a pịghị diekiri nyánábẹm ori ipine ma ḅụ, anị ḅụ diepágháma bẹnyẹ. 2A ọ tẹ́ghẹ̄m ḅẹ́, ọmịnị ánánákúrúapụ sọ Tamuno pa ọ pịrị ánánáawọ́ ma pịrị, ọmịnị ọ tẹ́mẹ́bie gbọrụ pa n siḅe Tamuno ma bi ḅara. Ọ mịẹma sọ́ḅọ́rọ́ nnị pa ọ kọngọ kpọm ọ pịghị mịẹma igbii go. Kụ́ma kúkúbie fịrịnwangị Tamuno ma pịrị dọghụ tẹ́mẹ́. 3Ọ kị́nị́nyánáapụ dighi Tamuno pa ọ pịrị ánánáawọ́ ma pịrịma, kụ́ma n siḅe sị nnị ọ duma kọọ ḅara pa duma kọọ. 4Sị sịbịda Ánánákúrúḅọ ma ḅo sa ọmịnị ipine ogunu nyáná bẹ ḅara anị baá jẹ́ éné jẹ́ éné sịrịfabịgha nyẹ.

5Anị gbẹ́rẹ́ ḅara ma ọmịnị ásáawọ ọmịnị ọ tórúku sẹ́nịapụ ma osii. Ọ ḅụ́sitéréma fịrịnwangị jụghọ jụghọ pịrị. Tọ́ndiri ma dugho ḅara ḅẹ́,

Tamuno opuamịẹnyẹapụ ma

daá sẹ́ma sẹ́mam

kụ́ma ọrẹ ḅẹlẹma pa

ḅụ sitérémaapụ ma die.

6Anịgo ọmịnị ọmịna ḅụ sitéréma Tamuno ma opu ḅara sughubie fịnị, si ọrẹ karakárá sa ḅụ ori ọ saghị sóghóloma bẹ ḅara. 7Ị́yẹ́ ḅụḅáláḅálá mamgba pa ọḅụ gbii, tegó ori ma anịị o sịḅẹarịḅọ 8Tẹ́lẹ́ma, ọ tọ́rụ́ findi warị! Ọmịna iruonaḅọ Ẹ́kpẹ́dua ma, ikelekelema ḅọ́rọ́arị o kuu kaa pẹẹ́ bẹḅọ dọghụarị. 9Ọ sẹ́kụrọ ọmịna minini ḅụ, ọ daa sẹ́ma ọ kọkọ nimi bẹ ọmịna jẹ́ mininiapụ tuminikiri gbọrụ ḅụ nnị sọ mị gbẹ́rẹ́ tọ́rụ́siarị ma árịarị. 10Ọ kẹ́lẹ́ tọ́rụ́siarị so sáá, tọ́rụ́kụrụkụ́rụ́ mamgba nyáná Tamuno ma, ọ sị ḅo bẹ ọ ḅo diekiri nyáná ọrẹ gbámásó ipine ma ḅụ Krais bie, ori ma pịghị ọ mịẹ kpaimabẹm, pịghị ọ sẹ kụ́rọ́mabẹm pịghị ịnyọ, na pịghị karakárá súghúise pa ọ pịrị. 11Kụ́rọ ma fịnị ọ pịrị gbáso. Anị ọkọ fịnịị.

Kunema Sịbịpị

12Sailas a minini akị ḅo ḅẹ́ ori karakáráma Krais asọduaḅọ, ori anị ḅárásua si a mị kálá ábálálá ma gịẹ ọ fịrịma ḅọ. A ọmịna tẹ́mẹ́ kụrọma dọ́ghụm sị ị́yẹ́ dugho págháma nyẹ ma dugho ḅẹ́, mị anị Tamuno karakárá tọ́rụ́kụrụkụ́rụ́ ma anị ḅụ sẹ kụrọ. 13Babịlọn ḅụ fịnị sọsị ma, Tamuno pịghị ọmịnị na sẹlẹakịapụ, oku fịrịmam ḅẹ́ a obíí, Mak i tụwọ sọ ḅẹm a obii. 14Ọ Krais ḅẹlẹma ma pa jụghọ jụghọ ḅolo. Ọmịnị Krais bie fịnịapụ ma diin ọmịnị mamgba na fịnịị.

Currently Selected:

1 Pita 5: IBY

Highlight

Copy

Compare