Nọmbas 25
25
Ivbi Izrẹl Vbe Peọ
1Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi. 2Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ, 3ighẹ Bal ọghe Peọ. Ohu iran keghi mu e Nọyaẹnmwa. 4Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”
5E Mosis keghi tama emwa ni rre asẹ wẹẹ, “Dọmwadẹ ọghe ọe vbe uwu uwa gbele emwa ni ya gha gho Bal ọghe Peọ vbe ẹwae uwa.”
6Ehe ne iran na mudia vbe onurho Owa Ukpọn Ile gha khiẹ nii, ọkpa vbe uwu ivbi Izrẹl keghi sirra e Mosis kevbe avbe emwa nii hia rhie okhuo Midian ọkpa la uwu owa ukpọn rẹn. 7Ugbẹn vbe Finihaz ne ovbi Eliaza, ne ọ vbe re eyẹ Errọn ghi miẹn ọẹn, ọ keghi kpaegbe, ọ na lahin uwu ẹbu nii rre. Ọ na rhie asoro, 8ọ na lele okpia nii vbe okhuo nii la uwu owa ukpọn, ọ na ye asoro nii ha iran eva fua. Erriọ ọre a ghi ya dobọ egboghogbogho ne ọ te gha fuẹn ivbi Izrẹl rrie yi. 9Sokpan ọ gbele sẹ arhin arriaisẹn enẹ yan ugie (24,000) nẹ.
10E Nọyaẹnmwa keghi tama e Mosis wẹẹ, 11“E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an. 12Rhunmwuda ọnii, tama rẹn ighẹ I ra gu ẹe ta ile ne ọ gha rre atẹ rhinrin ẹdẹ. 13A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”
14Eni ovbi Izrẹl ne a gbe ba okhuo e Midian nii keghi re Zimri ne ovbi Salu, ọmwa ne ọ wa vbe re ọdiọn ẹgbẹe ọkpa vbe ẹwae Simiọn. 15A keghi tie eni okhuo nii Kozbi. Erha ẹe i ghẹ Zọ keghi re enogie iran eso vbe ẹwae Midian.
16E Nọyaẹnmwa keghi tama e Mosis wẹẹ, 17“Mu okuo gie emwa Midian ne u fuẹn iran uan; 18rhunmwuda emwi dan ne iran ru ne iran na rẹrẹ uẹ vbe Peọ kevbe rhunmwuda e Kozbi ne a gbe vbe ẹghẹ ne egboghogbogho na gha rre Peọ.”
Currently Selected:
Nọmbas 25: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 25
25
Ivbi Izrẹl Vbe Peọ
1Ivbi Izrẹl ghi bu agọ ye Ehanhan Akesia, ikpia ni rrọ kegha gu avbe ikhuo e Moab ni rre evba ru emwi. 2Avbe ikhuo na keghi wẹ ne avbe ikpia na do tuẹ iran vbe emwiukpo izọese, ehe ne iran na gho ẹbọ Moab. Avbe ivbi Izrẹl keghi rri evbare nii, iran na vbe ga nene ẹbọ, 3ighẹ Bal ọghe Peọ. Ohu iran keghi mu e Nọyaẹnmwa. 4Ọ na tama e Mosis wẹẹ, “Viọ avbe ekaolotu ivbi Izrẹl, ne u sirra emwa hia zẹlẹ iran uhunmwu kua, vbe ogiavan ogioghogho zẹ vbene I khare ẹghẹ nii ohu avbe emwa nii i ghi ra mu mwẹ.”
5E Mosis keghi tama emwa ni rre asẹ wẹẹ, “Dọmwadẹ ọghe ọe vbe uwu uwa gbele emwa ni ya gha gho Bal ọghe Peọ vbe ẹwae uwa.”
6Ehe ne iran na mudia vbe onurho Owa Ukpọn Ile gha khiẹ nii, ọkpa vbe uwu ivbi Izrẹl keghi sirra e Mosis kevbe avbe emwa nii hia rhie okhuo Midian ọkpa la uwu owa ukpọn rẹn. 7Ugbẹn vbe Finihaz ne ovbi Eliaza, ne ọ vbe re eyẹ Errọn ghi miẹn ọẹn, ọ keghi kpaegbe, ọ na lahin uwu ẹbu nii rre. Ọ na rhie asoro, 8ọ na lele okpia nii vbe okhuo nii la uwu owa ukpọn, ọ na ye asoro nii ha iran eva fua. Erriọ ọre a ghi ya dobọ egboghogbogho ne ọ te gha fuẹn ivbi Izrẹl rrie yi. 9Sokpan ọ gbele sẹ arhin arriaisẹn enẹ yan ugie (24,000) nẹ.
10E Nọyaẹnmwa keghi tama e Mosis wẹẹ, 11“E Finihaz da mwẹ obọ ohu ne I te mu ghe ivbi Izrẹl yi nẹ. Ọ ma zẹdẹ ho ne ọ họn wẹ a vbe gho emwi ọvbehe gberra ime, ọnii ọre ọ zẹe ne I na ma ya ohu mwẹ fuẹn iran an. 12Rhunmwuda ọnii, tama rẹn ighẹ I ra gu ẹe ta ile ne ọ gha rre atẹ rhinrin ẹdẹ. 13A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”
14Eni ovbi Izrẹl ne a gbe ba okhuo e Midian nii keghi re Zimri ne ovbi Salu, ọmwa ne ọ wa vbe re ọdiọn ẹgbẹe ọkpa vbe ẹwae Simiọn. 15A keghi tie eni okhuo nii Kozbi. Erha ẹe i ghẹ Zọ keghi re enogie iran eso vbe ẹwae Midian.
16E Nọyaẹnmwa keghi tama e Mosis wẹẹ, 17“Mu okuo gie emwa Midian ne u fuẹn iran uan; 18rhunmwuda emwi dan ne iran ru ne iran na rẹrẹ uẹ vbe Peọ kevbe rhunmwuda e Kozbi ne a gbe vbe ẹghẹ ne egboghogbogho na gha rre Peọ.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996