Nọmbas 24
24
1Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato. 2Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn. 3Ọ keghi guan ẹmwẹ akhasẹ na wẹẹ:
“Uhunmwu ne Balam ne ovbi Beọ gie,
ẹmwẹ ọmwa nii ne ọ sẹtin bẹghe vẹn ẹn,
4Ne ọ vbe sẹtin họn vbene Osanobua kha hẹ.
I rhan aro a gbadaa, I ke ya bẹghe vbe umian,
emwi ne Osanobua Ne Oghodua mu mẹ ghe.
5Avbe owa ukpọn ivbi Izrẹl wa ye mosee
6ọ ye vbe ọgbagba ne ọ taẹn ọghe udin,
ra ogba obobo nọ rre ọkpẹn ẹzẹ zẹ vbe erhan alọe ne Nọyaẹnmwa kọe.
Ra avbe sida ni rre ọkpẹn ẹzẹ.
7Amẹ gha wa rhọ ne iran ẹsẹse
iran kọ emwi okọ iran ye otọe ne ọ rọkhọe
ọba iran gha kpọlọ sẹ Agag,
arriọba ẹre gha kpolo, ọ gha tan la erhan la irri
8Osanobua viọ iran ke Igipt ladian,
ọ gbinna ne iran zẹ vbe ede,
iran minọ avbe eghian iran re,
iran dunmwu ugboloko iran an,
iran vbe rẹnkhẹn iran.
9Ẹvbo na yevbe oduma ne ọ mwẹ ẹtin
ọ gha vbiẹ, a i miẹn ne ohan gie ẹe huẹn ọnrẹn.
Afiangbe nọ ne ọmwa ne ọ na erhunmwu ne Izrẹl,
ne ọ fi Izrẹl unu, a gha fi ẹre unu.”
10E Balak keghi ya ohu kun ekpa, ọ tama Balam wẹẹ, “Te I tie ruẹ ne u do fi avbe eghian mwẹ unu, sokpan erhunmwu ọre u he na ne iran igba eha na. 11Banbanna nian, ladian ne u gha rrie! Te I te yaan wẹ I gha ya emwi nuẹn ne I ya san ruẹn ẹse, sokpan e Nọyaẹnmwa gban emwi ne a ya san ẹse hin ruẹn obọ rre nẹ.” 12E Balaam keghi wanniẹn wẹẹ, “I giee emwa ne u giee gunmwe ne a tama ruẹn wẹẹ, 13ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”
Ẹmwẹ Akhasẹ Ne Okiekie Ọghe Balam
14E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,” 15Ọre ọ na guan ẹmwẹ akhasẹ na:
“Uhunmwu ne Balam ne ovbi Pẹọ gie,
ẹmwẹ ọmwa nii ne ọ bẹghe vẹn ẹn,
16ne ọ sẹtin họn vbene Osanobua kha hẹ,
ne ọ vbe miẹn irẹnmwi ne ọ ke ọghe ne ọ yo sẹẹ rre.
I rhan aro a gba daa, I keghi miẹn ọẹn vbe umian
emwi ne Osanobua Ne Oghodua mu ma mwẹ,
17I keghi ghe ẹdẹ nakhuẹ,
I keghi ya dẹghe okpẹvbo ọghe Izrẹl,
ọba ne ọ yevbe orhọnmwẹ ne yọn ọn, gha kpaegbe vbe ẹvbo ni,
ọ gha ke Izrẹl ladian zẹ vbe osun nigiogio
ọ gha fi avbe Ọkaolotu Moab emwi,
ọ ghi gbele iran ni hio kevbe ni khọọ ku otọ.
18Ọ gha khọn avbe eghian ni rre Idọm mu otọ,
ọ ghi ya otọ iran khian ọghe ọe,
vbene Izrẹl gha ye owẹ rri iran ginna otọ.
19Okpẹvbo Izrẹl gha ye owẹ rri iran ginna otọ
ọ ghi kpolo iran ni ghi te ke ẹe vbọ kua.”
20Ẹre Balam na vbe miẹn emwa Amalẹk vbe umian, ọ na kha wẹẹ: “Amalẹk ọ te re ẹvbo ne ọ wegbe sẹ ehia, sokpan vbe okiekie, ọ gha fuẹn uan ẹdẹdẹmwẹdẹ.”
21Ọ vbe miẹn avbe emwa Ken vbe umian, ọ keghi guan vbe akhasẹ wẹẹ:
“Ehe ne uwa ye, ẹkun wa sẹ uwa otọ,
ne ẹbe i ye zẹ vbe oko ahianmwẹ vbe uhunmwu okuta.
22Sokpan, a gha dunmwu uwa ne emwa Ken
vbe ẹghẹ ne Asiria gha na viọ uwa oghunmwu.”
23E Balam keghi vbe ta ẹmwẹ akhasẹ na ọ wẹẹ:
“De emwa ni si egbe koko vbe odẹ okuọ na yi?
24Iyokuo gha ke Saiprọs gua okọ rre
iran gha khọn Asiria kevbe Babilọn mu otọ,
sokpan iran tobọ iran gha vbe fuẹn uan ẹdẹdẹmwẹdẹ.”
25Ẹre Balam na kpaegbe, ọ na gha rrie owa, ẹre Balak na lele odẹ ọre gha rrie.
Currently Selected:
Nọmbas 24: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996
Nọmbas 24
24
1Ẹghẹ na nian, e Balam rẹn nẹ wẹ te Nọyaẹnmwa wẹ ne iran gha na erhunmwu ne ivbi Izrẹl, rhunmwuda ọnii, ọ ma ghi vbe gualọ ama vbene ọ ka ru ẹe dee ẹdẹ. Ọ keghi mu aro da odẹ ato. 2Ọ na bẹghe ivbi Izrẹl vbe ehe ne dọmwadẹ ẹwae na bu agọ. Orhiọn Osanobua ke hin yan rẹn. 3Ọ keghi guan ẹmwẹ akhasẹ na wẹẹ:
“Uhunmwu ne Balam ne ovbi Beọ gie,
ẹmwẹ ọmwa nii ne ọ sẹtin bẹghe vẹn ẹn,
4Ne ọ vbe sẹtin họn vbene Osanobua kha hẹ.
I rhan aro a gbadaa, I ke ya bẹghe vbe umian,
emwi ne Osanobua Ne Oghodua mu mẹ ghe.
5Avbe owa ukpọn ivbi Izrẹl wa ye mosee
6ọ ye vbe ọgbagba ne ọ taẹn ọghe udin,
ra ogba obobo nọ rre ọkpẹn ẹzẹ zẹ vbe erhan alọe ne Nọyaẹnmwa kọe.
Ra avbe sida ni rre ọkpẹn ẹzẹ.
7Amẹ gha wa rhọ ne iran ẹsẹse
iran kọ emwi okọ iran ye otọe ne ọ rọkhọe
ọba iran gha kpọlọ sẹ Agag,
arriọba ẹre gha kpolo, ọ gha tan la erhan la irri
8Osanobua viọ iran ke Igipt ladian,
ọ gbinna ne iran zẹ vbe ede,
iran minọ avbe eghian iran re,
iran dunmwu ugboloko iran an,
iran vbe rẹnkhẹn iran.
9Ẹvbo na yevbe oduma ne ọ mwẹ ẹtin
ọ gha vbiẹ, a i miẹn ne ohan gie ẹe huẹn ọnrẹn.
Afiangbe nọ ne ọmwa ne ọ na erhunmwu ne Izrẹl,
ne ọ fi Izrẹl unu, a gha fi ẹre unu.”
10E Balak keghi ya ohu kun ekpa, ọ tama Balam wẹẹ, “Te I tie ruẹ ne u do fi avbe eghian mwẹ unu, sokpan erhunmwu ọre u he na ne iran igba eha na. 11Banbanna nian, ladian ne u gha rrie! Te I te yaan wẹ I gha ya emwi nuẹn ne I ya san ruẹn ẹse, sokpan e Nọyaẹnmwa gban emwi ne a ya san ẹse hin ruẹn obọ rre nẹ.” 12E Balaam keghi wanniẹn wẹẹ, “I giee emwa ne u giee gunmwe ne a tama ruẹn wẹẹ, 13ọ gha khọn ruẹn ne u viọ esiliva kevbe igoru ni rre ẹguae ruẹ hia mẹ, mẹ I ra rhie obọ gberra iyi ọghe Nọyaẹnmwa ne I ya gha ru ọghe obọ mwẹ. Emwi ne Nọyaẹnmwa tama mwẹ ọkpa ọre I ra gha ta.”
Ẹmwẹ Akhasẹ Ne Okiekie Ọghe Balam
14E Balam keghi tama e Balak wẹẹ, “Banbanna nian, I ra bu avbe emwa mwẹ, sokpan vbe I te kpao, I gha tama ruẹn emwi ne ivbi Izrẹl gha ru avbe emwa ruẹn re ẹdẹ ne ọ dee,” 15Ọre ọ na guan ẹmwẹ akhasẹ na:
“Uhunmwu ne Balam ne ovbi Pẹọ gie,
ẹmwẹ ọmwa nii ne ọ bẹghe vẹn ẹn,
16ne ọ sẹtin họn vbene Osanobua kha hẹ,
ne ọ vbe miẹn irẹnmwi ne ọ ke ọghe ne ọ yo sẹẹ rre.
I rhan aro a gba daa, I keghi miẹn ọẹn vbe umian
emwi ne Osanobua Ne Oghodua mu ma mwẹ,
17I keghi ghe ẹdẹ nakhuẹ,
I keghi ya dẹghe okpẹvbo ọghe Izrẹl,
ọba ne ọ yevbe orhọnmwẹ ne yọn ọn, gha kpaegbe vbe ẹvbo ni,
ọ gha ke Izrẹl ladian zẹ vbe osun nigiogio
ọ gha fi avbe Ọkaolotu Moab emwi,
ọ ghi gbele iran ni hio kevbe ni khọọ ku otọ.
18Ọ gha khọn avbe eghian ni rre Idọm mu otọ,
ọ ghi ya otọ iran khian ọghe ọe,
vbene Izrẹl gha ye owẹ rri iran ginna otọ.
19Okpẹvbo Izrẹl gha ye owẹ rri iran ginna otọ
ọ ghi kpolo iran ni ghi te ke ẹe vbọ kua.”
20Ẹre Balam na vbe miẹn emwa Amalẹk vbe umian, ọ na kha wẹẹ: “Amalẹk ọ te re ẹvbo ne ọ wegbe sẹ ehia, sokpan vbe okiekie, ọ gha fuẹn uan ẹdẹdẹmwẹdẹ.”
21Ọ vbe miẹn avbe emwa Ken vbe umian, ọ keghi guan vbe akhasẹ wẹẹ:
“Ehe ne uwa ye, ẹkun wa sẹ uwa otọ,
ne ẹbe i ye zẹ vbe oko ahianmwẹ vbe uhunmwu okuta.
22Sokpan, a gha dunmwu uwa ne emwa Ken
vbe ẹghẹ ne Asiria gha na viọ uwa oghunmwu.”
23E Balam keghi vbe ta ẹmwẹ akhasẹ na ọ wẹẹ:
“De emwa ni si egbe koko vbe odẹ okuọ na yi?
24Iyokuo gha ke Saiprọs gua okọ rre
iran gha khọn Asiria kevbe Babilọn mu otọ,
sokpan iran tobọ iran gha vbe fuẹn uan ẹdẹdẹmwẹdẹ.”
25Ẹre Balam na kpaegbe, ọ na gha rrie owa, ẹre Balak na lele odẹ ọre gha rrie.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996