Nọmbas 2
2
Vbene A Mwamwa Dọmwadẹ Ẹwae Ye Agọ Hẹ
1E Nọyaẹnmwa keghi ru igiodẹ na ma e Mosis kevbe Errọn wẹẹ, 2“Ivbi Izrẹl gha bu agọ, dọmwadẹ ọghe ọe ghi gha mwẹ asa ọghe oka iran kevbe afiala ọghe ẹwae ẹre. A ghi bu agọ nii wa lẹga Owa Ukpọn Ile.
3-9“Vbe ọlarre ovẹn vbọ, iran ni rre oka ọghe Juda vbọ ghi bu agọ vbe otu otu, vbe ototọ avbe olotu iran vbenian.”
| Ẹwae | Olotu | Inu ẹvbo ni rrọọ |
|---|---|---|
| E Juda | Nasiọn ne ovbi Aminadab | Uri eha yan ovbi arriaisẹn enẹ yan ekigbesiyenẹ (74,600) |
| Isaaka | Netanẹl ne ovbi Zua | Uri eva yan arriaisẹn enẹ yan ekigbe siyeha (54,400) |
| E Zebulọn | Eliab ovbi Hẹlọn | ne eva yan arriaisẹn eha irrọ vbe iyeha (57,400) |
Ehia kegha re uri eva yan arriaisẹn iwenẹ irrọ vbe uri (186,400)
Ọka ọghe Juda ọre ọ gha ke odaro.
10-16“Vbe odẹ ekẹn vbọ iran ni rre ototọ asa ọghe oka Riubẹn ghi mu agọ ọghe iran otuotu vbe ototọ olotu iran vbenian:
| Ẹwae | Olotu | Inu emwa ni rrọọ |
|---|---|---|
| E Riubẹn | Elizọ ne ovbi e Siediọ | Iyisẹn isẹn yan arriaisẹn |
| E Simiọn | e Sielumiẹl ne ovbi Zurisiadai | Iyisẹn yan uri vbe arriaisẹn ọkpa irrọvbe iyeha (59,300) |
| E Gad | Eliasaf ne ovbi e Deuẹl | Ekigbesiyeha yan uri eha vbe arriaisẹn isẹn yan iyeva (45,650) |
Ehia ke do gha re ekigbesiyeha yan uri eva yan arriaisẹn owọrọ yan ikiọkhọe (151,450)
Ọka ọghe Riubẹn ọ re otu ne ogieva ni gha si okhian.
17“Ivbi e Livai gha si okhian, iran ghi gha rre ẹkpo oka eva ni ke odieke, iran ghi mu Owa Ukpọn Ile mwẹ. Zẹ vbene a ya bu agọ ọre dọmwadẹ oka gha vbe ya gha khian, dọmwadẹ ọghe ọe vbe ihe ọghe ọe vbe ototọ ọkaolotu ẹre ke asa iran.
18-24“Iran ni rre ototọ asa oka ọghe Ifreim ghi ya otuotu bu agọ iran ye asefẹn orrie vbọ vbe ototọ ọkaolotu iran vbe nian.
| Ẹwae | Olotu | Inu emwa ni rrọọ |
|---|---|---|
| Ifreim | Eliasiama ne ovbi Amihud | Iyisẹn isẹn yan arriaisẹn iyeva (40,500) |
| E Manasẹ | e Gamaliẹl ne ovbi e Pẹdazọ | Uri vbe arriaisẹn eva yan ọgban (32,200) |
| E Bẹnjamin | Abidan ne ovbi e Gidiọn | Uri eva yan arriaisẹn isẹn yan ọgban: (35,400) |
Ehia kegha re iyisẹn vbe arriaisẹn erẹnrẹn yan iyisẹn (108,100)
Ọka ọghe Ifreim ghi gha re ukpogieha ne ọ gha si okhian.
25-31“Iran ni rre oka asa ọghe Dan ghi bu agọ ye odẹ okuọ vbe otuotu vbe ototọ olotu iran vbenian:
| Ẹwae | Olotu | Inu emwa ni rrọọ |
|---|---|---|
| E Dan | Ahieza ne ovbi Amisiadai | Iyisẹn yan uri eha vbe arriaisẹn eva yan iyeha (62,700) |
| Asia | e Pagiẹl ne ovbi Okran | Iyisẹn yan uri eva vbe arriaisẹn ọkpa yan iyeva (41,500) |
| E Naftali | Ahira ne ovbi Enan | Uri eva vbe arriaisẹn eha yan ekigbesiyeha (53,400) |
Ehia kegha re uri eha yan arriaisẹn eha irrọ vbugie yan ikiọkhọe (157,600)
Ọka ọghe Dan ọre ọ re o gha kiekie si okhian.” 32Ivbi Izrẹl ne a ghi wa ka vbe okaro na vbe otuotu kegha re igbe yan ikiọkhọe yan uri eva, ọre ọya yan arriaisẹn eha yan uri eha (603,550). 33Sokpan a ma ka ivbi Livai ba ivbi Izrẹl nekpa zẹ vbene Nọyaẹnmwa tama e Mosis.
34Ivbi Izrẹl keghi ru emwi hia ne Nọyaẹnmwa tama e Mosis. Iran kegha bu agọ dọmwadẹ ọghe ọe vbe ototọ asa ọghe ọe, iran kegha khian dọmwadẹ ọghe ọe ke ẹe kevbe ẹwae ọghe ọe.
Currently Selected:
Nọmbas 2: EDO96
Highlight
Copy
Compare
Share
Want to have your highlights saved across all your devices? Sign up or sign in
@ The Bible Society of Nigeria, 1996