Be Mochi 18
18
Bulu a tswa eten efifi a Korinti
1Chashin mo mò ena, Bulu è gwa Atina nè ken a Korinti. 2A zǝn, gè ben ya a Yahuda akan, eten mbwe a Pontu, bè fǝ́ ye anga Akila, ti mo gwa ye è no Biskila. Bè vǝ a Etali bwa no a zǝn, nè chà dgyen be fon a Korinti hon ra, adia Kaladiyo, tì è du ara edgon jan binbin be ya a Yahuda be è nya e gwa e gu sǝnsen mo be ya a Roma. Bulu è ken evǝa ge e di be, 3adia gè no ya afku eshum abu be ángá. Gè no a zǝn, nè bwe mochi hon ngge be. 4Nogwa nogwa, Nò nya Etkem gè ken bwi anga a àtá chuefǝnm nè no jan fwa anga ngge ya a Yahuda tangge be ya a Girka evǝa be e chadwa ngge fwa a gè jan be anga.
5Atan a Sila ngge Timoti è vǝ a Makidoniya shwangga ángá, Bulu è ti echafǝju mbwe du gu adi edgon mo Fwa Esese, nè no jantu be ya a Yahuda anga jan ne Yeso na Kristi hon. 6Tea atan a be ya a Yahuda è twa efyan ngge ge nè jan ye aken edifu anga, gè bukǝ́n be mokàn mbwe nè jan be jan, “Ngǝ mo nye no a chu nye. Fu èé bu mam dwa a je a chu kǝ́n a Ehwya a kpèn nye ángá. Ti asuswana ken chafya ma ken a zǝn be ya e fwa be ya a Esǝrela ra.”
7Kǝnggwa Bulu è gwa àtá chuefǝnm hon nè ken a mu Titu Justu, è no tenten a zǝn àtá chuefǝnm hon ángá. Titu Justu hon è fwa ye ya a Yahuda ra, gè fen Ehwya anga. 8Karibu nwene è no chu mo àtá chuefǝnm, be binbin mo be nobǝ a tswa akan mbwe ye, è tsǝ́ekǝ̀n a chu Etsodwe tangge be ya a Korinti embo ya è fo fwa mo Bulu ángá è tsǝ́ekǝ̀n, bè bwe be batisǝma.
9Nò kè akan etsǝ, enggwà è kan Bulu a fǝzǝn, a tswa mo nó, Etsodwe è jan ye jan, “We tsen mbo etsentsen ra, tea we no kpwa adi fwa ejanm, we pe mbo vǝ ra. 10Adia m no ngge bo, ende akan a ngga mbo a ju ge e dì o ju ra, adia m no ngge be nobǝ embo a tswa eten efifi ena, ya e no be nobǝ mam ángá.” 11Enona, gè no a Korinti mo je akan ngge fka chwen a ngǝ, nè no tú be fwa mo Ehwya anga.
12Kǝnggwa atan a Galio è dwa gomna no a sǝnsen mo Akaya ángá, be ya a Yahuda è ngga Bulu a ju nè fu ye ken a chafya mo be ekpenkǝ́n. 13Bè jan, “Nobǝ ena no tsa be nobǝ anga be e fen Ehwya adi be efǝ e no efki ngge edon mo je ángá.”
14Tea atan a Bulu è nda anga ge e jan fwa ángá, Galio è jan be ya a Yahuda jan, “Be è jan, ge bwe mò esera eno e ra ge tke etkekàn twa, ge e se me e buton e fo nye. 15Tea adia ge no a chu eka ekam, a chu be fwa ngge, be ti ngge be edon mo nye ángá, nye ken jan tswa ye e sojunye. Ma chu m a sen me e kpèn kǝ́n a chu be mò ena ra.” 16Kǝnggwa ge du bè nyo be vǝ́ a je mo àtá kǝ́n ekpènm hon. 17Enona, binbin mo be e twanga ken chá Sostano, chu mo àtá chuefǝnm hon nè bu ye mò a chafya mo àtá kǝ́n ekpènm. Tea Galio è ka ye ra.
Bulu è twabǝ ken a Antakiya a sǝnsen mo Siriya
18Bulu è beti bishi a Korinti mo ekpengga àywá nè dwa be nwenjwa adi Kristi kèn, kǝnggwa gè kwa ngga ngge Biskila tangge Akila, bè ken a sǝnsen mo Siriya. Gè hwi chu mbwe a Kankiriya sangǝ́, evǝa ge e tú jan ge bwe defǝ ara efan a gè fan a zǝn Ehwya. 19Atan a bè kengga a Afisa zǝn a be kwaju ngge Biskila tangge Akila ángá, gè kwashi a àtá chuefǝnm, nè jan fwa ngge be ya a Yahuda. 20Atan a be bgó ye jan ge e beti e bishi ngge be ángá, gè se ye. 21Tea ge dwa be kèn nè jan, “Ma bwa a zǝn nye efwe ano Ehwya cha ara dwa.” Kǝnggwa ge kwa ngga nè gwa Afisa. 22Atan a gè kengga a Kesariya, gè vǝ́ bi be nwenjwa fwa a Urishelima sangǝ́ gè chà shi a Antakiya.
23Chashin a gè no ara a zǝn mo tsǝnò fà ángá, Bulu è nya nè ken kwa be efa mo ya a Galati ngge Firijiya nè no janbon be ya ekǝ̀n-etsǝ́m tsuruku anga.
Apolo è du edgon a chu Fwa Esese a Afisa
24Atan enò, ya a Yahuda akan, bè fǝ́ ye anga Apolo nobǝ a Alezandiriya, è bwa no a Afisa. Gè no nobǝ e jan yi fwa àywá nè yise be Fwaebam no àywá gaten. 25Bè tú se ara ye abu fwa mo Etsodwe no ángá, ngge tsuruku akan, gè jan be nobǝ fwa nè tú be mò a chu Yeso ken tén adi ebi, bi adi a gè yi kpwà fwa a chu batisǝma mo Yohana ángá. 26Gè kwa ara be moetum a àtá chuefǝnm nè tsen ye etsentsen ra. Atan a Biskila ngge Akila è fo ye ángá, bè fǝ́ ye dwa ken a buetkwa nè jan seshi ye fwa a chu efwa e tú abu Ehwya dgyan be nobǝ be ba ye ángá.
27Atan a Apolo è nda anga ge e pe e nyi è vǝ́ a Akaya ángá, be nwenjwa adi Kristi a Afisa è janbon ye ekǝ̀n nè bá afketa chí no ye ge e ti no be ya ekǝ̀n-etsǝ́m ya è no a zǝn ángá, jan be e cha ye bu fà. Atan a gè kengga a Akaya ángá, gè bwejwa be ya è tsǝ́ ara ekǝ̀n ángá, adi esese mo Ehwya. 28Gè twa efyan echakpokpo ngge be ya a Yahuda nè devǝ́ a chu be chafya mo be nobǝ nè no tú se be nó anga adi efka mo be Fwaebam jan Yeso na Kristi hon.
Currently Selected:
Be Mochi 18: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 18
18
Bulu a tswa eten efifi a Korinti
1Chashin mo mò ena, Bulu è gwa Atina nè ken a Korinti. 2A zǝn, gè ben ya a Yahuda akan, eten mbwe a Pontu, bè fǝ́ ye anga Akila, ti mo gwa ye è no Biskila. Bè vǝ a Etali bwa no a zǝn, nè chà dgyen be fon a Korinti hon ra, adia Kaladiyo, tì è du ara edgon jan binbin be ya a Yahuda be è nya e gwa e gu sǝnsen mo be ya a Roma. Bulu è ken evǝa ge e di be, 3adia gè no ya afku eshum abu be ángá. Gè no a zǝn, nè bwe mochi hon ngge be. 4Nogwa nogwa, Nò nya Etkem gè ken bwi anga a àtá chuefǝnm nè no jan fwa anga ngge ya a Yahuda tangge be ya a Girka evǝa be e chadwa ngge fwa a gè jan be anga.
5Atan a Sila ngge Timoti è vǝ a Makidoniya shwangga ángá, Bulu è ti echafǝju mbwe du gu adi edgon mo Fwa Esese, nè no jantu be ya a Yahuda anga jan ne Yeso na Kristi hon. 6Tea atan a be ya a Yahuda è twa efyan ngge ge nè jan ye aken edifu anga, gè bukǝ́n be mokàn mbwe nè jan be jan, “Ngǝ mo nye no a chu nye. Fu èé bu mam dwa a je a chu kǝ́n a Ehwya a kpèn nye ángá. Ti asuswana ken chafya ma ken a zǝn be ya e fwa be ya a Esǝrela ra.”
7Kǝnggwa Bulu è gwa àtá chuefǝnm hon nè ken a mu Titu Justu, è no tenten a zǝn àtá chuefǝnm hon ángá. Titu Justu hon è fwa ye ya a Yahuda ra, gè fen Ehwya anga. 8Karibu nwene è no chu mo àtá chuefǝnm, be binbin mo be nobǝ a tswa akan mbwe ye, è tsǝ́ekǝ̀n a chu Etsodwe tangge be ya a Korinti embo ya è fo fwa mo Bulu ángá è tsǝ́ekǝ̀n, bè bwe be batisǝma.
9Nò kè akan etsǝ, enggwà è kan Bulu a fǝzǝn, a tswa mo nó, Etsodwe è jan ye jan, “We tsen mbo etsentsen ra, tea we no kpwa adi fwa ejanm, we pe mbo vǝ ra. 10Adia m no ngge bo, ende akan a ngga mbo a ju ge e dì o ju ra, adia m no ngge be nobǝ embo a tswa eten efifi ena, ya e no be nobǝ mam ángá.” 11Enona, gè no a Korinti mo je akan ngge fka chwen a ngǝ, nè no tú be fwa mo Ehwya anga.
12Kǝnggwa atan a Galio è dwa gomna no a sǝnsen mo Akaya ángá, be ya a Yahuda è ngga Bulu a ju nè fu ye ken a chafya mo be ekpenkǝ́n. 13Bè jan, “Nobǝ ena no tsa be nobǝ anga be e fen Ehwya adi be efǝ e no efki ngge edon mo je ángá.”
14Tea atan a Bulu è nda anga ge e jan fwa ángá, Galio è jan be ya a Yahuda jan, “Be è jan, ge bwe mò esera eno e ra ge tke etkekàn twa, ge e se me e buton e fo nye. 15Tea adia ge no a chu eka ekam, a chu be fwa ngge, be ti ngge be edon mo nye ángá, nye ken jan tswa ye e sojunye. Ma chu m a sen me e kpèn kǝ́n a chu be mò ena ra.” 16Kǝnggwa ge du bè nyo be vǝ́ a je mo àtá kǝ́n ekpènm hon. 17Enona, binbin mo be e twanga ken chá Sostano, chu mo àtá chuefǝnm hon nè bu ye mò a chafya mo àtá kǝ́n ekpènm. Tea Galio è ka ye ra.
Bulu è twabǝ ken a Antakiya a sǝnsen mo Siriya
18Bulu è beti bishi a Korinti mo ekpengga àywá nè dwa be nwenjwa adi Kristi kèn, kǝnggwa gè kwa ngga ngge Biskila tangge Akila, bè ken a sǝnsen mo Siriya. Gè hwi chu mbwe a Kankiriya sangǝ́, evǝa ge e tú jan ge bwe defǝ ara efan a gè fan a zǝn Ehwya. 19Atan a bè kengga a Afisa zǝn a be kwaju ngge Biskila tangge Akila ángá, gè kwashi a àtá chuefǝnm, nè jan fwa ngge be ya a Yahuda. 20Atan a be bgó ye jan ge e beti e bishi ngge be ángá, gè se ye. 21Tea ge dwa be kèn nè jan, “Ma bwa a zǝn nye efwe ano Ehwya cha ara dwa.” Kǝnggwa ge kwa ngga nè gwa Afisa. 22Atan a gè kengga a Kesariya, gè vǝ́ bi be nwenjwa fwa a Urishelima sangǝ́ gè chà shi a Antakiya.
23Chashin a gè no ara a zǝn mo tsǝnò fà ángá, Bulu è nya nè ken kwa be efa mo ya a Galati ngge Firijiya nè no janbon be ya ekǝ̀n-etsǝ́m tsuruku anga.
Apolo è du edgon a chu Fwa Esese a Afisa
24Atan enò, ya a Yahuda akan, bè fǝ́ ye anga Apolo nobǝ a Alezandiriya, è bwa no a Afisa. Gè no nobǝ e jan yi fwa àywá nè yise be Fwaebam no àywá gaten. 25Bè tú se ara ye abu fwa mo Etsodwe no ángá, ngge tsuruku akan, gè jan be nobǝ fwa nè tú be mò a chu Yeso ken tén adi ebi, bi adi a gè yi kpwà fwa a chu batisǝma mo Yohana ángá. 26Gè kwa ara be moetum a àtá chuefǝnm nè tsen ye etsentsen ra. Atan a Biskila ngge Akila è fo ye ángá, bè fǝ́ ye dwa ken a buetkwa nè jan seshi ye fwa a chu efwa e tú abu Ehwya dgyan be nobǝ be ba ye ángá.
27Atan a Apolo è nda anga ge e pe e nyi è vǝ́ a Akaya ángá, be nwenjwa adi Kristi a Afisa è janbon ye ekǝ̀n nè bá afketa chí no ye ge e ti no be ya ekǝ̀n-etsǝ́m ya è no a zǝn ángá, jan be e cha ye bu fà. Atan a gè kengga a Akaya ángá, gè bwejwa be ya è tsǝ́ ara ekǝ̀n ángá, adi esese mo Ehwya. 28Gè twa efyan echakpokpo ngge be ya a Yahuda nè devǝ́ a chu be chafya mo be nobǝ nè no tú se be nó anga adi efka mo be Fwaebam jan Yeso na Kristi hon.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation