Be Mochi 17
17
Bulu è tú mò a Tasalonika
1Bulu ngge Sila è tkukwa gu be eten mo Ampiboli ngge Apoliniya nè bwangga a Tasalonika, zǝn a àtá chuefǝnm mo be ya a Yahuda è no ángá. 2Bulu è kwashi a tswa àtá chuefǝnm hon abu ge bwe bwi anga. Gè ti Nò nya Etkem ta tuvǝ, nè no shi anga a zǝn, evǝa a ge ngge be nobǝ be e ká e yi seshi fwa e no adi be Fwaebam ángá. 3Gè jan be fwa nè tú seshi be jan, ne no ara kenm a Kristi a ngǝ ekan, na nyi etkyen a dì. Gè jan, “Yeso hon ena a m jan nye fwa mbwe anga na, a Kristi hon.” 4Bè vǝ tsuruku mo be ya a Yahuda ya ehwyà bwa chadwa a chu fwa a Bulu ngge Sila è jan anga. Enò gaten be ya a Girka embo ya è tsen Ehwya, tangge be ndegwa ya edgwa embo, è chadwa èé be.
5Tea be ya a Yahuda e ngǝ engǝbgen, enona, bè fǝ́ fǝn be ya chu echam ya è dwa a tswa afyan nè kwa ara etkekàn etkem a tswa eten efifi hon. Bè tse ken a mbwe Yason nè tkunda Bulu ngge Sila evǝa be e vǝ be e gwa a je a zǝn be nobǝ embo è no ángá. 6Tea atan a bè ben be be a zǝn ra ángá, bè vǝ be Yason ngge be ya ekǝ̀n-etsǝ́m ya è no a zǝn ángá, gwa a je nè kpu be ken a zǝn be chutì mo eten. Bè tandwa jan, “Be ya ena, a be ya è tke etkekàn twa chagwa chagwa mo zǝnchaje anga, bè bwangga ara tswa eten efifi mo je gaten, 7Yason cha be kwa no a mu ye. Be mò a be bwe anga na, defǝ be ngge be edon mo Kaisa ra, adia be jan anga jan ne, tì efki no a be fǝ́ anga, Yeso ángá.” 8Atan a be fo enò anga, be nobǝ a tswa eten ngge be chutì mo be, è fku tsuruku. 9Ekǝnggwa ekpenkǝ́n hon è fa Yason ngge be ya ekǝ̀n-etsǝ́m hon, jan be e kpwa e cha chu be ngge tse nwone a be ti twanga a no be efwe ano be bwe be edan efki ra.
Bulu ngge Sila a Beriya
10Abu zǝn è shi re enó, be ya ekǝ̀n-etsǝ́m è du be Bulu ngge Sila è vǝ kèn nya a Beriya. Atan a bè bwangga a zǝn ángá, bè ken a àtá chuefǝnm mo ya a Yahuda. 11Be ya Beriya è tkyan be ya a Tasalonika, bè no be nobǝ chìchì adia bè cha Fwa Esese hon a tswa edgyan àywá. Bè ká seshi be Fwaebam ènò ngge etsǝ evǝa be e di ti ara ano fwa hon a Bulu è jan be anga no ebi ne. 12Be ya a Yahuda hon embo è tsǝ́ekǝ̀n, ngge be ndegwa ya egǝ̀n a Girka tangge be ndedon ya a Girka embo gaten.
13Tea atan a be ya a Yahuda a Tasalonika è fo jan be Bulu è no du edgon mo fwa mo Ehwya anga a Beriya ángá, bè bwa a zǝn èé be, be no tú be nobǝ etsǝn anga nè no chifkon be nobǝ ekǝ̀n anga. 14Kè akan, be ya ekǝ̀n-etsǝ́m è du Bulu nya tén enyam shi a tón sǝn, tea Sila ngge Timoti è ndnyano m̀ mo be a Beriya. 15Be ya è du Bulu efǝ ángá, è ken tén ngge ge ti kengga a Atina. Atan a be ya hon è twabǝ nyabwa ángá, Bulu è té be etsǝn jan be e jan Timoti ngge Sila jan be e bwa e sanshi, abu be e ben ye a zǝn.
Bulu du edgon a chu Fwa Esese a Atina
16A Bulu è no nobà be anga a Atina ángá, tsuruku mbwe è bgen àywá adia gè di be musen e mboshi tswa eten efifi hon. 17Enona, gè ken a àtá chuefǝnm evǝa ge e tkuvǝ ngge be ya a Yahuda tangge be Girka ya è tsen Ehwya anga. Gè ken afyan nogwa nogwa gaten evǝa gè jan fwa ngge be ya gè ben a zǝn ángá. 18Be etso mo be ya moyiyi a bè fǝ́ anga, be Apikuru ngge Sǝtoki ángá, è bwa ben ye nè kwa ara efyan etwam ngge ge. Be ya ehwyà è ká eka jan, “Mò hon a ya vǝ etkushwam ena nda anga ga jan ángá a ano?” Ya ehwyà jan, “No abu ge jan fwa anga a chu be ehwyá a je yi je ra ángá.” Bè jan enò adia Bulu è du edgon mo Fwa Esese a chu Yeso ngge ezǝbwam mbwe a dì anga.
19Ekǝnggwa, bè ti ye ken a zǝn a be atkwentì mo eten efifi hon, è fǝn bwi anga, a bè fǝ́ anga Ariyopagu, nè jan ye jan, “Je nda anga je e yi mò a chu moetum efwe a o tú anga na, 20adia mò a o ti bwa anga na, no efwe a zǝn je, je nda anga je e yi engà mo be.” 21(Be jan enò adia, binbin mo be ya a Atina ngge be ya echan ya è no a zǝn ángá, è bwe be mò akan anga ra tea bè no kpwà adi fwa ejanwim ngge tón ebum a chu be fwa efwe hon anga.)
22Enona, Bulu è ywa etkyen a tswa engga mo be Ariyopagu hon, nè jan, “Be ya a Atina, m di jan adi be egwa egwa mo efǝ nye chakpo no adi be efen efenm. 23Adia abu m̀ ba be zǝn ken anga a tswa eten mo nye ángá, m̀ di be mò a nye fen anga, m di èé ten-ebgo akan a be bá jan, ena a evə mo ehwya a be yi be ye ra ángá. Mò hon a nye fen, abu nye yi nye ye ra ángá, a a ge hon a m du edgon a chu mo nó ángá.
24“Ga Ehwya hon nwene è mmò zǝnchaje ngge be mò binbin e dwa a tswa mo nó ángá, ga Etsodwe mo zǝn a kpe ngge zǝnchaje. Ge no ye anga a tswa be àtá a be nobǝ mbwe ngge kpwabu anga ra. 25Ge nda ye ebwejwam anga a zǝn nobǝ ra, ge nda ni ye mò anga ra, adia ge e chu ye no binbin mo be nobǝ nya, nya enyam ngge binbin mo be mò a be nda anga a ge. 26Tke a chu nobǝ akan, gè mmò gu be efi binbin, jan be e dwa embo zǝnchaje, nè kwafya nyi ara be ekpengga mo be tangge be fǝte mo sǝnsen mo be abu ba no zǝno ángá. 27Ehwya è bwe mò ena evǝa be nobǝ be e tku e nda ye, ngge be e yi ye, ehwyà ba ben ye, bi adia ge dgyen ye zǝn a zǝn egwa egwa mo je ra ángá. 28‘Adia a chu ye je je no angǝ, je chìju ngge je no m̀ mo je.’ Èé abu be ya bón etsonm mo nye ya ehwyà jan ara jan, ‘Ja be ebi mbwe.’
29“Adia ja be ebi mo Ehwya, je e ka je jan Ehwya hon no abu zinariya, azufa eno e ra ten ángá ra. Tú anga, mo evǝ́m a nobǝ bwe a ge adi enggaton mo mò ebwem mbwe ángá. 30Ekpe ekpe Ehwya è bon-ekǝ̀n ngge be nobǝ adia be yi be ye ra tea asuswana ge du egwa egwa ngge a tswagwa a tswagwa be e twa etwa mo be ebgen mo be. 31Adia ge nyi ara nò akan nwone a ga kpèn be nobǝ a tswa zǝnchaje kǝ́n ebi. Nobǝ hon nwene a kpèn kǝ́n hon ángá, a nwene a gè swa ara. Gè tú ara egwa egwa nó adi etivǝm mo ende hon, Yeso a gè ti gwa a je a dì ángá.”
32Atan a bè fo Bulu jan fwa a chu ezǝbwam a dì ángá, be ya ehwyà tson ye tsen edifu tea ya ehwyà jan, “Je dgyan anga je e fo e bishi fwa a chu ezǝbwam a dì ena a zǝn o efwe.” 33A be jan ara enò ángá, Bulu è vǝ́ a je nè nyagwa be. 34Tea ya ehwyà è twabǝ bwa ba Bulu, nè tsǝ́ekǝ̀n a chu Ehwya. Engga mo be, a be Diyonisiyu, ge no akan a tswa mo be atkwenti hon ngge ndegwa akan a bè fǝ́ ye anga Damari, ngge be nobǝ ya ehwyà.
Currently Selected:
Be Mochi 17: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 17
17
Bulu è tú mò a Tasalonika
1Bulu ngge Sila è tkukwa gu be eten mo Ampiboli ngge Apoliniya nè bwangga a Tasalonika, zǝn a àtá chuefǝnm mo be ya a Yahuda è no ángá. 2Bulu è kwashi a tswa àtá chuefǝnm hon abu ge bwe bwi anga. Gè ti Nò nya Etkem ta tuvǝ, nè no shi anga a zǝn, evǝa a ge ngge be nobǝ be e ká e yi seshi fwa e no adi be Fwaebam ángá. 3Gè jan be fwa nè tú seshi be jan, ne no ara kenm a Kristi a ngǝ ekan, na nyi etkyen a dì. Gè jan, “Yeso hon ena a m jan nye fwa mbwe anga na, a Kristi hon.” 4Bè vǝ tsuruku mo be ya a Yahuda ya ehwyà bwa chadwa a chu fwa a Bulu ngge Sila è jan anga. Enò gaten be ya a Girka embo ya è tsen Ehwya, tangge be ndegwa ya edgwa embo, è chadwa èé be.
5Tea be ya a Yahuda e ngǝ engǝbgen, enona, bè fǝ́ fǝn be ya chu echam ya è dwa a tswa afyan nè kwa ara etkekàn etkem a tswa eten efifi hon. Bè tse ken a mbwe Yason nè tkunda Bulu ngge Sila evǝa be e vǝ be e gwa a je a zǝn be nobǝ embo è no ángá. 6Tea atan a bè ben be be a zǝn ra ángá, bè vǝ be Yason ngge be ya ekǝ̀n-etsǝ́m ya è no a zǝn ángá, gwa a je nè kpu be ken a zǝn be chutì mo eten. Bè tandwa jan, “Be ya ena, a be ya è tke etkekàn twa chagwa chagwa mo zǝnchaje anga, bè bwangga ara tswa eten efifi mo je gaten, 7Yason cha be kwa no a mu ye. Be mò a be bwe anga na, defǝ be ngge be edon mo Kaisa ra, adia be jan anga jan ne, tì efki no a be fǝ́ anga, Yeso ángá.” 8Atan a be fo enò anga, be nobǝ a tswa eten ngge be chutì mo be, è fku tsuruku. 9Ekǝnggwa ekpenkǝ́n hon è fa Yason ngge be ya ekǝ̀n-etsǝ́m hon, jan be e kpwa e cha chu be ngge tse nwone a be ti twanga a no be efwe ano be bwe be edan efki ra.
Bulu ngge Sila a Beriya
10Abu zǝn è shi re enó, be ya ekǝ̀n-etsǝ́m è du be Bulu ngge Sila è vǝ kèn nya a Beriya. Atan a bè bwangga a zǝn ángá, bè ken a àtá chuefǝnm mo ya a Yahuda. 11Be ya Beriya è tkyan be ya a Tasalonika, bè no be nobǝ chìchì adia bè cha Fwa Esese hon a tswa edgyan àywá. Bè ká seshi be Fwaebam ènò ngge etsǝ evǝa be e di ti ara ano fwa hon a Bulu è jan be anga no ebi ne. 12Be ya a Yahuda hon embo è tsǝ́ekǝ̀n, ngge be ndegwa ya egǝ̀n a Girka tangge be ndedon ya a Girka embo gaten.
13Tea atan a be ya a Yahuda a Tasalonika è fo jan be Bulu è no du edgon mo fwa mo Ehwya anga a Beriya ángá, bè bwa a zǝn èé be, be no tú be nobǝ etsǝn anga nè no chifkon be nobǝ ekǝ̀n anga. 14Kè akan, be ya ekǝ̀n-etsǝ́m è du Bulu nya tén enyam shi a tón sǝn, tea Sila ngge Timoti è ndnyano m̀ mo be a Beriya. 15Be ya è du Bulu efǝ ángá, è ken tén ngge ge ti kengga a Atina. Atan a be ya hon è twabǝ nyabwa ángá, Bulu è té be etsǝn jan be e jan Timoti ngge Sila jan be e bwa e sanshi, abu be e ben ye a zǝn.
Bulu du edgon a chu Fwa Esese a Atina
16A Bulu è no nobà be anga a Atina ángá, tsuruku mbwe è bgen àywá adia gè di be musen e mboshi tswa eten efifi hon. 17Enona, gè ken a àtá chuefǝnm evǝa ge e tkuvǝ ngge be ya a Yahuda tangge be Girka ya è tsen Ehwya anga. Gè ken afyan nogwa nogwa gaten evǝa gè jan fwa ngge be ya gè ben a zǝn ángá. 18Be etso mo be ya moyiyi a bè fǝ́ anga, be Apikuru ngge Sǝtoki ángá, è bwa ben ye nè kwa ara efyan etwam ngge ge. Be ya ehwyà è ká eka jan, “Mò hon a ya vǝ etkushwam ena nda anga ga jan ángá a ano?” Ya ehwyà jan, “No abu ge jan fwa anga a chu be ehwyá a je yi je ra ángá.” Bè jan enò adia Bulu è du edgon mo Fwa Esese a chu Yeso ngge ezǝbwam mbwe a dì anga.
19Ekǝnggwa, bè ti ye ken a zǝn a be atkwentì mo eten efifi hon, è fǝn bwi anga, a bè fǝ́ anga Ariyopagu, nè jan ye jan, “Je nda anga je e yi mò a chu moetum efwe a o tú anga na, 20adia mò a o ti bwa anga na, no efwe a zǝn je, je nda anga je e yi engà mo be.” 21(Be jan enò adia, binbin mo be ya a Atina ngge be ya echan ya è no a zǝn ángá, è bwe be mò akan anga ra tea bè no kpwà adi fwa ejanwim ngge tón ebum a chu be fwa efwe hon anga.)
22Enona, Bulu è ywa etkyen a tswa engga mo be Ariyopagu hon, nè jan, “Be ya a Atina, m di jan adi be egwa egwa mo efǝ nye chakpo no adi be efen efenm. 23Adia abu m̀ ba be zǝn ken anga a tswa eten mo nye ángá, m̀ di be mò a nye fen anga, m di èé ten-ebgo akan a be bá jan, ena a evə mo ehwya a be yi be ye ra ángá. Mò hon a nye fen, abu nye yi nye ye ra ángá, a a ge hon a m du edgon a chu mo nó ángá.
24“Ga Ehwya hon nwene è mmò zǝnchaje ngge be mò binbin e dwa a tswa mo nó ángá, ga Etsodwe mo zǝn a kpe ngge zǝnchaje. Ge no ye anga a tswa be àtá a be nobǝ mbwe ngge kpwabu anga ra. 25Ge nda ye ebwejwam anga a zǝn nobǝ ra, ge nda ni ye mò anga ra, adia ge e chu ye no binbin mo be nobǝ nya, nya enyam ngge binbin mo be mò a be nda anga a ge. 26Tke a chu nobǝ akan, gè mmò gu be efi binbin, jan be e dwa embo zǝnchaje, nè kwafya nyi ara be ekpengga mo be tangge be fǝte mo sǝnsen mo be abu ba no zǝno ángá. 27Ehwya è bwe mò ena evǝa be nobǝ be e tku e nda ye, ngge be e yi ye, ehwyà ba ben ye, bi adia ge dgyen ye zǝn a zǝn egwa egwa mo je ra ángá. 28‘Adia a chu ye je je no angǝ, je chìju ngge je no m̀ mo je.’ Èé abu be ya bón etsonm mo nye ya ehwyà jan ara jan, ‘Ja be ebi mbwe.’
29“Adia ja be ebi mo Ehwya, je e ka je jan Ehwya hon no abu zinariya, azufa eno e ra ten ángá ra. Tú anga, mo evǝ́m a nobǝ bwe a ge adi enggaton mo mò ebwem mbwe ángá. 30Ekpe ekpe Ehwya è bon-ekǝ̀n ngge be nobǝ adia be yi be ye ra tea asuswana ge du egwa egwa ngge a tswagwa a tswagwa be e twa etwa mo be ebgen mo be. 31Adia ge nyi ara nò akan nwone a ga kpèn be nobǝ a tswa zǝnchaje kǝ́n ebi. Nobǝ hon nwene a kpèn kǝ́n hon ángá, a nwene a gè swa ara. Gè tú ara egwa egwa nó adi etivǝm mo ende hon, Yeso a gè ti gwa a je a dì ángá.”
32Atan a bè fo Bulu jan fwa a chu ezǝbwam a dì ángá, be ya ehwyà tson ye tsen edifu tea ya ehwyà jan, “Je dgyan anga je e fo e bishi fwa a chu ezǝbwam a dì ena a zǝn o efwe.” 33A be jan ara enò ángá, Bulu è vǝ́ a je nè nyagwa be. 34Tea ya ehwyà è twabǝ bwa ba Bulu, nè tsǝ́ekǝ̀n a chu Ehwya. Engga mo be, a be Diyonisiyu, ge no akan a tswa mo be atkwenti hon ngge ndegwa akan a bè fǝ́ ye anga Damari, ngge be nobǝ ya ehwyà.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation