Be Mochi 14
14
Bulu ngge Banaba a tswa eten Ekoniya
1A Ekoniya, Bulu ngge Banaba è ken kwashi a àtá chuefǝnm mo be ya a Yahuda abu be bwe bwi anga. A zǝn hon, bè jan fwa àywá nwone è du be ya a Yahuda ngge be ya e fwa be ya a Yahuda ra ángá embo, tsǝ́ekǝ̀n. 2Tea be ya a Yahuda ya è se be e tsǝ́ekǝ̀n ángá, è tú be ya e fwa be ya a Yahuda ra ángá etsǝn, nè du be bè vǝ́ engo a chu be ya ekǝ̀n-etsǝ́m hon. 3Enona, Bulu ngge Banaba è no dgyenfon a tswa eten hon nè no du edgon mo fwa mo Ehwya anga ngge echakpo. Ehwya è tú jan Fwa Esese mbwe a bè jan anga ne no ebi, adi echakpo a gè no be, be e ti bwe be echi ngge be moeditanm ángá. 4Tea be nobǝ a tswa eten efifi hon è nggakwa ara adi fwa ekam mo be. Be ya ehwyà è chadwa ngge be ya a Yahuda, ehwyà è chadwa ngge be etsonchi. 5Be ya ehwyà ya è fwa be ya a Yahuda ra ngge be ya a Yahuda tangge be nobǝ echa mo be è té fuchin abu be e tswa be ekan ngge be e twa e gu be ngge ten. 6Tea atan a Bulu ngge Banaba è bwa yi ara mò hon, bè tse ken chá be eten efifi a Listra ngge Dabe be eten efifi mo Likoniya, tangge efa è ngàhwya be ángá, 7A zǝn, bè chungǝ́shi adi edgon mo Fwa Esese edum.
Bulu ngge Banaba a tswa Listira ngge Dabe
8A Listra, nobǝ akan a bè mbwa ye ngge be fu engǝfǝfǝ éè chà ken didi ye kèn ra, è no a zǝn. 9Gè no buton fo Bulu abu gè jan fwa anga. Bulu è nggwa ye fǝzǝn no a ju, nè di jan ge no ngge chaebi a be e ma e tswa ye, 10enona Bulu è fǝ́dwa ngge echakpo jan, “Ywa etkyen a chu kpwafu mbo.” Adi efom enò, nobǝ hon, è fǝ efǝ nyi etkyen nè kwa ara kèn ekenm.
11Atan a be nobǝ embo è di mò a Bulu è bwe ángá, bè tandwa adi hwi Likoniya jan, “Be ehwyá shwa ara a sen a zǝn je adi ekǝnjuju mo nobǝ.” 12Bè tso Banaba ti jan Zayu nè tso Bulu ti jan Hamisa, adia gè no chu mo fwa ejanm a ge ángá. 13Ekǝ́n-sen mo Zayu, a musen mbwe è no tenten chashin mo eten ángá, è kpu be ndwa ndedon ekeke ngge be kpimo tivǝ́ nyi a fǝtsǝmo mo eten efifi hon adia a ge ngge be nobǝ embo è nda anga be e no be etsonchi hon mò etinom.
14Tea atan a be etsonchi, Banaba ngge Bulu, è fo mò hon ena ángá, bè vǝngga mokàn mo be a tswa tsuruku ebgenm nè tse ken kwa a tswa engga mo be, nè jan be jan, 15“Be ndedon, ano bwe a ge nye bwe mò abu ena? A je ja be nobǝ abu nye gaten. Je ti Fwa Esese bwa nye, je jan nye anga jan nye e twanga chashin e no be mokukwa e dwana. Nye e twabǝ e bwa a zǝn Ehwya e no ngge nya, nwone è mmò kpe ngge zǝn a sen, ngge sǝn, tangge be mò binbin e dwa a tswa mo be ángá. 16Ekpe ekpe gè gwa be efi binbin bwe mò a bè dgyan anga. 17Bi adi enò, gè chà twagwa didi ye chu ye jan ge fwa ye ngge echi ra ra, ge bwe be mò esese, ge no nye chù nwene e bwa shwa chá kpe ngge be mowa adi ekpengga mo be. Ge no nye mode àywá n du nye, nye mbo ngge vǝtsen a tsuruku mo nye.” 18Bi adi be fwa ena, enì è fu be Bulu sangǝ́ be chà jangga e ti be nobǝ embo hon adi mò etinom hon.
19Ekǝnggwa be ya a Yahuda ya ehwyà éè vǝ chà Antakiya ngge Ekoniya bwa ángá, è bwa bwe twanga tsuruku mo be nobǝ embo hon, bè segwa be Bulu. Bè twa Bulu ten nè vǝkpon ye vǝ́ a je mo eten hon, nè ka anga jan ge fǝ ara. 20Tea atan a be ya ekǝ̀n-etsǝ́m è fǝn ngàhwya ye ángá, gè nyi etkyen nè kwashi a tswa eten efifi hon. Zǝn ngga re mo nó, a ge ngge Banaba è gwa eten efifi hon nè ken a Dabe.
Bulu ngge Banaba twabǝ ken a Antakiya a sǝnsen mo Siriya
21Atan a bè jan fwa ara Fwa Esese a eten efifi a Dabe ángá, be nobǝ embo è tsǝ́ekǝ̀n a chu Ehwya. Ekǝnggwa bè twabǝ ken chá Listra, Ekoniya tangge Antakiya, 22nè no janbon be ya ekǝ̀n-etsǝ́m tsuruku, jan be e chu e ngǝ́shi adi chaebi mo be. Bè no jan anga, “Ge no ara kenm jan a je ya ekǝ̀n-etsǝ́m ja ngǝ ekan àywá sangǝ́ je chà a kwa a tswa zǝnotì mo Ehwya.” 23Bulu ngge Banaba è swa be echikǝ̀n be e no a tswa be egwa egwa mo àtá aduwa. Bè bgó ebgo nè tse vǝ nè kpu be du a bu mo Etsodwe evǝa ge e bwe e jwa be ya ekǝ̀n-etsǝ́m, be e no a tswa chaebi ngge ge e dgon be adia be tsǝ́ ara ekǝ́n a chu ye ángá. 24Kǝnggwa a bè twabǝ nya anga, bè kpo chá sǝnsen mo Bisidiya, nè chà ken a sǝnsen mo Pamfiliya. 25Atan a bè jan ara Fwa Esese a Pega ángá, bè ken shi a Ataliya.
26Bè gwa Ataliya nè kwa ngga ken a Antakiya, zǝn a bè kpu Bulu ngge Banaba hon du adi esese mo Ehwya a chu mochi hon, a bè chà bwe fwa re na. 27Abu bè bwangga a tswa Antakiya ángá, bè fǝ́ fǝn be ya è ba Yeso anga dwa, a zǝn akan, nè jan gu be mò a Ehwya bwe chá bu mo be, ngge abu Ehwya è fkigwa be ya e fwa be ya a Esǝrela ra efwa, bè tsǝ́ekǝ̀n a chu ye ángá gaten. 28Bè no dgyenfon a zǝn ngge be ya è ba Yeso anga.
Currently Selected:
Be Mochi 14: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 14
14
Bulu ngge Banaba a tswa eten Ekoniya
1A Ekoniya, Bulu ngge Banaba è ken kwashi a àtá chuefǝnm mo be ya a Yahuda abu be bwe bwi anga. A zǝn hon, bè jan fwa àywá nwone è du be ya a Yahuda ngge be ya e fwa be ya a Yahuda ra ángá embo, tsǝ́ekǝ̀n. 2Tea be ya a Yahuda ya è se be e tsǝ́ekǝ̀n ángá, è tú be ya e fwa be ya a Yahuda ra ángá etsǝn, nè du be bè vǝ́ engo a chu be ya ekǝ̀n-etsǝ́m hon. 3Enona, Bulu ngge Banaba è no dgyenfon a tswa eten hon nè no du edgon mo fwa mo Ehwya anga ngge echakpo. Ehwya è tú jan Fwa Esese mbwe a bè jan anga ne no ebi, adi echakpo a gè no be, be e ti bwe be echi ngge be moeditanm ángá. 4Tea be nobǝ a tswa eten efifi hon è nggakwa ara adi fwa ekam mo be. Be ya ehwyà è chadwa ngge be ya a Yahuda, ehwyà è chadwa ngge be etsonchi. 5Be ya ehwyà ya è fwa be ya a Yahuda ra ngge be ya a Yahuda tangge be nobǝ echa mo be è té fuchin abu be e tswa be ekan ngge be e twa e gu be ngge ten. 6Tea atan a Bulu ngge Banaba è bwa yi ara mò hon, bè tse ken chá be eten efifi a Listra ngge Dabe be eten efifi mo Likoniya, tangge efa è ngàhwya be ángá, 7A zǝn, bè chungǝ́shi adi edgon mo Fwa Esese edum.
Bulu ngge Banaba a tswa Listira ngge Dabe
8A Listra, nobǝ akan a bè mbwa ye ngge be fu engǝfǝfǝ éè chà ken didi ye kèn ra, è no a zǝn. 9Gè no buton fo Bulu abu gè jan fwa anga. Bulu è nggwa ye fǝzǝn no a ju, nè di jan ge no ngge chaebi a be e ma e tswa ye, 10enona Bulu è fǝ́dwa ngge echakpo jan, “Ywa etkyen a chu kpwafu mbo.” Adi efom enò, nobǝ hon, è fǝ efǝ nyi etkyen nè kwa ara kèn ekenm.
11Atan a be nobǝ embo è di mò a Bulu è bwe ángá, bè tandwa adi hwi Likoniya jan, “Be ehwyá shwa ara a sen a zǝn je adi ekǝnjuju mo nobǝ.” 12Bè tso Banaba ti jan Zayu nè tso Bulu ti jan Hamisa, adia gè no chu mo fwa ejanm a ge ángá. 13Ekǝ́n-sen mo Zayu, a musen mbwe è no tenten chashin mo eten ángá, è kpu be ndwa ndedon ekeke ngge be kpimo tivǝ́ nyi a fǝtsǝmo mo eten efifi hon adia a ge ngge be nobǝ embo è nda anga be e no be etsonchi hon mò etinom.
14Tea atan a be etsonchi, Banaba ngge Bulu, è fo mò hon ena ángá, bè vǝngga mokàn mo be a tswa tsuruku ebgenm nè tse ken kwa a tswa engga mo be, nè jan be jan, 15“Be ndedon, ano bwe a ge nye bwe mò abu ena? A je ja be nobǝ abu nye gaten. Je ti Fwa Esese bwa nye, je jan nye anga jan nye e twanga chashin e no be mokukwa e dwana. Nye e twabǝ e bwa a zǝn Ehwya e no ngge nya, nwone è mmò kpe ngge zǝn a sen, ngge sǝn, tangge be mò binbin e dwa a tswa mo be ángá. 16Ekpe ekpe gè gwa be efi binbin bwe mò a bè dgyan anga. 17Bi adi enò, gè chà twagwa didi ye chu ye jan ge fwa ye ngge echi ra ra, ge bwe be mò esese, ge no nye chù nwene e bwa shwa chá kpe ngge be mowa adi ekpengga mo be. Ge no nye mode àywá n du nye, nye mbo ngge vǝtsen a tsuruku mo nye.” 18Bi adi be fwa ena, enì è fu be Bulu sangǝ́ be chà jangga e ti be nobǝ embo hon adi mò etinom hon.
19Ekǝnggwa be ya a Yahuda ya ehwyà éè vǝ chà Antakiya ngge Ekoniya bwa ángá, è bwa bwe twanga tsuruku mo be nobǝ embo hon, bè segwa be Bulu. Bè twa Bulu ten nè vǝkpon ye vǝ́ a je mo eten hon, nè ka anga jan ge fǝ ara. 20Tea atan a be ya ekǝ̀n-etsǝ́m è fǝn ngàhwya ye ángá, gè nyi etkyen nè kwashi a tswa eten efifi hon. Zǝn ngga re mo nó, a ge ngge Banaba è gwa eten efifi hon nè ken a Dabe.
Bulu ngge Banaba twabǝ ken a Antakiya a sǝnsen mo Siriya
21Atan a bè jan fwa ara Fwa Esese a eten efifi a Dabe ángá, be nobǝ embo è tsǝ́ekǝ̀n a chu Ehwya. Ekǝnggwa bè twabǝ ken chá Listra, Ekoniya tangge Antakiya, 22nè no janbon be ya ekǝ̀n-etsǝ́m tsuruku, jan be e chu e ngǝ́shi adi chaebi mo be. Bè no jan anga, “Ge no ara kenm jan a je ya ekǝ̀n-etsǝ́m ja ngǝ ekan àywá sangǝ́ je chà a kwa a tswa zǝnotì mo Ehwya.” 23Bulu ngge Banaba è swa be echikǝ̀n be e no a tswa be egwa egwa mo àtá aduwa. Bè bgó ebgo nè tse vǝ nè kpu be du a bu mo Etsodwe evǝa ge e bwe e jwa be ya ekǝ̀n-etsǝ́m, be e no a tswa chaebi ngge ge e dgon be adia be tsǝ́ ara ekǝ́n a chu ye ángá. 24Kǝnggwa a bè twabǝ nya anga, bè kpo chá sǝnsen mo Bisidiya, nè chà ken a sǝnsen mo Pamfiliya. 25Atan a bè jan ara Fwa Esese a Pega ángá, bè ken shi a Ataliya.
26Bè gwa Ataliya nè kwa ngga ken a Antakiya, zǝn a bè kpu Bulu ngge Banaba hon du adi esese mo Ehwya a chu mochi hon, a bè chà bwe fwa re na. 27Abu bè bwangga a tswa Antakiya ángá, bè fǝ́ fǝn be ya è ba Yeso anga dwa, a zǝn akan, nè jan gu be mò a Ehwya bwe chá bu mo be, ngge abu Ehwya è fkigwa be ya e fwa be ya a Esǝrela ra efwa, bè tsǝ́ekǝ̀n a chu ye ángá gaten. 28Bè no dgyenfon a zǝn ngge be ya è ba Yeso anga.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation