Be Mochi 13
13
Bè tson Banaba ngge Shawulu chí be e ken e du edgon
1A tswa engga mo be ya ekǝ̀n-etsǝ́m ya è no a Antakiya ángá, a be efojan ngge be etumo. Banaba, Simiyon nwene a bè fǝ́ anga Ebǝbǝ ngge Lukiya ya a Sirini, ngge Manayan (nwene a bè fyo ye abibi ngge Tì Hiridu) ngge Shawulu. 2Abu bè no fen Etsodwe nè no tsevǝ anga ángá, Engǝ́ mo Ehwya è jan be jan, “Nye e tsǝ̀pe Banaba ngge Shawulu e no m, adi mochi a m fǝ́ ara be dwa be e bwe ángá.” 3Enona, atan a bè tse fwa ara vǝ ángá, bè bgó ebgo nè tu Banaba ngge Shawulu bu a chu, nè tson be nya.
Banaba ngge Shawulu è du edgon a Sayifuru
4Kǝnggwa Engǝ́ mo Ehwya è du Banaba ngge Shawulu shi a Sulukiya, a zǝn a bè kwa ngga a mbǝ shi a Sayifuru. 5Atan a bè kengga a Salami ángá, bè du edgon mo fwa mo Ehwya a tswa àtá chuefǝnm mo be ya a Yahuda. Yohana è no ngge be abu ebwejwa mo be.
6Bè tkukwa gu be ebin etù hon nè kengga a Bafusa. A zǝn, bè ben so ngge nobǝ akan ya a Yahuda, ya bwi etsonm, efojan fwafe. Bè fǝ́ ye anga Ba-Yeso, 7gè no anga ngge Gomna Saju Bulu. Gomna hon, è no ya enggaton, gè tson be e fǝ́ Banaba ngge Shawulu dwa adia gè dgyan anga ge e fo fwa mo Ehwya. 8Tea Alima, ya bwi etsonm akan hon (eni a engà mo ti adi hwi Girka) è tkyan ge e dòn Banaba ngge Shawulu ekenm a zǝn gomna. Gè jan gomna jan ge e fo ye fwa mo be etsonchi hon ra, adia gè dgyan ye a gomna hon e tsǝ́ekǝ̀n ra. 9Kǝnggwa Shawulu, a bè fǝ́ ye anga Bulu gaten ángá, è mbo ngge Engǝ́ mo Ehwya nè nggwa Alima a fǝzǝn no a ju, 10nè jan, “A bo wa nwen mo Shetan, ya eze mo binbin mo be mò ya e no ebi ángá. O mbo ngge fwafe ngge engga etem. Wa kpo mbo nya adi etwafwem mo mò eno ebi a chu Etsodwe ra? 11Asuswana Etsodwe twanga chashin no ara o. Wa nga ya fǝzǝn ebwibwi, a ti ekpengga wa di a ben mbo enggasansan mo nò ra.”
Kè akan è-ǝm ngge zǝn etwafǝfǝ è bwipe ye fǝzǝn, gè ti kpwabu mbwe no nda ende a fu nó ne vǝ ye anga. 12Atan a gomna è di mo è bwe ángá, gè tsǝ́ekǝ̀n, nè tàn ebwikpe a chu moetum a chu Yeso Etsodwe.
Bulu è du edgon a Antakiya a sǝnsen mo Bisidiya
13Ekǝnggwa Bulu ngge be ya emmeken mbwe è kwa ngga a Bafusa ken a Pega, zǝn a ngga ndnya bwi anga, e nò adi sǝnsen mo Pamfiliya. A zǝn, Yohana a bè fǝ́ anga Marku, è gwa be nè twabǝ ken a Urishelima. 14Tea Bulu ngge Banaba è gwa eten a Pega nè ken chá Antakiya e no a sǝnsen mo Bisidiya ángá. Nò nya Etkem bè shi a àtá chuefǝnm evǝa be e fen Ehwya. 15Atan a bè ká fwa ara be afketa mo Mosa a be ka bwi anga, ngge mò a be Efojan è bá ángá, be echikǝ̀n mo àtá chuefǝnm hon è tson jan be e jan, “Be nwenjwa, ano nye no ngge fwa a nye jan a bon be nobǝ ekǝ̀n, nye bwa e jan.”
16Enona, Bulu è nyi etkyen, nè ti re bu mbwe etkyen abu be e kpo nya nè jan, “A nye be ya a Esǝrela ngge be ya e fwa be ya a Esǝrela ra ya e tsen Ehwya anga, nye buton nye e fo m. 17Ehwya nwene a je ya a Esǝrela fen anga, è swa be ebǝ ata mo je nè bwe be, be tu bi adi efim ngge chu evǝ́m atan a bè no a Masa ángá, kǝnggwa, ngge be moeditanm echakpokpo, gè du be vǝ́ a je adi eyasǝnsen hon eni. 18Gè bon-ekǝ̀n ngge be a chu be mò a bè bwe anga mo je gwi ndwe (40) a tswa tswavǝ́n. 19Kǝnggwa gè nyonvǝ́ be efi chwen a fà a Ka-ana, a sǝnsen mo be, nè ti sǝnsen hon no ya a Esǝrela abu mofǝ́n mo be. 20Be mò hon ena è ti be je gwé ndwe ngge gwi chwen (450).
“Chashin mo nó, Ehwya è no be be ekpenkǝ́n be e dwatì a chu be ti kengga adi ekpengga mo efojan Samela. 21Kǝnggwa be nobǝ è nda Ehwya nè no be tì. Ehwya è no be Shawulu nwen mo Kishi adi efi mo Beyami, gè dwatì mo je gwi ndwe (40). 22Atan a gè tivǝ́ ara Shawulu adi tì ángá, ge ti Dawuda dwatì a chu be. Ehwya è jan fwa a chu ye jan, ‘M ben ara Dawuda nwen Jesi, nobǝ e dgyan m anga àywá, ga bwe binbin mo be mò a m dgyan ge e bwe ángá.’
23“A tswa be ebi mo ende ena, Ehwya è ti Yeso Etivǝ́ bwa be ya a Esǝrela, abu gè senvǝ ángá. 24Atan a Yeso hon è chà bwa ye ra ángá, Yohana ya Batisǝma è du edgon a zǝn binbin mo ya a Esǝrela jan be e twa etwa evǝa be e bwe be batisǝma. 25Abu Yohana è tén ara ge bwe a gu mochi mbwe ángá, gè ka be nobǝ eka jan, ‘Nye ka anga jan a me ma ara? É yé, a me m fwa m ende nwene a bè jan ga bwa ángá ra. Tea a dgyen ye fon ra ga bwa chashin mam, ende a kpumo a tkyafù mbwe m kǝn m a ma fken ye ra ángá.’
26“Be nwenjwa m ya, mbǝgya mo Ebrayi, ngge a nye be ya e fwa be ya a Esǝrela ra, ya e tsen Ehwya anga, fwa mo ega ena, bè tson nó bwa a zǝn je. 27Be nobǝ a Urishelima ngge be chutì mo be, è di be Yeso abu Etivǝ́ ra. Tea bè kpèn ye kǝ́nfǝ, ngge adi ebwem enò, bè bwekǝ̀n ara be fwa mo be efojan a be ká bwi anga adi egwa egwa mo Nò nya Etkem ángá. 28Bi adia a bè ben be ye ngge edan nwone e kǝn ra be e gu ye ra ángá, bè jan Bilatu ge e du be e gu ye. 29Atan a bè bwe gu ara binbin mo be mò a bè bá a chu ye ángá, bè ti ye shwa a sen a chu eswafǝ hon nè ti ye twà a tswa dì. 30Tea Ehwya ti ye nyi etkyen a dì angǝ hon. 31Tsǝnò embo, gè no tú chu ye anga a zǝn be ya è vǝ ngge ge a Galili bwa Urishelima ángá. Be nga ara be eyifwa mbwe a zǝn be yamuje asuswana.
32“Je jan nye anga Fwa Esese hon, jan mò a Ehwya è senvǝ ngge be ebǝ ata mo je ángá, 33ge bwekǝ̀n ara je nó, a zǝn je be mbǝgya mo be, adia ge ti Yeso gwa ara a je a dì ángá. Abu bè bá nó no adi Afketa mo Bón ebwikwa fà,
“ ‘Wa Nwen m,
Nòmo m nga ara àtà mbo.’
34A chu etkyen enyim mbwe a dì ngge efkwam a gè jan ga fkwa ye ra ángá, Ehwya è jan,
“ ‘Ebi, ma bwe a jwa nye be nobǝ
mam abu m̀ senvǝ ngge Dawuda anga.’
35Ge no ebam chá efki adi bón jan,
“ ‘Wa gwa mbo Echwanwenwen Akan
mbo ge e fkwa a dì ra.’
36“Atan a Dawuda è bwekǝ̀n ara mochi mo Ehwya a gè chà no angǝ ángá, gè fǝ, bè di ye ngge be ebǝ ata mbwe, ekǝnjuju mbwe è fkwa a dì. 37Tea Ende Akan nwene a Ehwya è ti ye nyi etkyen a dì ángá, è fkwa ye ra.
38“Enona, be nwenjwa m ya, m dgyan anga binbin mo nye, nye e yi jan, je jan nye anga jan, Ehwya a gwa a no nye be ebgen mo nye, adi efka mo mò a Yeso è bwe ángá. 39A chu ye gaten, egwa egwa e tsǝ́ekǝ̀n, ben ara ejan-gwam a chu egwa egwa mo be mò, a edon mo Mosa è jan-gwa ti ye nye ra ángá. 40Enona, nye bgeshi fǝzǝn, afwa fwa a Ehwya è jan adi be afketa mo be efojan ángá, a bwe ngge nye. Bè jan,
41“ ‘Di, a nye be ya e janbgen be nobǝ anga,
atan a Ehwya a kpèn nye kǝ́n ángá,
nya di mo ebwikpe ngge nya tkò.
Adia ma bwe mò akan adi ekǝn mo nye,
a nya tsǝ́ nye ekǝ̀n jan ma bwe ángá ra,
èé ano ende akan jan nye.’ ”
42Abu Bulu ngge Banaba è gwa anga a je mo àtá chuefǝnm hon ángá, be nobǝ hon è bgó be jan be e bwa e jan e bishi be fwa a chu mo be mò ena efwe Nò nya Etkem efki e nyabwa ángá. 43Atan a be nobǝ hon è nya gu ara ángá, be ya a Yahuda embo ngge be ya è twanga bwa kwa no nè chifǝ anga adi efen yishwa mo be ya a Yahuda ángá, è ba Bulu ngge Banaba. Be Bulu hon, è janbon be ekǝ̀n jan be e no e kpwà adi shwa enyim a chu esese mo Ehwya.
44A Nò nya Etkem efki è twabǝ bwa ángá, binbin mo be nobǝ a tswa eten efifi hon è bwa fǝn evǝa be e fo fwa mo Ehwya. 45Atan a be ya a Yahuda è di be nobǝ embo hon ángá, bè ngǝ engǝbgen àywá, nè jangben fwa a Bulu è jan anga nè tsu Bulu tutu.
46Ekǝnggwa be Bulu ngge Banaba è jan fwa ngge echakpo jan, “Ehwya è du ara je jan je e kwafya e jan nye fwa mbwe, tea nye segwa ara fwa hon. Nye tú ara jan nye kǝn nye nye e no zǝno e no a fwa efwam ángá ra. Enona, asuswana, je twanga nya ara a zǝn be ya e fwa be ya a Esǝrela ra ángá. 47Adia ena a mò a Etsodwe du je jan,
“ ‘M du o we no enggasansan a zǝn be ya
e fwa be ya a Esǝrela ra ángá,
abu wa no ende nwene a ti fwa mo
nya e no a fwa efwam ken a ngga
ekǝn-etkyen mo zǝnchaje.’ ”
48Atan a be ya e fwa be ya a Esǝrela ra è fo fwa ena ángá, bè shánju àywá nè digǝ̀n fwa mo Etsodwe, ngge binbin mo be ya e no ara jan ba ben nya e no a fwa efwam ángá è tsǝ́ekǝ̀n.
49Fwa mo Etsodwe è kwa kǝ̀n gu efa hon. 50Tea be ya a Yahuda è tú be ndegwa ya egǝ̀n, ya e tsen Ehwya anga ngge be atkwen nobǝ be ndedon mo eten efifi hon etsǝn. Bè du be nobǝ be e tswa Bulu ngge Banaba fí nè nyo be e vǝ́ a je mo efa mo be. 51Enona, atan a Bulu ngge Banaba è bukǝ́n ara abubwi a kpwafu mo be, e tú echi jan fù èé bu mo be dwa a je a chu mò a ben be ángá, bè nya m̀ mo be ken chá Ekoniya. 52Bi adi enò, be ya ekǝ̀n-etsǝ́m a Antakiya è no ngge vǝtsen nè mbo ngge Engǝ́ mo Ehwya.
Currently Selected:
Be Mochi 13: ICH
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation
Be Mochi 13
13
Bè tson Banaba ngge Shawulu chí be e ken e du edgon
1A tswa engga mo be ya ekǝ̀n-etsǝ́m ya è no a Antakiya ángá, a be efojan ngge be etumo. Banaba, Simiyon nwene a bè fǝ́ anga Ebǝbǝ ngge Lukiya ya a Sirini, ngge Manayan (nwene a bè fyo ye abibi ngge Tì Hiridu) ngge Shawulu. 2Abu bè no fen Etsodwe nè no tsevǝ anga ángá, Engǝ́ mo Ehwya è jan be jan, “Nye e tsǝ̀pe Banaba ngge Shawulu e no m, adi mochi a m fǝ́ ara be dwa be e bwe ángá.” 3Enona, atan a bè tse fwa ara vǝ ángá, bè bgó ebgo nè tu Banaba ngge Shawulu bu a chu, nè tson be nya.
Banaba ngge Shawulu è du edgon a Sayifuru
4Kǝnggwa Engǝ́ mo Ehwya è du Banaba ngge Shawulu shi a Sulukiya, a zǝn a bè kwa ngga a mbǝ shi a Sayifuru. 5Atan a bè kengga a Salami ángá, bè du edgon mo fwa mo Ehwya a tswa àtá chuefǝnm mo be ya a Yahuda. Yohana è no ngge be abu ebwejwa mo be.
6Bè tkukwa gu be ebin etù hon nè kengga a Bafusa. A zǝn, bè ben so ngge nobǝ akan ya a Yahuda, ya bwi etsonm, efojan fwafe. Bè fǝ́ ye anga Ba-Yeso, 7gè no anga ngge Gomna Saju Bulu. Gomna hon, è no ya enggaton, gè tson be e fǝ́ Banaba ngge Shawulu dwa adia gè dgyan anga ge e fo fwa mo Ehwya. 8Tea Alima, ya bwi etsonm akan hon (eni a engà mo ti adi hwi Girka) è tkyan ge e dòn Banaba ngge Shawulu ekenm a zǝn gomna. Gè jan gomna jan ge e fo ye fwa mo be etsonchi hon ra, adia gè dgyan ye a gomna hon e tsǝ́ekǝ̀n ra. 9Kǝnggwa Shawulu, a bè fǝ́ ye anga Bulu gaten ángá, è mbo ngge Engǝ́ mo Ehwya nè nggwa Alima a fǝzǝn no a ju, 10nè jan, “A bo wa nwen mo Shetan, ya eze mo binbin mo be mò ya e no ebi ángá. O mbo ngge fwafe ngge engga etem. Wa kpo mbo nya adi etwafwem mo mò eno ebi a chu Etsodwe ra? 11Asuswana Etsodwe twanga chashin no ara o. Wa nga ya fǝzǝn ebwibwi, a ti ekpengga wa di a ben mbo enggasansan mo nò ra.”
Kè akan è-ǝm ngge zǝn etwafǝfǝ è bwipe ye fǝzǝn, gè ti kpwabu mbwe no nda ende a fu nó ne vǝ ye anga. 12Atan a gomna è di mo è bwe ángá, gè tsǝ́ekǝ̀n, nè tàn ebwikpe a chu moetum a chu Yeso Etsodwe.
Bulu è du edgon a Antakiya a sǝnsen mo Bisidiya
13Ekǝnggwa Bulu ngge be ya emmeken mbwe è kwa ngga a Bafusa ken a Pega, zǝn a ngga ndnya bwi anga, e nò adi sǝnsen mo Pamfiliya. A zǝn, Yohana a bè fǝ́ anga Marku, è gwa be nè twabǝ ken a Urishelima. 14Tea Bulu ngge Banaba è gwa eten a Pega nè ken chá Antakiya e no a sǝnsen mo Bisidiya ángá. Nò nya Etkem bè shi a àtá chuefǝnm evǝa be e fen Ehwya. 15Atan a bè ká fwa ara be afketa mo Mosa a be ka bwi anga, ngge mò a be Efojan è bá ángá, be echikǝ̀n mo àtá chuefǝnm hon è tson jan be e jan, “Be nwenjwa, ano nye no ngge fwa a nye jan a bon be nobǝ ekǝ̀n, nye bwa e jan.”
16Enona, Bulu è nyi etkyen, nè ti re bu mbwe etkyen abu be e kpo nya nè jan, “A nye be ya a Esǝrela ngge be ya e fwa be ya a Esǝrela ra ya e tsen Ehwya anga, nye buton nye e fo m. 17Ehwya nwene a je ya a Esǝrela fen anga, è swa be ebǝ ata mo je nè bwe be, be tu bi adi efim ngge chu evǝ́m atan a bè no a Masa ángá, kǝnggwa, ngge be moeditanm echakpokpo, gè du be vǝ́ a je adi eyasǝnsen hon eni. 18Gè bon-ekǝ̀n ngge be a chu be mò a bè bwe anga mo je gwi ndwe (40) a tswa tswavǝ́n. 19Kǝnggwa gè nyonvǝ́ be efi chwen a fà a Ka-ana, a sǝnsen mo be, nè ti sǝnsen hon no ya a Esǝrela abu mofǝ́n mo be. 20Be mò hon ena è ti be je gwé ndwe ngge gwi chwen (450).
“Chashin mo nó, Ehwya è no be be ekpenkǝ́n be e dwatì a chu be ti kengga adi ekpengga mo efojan Samela. 21Kǝnggwa be nobǝ è nda Ehwya nè no be tì. Ehwya è no be Shawulu nwen mo Kishi adi efi mo Beyami, gè dwatì mo je gwi ndwe (40). 22Atan a gè tivǝ́ ara Shawulu adi tì ángá, ge ti Dawuda dwatì a chu be. Ehwya è jan fwa a chu ye jan, ‘M ben ara Dawuda nwen Jesi, nobǝ e dgyan m anga àywá, ga bwe binbin mo be mò a m dgyan ge e bwe ángá.’
23“A tswa be ebi mo ende ena, Ehwya è ti Yeso Etivǝ́ bwa be ya a Esǝrela, abu gè senvǝ ángá. 24Atan a Yeso hon è chà bwa ye ra ángá, Yohana ya Batisǝma è du edgon a zǝn binbin mo ya a Esǝrela jan be e twa etwa evǝa be e bwe be batisǝma. 25Abu Yohana è tén ara ge bwe a gu mochi mbwe ángá, gè ka be nobǝ eka jan, ‘Nye ka anga jan a me ma ara? É yé, a me m fwa m ende nwene a bè jan ga bwa ángá ra. Tea a dgyen ye fon ra ga bwa chashin mam, ende a kpumo a tkyafù mbwe m kǝn m a ma fken ye ra ángá.’
26“Be nwenjwa m ya, mbǝgya mo Ebrayi, ngge a nye be ya e fwa be ya a Esǝrela ra, ya e tsen Ehwya anga, fwa mo ega ena, bè tson nó bwa a zǝn je. 27Be nobǝ a Urishelima ngge be chutì mo be, è di be Yeso abu Etivǝ́ ra. Tea bè kpèn ye kǝ́nfǝ, ngge adi ebwem enò, bè bwekǝ̀n ara be fwa mo be efojan a be ká bwi anga adi egwa egwa mo Nò nya Etkem ángá. 28Bi adia a bè ben be ye ngge edan nwone e kǝn ra be e gu ye ra ángá, bè jan Bilatu ge e du be e gu ye. 29Atan a bè bwe gu ara binbin mo be mò a bè bá a chu ye ángá, bè ti ye shwa a sen a chu eswafǝ hon nè ti ye twà a tswa dì. 30Tea Ehwya ti ye nyi etkyen a dì angǝ hon. 31Tsǝnò embo, gè no tú chu ye anga a zǝn be ya è vǝ ngge ge a Galili bwa Urishelima ángá. Be nga ara be eyifwa mbwe a zǝn be yamuje asuswana.
32“Je jan nye anga Fwa Esese hon, jan mò a Ehwya è senvǝ ngge be ebǝ ata mo je ángá, 33ge bwekǝ̀n ara je nó, a zǝn je be mbǝgya mo be, adia ge ti Yeso gwa ara a je a dì ángá. Abu bè bá nó no adi Afketa mo Bón ebwikwa fà,
“ ‘Wa Nwen m,
Nòmo m nga ara àtà mbo.’
34A chu etkyen enyim mbwe a dì ngge efkwam a gè jan ga fkwa ye ra ángá, Ehwya è jan,
“ ‘Ebi, ma bwe a jwa nye be nobǝ
mam abu m̀ senvǝ ngge Dawuda anga.’
35Ge no ebam chá efki adi bón jan,
“ ‘Wa gwa mbo Echwanwenwen Akan
mbo ge e fkwa a dì ra.’
36“Atan a Dawuda è bwekǝ̀n ara mochi mo Ehwya a gè chà no angǝ ángá, gè fǝ, bè di ye ngge be ebǝ ata mbwe, ekǝnjuju mbwe è fkwa a dì. 37Tea Ende Akan nwene a Ehwya è ti ye nyi etkyen a dì ángá, è fkwa ye ra.
38“Enona, be nwenjwa m ya, m dgyan anga binbin mo nye, nye e yi jan, je jan nye anga jan, Ehwya a gwa a no nye be ebgen mo nye, adi efka mo mò a Yeso è bwe ángá. 39A chu ye gaten, egwa egwa e tsǝ́ekǝ̀n, ben ara ejan-gwam a chu egwa egwa mo be mò, a edon mo Mosa è jan-gwa ti ye nye ra ángá. 40Enona, nye bgeshi fǝzǝn, afwa fwa a Ehwya è jan adi be afketa mo be efojan ángá, a bwe ngge nye. Bè jan,
41“ ‘Di, a nye be ya e janbgen be nobǝ anga,
atan a Ehwya a kpèn nye kǝ́n ángá,
nya di mo ebwikpe ngge nya tkò.
Adia ma bwe mò akan adi ekǝn mo nye,
a nya tsǝ́ nye ekǝ̀n jan ma bwe ángá ra,
èé ano ende akan jan nye.’ ”
42Abu Bulu ngge Banaba è gwa anga a je mo àtá chuefǝnm hon ángá, be nobǝ hon è bgó be jan be e bwa e jan e bishi be fwa a chu mo be mò ena efwe Nò nya Etkem efki e nyabwa ángá. 43Atan a be nobǝ hon è nya gu ara ángá, be ya a Yahuda embo ngge be ya è twanga bwa kwa no nè chifǝ anga adi efen yishwa mo be ya a Yahuda ángá, è ba Bulu ngge Banaba. Be Bulu hon, è janbon be ekǝ̀n jan be e no e kpwà adi shwa enyim a chu esese mo Ehwya.
44A Nò nya Etkem efki è twabǝ bwa ángá, binbin mo be nobǝ a tswa eten efifi hon è bwa fǝn evǝa be e fo fwa mo Ehwya. 45Atan a be ya a Yahuda è di be nobǝ embo hon ángá, bè ngǝ engǝbgen àywá, nè jangben fwa a Bulu è jan anga nè tsu Bulu tutu.
46Ekǝnggwa be Bulu ngge Banaba è jan fwa ngge echakpo jan, “Ehwya è du ara je jan je e kwafya e jan nye fwa mbwe, tea nye segwa ara fwa hon. Nye tú ara jan nye kǝn nye nye e no zǝno e no a fwa efwam ángá ra. Enona, asuswana, je twanga nya ara a zǝn be ya e fwa be ya a Esǝrela ra ángá. 47Adia ena a mò a Etsodwe du je jan,
“ ‘M du o we no enggasansan a zǝn be ya
e fwa be ya a Esǝrela ra ángá,
abu wa no ende nwene a ti fwa mo
nya e no a fwa efwam ken a ngga
ekǝn-etkyen mo zǝnchaje.’ ”
48Atan a be ya e fwa be ya a Esǝrela ra è fo fwa ena ángá, bè shánju àywá nè digǝ̀n fwa mo Etsodwe, ngge binbin mo be ya e no ara jan ba ben nya e no a fwa efwam ángá è tsǝ́ekǝ̀n.
49Fwa mo Etsodwe è kwa kǝ̀n gu efa hon. 50Tea be ya a Yahuda è tú be ndegwa ya egǝ̀n, ya e tsen Ehwya anga ngge be atkwen nobǝ be ndedon mo eten efifi hon etsǝn. Bè du be nobǝ be e tswa Bulu ngge Banaba fí nè nyo be e vǝ́ a je mo efa mo be. 51Enona, atan a Bulu ngge Banaba è bukǝ́n ara abubwi a kpwafu mo be, e tú echi jan fù èé bu mo be dwa a je a chu mò a ben be ángá, bè nya m̀ mo be ken chá Ekoniya. 52Bi adi enò, be ya ekǝ̀n-etsǝ́m a Antakiya è no ngge vǝtsen nè mbo ngge Engǝ́ mo Ehwya.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2024 Luke Initiative for Scripture Translation