2 थिस्सलुनीकियां 2
2
विनाश चा पूत
1 #
1 थिस्स 4:15–17
ओ माये भऊ ते ब़ेहणीया, तम्ही आपणे प्रभु ईशु मसीह चे आणे ते ओचे आपणे भेले हुवणे चे बारे मां तम्हा कनु विनती करु पले, 2कि कुई आत्मा चे लारे केहली आली बात, जा वचन, चिठ्ठी चे जरिये जको मना अम्ची ओर कनु, ईं समझती कर कि प्रभु चा ङिओ आती पुज़ला, तम्चे मन हेकदम भिले ना रेहती जाओ, ते तम्ही ना घब़राजा। 3कुई रीति लारे काये धोक्के मां ना आजा, कांकि ओ ङिओ नी आवी, जब तक धर्म चा त्याग ना हो ते ओ पापा चा मर्द यानि विनाश चा पूत प्रकट ना हो। 4जको विरोध करे, ते हर हेक कनु जको ईश्वर जा पूजनीये किहवावे, आपणे आप नु बङे ठहरावे, इठे तक कि ओ नरीकारा चे मन्दरा मां ब़ेसती कर आपणे आप नु ईश्वर ठहरावे।
5का तम्हानु याद कोनी, कि जिसे बेले मैं तम्चे गोढु थिस्सलुनिके मां हुता, ते तम्हानु ये बाता केहता? 6ते हमा तम्ही वे चीजे नु जाणा वी, जको ओनु रोके पली, कि वा आपणे ही समय उपर प्रकट हो। 7कांकि अधर्म चा भेद हमा वी काम करे, पर हमा हेक रोकणे आला छै, ते जब तक ओ दूर ना हुती जई, ओ रोकली रिही। 8बल्ति ओ पापा चा इन्सान शैताना ची ताकत लारे प्रकट हुवी, जानु प्रभु ईशु आपणे फूके लारे मारती नाखी, ते आपणे आगमन चे तेज लारे भसम करती नाखी। 9#मत्ती 24:24ओ अधर्मीया चे आणे शैताना चे कामा चे अनुसार सारे तरीके ची कूड़ी सामर्थ, ते चैन्ह, ते निराले कामा चे लारे। 10ते नाश हुवणे आला चे वास्ते अधर्म चे सारे तरीके चे धोक्के लारे हुवी, ते वे नाश हुवी पले कांकि वाने सच्चाई चे प्यारा नु कोनी मनले, जाये कनु वांचा उद्धार हुवणा तां। 11ते यूंही नरीकार वांचे मां हेक भटकाणे आली सामर्थ नु भेज़ी ताकि वे कूड़ा उपर भरोसा करो। 12ते जितनी बन्दी सच्चाई उपर भरोसा ना राखी, अधर्म चे कामा कनु खौश हुवी, वे सारे ङण्ड चे भाग़ी हुवे।
मजबूत बणले रिहा
13हे माये भऊ, ते प्रभु चे प्यारे लौक, चाही छै कि अम्ही तम्चे बारे मां सदा नरीकारा चा धन्यवाद करते रिहुं, कांकि नरीकारा ने आदि कनु तम्हानु चुणती गेले, कि पवित्र आत्मा चे जरिये पवित्र बणती कर, ते सच्चाई उपर भरोसा करती कर उद्धार पावा। 14जाये वास्ते ओणे तम्हानु अम्चे सुसमाचार चे जरिये हकारले, कि तम्ही अम्चे प्रभु ईशु मसीह ची महिमा नु प्राप्त करा। 15ऐवास्ते हे माये भऊ ते ब़ेहणीया, टिकले रिहा, ते जको-जको बाता तम्ही का वचन, का चिठ्ठी चे जरिये अम्हा कनु सिखलीया, वानु तम्ही पकड़ली रिहा।
16अम्चा प्रभु ईशु मसीह आप ही, ते अम्चा ब़ा नरीकार, जेह्णे अम्चे लारे प्रेम राखला ते अनुग्रह चे लारे हमेशा ची शान्ति ते आच्छी आस ङिली, 17तम्चे मना मां शान्ति ङियो, ते तम्हानु हर हेक आच्छे काम, ते वचन मां पक्के करो।
Currently Selected:
2 थिस्सलुनीकियां 2: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
