1 तीमुथियुस 3
3
कलीसिया चा प्रधान
1हा बात सच्च छै कि जको कुई कलीसिया चा मुखिया बणना चाहवे, हा ब़ोहत आच्छी बात छै। 2#तीतु 1:6–9ऐवास्ते जरुरी छै कि मुखिया निर्दोष, ते हेकी ही घराआली चा मोणस, संयम राखणे आला, समझदार, इज्जत करने आला, मेहमानी करने आला, ते सिखावणे मां आच्छा हो। 3पीणे आला ते मारपीट करने आला ना हो, बल्कि ओ तां दयालु ते शान्ति लारे रेहणे आला नर्म हो, ते ना लालची हो। 4आपणे घरा ची आच्छी ङेखभाल करता हो, ते आपणे ब़ाला नु गहराई लारे आपणे बसा मां राखता हो। जाये कनु ओची ब़ाले ओची इज्जत करो। 5कांकि कुई आपणे घरा ही चा प्रबन्ध ना करने जाणता हो, तां ओ नरीकारा ची कलीसिया ची रखवाली किवें करी? 6बल्ति हा कि नवां सिखणे आला चैला ना हो, इसड़े ना हो कि, अहंकार करती कर शैताना जिसड़ा ङण्ड पाओ। 7ते ब़ाहर आला मां वी ओचे नां आच्छे हो, कङी इसड़े ना हो कि दोषी हुती कर शैताना चे फन्दे मां फसती जाओ।
कलीसिया चा सेवक
8यूंही सेवका नु वी आच्छे विचारा चे हुवणे चाही छै, जाई बाता उपर भरोसा करला जाओ, ङोन रंगी ना हो, पीणे आला ना हो, ते नीच कमाई चा लोभी ना हो। 9पर याहनु तां नरीकारा लारे प्रकट हुले विश्वास चे भेद नु शोद्ध विवेक लारे सम्भालती राखा। 10ते ये वी सारा महु पेहले अग़ुवा चे आलीकर परखले जाओ, बल्ति अगर निर्दोष निकलो, तां वे कलीसिया चे सेवक चे रूपा मां काम करो।
11यूंही असतरीया नु वी इज्जतदार हुवणे चाही छै, दोष जा चुग़ली करने आली ना हो, पर होशियार ते सारीया बाता मां इमानदार हुवणी चाही छै।
12कलीसिया चा सेवक हेक ही घराआली चे मोणस हो ते ब़ाला-ब़च्चा चा ते कुणम्बे चा आच्छा प्रबन्ध करना जाणते हो। 13कांकि जको कलीसिया चे सेवक चे कामा नु आच्छे तरीके लारे कर सग़ो, वे आपणे वास्ते आच्छे पद्द, ते जको ईशु मसीह मां विश्वास छै, वे बङी हिम्मती लारे ब़ोल सग़े।
हेक बङा भेद
14मैं दुधे गोढु जल्दी आणे ची उम्मीद राखणे उपर वी ये बाता तनु ऐवास्ते लिखे पला, 15कि अगर माये आणे मां देर हुवे तां तु जाणती गिहो, कि नरीकारा चा कुणम्बा, जको जीते नरीकारा ची कलीसिया छै, ते जको सच्चाई चा खम्बा, ते नीम छै, ओचे मां किसड़ा बर्ताव करना चाही छै। 16ते ऐचे मां कुई शक्क कोनी, कि भग़ती चा भेद गम्भीर छै,
यानिकि मसीह जको शरीरा मां प्रकट हुला,
पवित्र आत्मा मां धर्मी सेद्ध ठहरला,
स्वर्ग़दूता नु ङिसला,
नेरीया जातिया मां ओचा प्रचार हुला,
संसारा मां ओचे उपर विश्वास करला गेला,
ते महिमा मां उपर चवीला गेला।
Currently Selected:
1 तीमुथियुस 3: ODR
Highlight
Copy
Compare
Share
Want to have your highlights saved across all your devices? Sign up or sign in
CC BY-NC-ND 4.0
