1 कुरिन्थियां 3

नरीकारा चे दास लौक

1हे माये भऊ, मैं तम्चे लारे ये रीति लारे बाता नी कर सग़ला, जिंवे आत्मिक लौका लारे करजेवे पर जिंवे संसारिक लौका लारे, ते वांचे लारे जको मसीह मां ब़ाला आलीकर छी। 2#इब्रा 5:12,13मैं तम्हानु ङूध पिलाले, अन्‍न कोनी खुलाला, कांकि तम्ही ओनु ना खा सग़ते, बल्कि हमा वी ना खा सग़ा, 3कांकि तम्ही हमा तक संसारिक छिवा। ऐवास्ते कि जब तम्चे मां जलन ते झग़ड़े छी तां का तम्ही संसारिक कोनी? तां का संसारिक इन्साना ची रीति उपर ना चला? 4#1 कुरि 1:12कांकि जब हेक किहे, “मैं पौलुस चा छै,” ते ङुजा किहे, “मैं अपुल्‍लोस चा छै,” तां ऐवास्ते सुभाव मां का तम्ही बेलकोल संसारिक इन्साना आलीकर ना हुले?

5अपुल्‍लोस कूण छै? ते पौलुस कूण छै? सेर्फ सेवक, जाये जरिये तम्हा लौका ने विश्‍वास करला, हर-हेक ने प्रभु चे जरिये सोंपली गेली जिम्मेवारी नु निभाले। 6#प्रेरि 18:4–11; प्रेरि 18:24–28मैं राहले, अपुल्‍लोस ने पाणी लाले, पर नरीकारा ने बधाले। 7ऐवास्ते ना तां राहवणे आला कोच्छ छै, ते ना पाणी लावणे आला, पर सेर्फ नरीकार जको बधावणे आला छै।

8राहवणे आला ते पाणी लावणे आला ङुंहु चा मकसद हेको ही हुवे, पर हर हेक बन्दे आपणी मेहनती चे अनुसार आपणी मजदूरी गिही। 9कांकि अम्ही नरीकारा चे भईवाल छिऊं।

तम्ही नरीकारा ची भोंये छिवा, तम्ही नरीकारा चा भवन वी छिवा।

10नरीकारा चे ओ अनुग्रह चे अनुसार मैं ब़ुध्दिमान मिस्त्रीया आलीकर नीम घाली ते ङुजे ने ओचे उपर रद्दा मेहले पला, पर हर हेक इन्सान चौकस रिहो, कि ओ ओचे उपर किसड़ा रद्दा मेहले पला। 11जको नीम नाखली गेली, विचे अलावा कुई वी बन्दे नेरी नीम ना नाख सग़ी, खौद्द मसीह ईशु ही वा नीम छै। 12ते अगर कुई ये नीम चे उपर सोने जा चान्दी जा बेशकीमती पत्थर जा लाकड़ी जा पूला ची कखे जा खड़ मेहले, 13तां हर-हेक चे काम प्रकट हुती जई, कांकि ओ न्यां चा ङिओ ओनु बावड़ी, ऐवास्ते कि जाखते लारे प्रकट हुवी ते ऊं जाखते हर-हेक चे कामा नु परखी कि किसड़े छै। 14जाये काम वे नीम उपर बणले आले मजबूत रिही, ऊं मजदूरी गिही। 15ते अगर जाये काम ब़लती जई, तां ऊं नुकसान चवी, पर ऊं आप बचती जई पर ब़लते-ब़लते।

16 # 1 कुरि 6:19; 2 कुरि 6:16 का तम्ही ना जाणा, कि तम्ही नरीकारा चा मन्दर छिवा, ते नरीकारा ची आत्मा तम्चे मां बसे पला? 17अगर कुई नरीकारा चे मन्दरा नु नाश करी, तां नरीकार ओनु नाश करी, कांकि नरीकारा चा मन्दर पवित्र छै, ते ओह तम्ही छिवा।

18कुई आपणे आप नु धोक्‍का ना ङियो। अगर तम्चे महु कुई ऐ संसारा मां आपणे आप नु ज्ञानी समझे, तां मूर्ख बणो कि ज्ञानी हुती जाओ। 19कांकि सच्‍च ईं छै कि संसारिक ज्ञान नरीकारा ची नजरी मां मूर्खता छै, जिंवे पवित्रशास्त्रा मां लिखले पले, “नरीकार ज्ञानीया नु वांची चतराई मां फसाती नाखे।” 20ते ईं वी, “नरीकार जाणे कि ज्ञानीया चे विचार बेफालतु छी।” 21ऐवास्ते लौका चे कामा उपर गर्व ना करो, कांकि सब कोच्छ तम्ची भलाई वास्ते ही छै। 22का पौलुस, का अपुल्‍लोस, का कैफा, का संसार, का जीन्दगी, का मरण, का वर्तमान, का भविष्य, सब कोच्छ तम्ची भलाई वास्ते ही छै। 23ते तम्ही मसीह चे छिवा, ते मसीह नरीकारा चा छै।

Currently Selected:

1 कुरिन्थियां 3: ODR

Highlight

Copy

Compare