Lɔmà Nsɛmà

Nsɛmà

Mbul ikikye ungö a nkweel anà ngwiiyà a Klistɔ, ikamɛnà naa Ayudà abà bàbulà aŋàlàkwikilà, asànaa Akilas anà Priska (Isal a Antööm 18.2), bàsɛmà mupay Làsaŋ Aŋàbwaŋ u Lɔmà. Kyakin Ikööŋ atàtwɛb kyàkäl kya kwo, umpal kàlɔɔŋà Pɔl u Siri, u Azi Ikikye anà u Ngɛlɛsi. Nzam kun'pɛ buur mukyà « tii u ntsüü a mɛn ». Lalan kàkwen nde mukyà Lɔmà anà Ɛspanye. Ntɔn muyöŋà nkyeen ande, nde kàsön un'kaan aà kaŋàlàkwikilà a Lɔmà, « akà bɛ baar làbà u Lɔmà »

Uboo a un'kaan ande, Pɔl akaswaŋà naa isal ande kyà ntööm a baar mpa abà Ayudà kyà aben, nde kan'tsülà abà: Làsaŋ Aŋàbwaŋ là ngwal ufàsyääl Nzam ntɔn mutswà mɔ̈ɔ̈ a baar banswà abye anà làkwikilà, Ayudà utàtwɛb, wee sye anà baar mpa abà Ayudà.

Ndaa a ilwaŋ a Ayudà anà baar mpa abà Ayudà, ntɔn muyöb naa nkääl a baar mpa abà Ayudà abà bàbulà aŋàlàkwikilà ikal aben kusà a un'kɔɔn a Ayudà, yàkäl ndaa a kölàköl utaaŋ a aŋàlàkwikilà bàtàtwɛb. Pɔl kàsön ya sye unsà in'kaan ande myumwɛy asànaa Ngalàtyà. Apà nde akyeyà u mbalà mwɛy naa Làsaŋ Aŋàbwaŋ kàtwääl nde là ntɔn baar banswà ukɔɔn nsɔ̈ɔ̈l. Nde wàmubaal naa Nzam afàtswà mɔ̈ɔ̈ a mbuur wanswà awà afàsà mpem akà Nde, itàkal naa nde wà nà.

Currently Selected:

Lɔmà Nsɛmà: YNS

Highlight

Copy

Compare

Want to have your highlights saved across all your devices? Sign up or sign in

Learn More About Bible Iyansi

Lɔmà Nsɛmà

Popular Bible Verses from
Lɔmà Nsɛmà

Bible:

Yansi

Version: Bible Iyansi - YNS

Lɔmà Nsɛmà

Lɔmà Nsɛmà

Popular Bible Verses from Lɔmà Nsɛmà

Bible:

Yansi

Version: Bible Iyansi - YNS

Lɔmà Nsɛmà

Popular Bible Verses from
Lɔmà Nsɛmà