Yona 2
2
Lusambulu lu Yona mu vumu ki mbizi
1Buna Yave wufidisa mbizi yinene yimina Yona#2.1 Buku kiaki kisonamene diaka mu Matayi 12.40. Mu tsekodolo zinkaka 2.1 disonamene mu 1.17: 2.1-11 yibalukidi 2.1-10.. Mu lumbu bitatu bi muini ayi bi builu, Yona wuba mu vumu ki mbizi. 2Kuna kasambila Yave, Nzambi andi:
3«Bu ndiba mu phasi
Minu ndiboka kudi ngeyo, Yave
Buna wuphutudila.
Mu vumu ki tsi yi bafua
Minu nditomba lusadusu buna
Wuwa mbembo ami.
4Wundoza mu m'bu,
Mu phinda nlangu.
Wuviokisa va minu mayo.»
5Ndikitubila: «Ndozolo
Thama ayi ngeyo,
Yave, vayi thidi buela
Mona nzo aku yi nlongo.»
6Nlangu wutula
Nate va mvudi. M'bu
Wundiamisa, biti
Binlalama va Mbata
Nlangu bizingalakana ku ntu.
7Ndikulumuka va
Thonono miongo,
Tsi yi bafua yizibika mielo
Mu thangu zizio va minu,
Vayi ngeyo Yave Nzambi ami,
Wuthombula wumoyo
Mu phinda.
8Mu thangu moyo weti suka,
Mbambukidi moyo kudi ngeyo,
Yave, ayi lusambulu luami
Lutudidi ti kudi ngeyo,
Mu nzo aku yinlongo.
9Babo bansambilanga
Nzambi Zi biteki banzimbisanga
Ndunzi yi phulusu.
10Vayi minu mandiyimbila
Mbambukulu Ami yi moyo,
Mandiyokila nkayilu,
Mandi simbidila
Zitsila zindisila!
11Mu lutumu lu Yave, mbizi wuluka Yona va ntoto wuyuma.
Currently Selected:
Yona 2: YOM-CD
Highlight
Share
Copy
Want to have your highlights saved across all your devices? Sign up or sign in
©2024 Seed Company in coordination with Forum Communautaire des Traducteurs de la Bible et Alphabétisation
