Romains 11
11
Nzambé asikiné éongo éaIsraél
1Me Paul natsapéô mbe ?tambô Nzambé amakina omedi ana aIsraël-a? Aé, asiakiné. Memuene Paul nandé môsi éongo éaIsraël. Tétene éami te Abraham. Ebôtee éami te Benjamin. 2Nzambé asikiné omedi, ane amasevoa angô va mbeego mbe: adua te omami. Nôsabômu éne émasemba Elie Nzambé gôndé ana aIsraël ématendu gô Matendeo maNzambé. 3Elie angô mbe: Kumu, adua amani éyôha apandôédi amatasa moo. Adua amani épanza évumbéô éogondoku émaneegedu inee éoo. Me Elie, nasanéyi te memuene na koo. N’ahngô abuta éyôha me. 4?Nzambé amamôaabéa mbe ndé? Nzambé angô mbe: Me namakenea gô inami mitônisa tsambué mioma. Ahsisibé mabongo maô gôéneegeda mbumbane ééndô mbe Baal. 5Menyani mbe na gô ndéô nedué éndé te nane. Nzambé andéké n’okabôe wedi, buéyé mbe ôgeôge, ômasevoa angô gô ngeba yedi. 6Amasevoa omedi gô ngeba yedi, kaka gô ényepa éaô gômbe ngeba yaNzambé dienanô mbe te ti ndi ngeba. Mbe amasevoaka omedi gô mayanza maô mamisôba, ngeba yaNzambé mbe disamenyanganô.
7?Tôngeenda nayee? Ana aIsraël asidiia éne émabuta ahngô. Ane amadiiani te ane amasevou na amuene Nzambé. N’ane amasanéani atsapéô ti tsapéô asoongôa éditéga. 8Matendeo MaNzambé matônigôa mbe: Nzambé amakoa édidie éaô ga éndé gô vio. Amakoa ahngô mbe ngu na deo, miso mayeeni mamakoga maka mapogu. Na matô mayookia mamakoga maka mandiba. 9Tétee éasô David amavovo mbe:
Enbaga mbe mĂ´yakĂ´e waĂ´ Ă´ngakoga Ă´ka pagĂ´ na Ă©tambĂ´ gĂ´mbe angakuba na angeetsĂ´ tsĂ´gĂ´Ă´.
10Engaba mbe miso maô mangeeméga na asangadôena.
Engaba mbe akotomo gédundé te gô magumba maô.
11Me Paul natsapéô. ?Vamapônga Ajuif amakuéa te môbô, gétimôgé-a? Aé. Angatimôga. Ivô gô gékôbage saô avo oma ameetsô géobogeo, te mbe Ajuif angeenda tsingayi gôénikéa édiia sangô. 12Gékôbage sAjuif gémakoga géka ébégô éamôsôba gôényepeda édidie éoma muetso. Gômasugédu Ajuif te avo oma amadugu ôkitie gô édidie éaô. Okô mbe gô gékôba sAjuif avo amanyepedu, tambô na gô géobogeo sAjuif éngootéa ényepa.
GĂ©obegeo sane asaba Ajuif
13Me Paul navovo éva n’anye nôsaba Ajuif. Jésus-Christ amakudéga me gôétsua tsangône éedi na gôndé ane asaba gô éongo éAjuif. Na memuene natsôkéa gôékuméda éyanzee éne émeetsô me. 14Me nanyôngéô ényiméda asi éongoe yami gômbe angabuta éba mônongovo gandé ane asaba Ajuif. 15Ekegea te nane. Gô ndéône émakôngéga Nzambé Ajuif na va kôbangô, oma muetso amanikéa évambédu n’amuene. Tambô gô ndéône éngawasedu Ajuif na gôndé Nzambé ?ésangootéa ényepa gôndé oma muetso-a? Engootéa ényepa. Ane ambaka g’ôwa angaba na monyo.
16Okô gébéndéké samôpemba gépanga ékitsôni gédeekedu na gôndé Nzambé, tambô na môpembee wetso ôkitsiôni ta aNzambé. Okô mitambamie miegéétété mideekedu na gondé Nzambé, tambô na mitabémie mietso te miaNzambé. 17Ana aIsraël agono na géétété gééndô mbe olivier. Tôkanéga na ôsagu. Osagu ôkeneo na kumu angô. Mivô mitabé amikeeda. Anye nôsibôtu gô éongo éAjuif nôgono na mitabé miovendo miviaganédu gô môkuba osagu na mibongou na mitamba miosagu.#11:17 Gôényepeda éététée éamiônda môma aviaganéda mitabé miamisôba gô makitséôme makeediô mitabé misabôtani. Gô suada mbe, greffé. 18Tambô ômbieeséda mitabé mimakeeduni. ?Ongatsôkima nayee? Kaka éwe ôdôngéda mitamba, ivô te mitamba midôngéda éwe.
19Mavooe ôngatsapéô mbe: ?Tambô mitabémie mine misikitsô gôndé me mbe naviagana na miangô va makitséôme maô-a? 20Ii, éndé te nane. Miangô mimakitsôkô te gô paga yaô. N’anye nômaviagana na miangô gôsitsumé anye Nzambé paga. Ivô nôwema kabaga nôba na nyemo. Digaani na gomo n’egobeda. 21Okô Nzambé asidagéô gôékeeda mitabémie mimabôtu na géétété, te Ajuif, asangadagéô gôékeeda na mine mimananéguni, te anye nôsibôtu gô éongo éAjuif. 22Tasani gatubéda Nzambé wa n’anyô ngeba yedi na ôpisedi. Andé n’opisa gôndé ane amakubani. Andé na ngeba gondé anye nômôgobeda n’etondo. Digaani gô ngeba yedi kabaga anye nôkeedu gakeedu mitabémie. 23Okô Ajuif atsiki paga yaô anganikéa énanégu gô môkuba ômabakangô. Gôébégô Nzambé andé na ngudi gôénikéda ahngô na gô étengue éaô. 24Anye nôsibôtu gô éongo éAjuif, nôndé môtabé ovendo. Na ômakeedu g’ôveendo gôénanégu gô môkuba osagu. Nôsibôtu g’ôsagu. Géé Ajuif te ane amabôtu g’ôsagu. Vamakeedu ahngô gakeedu môtabé, ésangadaga gôénikéa énanéga ahngô gô étungue éaô.
V’ekôdéô ana aIsraël angoobou
25Anee aTeétee n’ami ôôkôni ébégô édué éapie ésinigôganéô na muetso. Kabaga nôba n’etasa mbe we tômani étsiga v’ekôdéô éodo, nanôomba énigôa ébégô édué. Okabô ôvo éongo eaIsraël asangoongôa éôkô. Vangadugu ôkabôe ane asibôtu gô Ajuif amaviga na gôndé Nzambé gô géobogeo, na vane Ajuif angookô. 26Eenakani gangoobou ana aIsraël muetso gatônigôu na Matendeo maNzambé mbe:
Mooboyi angaviga go Sion
Anganôtôa ébévee éana aJazob
27Oôkoni éngavamba me n’angô
Vanôtôa me ébévee éaô.
28Gôénôyuua g’ôpisa aNzambé gô ndéô nedué, Ajuif aka adudeo aNzambé gôébégô amakina Tsangô éedi Eamôsôba. Ivô gô ngudi yatétee yaô, Nzambé anyôngéô Ajuif na amasevoa ahngô. 29Nzambé asamenya éwata éne émeetsa angô oma na asakoa matasa medi gôndé ane amabambéa angô. 30Va mbeego anye nômakina ôgi aNzambé ivô ndéô nedué nôndé nôenanô na Nzambé ngeba gôébégô Ajuif amamôkékôéa. 31Buéyé na ndéône asamôgobeda gômbe anye nôngeenanô na Nzambé ngeba. Na mbe n’ahngô muetso angeenanô ngebaye yedi. 32Nzambé amasinga mbe oma atsôpu muetso te mônongovo gô tsôgôô éagékékôéôge saô gékékôa ahngô ôgie wedi, gômbe ngeba yedi dingeenanô dôta gôndé muetso te mônongovo.
Kumu angudi yetso andé n’ondômba ôvôni
33Me Paul nasôbasôbana gôébégô ôkitie ôndé na Nzambé ôndé ti ôvôni. Eodo éedi éôtéa émenya mabégô metso. ?One anganigôa matasa medi, indaa? ?One angamenya mane mavangangô indaa? 34Te gatônigôu na Matendeo MaNzambé mbe:
?Matasa maKumu mamenyanganĂ´ na ndaa?
?AngĂ´ oongu ndongi nandaa?
35?One angapanga émôétsa sôma, aténdédaka mbe me nanganikéa éétsô, indaa?
Nzambé te môpangine éétsa.
36Gôébégô éetso éviga te gôndé angô. Na éetso édônga te gô ngudi yedi na gô géneega samuene. Ondômbee wetso ôbaké gôndé Nzambé môbô na môbô. Amen.
Currently Selected:
Romains 11: TSV
Highlight
Share
Copy
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
