Gétsutsuéô 5
5
Migandamie na Môpaga Endombo
1Me Jean nameena ône andé digaa gô gédigaa sokumaka asumbéda miganda mimavutégu môvutégu g’ôgogo edi ômôgôô. Gô miangô mimatendu gô gatse na va ngongo. Môvutégue ône ômakatôkô mikatékô tsambué. 2Nameena dôta môsi g’ôba avigédu na Nzambé. Na ngudi yedi dipôni amaadôngana mbe: ?One andé kuanakue gôékatôa mikatékô miemi na gôépunzua miganda miemi indaa? 3Ivô gôsibé môma akuanakue gôémipunzua na gôémibono va gatse. Béyé mbe môsi g’ôba, buéyé mbe môsi gô tsina, béyé mbe môsi gô tsengene éane amawani, gôsibé môma ta na môvo. 4Namadéa gégeto gôébégô gôsibé môma akuanakue gôépunzua môvutégue amiganda na gôémibono va gatse. 5Na vane, môvo va gatse apeeye amavovo n’ami mbe: Ombiadéa. Bonoko. One eendô mbe Gémbungu seongo éaJuda, Muana aMotômine David, angô amadiia gô ébadie émagényuni, te angô angoongôa ékatôa mikatékômie tsambué na épunzua môvutégue amiganda.
6Nameena Môpaga Endombo ôndé môtie va mbene agédigaa sokumaka. Na ômasetu na éôma énayi évégumani na peeye. Môpagee ône ômabaka eembe ômayôhuni. Omabaka na tséba tsambué na miso tsambué te édidi tsambué éaNzambé émakudégu ne gô tsenge yetso yagô tsina. 7Môpagee ômawesea gôébongo migandamie mimabaka g’ôgogo ômôgôô one andé digaa gô gédigaa sokumaka. 8Eôma énayi évégumani na nzima dibaé yapayi na payi dinayi muetso ahmasiba mabongo maô va mbene aMôpagee vamabongo angô migandamie. Ahngô muetso amabaka na ngombi yaô. Amabaka na ébungu éaô étumbu sôma sambônga éamôsôba te disambô yasi mbumu éaNzambé. 9Ahmatôa émbô éamanza mbe:
Ii, te éwe, gôndé éwe te kuanakue gôébongo migandamie na gôépunzua mikatékômie.
Gôébégô éwe te ômayôhuni.
Na g’ôwee woo ômavanéa Nzambé gôndé omedi.
Gôndé omeaa amasevou gô mongo metso na gô yôgi yetso na gôndé oma muetso atsenge yetso yagô tsina.
10Omakoa ahngô aka ti asungéyi oma va mbene aNzambé gôéyanzéa Nzambé asô.
Te angô angatômaka gô tsina.
11Me Jean namoomba ébono. Namookô te asi g’ôba ayanzi aNzambé ayekani atôa émbô. Amabaka nzima yamitônisa na mitônisa miagétangégégé. Amaseta gédigaage sokumaka na yôma évégumani na peeye. 12Amatôa na gényônga gémootéani mbe:
Môpanga Endombo ômayôhuni
Te angô ôndé kuanakue gôéétsô ôtômue wetso,
Na ôkitie wetso, na éodoe éetso, na ngudiye yetso,
Na ôkumakee wetso, na ôndômbee wetso, na géneegage setso.
13Namoomba éôkô yene émbô. Namookô éetso évégumani éag’ôba, na éagô tsina, na éagô gatse atsina na éagô tsina ambéyi, ti éetso émavangangô gô tsinane nyetso ématôa émbô mbe:
Gôndé ône andé digaa gô gédigaa sokumaka
Na gôndé Môpagee,
Te mbe géneegage setso, n’okumakee wetso,
Na ôtômue wetso ôbaké gôndé ahngô môbô na môbô.
14Eôma énayi évégumani émaabéa mbe: Amen. Na peeye ahmasiba mabongome gôémôneegeda.
Currently Selected:
Gétsutsuéô 5: TSV
Highlight
Copy
Compare
Share
Want to have your highlights saved across all your devices? Sign up or sign in
Alliance Biblique du Gabon (Bible Society in Gabon) 1983
